சர்வதேச குத்துச்சண்டை அசோசியேசன் வெளியிட்டுள்ள தரவரிசையில் மேரி கோம் 1700 புள்ளிகள் பெற்று நம்பர் ஒன் இடத்தை பிடித்துள்ளார். #AIBA #MaryKom
இந்தியாவின் முன்னணி குத்துச்சண்டை வீராங்கனையாக திகழ்பவர் மேரி கோம். 36 வயதாகும் இவருக்கு மூன்று குழந்தைகள் உள்ளன. என்றாலும், அபாரமாக விளையாடி வருகிறார். கடந்த ஆண்டு டெல்லியில் நடைபெற்ற உலக சாம்பியன்ஷிப் தொடரில் உக்ரைன் வீராங்கனையை வீழ்த்தி 6-வது முறையாக சாம்பியன் பட்டத்தை வென்று சாதனைப்படைத்தார்.
சர்வதேச குத்துச்சண்டை அசோசியேசன் இன்று குத்துச்சண்டை உலகத் தரவரிசையை வெளியிட்டது. இதில் 45 முதல் 48 கிலோ லைட் பிளை பிரிவில் இடம்பிடித்துள்ள மேரி கோம் 1700 புள்ளிகள் பெற்று முதலிடம் பிடித்துள்ளார். கடந்த ஆண்டு நடைபெற்ற 2018 காமன்வெல்த் போட்டியில் தங்கப்பதக்கம் வென்றார் என்பது குறிப்பிடத்தக்கது.
உலக குத்துச்சண்டை சாம்பியன்ஷிப் போட்டியை முன்னிட்டு டெல்லியில் நடைபெற்ற பயிற்சி முகாமின்போது மேரி கோமுடன் விளையாட்டுத்துறை மந்திரி ரத்தோர் குத்துச்சண்டை போட்டியில் பங்கேற்றது அனைவரையும் வெகுவாகக் கவர்ந்தது. #WomenWorldChampionship #MaryKom #RajyavardhanSinghRathore #SportsMinister
புதுடெல்லி:
சர்வதேச குத்துச்சண்டை சங்கத்தின் சார்பில் டெல்லியில் வரும் 15-ம்தேதி முதல் 24-ம் தேதி வரை பெண்களுக்கான உலக சாம்பியன்ஷிப் குத்துச்சண்டை போட்டி நடைபெற உள்ளது. இதில் 70 நாடுகளில் இருந்து சுமார் 300 வீராங்கனைகள் பங்கேற்க உள்ளனர். ஒலிம்பிக் பதக்கம் வென்ற வீராங்கனைகள், உலக மற்றும் ஐரோப்பிய சாம்பியன்கள் என முன்னணி விராங்கனைகள் 10 பிரிவுகளில் மோத உள்ளனர்.
இப்போட்டியில் இந்தியா சார்பில் மேரிகோம் (48 கிலோ), சரிதா தேவி (60 கிலோ), பிங்கி ஜங்ரா (51 கிலோ), சீமா பூனியா (81+ கிலோ) உள்ளிட்ட 10 வீராங்கனைகள் பங்கேற்கின்றனர். இவர்கள் டெல்லி இந்திரா காந்தி ஸ்டேடியத்தில் தீவிர பயிற்சி மேற்கொண்டு வருகின்றனர்.
இந்நிலையில், மத்திய விளையாட்டுத்துறை மந்திரி ராஜ்யவர்தன் சிங் ரத்தோர் இன்று இந்திரா காந்தி ஸ்டேடியத்திற்கு சென்று பயிற்சி பெறும் குத்துச்சண்டை வீராங்கனைகளுடன் கலந்துரையாடினார். மேலும், குத்துச்சண்டை சாம்பியன் மேரி கோமுடன் குத்துச்சண்டை போட்டார். நட்புரீதியான இந்த போட்டி சிறிது நேரம் நடந்தது.
ரத்தோரை நோக்கி மேரி கோம் குத்து விடுவதும், ஆலோசனை வழங்குவதும் என போட்டி சுவாரஸ்யமாக சென்றது. ரத்தோரும், மேரி கோமின் தாக்குதலை தடுத்து, கைத்தட்டல் பெறுகிறார். ஒலிம்பிக்கில் துப்பாக்கி சுடுதல் பிரிவில் பதக்கம் வென்ற முன்னாள் வீரரான ரத்தோர், ஸ்டேடியத்திற்கு வந்து கலந்துரையாடியது, வீராங்கனைகளிடையே உற்சாகத்தை ஏற்படுத்தியது.
விளையாட்டுத்துறை மந்திரி தன்னுடன் குத்துச்சண்டை போடும்போடு எடுத்த வீடியோவை மேரி கோம் டுவிட்டரில் வெளியிட்டுள்ளார். இந்த வீடியோ வைரலாகப் பரவி வருகிறது. #WomenWorldChampionship #MaryKom #RajyavardhanSinghRathore #SportsMinister
