சென்னை:
சென்னை தேனாம்பேட்டையில் உள்ள ஒரு அடுக்குமாடி குடியிருப்பில் வசித்து வருபவர் கவிதா துகார் (வயது 60).
இவர் சம்பவத்தன்று வெளியில் சென்று விட்டு வீட்டுக்கு திரும்பினார். அப்போது அவரது அறையின் பூட்டு உடைக்கப்பட்டிருந்தது உள்ளே சென்று பார்த்தபோது வீட்டில் இருந்த ரூ.1 லட்சத்து 11 ஆயிரம் பணம் கொள்ளையடிக்கப்பட்டிருந்தது.
சென்னை தேனாம்பேட்டையில் மதி பவுண்டேஷன் என்ற தனியார் நிறுவனம் உள்ளது. இந்த நிறுவனத்தில் இருந்த 60 லேப்டாக்குகள் (கையடக்க கணினி) திடீரென்று மாயமாகி இருந்தது.
அதை கொள்ளையர்கள் திருடிச் சென்றார்களா? அல்லது ஊழியர்களே கைவரிசை காட்டினார்களா என்று தேனாம்பேட்டை போலீசார் விசாரித்து வருகிறார்கள்.
மற்றொரு சம்பவம்...
சென்னை ஐஸ்அவுஸ் வெங்கடேசபுரம் 3-வது தெருவை சேர்ந்தவர் முனியப்பன். ஐஸ்அவுஸ் யானைக்குளம் பகுதியில் சலூன் கடை நடத்தி வருகிறார். இவர் நேற்று காலை கடைக்கு சென்று விட்டு இரவு 10 மணிக்கு வீடு திரும்பினார்.
அப்போது வீட்டு கதவு உடைக்கப்பட்டு இருந்தது. உள்ளே சென்று பார்த்தபோது பீரோ உடைக்கப்பட்டு அதில் இருந்த ரூ.24 ஆயிரம் ரொக்கப்பணம் மற்றும் 2½ பவுன் நகை ஆகியவை கொள்ளையடிக்கப்பட்டு இருந்தன.
இதுகுறித்து ஐஸ்அவுஸ் போலீஸ் நிலையத்தில் புகார் செய்யப்பட்டுள்ளது. #Robbery
