நீங்கள் தேடியது "அறிவியல்"

இந்திய தொழில்நுட்ப கழகம் சென்னை சார்பில் ரிமோட் முறையில் இயங்கக்கூடிய மைக்ரோஸ்கோப்-ஐ அறிமுகம் செய்துள்ளது.  இந்த புதிய வகை மைக்ரோஸ்கோப் கொண்டு அணுக்களை மிகவும் துல்லியமாக பார்க்க முடியும். லோக்கல் எலெக்ட்ரோட் ஆட்டம் ப்ரோப் (Local Electrode Atom Probe) என அழைக்கப்படும் இந்த மைக்ரோஸ்கோப் நாட்டின் எட்டு ஆய்வு மையங்களுடன் இணைந்து உருவாக்கப்பட்டு இருப்பதாக ஐ.ஐ.டி. மெட்ராஸ் வெளியிட்டிருக்கும் அறிக்கையில் தெரிவிக்கப்பட்டுள்ளது.

இதுபோன்று பல்வேறு சாதனங்கள் உலகில் கிடைத்தாலும், புவியியல் அடிப்படையில் பிரிந்து இருக்கும் ஆராய்ச்சியாளர்களால் வெவ்வேறு முனையங்களில் இருந்து இயக்க கூடிய உலகின் முதல் மைக்ரோஸ்கோப் சாதனமாக இது இருக்கிறது என ஐ.ஐ.டி. மெட்ராஸ் அறிவித்திருக்கிறது.

மேலும், "நாட்டின் முன்னணி எட்டு ஆய்வு நிறுவனங்கள் ஒன்றிணைந்து ரூ.40 கோடி பட்ஜெட்டில் உருவாக்கப்பட்டு இருப்பது இதுவே முதல் முறை," என தெரிவித்திருக்கிறது. 

புதிய லீப் மைக்ரோஸ்கோப் சாதனத்திற்கான முனையங்கள் ஆய்வில் கலந்து கொண்ட எட்டு முன்னணி ஆய்வு நிறுவன வளாகங்களில் கட்டமைக்கப்பட்டுள்ளது. பாம்பே, டெல்லி, கான்பூர், கராக்பூர், ரோபார்  ஐ.ஐ.டி. மற்றும் பவுடர் மெட்டலர்ஜி மற்றும் புதிய பொருள்களுக்கான சர்வதேச ஆய்வு மையம் உள்ளிட்டவை முறையே ரூ.2 கோடிகளை ஆய்வுக்காக செலவிட்டுள்ளன.

இதுதவிர அணு அறிவியல் பிரிவுக்கான ஆய்வு கூட்டமைப்பு ரூ.3 கோடியை ஆய்வுக்காக செலவிட்டிருக்கிறது. மற்ற நிதி உதவிகளை அறிவியல் மர்றும் தொழில்நுட்பத்திற்கான நானோ திட்டத்தில் இருந்து வழங்கப்பட்டதாக தெரிவிக்கப்பட்டுள்ளது.

பாட்னா:

மருத்துவ மாணவர் சேர்க்கைக்காக இந்தியா முழுவதும் சி.பி.எஸ்.இ. சார்பில் ‘நீட்’ தேர்வு கடந்த மே மாதம் 6-ந்தேதி நடந்தது. இதில் 12 லட்சத்து 69 ஆயிரத்து 922 பேர் எழுதினார்கள். இந்த தேர்வு முடிவு கடந்த 4-ம் தேதி வெளியானது.

இந்த தேர்வில் 56.27 சதவீதம் பேர் தேர்ச்சி பெற்றனர். தேசிய அளவில் பீகார் மாநிலத்தை சேர்ந்த கல்பனா குமாரி என்ற மாணவி முதலிடம் பிடித்தார். அவர் 720-க்கு 691 மதிப்பெண்கள் எடுத்திருந்தார்.

இந்நிலையில், பீகார் மாநில பள்ளிக் கல்வித்துறையின் சார்பில் இன்று இன்ட்டர்மிடியேட் (பள்ளி இறுதி ஆண்டு) தேர்விலும் சாதனை படைத்துள்ளார்.

விருப்பப் பாடமாக அறிவியல், கலை மற்றும் வணிகவியலை தேர்வு செய்து படித்த கல்பனா குமாரி, இந்த ஆண்டுக்கான இறுதித்தேர்வில் 500-க்கு 434 மதிப்பெண்களை பெற்று முதலிடம் பிடித்துள்ளார். இதன் மூலம் தேசிய அளவிலும், மாநில அளவிலும் அதிக மதிப்பெண்களை பெற்ற மாணவி என்ற சிறப்பை இவர் பெற்றுள்ளது குறிப்பிடத்தக்கது. #NEETTopperKalpana