என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "slug 168306"
- தே.மு.தி.க. தலைவர் விஜயகாந்த் உடல் நலக்குறைவால் பாதிக்கப்பட்டுள்ளார்.
- தே.மு.தி.க. மூத்த நிர்வாகியான பார்த்தசாரதி டி.ஜி.பி. அலுவலகத்தில் புகார் அளித்துள்ளார்.
சென்னை:
தே.மு.தி.க. தலைவர் விஜயகாந்த் உடல் நலக்குறைவால் பாதிக்கப்பட்டுள்ளார். இது தொடர்பாக சமூக வலைதளங்களில் வதந்தி பரப்புவோர் மீது நடவடிக்கை எடுக்க வேண்டும் என தே.மு.தி.க. சார்பில் புகார் அளிக்கப்பட்டுள்ளது.
இது தொடர்பாக அக்கட்சியின் மூத்த நிர்வாகியான பார்த்த சாரதி டி.ஜி.பி. அலுவலகத்தில் புகார் அளித்துள்ளார்.
- மாவட்ட செயலாளர்கள் கூட்டத்தை தொடர்ந்து தே.மு.தி.க. நகர, ஒன்றிய செயலாளர்களுடன் பகுதி, பேரூர் நிர்வாகிகளுடன் பிரேமலதா ஆலோசனை நடத்த உள்ளார்.
- இந்த ஆலோசனை கூட்டம் வருகிற 14, 15, 16 ஆகிய தேதிகளில் கோயம்பேட்டில் உள்ள தே.மு.தி.க. அலுவலகத்தில் நடைபெற இருப்பதாக தகவல்கள் வெளியாகி உள்ளன.
சென்னை:
தே.மு.தி.க.வை மீண்டும் வலுப்படுத்த வேண்டும் என்ற எண்ணத்தில் அக்கட்சியின் பொருளாளரான பிரேமலதா தீவிரமாக செயல்பட்டு வருகிறார்.
விஜயகாந்த் உடல்நிலை பாதிக்கப்பட்டதை தொடர்ந்து தே.மு.தி.க. தொடர்பான முடிவுகளை பிரேமலதாவே எடுத்து வருகிறார்.
2024-ம் ஆண்டு நடைபெறும் பாராளுமன்ற தேர்தலை கருத்தில் கொண்டு பிரேமலதா செயல்பட்டு வருகிறார்.
இதையடுத்து கட்சி நிர்வாகிகளுடன் அவர் ஆலோசனை மேற்கொண்டு வருகிறார்.
கோயம்பேட்டில் உள்ள தே.மு.தி.க. அலுவலகத்தில் கடந்த சில நாட்களுக்கு முன்பு தே.மு.தி.க. மாவட்ட செயலாளர்களுடன் பிரேமலதா ஆலோசனை நடத்தினார்.
இந்த ஆலோசனை கூட்டத்தில் கட்சியின் முன்னணி நிர்வாகிகள், மாவட்ட செயலாளர்கள் ஆகியோர் பங்கேற்றனர்.
அவர்கள் மத்தியில் பேசிய பிரேமலதா மக்கள் பிரச்சினைகளுக்கு தே.மு.தி.க.வினர் தங்களது பகுதியில் குரல் கொடுக்க வேண்டும் என்றும், அப்போது தான் மக்கள் மத்தியில் மேலும் செல்வாக்கை பெற முடியும் என்றும் கூறியுள்ளார்.
கூட்டத்தில் பேசிய மாவட்ட செயலாளர்கள் பலர் தே.மு.தி.க. செயல் தலைவராக நீங்கள் பொறுப்பேற்க வேண்டும் என்றும், இளைஞர் அணியை வழி நடத்தும் பொறுப்பை விஜயபிரபாகரனிடம் ஒப்படைக்க வேண்டும் என்றும் வலியுறுத்தி உள்ளனர்.
இது தொடர்பாக முடிவு எடுத்து தே.மு.தி.க. தலைமை முக்கிய அறிவிப்புகளை வெளியிட உள்ளது.
மாவட்ட செயலாளர்கள் கூட்டத்தை தொடர்ந்து தே.மு.தி.க. நகர, ஒன்றிய செயலாளர்களுடன் பகுதி, பேரூர் நிர்வாகிகளுடன் பிரேமலதா ஆலோசனை நடத்த உள்ளார்.
இந்த ஆலோசனை கூட்டம் வருகிற 14, 15, 16 ஆகிய தேதிகளில் கோயம்பேட்டில் உள்ள தே.மு.தி.க. அலுவலகத்தில் நடைபெற இருப்பதாக தகவல்கள் வெளியாகி உள்ளன.
தொடர்ச்சியாக 3 நாட்கள் நடக்கும் இந்த கூட்டத்தில் பிரேமலதா கலந்து கொண்டு கட்சி நிர்வாகிகளுக்கு பல்வேறு அறிவுரைகளை வழங்க உள்ளார்.
இந்த கூட்டம் முடிந்ததும் நிர்வாகிகள் தேர்தல் நடத்தப்படுகிறது. இதன் பின்னர் தே.மு.தி.க. செயற்குழு மற்றும் பொதுக்குழு கூட்டத்துக்கு ஏற்பாடுகள் செய்யப்பட்டுள்ளன.
தே.மு.தி.க. தலைவர் விஜயகாந்த் சமீபத்தில் மருத்துவ சிகிச்சைக்காக அமெரிக்கா சென்றுவிட்டு சென்னை திரும்பினார்.
இந்த நிலையில் கடந்த 31-ந் தேதி சென்னை மணப்பாக்கத்தில் உள்ள மியாட் ஆஸ்பத்திரியில் சேர்க்கப்பட்டார். அவருக்கு சிறுநீரக பிரச்சினைக்காக சிகிச்சை அளித்து வருகிறோம் என்று டாக்டர்கள் தெரிவித்தனர்.
இதற்கிடையே விஜயகாந்த் உடல்நிலை குறித்து வதந்திகள் பரவியது. இதையடுத்து விஜயகாந்துக்கு வழக்கமான மருத்துவ பரிசோதனைகள் நடத்தப்படுகின்றன. விரைவில் அவர் வீடு திரும்புவார். வதந்திகளை நம்ப வேண்டாம் என்று கட்சி அலுவலகம் தெரிவித்தது.
இதே போல் விஜயகாந்தின் மகன் பிரபாகரனும் உருக்கமாக பேசிய வீடியோவை வெளியிட்டார். அதில், விஜயகாந்த் நலமாக இருக்கிறார். வதந்திகளை யாரும் பரப்ப வேண்டாம்.
அமெரிக்காவில் முதல்கட்ட சிகிச்சையை முடித்துவிட்டார். அடுத்த கட்ட சிகிச்சைக்காக 4 மாதத்தில் செல்ல உள்ளார். வதந்திகளை யாரும் நம்பாதீர்கள் என்று கூறி இருந்தார்.
இதற்கிடையே இன்று காலை சிகிச்சை முடிந்து ஆஸ்பத்திரியில் இருந்து விஜயகாந்த் டிஸ்சார்ஜ் செய்யப்பட்டார். இதையடுத்து அவர் வீடு திரும்பினார். வீட்டில் ஓய்வு எடுக்கும் அவர் அடுத்தகட்ட சிகிச்சைக்காக அமெரிக்கா செல்ல உள்ளார். #Vijayakanth #DMDK
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்