நீங்கள் தேடியது "கண்ணாடி"

  

போஸ் நிறுவனம் ஃபிரேம்ஸ் என்ற பெயரில் புது பிரீமியம் கண்ணாடிகளை அறிமுகம் செய்துள்ளது. கண் பாதுகாப்பு மட்டுமின்றி புது கண்ணாடி மூலம் போஸ் நிறுவனம் வாய்ஸ் கன்ட்ரோல் மற்றும் மைக்ரோ-அகௌஸ்டிக்களை அடுத்தக்கட்டத்திற்கு கொண்டு செல்கிறது.

ஓபன்-இயர் வடிவமைப்பு கொண்டிருப்பதால், ஃபிரேம்ஸ் கண்ணாடி மியூசிக் ஸ்டிரீம், அழைப்புகளை மேற்கொள்ளவும், அழைப்புகளை ஏற்பது மற்றும் விர்ச்சுவல் அசிஸ்டண்ட் போன்ற வசதிகளை கொண்டுள்ளது. ஆடியோ வடிவில் பாடல்கள், பிளே லிஸ்ட்கள், உரையாடல்கள் போன்றவற்றை கேட்க முடியும்.

போஸ் ஃபிரேம்ஸ் கண்ணாடி இருவித டைம்லெஸ் ஸ்டைல்கள், ஸ்கொயர் மற்றும் ஆங்கிள்டு அல்லது வட்டம், சிறியளவுகளில் கிடைக்கிறது. இந்த கண்ணாடி 99% UVA/UVB கதிர்களை முடக்குவதோடு சீராக பொருத்தப்பட்ட சிறிய அளவிலான லென்ஸ்கள், தங்க முலாம் பூசப்பட்ட ஸ்டீல் ஹின்ஜ்கள் மற்றும் சார்ஜிங் பின்களை கொண்டிருக்கிறது.

இவை ஸ்கிராட்ச் மற்றும் ஷேட்டர் ரெசிஸ்டண்ட் வசதியை கொண்டிருப்பதோடு 45 கிராம் எடை கொண்டிருக்கிறது. இதனால் இந்த கண்ணாடிகளை பயன்படுத்த சவுகரியமாக இருக்கும். ப்ளூடூத் வசதி கொண்டிருப்பதால், போஸ் ஃபிரேம்ஸ் கண்ணாடிகள் உண்மையான வயர்லெஸ் ஹெட்போன்களை போன்று இயங்குகின்றன.

அளவில் மிகவும் சிறியதாக இருக்கும் மைக்ரோபோன், பல்வேறு ஆப்ஷன்களை இயக்கும் பட்டன் கண்ணாடியின் வலதுபுறம் வழங்கப்பட்டுள்ளது. இந்த பட்டன் கொண்டு சிரி, கூகுள் அசிஸ்டண்ட், வாய்ஸ் கால், கமாண்ட், பாடல்களை ஸ்கிப் அல்லது பாஸ் செய்யும் வசதிகளை கொண்டுள்ளது.

போஸ் கனெக்ட் ஆப் பல்வேறு கூடுதல் அம்சங்களை வழங்குகிறது. போஸ் ஃபிரேம்ஸ் ஏ.ஆர். வசதி கொண்டிருக்கிறது. மற்ற ஆக்மென்ட்டெட் ரியாலிட்டி கண்ணாடிகளை போன்று இல்லாமல் போஸ் ஏ.ஆர். நீங்கள் லென்ஸ் அல்லது போன் கேமரா கொண்டு கண் விழியில் பார்க்கும் பொருட்களை மாற்றாது. 

மாறாக இது, நீங்கள் எங்கு இருக்கிறீர்கள் என்பதை அறிந்து நீங்கள் பார்க்கும் விஷயத்தை 9-ஆக்சிஸ் ஹெட் மோஷன் சென்சார் மூலம் அறிந்து கொள்ளும். பின் உங்களது ஐ.ஓ.எஸ். அல்லது ஆன்ட்ராய்டு சாதனத்தில் உள்ள ஜி.பி.எஸ். பயன்படுத்தி தானாக ஆடியோவினை சேர்த்துக் கொள்ளும். 

போஸ் ஃபிரேம்ஸ் லித்தியம் பேட்டரி பயன்படுத்துகிறது. இதனுடன் போகோ-பின் கேபிள் சார்ஜிங் செய்ய வழங்கப்படுகிறது. போஸ் ஃபிரேம்ஸ் மேட் பிளாக் நிறத்தில் இருவித சர்வதேச ஸ்டைல்கள் - பெரிய (ஆல்டோ) மற்றும் சிறிய (ரோன்டோ) கிடைக்கிறது.

அமெரிக்காவில் ஜனவரி 2019 முதல் கிடைக்கும் போஸ் ஃபிரேம்ஸ் விலை 199 டாலர்கள் (இந்திய மதிப்பில் ரூ.14,037) என நிர்ணயம் செய்யப்பட்டுள்ளது.

சமீபத்தில் வெளியான `மதுரவீரன்' படத்தை தயாரித்த வி ஸ்டுடியோஸ் அடுத்ததாக அமலாபால் நடிக்கும் `ஆடை' படத்தை தயாரித்து வருகிறது. அதேநேரத்தில் வி ஸ்டுடியோஸ் மற்றும் ஸ்ரீ சரவண பவா ஃபிலிம்ஸ் இணைந்து தமிழ், தெலுங்கு என இரு மொழிகளில் உருவாகும் `கண்ணாடி' எனும் படத்தையும் தயாரித்து வருகிறது.

சந்தீப் கிஷன் நாயகனாக நடிக்கும் இந்த படத்தில் அவருக்கு ஜோடியாக பாலிவுட் நடிகை ஆன்யா சிங் தமிழில் அறிமுகமாகிறார். மேலும் ஆனந்த் ராஜ், கருணாகரன், பூர்ணிமா பாக்யராஜ், முரளி சர்மா, பிரகதி, திவ்யா கணேஷ் உள்ளிட்ட பலரும் முக்கிய கதாபாத்திரங்களில் நடிக்கின்றனர்.

`திருடன் போலிஸ்', `உள்குத்து' ஆகிய படங்களை இயக்கிய கார்த்திக் ராஜூ இந்த படத்திற்க்கு கதை, திரைக்கதை மற்றும் வசனங்களை எழுதி இயக்கி இருக்கிறார். ரசிகர்களுக்கு புதிய த்ரில் அனுபவங்களை வழங்கும் திகில் கலந்த த்ரில்லர் படமாக படத்தின் திரைக்கதையை அமைத்திருப்பதாகவும், மேலும் இது ஒளி மற்றும் ஒலியமைப்பின் சிறந்த பங்களிப்போடு ஒரு ரொமாண்ட்டிக் த்ரில்லராக படத்தை உருவாக்கி வருவதாக இயக்குனர் கார்த்திக் ராஜூ கூறியிருக்கிறார்.

தமிழ், தெலுங்கு என இரு மொழிகளில் உருவாகும் இந்த படத்திற்கு எஸ்.எஸ்.தமன் இசையமைக்கிறார். பி.கே.வர்மா ஒளிப்பதிவு செய்ய, கே.எல்.பிரவின் படத்தொகுப்பு பணிகளை கவனிக்கிறார்.

இந்த படத்தின் படப்பிடிப்பு சென்னை மற்றும் ஐதராபாத்தில் நடந்து முடிந்தது. படத்தின் ஃபர்ஸ்ட் லுக் மற்றும் இசை விரைவில் வெளியாக இருப்பதாக படக்குழு அறிவித்துள்ளது. #Kannaadi #SundeepKishan #AnyaSingh