நீங்கள் தேடியது "பெங்கால்"

புனே:

12 அணிகள் இடையிலான 6-வது புரோ கபடி லீக் திருவிழா பல்வேறு நகரங்களில் நடந்து வருகிறது. இதில் புனேயில் நேற்றிரவு நடந்த 25-வது லீக் ஆட்டத்தில் உ.பி.யோத்தா-பெங்கால் வாரியர்ஸ் (பி பிரிவு) அணிகள் மல்லுக்கட்டின. பரபரப்பாக நடந்த இந்த ஆட்டத்தில் இரு அணிகளும் மாறி, மாறி புள்ளிகள் சேர்த்தன.

முதல் பாதியில் 18-15 என்ற கணக்கில் முன்னிலை வகித்த உ.பி.யோத்தா அணியால் கடைசி வரை அந்த முன்னிலையை தக்க வைத்து கொள்ள முடியவில்லை. முடிவில் இந்த ஆட்டம் 40-40 என்ற புள்ளி கணக்கில் டையில் (சமன்) முடிந்தது. மற்றொரு திரிலிங்கான ஆட்டத்தில் புனேரி பால்டன் 33-32 என்ற புள்ளி கணக்கில் முன்னாள் சாம்பியன் யு மும்பா அணியை தோற்கடித்து 4-வது வெற்றியை பெற்றது.  #ProKabaddi #UPYoddha #BengalWarrior

சென்னை:

விஜய் ஹசாரே கோப்பைக்கான உள்ளூர் ஒருநாள் கிரிக்கெட் போட்டி தொடர் பல்வேறு நகரங்களில் நடந்து வருகிறது. இதில் சென்னையில் நேற்று நடந்த ‘சி’ பிரிவு லீக் ஆட்டம் ஒன்றில் தமிழக அணி, பெங்காலை எதிர்கொண்டது. முதலில் பேட்டிங் செய்த பெங்கால் அணி 49.4 ஓவர்களில் 239 ரன்களுக்கு ஆல்-அவுட் ஆனது.

விஜய்சங்கர் 4 விக்கெட்டுகளும், முகமது 3 விக்கெட்டுகளும் சாய்த்தனர். தொடர்ந்து ஆடிய தமிழக அணி 42 ஓவர்களில் 4 விக்கெட்டுக்கு 240 ரன்கள் சேர்த்து 6 விக்கெட் வித்தியாசத்தில் அபார வெற்றி பெற்றது. தொடக்க ஆட்டக்காரர்கள் ஜெகதீசனும் (55 ரன்), அபினவ் முகுந்தும் (94 ரன்) அரைசதம் அடித்து வெற்றியை எளிதாக்கினர். 6-வது லீக்கில் ஆடிய தமிழக அணிக்கு இது 4-வது வெற்றியாகும். #VijayHazareTrophy