நீங்கள் தேடியது "மிஷ்கின்"

மிஷ்கின் இயக்கத்தில் கடந்த 2014-ம் ஆண்டு வெளிவந்து வெற்றிகரமாக ஓடிய பேய் படம், 'பிசாசு.' அந்த படத்துக்கு கிடைத்த வரவேற்பை தொடர்ந்து, 'பிசாசு' படத்தின் இரண்டாம் பாகம் தற்போது தயாராகி உள்ளது. இந்த படத்தையும் மிஷ்கினே இயக்கி உள்ளார். நடிகை ஆண்ட்ரியா முதன்மை கதாபாத்திரத்தில் நடித்துள்ள இப்படத்தில், நடிகர் விஜய் சேதுபதி, கவுரவ வேடத்தில் நடித்துள்ளார்.

ராக்ஃபோர்ட் எண்டர்டெயின்மெண்ட் சார்பில் முருகானந்தம் தயாரிக்கும் இப்படத்திற்கு கார்த்திக் ராஜா இசையமைத்துள்ளார். சில மாதங்களுக்கு முன்பு வெளியான இப்படத்தின் டீசர் ரசிகர்களை கவர்ந்து வைரலானது. இந்நிலையில் இப்படத்தின் ரிலீஸ் தேதியை படக்குழு வெளியிட்டுள்ளது.

பிசாசு 2 போஸ்டர்

அதன்படி பிசாசு 2 திரைப்படம் ஆகஸ்ட் 31- ஆம் தேதி தமிழ், தெலுங்கு, மலையாளம், கன்னடம் உள்ளிட்ட மொழிகளில் வெளியாகும் என படக்குழு போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளது. இதே நாளில் கார்த்தியின் 'விருமன்' திரைப்படம் வெளியாகவுள்ளது குறிப்பிடத்தக்கது.

'டான்' படத்தைத் தொடர்ந்து சிவகார்த்திகேயன் தற்போது 'பிரின்ஸ்' என்ற படத்தில் நடித்து வருகிறார். அனுதீப் இயக்கும் இந்த படத்தில் ரியா போஷாப்கா கதாநாயகியாகவும், சத்யராஜ் முதன்மை கதாபாத்திரத்திலும் நடிக்கிறார்கள். இந்த படத்தை தொடர்ந்து 'மண்டேலா' பட இயக்குனர் அஸ்வினுடன் இணைந்து புதிய படத்தில் சிவகார்த்திகேயன் நடிக்கிறார். படத்துக்கு 'மாவீரன்' என்று தலைப்பு சூட்டப்பட்டிருப்பதாக தகவல் வெளியாகி உள்ளது.

சிவகார்த்திகேயன் ஜோடியாக இந்தி நடிகை கியாரா அத்வானியை நடிக்க வைக்க பேச்சுவார்த்தை நடந்து வருகிறது. இதற்கிடையில் இந்த படத்தில் டைரக்டர் மிஷ்கின் ஒரு முக்கிய கதாபாத்திரத்தில் நடிக்க இருப்பதாக கூறப்படுகிறது. அழுத்தமான அந்த கதாபாத்திரத்தில் மிஷ்கின் தான் நடிக்க வேண்டும் என்று இயக்குனர் அஸ்வின் மிகவும் வலியுறுத்தி கேட்டுக்கொண்டாராம். இதனால் சிவகார்த்திகேயன் படத்தில் முதன் முறையாக மிஷ்கின் இணைந்து பணியாற்ற உள்ளார். இந்த படத்துக்கான படப்பிடிப்பு தொடர்பான அறிவிப்பு விரைவில் வெளியாக உள்ளது.

'சவரக்கத்தி' இயக்குனர் ஆதித்யா இயக்கத்தில் உருவாகிவரும் திரைப்படம் "டெவில்". இப்படத்தில் விதார்த், பூர்ணா மற்றும் ஆதித் அருண் ஆகியோர் முக்கிய கதாபாத்திரத்தில் நடிக்கின்றனர். மிக முக்கியமான திருப்புமுனை கதாபாத்திரத்தில் இயக்குனர் மிஷ்கின் நடிக்கிறார். இவர்களுடன் சுபஸ்ரீ ராயகுரு அறிமுகமாகிறார்.

மாருதி பிலிம்ஸ் தயாரிக்கும் இப்படத்திற்கு கார்த்திக் முத்துகுமார் ஒளிப்பதிவு செய்கிறார். எஸ். இளையராஜா படத்தொகுப்பையும் மரியா கெர்ளி கலை இயக்கத்தையும் மேற்கொள்கிறார்கள்.

டெவில் படக்குழு

தமிழின் மிக முக்கியமான இயக்குனர் மிஷ்கின் முதன்முறையாக  "டெவில்" திரைப்படத்தின் மூலம் இசையமைப்பாளராக அறிமுகமாகிறார். மேலும், "டெவில்" திரைப்படத்திற்கு நான்கு பாடல்களை கொடுத்துள்ளார். இந்த பாடல்களை விரைவில் வெளியிட படக்குழுவினர் முடிவு செய்துள்ளனர்.