நீங்கள் தேடியது "slug 225640"

ஏற்காடு:

சேலம் மாவட்டம் ஏற்காட்டில் மத்திய அரசின் ஜல் சக்தி திட்டம் மூலம் அனைவருக்கும் குடிநீர் திட்டத்தில் வீட்டுக்கு வீடு குடிநீர் கொடுப்பதற்கான பணிகள் கடந்த சில மாதங்களாக ஏற்காடு முழுவதும் உள்ள அனைத்து கிராமங்களிலும் நடந்து வந்தது. தற்போது அனைத்து கிராமங்களிலும் அந்த பணிகள் நிறைவடையும் தருவாயில் உள்ளது.

இந்த நிலையில் ஏற்காடு ஊராட்சியில் உள்ள கோவில் மேடு பகுதியில் இந்தப் பணிகள் நிறைவடைந்தது. அதனை தொடர்ந்து ஏற்காடு ஊராட்சி மற்ற தலைவர் சிவசக்தி ரவிச்சந்திரன் முதற்கட்டமாக 52 வீடுகளுக்கு குடிநீர் விநியோகத்தை தொடங்கி வைத்தார்.

அதே போல் ஏற்காடு வேலூர் ஊராட்சியில் உள்ள 2-வது வார்டில் வேலூர் ஊராட்சி கவுன்சிலர் சின்ன வெள்ளை, வேலூர் ஊராட்சி மன்ற தலைவர் தனலட்சுமி சின்னசாமி மற்றும் ஏற்காடு தி.மு.க ஒன்றிய செயலாளர் ராஜா, ஒன்றிய குழு உறுப்பினர் சின்னவெள்ளை ஆகியோர் குடிநீர் விநியோகத்தை தொடங்கி வைத்தனர். 

அவினாசி:

கோவை, ஈரோடு, திருப்பூர் மாவட்டங்களை உள்ளடக்கிய, 24 ஆயிரத்து 468 ஏக்கர் விவசாய நிலங்கள், 1,045 குளம், குட்டைகளில் நீர் செறிவூட்டச் செய்யும் அத்திக்கடவு - அவிநாசி திட்டப்பணி நடந்து வருகிறது. 94 சதவீத பணிகள் இதுவரை முடிந்துள்ளதாக திட்ட அதிகாரிகள் தெரிவித்துள்ளனர். இத்திட்டத்துக்காக விவசாயிகள் சிலருக்கு இழப்பீடு தொகை வழங்குவதில், நிர்வாக அனுமதி வழங்கப்படாததால் பணியில் தொய்வு தென்பட்டுள்ளது.

இது குறித்து அத்திக்கடவு-அவிநாசி திட்ட பேராட்டக்குழுவினர் கூறியதாவது:-

கடந்த 2021 ஜனவரி மாதம் பணி முடிக்கப்படும் என அறிவிக்கப்பட்டிருந்தது. ஊரடங்கு, கட்டுமானப் பொருட்கள் தயாரிப்பில் தாமதம் உள்ளிட்ட காரணங்களால் பணியில் தாமதம் ஏற்பட்டது. கொரோனாவுக்கு பின் பணி வேகமெடுத்தது. கடந்தாண்டு டிசம்பர் மாதம் பணி முடிக்கப்படும் என தெரிவிக்கப்பட்டது. ஆனால், முடியவில்லை.

இந்தாண்டு ஜூலை அல்லது ஆகஸ்டு மாதம் பணி முடிக்கப்பட்டு வெள்ளோட்டம் பார்க்கப்படும் என தெரிவிக்கப்பட்டும் பணியில் தொய்வு நீடிக்கிறது. அ.தி.மு.க., ஆட்சியில், 84 சதவீத பணிகள் முடிந்த நிலையில் தி.மு.க., ஆட்சியில், 10 சதவீத பணிகள் மட்டுமே முடிந்துள்ளன.

எந்த திட்டமும் நிறைவுபெறும் தருவாயில் நுணுக்கமான வேலைகளை செய்து முடிப்பதில் தாமதம் ஏற்படுவது இயல்புதான் என்ற காரணத்தை நீர்வளத்துறையினர் முன்வைக்கின்றனர். இது, விவசாயிகளை சமாதானப்படுத்த கூறப்படும் காரணமாகவே தெரிகிறது.

இவ்வாறு அவர்கள் கூறினர்.

இதையடுத்து வரும் 17-ந்தேதி துவங்கவுள்ள சட்டசபை கூட்டத்தொடரில் குரல் எழுப்ப கொங்கு மண்டல அ.தி.மு.க., எம்.எல்.ஏ.க்கள் திட்டமிட்டுள்ளனர்.திருப்பூர் - ஈரோடு எல்லையில் உள்ள வரப்பாளையத்தில் திட்டப்பணியை பார்வையிட்ட கோபி எம்.எல்.ஏ., செங்கோட்டையன், அத்திக்கடவு திட்டப்பணியில் ஏற்பட்டுள்ள தாமதம் குறித்து சட்டசபையில் பேசுவோம் என தெரிவித்துள்ளார்.

அவிநாசி எம்.எல்.ஏ., தனபால் கூறுகையில், அத்திக்கடவு திட்டம் தாமதம் குறித்து ஏற்கனவே அரசின் கவனத்துக்கு கொண்டு சென்றுள்ளோம். இம்முறை பேச வாய்ப்பு கிடைத்தால், அத்திக்கடவு பிரச்னையை எழுப்புவேன். பணியில் தாமதம் ஏற்பட்டுள்ளதற்கான காரணத்தை அரசு தெளிவுப்படுத்த வேண்டும் என்றார்.

 திருப்பூர் :

தோட்டக்கலை - மலைப்பயிர்கள் துறை மூலம் வழங்கப்படும் அனைத்து திட்டப் பலன்களும் இணைய வழியில் பதிவு செய்யும்விவசாயிகளுக்கே வழங்கப்படும் என திருப்பூர் மாவட்ட கலெக்டர் வினீத் தெரிவித்துள்ளார். இது குறித்து அவர் வெளியிட்டுள்ள அறிக்கையில் கூறியிருப்பதாவது:-

தோட்டக்கலைத்துறை மூலம், விவசாயிகளுக்கு பல்வேறு நலத்திட்டங்கள் வழங்கப்படுகின்றன. இத்திட்டங்களில் விவசாயிகளுக்கு மானியங்களும் வழங்கப்படுகின்றன. தற்போதைய, 2022-23ம் நிதியாண்டில் விவசாயிகளுக்கு வழங்கப்படும், அனைத்து திட்டங்களையும் செயல்படுத்ததுறை மூலம் நடவடிக்கை மேற்கொள்ளப்பட்டுள்ளது. இந்நிலையில், அனைத்து பயன்களையும் பெற விவசாயிகள் இணைய வழியில் பதிவு செய்ய வேண்டும்.

தற்போது, விவசாயிகள் இச்சேவையை பயன்படுத்த தொடங்கி உள்ளனர். இணையதளம் மூலம்விண்ணப்பித்தவர்களுக்கு மட்டுமே, அனைத்து பலன்களும் வழங்க இயலும் நிலை உள்ளதால்இதற்காக விவசாயிகள் ,http:/tnhorticulture.tngov.in/tnhortnet/registration-new.phpஇணையதளத்தில் பதிவு செய்ய வேண்டும். பதிவு செய்யத்தெரியாத, இயலாத விவசாயிகள் அந்தந்த வட்டாரத்தில் உள்ள ஒருங்கிணைந்த வேளாண் விரிவாக்க மையத்தில் உள்ள, தோட்டக்கலை உதவி இயக்குநர் அலுவலகத்தை அணுகி பயன் பெறலாம். என கலெக்டர் தெரிவித்துள்ளார்.   

நாகர்கோவில்:

நாகர் கோவில் மாநக ராட்சிக்குட் பட்ட வடசேரி பஸ் நிலை யத்தில் தமிழக அரசின் சாதனைகள் மற்றும் சிறப்பு திட்டங்கள் குறித்து பொது மக்கள் அறிந்து கொண்டு பயன்பெறும் வகையில், மாவட்ட செய்தி மக்கள் தொடர்புத்துறையின் சார்பில் புகைப்படக்கண் காட்சி நேற்று நடைபெற் றது.

இதுகுறித்து மாவட்ட கலெக்டர் அரவிந்த் தெரி வித்ததாவது:-

தமிழக அரசு ஏழை எளிய கிராமப்புற மக்களுக் காக பல்வேறு நலத்திட்டங்களை செயல்படுத்தி வருகிறது. தமிழ்நாடு முதல் மைச்சர் தொடங்கிவைத்த திட்டங்களான, முதல மைச்சரின் விரிவான மருத் துவ காப்பீடு திட்டத்தில் சிகிச்சை அளிக்கும் திட் டம், மக்களை தேடி மருத்து வம், கூட்டுறவு வங்கிகளில் 5 பவுன் நகைக்கடன் தள்ளுபடி திட்டம், குறவர்கள் மற்றும் இருளர் இனத்தை சேர்ந்தவர்களுக்கு நலத் திட்ட உதவிகள் வழங்கி யது, கன்னியாகுமரிமாவட் டத்தில் கனமழையினால் பாதிக்கப்பட்ட இடங்கள் போர்க்கால அடிப்படை யில் சீரமைக்கப்பட்டதை நேரில் பார்வையிட்டது.

இன்னுயிர் காப்போம் நம்மைக் காக்கும் 48 திட் டம், விவசாயிகளுக்குபுதிய மின் இணைப்புகள் வழங் கும் திட்டம், கலைஞரின் வரும்முன் காப்போம் திட் டம், நமக்கு நாமே திட்டம் மற்றும் நகர்ப்புற வேலை வாய்ப்புத்திட்டம், காணி பழங்குடியினர்களுக்கு நிலஉரிமை ஆணை வழங்கியது. மீனவர்களின் நலன் கருதி பனிக்கட்டி நிலை யங்களை திறந்து வைத்தல், மகளிர் சுய உதவிக்குழுவி னர்களுக்கு கடனுதவிகள் வழங்கியது. முதலமைச்ச ரின் ஊட்டம் தரும் காய்க றித் தோட்டம் திட்டம், புதிய வேளாண் காடு வளர்ப்புத் திட்டம்,

மின் சாரத்துறை உள்ளிட்ட பல்வேறு துறைகளில் பணி யின்போது காலமானவர்க ளின் வாரிசுதாரர்களுக்கு பணிநியமன ஆணை வழங்கியது. பள்ளி மாணவ, மாணவியர்களுக்கு இலவச மிதி வண்டிகள் வழங்கியது உள்ளிட்ட பல்வேறு திட் டங்கள் குறித்து மாவட்ட செய்தி மக்கள் தொடர்புத் துறையின் சார்பாக அமைக் கப்பட்டிருந்த புகைப்பட கண்காட்சியினை பொது மக்கள் பார்வையிட்டு அர சின் திட்டங்களை தெரிந் துகொண்டு அனைத்துத் திட்டத்தின்கீழ் வழங்கப்ப டும் அரசு நலத்திட்ட உத விகளை பெற்று பயன்பெற வேண்டும். இவ்வாறு அவர் தெரிவி த்தார்.

நாமக்கல்:

நாமக்கல் மாவட்டம் புதுச்சத்திரம் வட்டாரத்தில் அயன்வாம் திட்டம் பகுதி 2, திருமணிமுத்தாறு உபவடிநீர் பகுதி கிராமத்தில் உலக வங்கி குழு அலுவலர்கள் ஆய்வு மேற்கொண்டனர்.

அப்போது ஆய்வு விவசாயிகளுடன் செயல்பாடு, விதை, பண்ணை அமைத்தல், விதைப் பண்ணையின் மூலம் கொள்முதல் செய்யப்படும் விதைகளின் விற்பனை குறித்து கேட்டறிந்தனர்.

அப்போது விதை பண்ணை குழுவிற்கு வழங்கப்பட்ட சூழல் நிதி முறையாக ஆண்டுதோறும் பயன்படுத்தப்பட்டுள்ளதா என்பது குறித்தும் ஆய்வு மேற்கொண்டனர். மேலும் விவசாயிகளுக்கு தரமான சான்று பெற்ற விதைகளை தொடர்ந்து உற்பத்தி செய்து வழங்குமாறு கூறினர்.

தரமான விதைகளை உற்பத்தி செய்வதற்காக விவசாயிகளுக்கு பாசிப்பயறு கரு விதை சோளம் கே-12 கரு விதை நிலக்கடலை டி.எம். பி 14 கருவிதை உயிர் உரங்கள் உயிரியல் காரணிகள் ஆகிய இடுபொருட்கள் ஆய்வு குழுவினர் வழங்கினர்.

கூட்டத்தில் போது வேளாண்மை இணை இயக்குனர் பொறுப்பு ராஜகோபால், வேளாண்மை துணை இயக்குனர் மத்திய திட்டம் பேபி கலா, வேளாண்மை உதவி இயக்குனர் இந்திராணி, வேளாண்மை அலுவலர் துணை வேளாண்மை அலுவலர் உதவி வேளாண்மை அலுவலர்கள் கலந்து கொண்டனர்.

நெற்குப்பை

சிவகங்கை மாவட்டம் சிங்கம்புணரி தாலுகா எஸ்.புதூர் ஒன்றியம் முசுண்டப்பட்டி தொடக்கப்பள்ளியில் முதலமைச்சரின் காலை உணவு வழங்கும் திட்டத்தின் ெதாடக்கவிழா நடந்தது.

இதில் அமைச்சர் பெரியகருப்பன் பங்கேற்று மாணவ-மாணவிகளுக்கு கிச்சடி, கேசரி பரிமாறி திட்டத்தை தொடங்கி வைத்தார்.

அதனை தொடர்ந்து அமைச்சர் பெரியகருப்பன்,கலெக்டர் மதுசூதன்ரெட்டி, அரசு முதன்மை செயலர் அமுதா ஆகியோர் மாணவர்களுடன் அமர்ந்து உணவு சாப்பிட்டதுடன் மாணவர்களுடன் உரையாடினர்.

அரசு முதன்மை செயலர் அமுதா, உணவு எப்படி இருந்தது என்று கேட்டார். அதற்கு ஒரு மாணவி எழுந்து முதலமைச்சருக்கு நன்றி தெரிவித்தார். மாணவி பிரதீஷா பேசுகையில், காலை உணவை சாப்பிட்டால் தான் நன்றாக படிக்க முடியும். நான் மருத்துவராகி உடம்பு

சரி இல்லாதவர்களை சரிசெய்வேன் என்றார்.

இந்த நிகழ்ச்சியில் திட்ட இயக்குநர் சிவராமன், மாநில ஊரக வாழ்வாதார திட்ட இயக்குநர் வானதி, எஸ்.புதூர் ஒன்றிய செயலாளர் செல்வராஜ், ஊராட்சி மன்ற தலைவர் அடைக்கலசாமி மற்றும் பலர் கலந்து கொண்டனர்.

தஞ்சாவூர்:

தஞ்சை மாநகராட்சி பகுதிக்கு குடிநீர் திருமானூ ரில் உள்ள கொள்ளிடம் ஆற்றில் இருந்து வழங்கப்ப ட்டு வருகிறது.

இதற்காக ஆழ்துளை நீரூற்றுகிணறு அமைக்க ப்பட்டு அதில் இருந்து குடிநீர் தஞ்சை வெண்ணா ற்றில் உள்ள நீரேற்று நிலையத்துக்கு கொண்டு வரப்பட்டு சுத்திகரி க்கப்பட்டு வழங்கப்பட்டு வருகிறது.

இது தவிர போர்வெல் மூலமும் குடிநீர் வழங்கப்பட்டு வருகிறது. இருப்பினும் குடிநீர் தட்டுப்பாடு நிலவி வந்தது. இதற்கு தீர்வுகாணும் வகையில் ஸ்மார்ட்சிட்டி திட்டத்தின் கீழ் கொள்ளிடத்தில் மேலும் 2 ஆழ்துளை நீரூற்றுகிணறு அமைக்க முடிவு செய்யப்பட்டது.

அதன்படி கொள்ளிடம் ஆற்றில் ரூ.191 கோடியில் 2-வது ஆழ்துளைநீரூற்றுகி ணறு அமைக்கும்பணி நடைபெற்று வந்தது. இந்த பணிகள் நிறைவடை ந்ததையடுத்து சோதனை அடிப்படையில் குடிநீர் எடுக்கும்பணி நடைபெற்றது.

இதனை மாநகராட்சி மேயர் சண்.ராமநாதன் தொட ங்கி வைத்தார். அப்போது ஆணையர் சரவணகுமார், துணைமேயர் டாக்டர் அஞ்சுகம்பூபதி, தமிழ்நாடு நீர் முதலீட்டுக்கழக திட்ட மேலாண்மைக்குழு தலைவர் எழிலன் மற்றும் அதிகாரிகள் உடன் இருந்தனர்.

பின்னர் மேயர் சண்.ராமநாதன் நிருபர்களுக்கு அளித்த பேட்டியில் கூறியிருப்பதாவது:-

தஞ்சை மாநகராட்சி பகுதிக்கு கொள்ளிடம் ஆற்றில் உள்ள 1-வது ஆழ்துளை நீரூற்றுகிணறு மூலம் தினமும் 12 எம்.எல்.டி. தண்ணீர் எடுக்கப்பட்டு வினியோகிக்கப்பட்டு வருகிறது.

தற்போது 2-வதுநீரூற்று கிணறு பணிகள் நிறைவடைந்து சோதனை செய்து பார்க்கப்பட்டது. இதில் தண்ணீர் முழு வீச்சில் வருகிறது. இதன் மூலம் 18 எம்.எல்.டி. தண்ணீர் கிடைக்கும்.

மின்இணைப்பு மட்டும் பெறவேண்டி உள்ளது. இன்னும் ஒரு மாதத்துக்குள் மின்இணைப்பு கிடைத்து விடும். அதன்பின்னர் முழு வீச்சில் 2-வது நீரூற்றில் இருந்து தண்ணீர் எடுக்கப்பட்டு வழங்கப்படும்.

இதன் மூலம் குடிநீர் பிரச்சினை இல்லை என்ற நிலை ஏற்படும். 3-வது நீரூற்றுகிணறு அமைக்கும்பணி நடைபெற்று வருகிறது. இந்த பணிகள் இன்னும் 6 மாதத்துக்குள் நிறைவடையும்.

அப்போது மாநகராட்சிக்கு மொத்தம் 57 எம்.எல்.டி தண்ணீர் கிடைக்கும். அவ்வாறு கிடைக்கும் பட்சத்தில் இன்னும் 30 ஆண்டுகளுக்கு குடிநீர் தட்டுப்பாடு ஏற்படாது. இதன்மூலம் 25 வார்டுகளுக்கு 24 மணி நேரமும் குடிநீர் வழங்க இயலும். மேலும் தஞ்சை மாநகராட்சியுடன் 13 ஊராட்சிகளை இணைக்க உள்ளோம்.

அந்த பகுதிக்கும் குடிநீர் தட்டுப்பாடு இன்றி வழங்க முடியும்.

இவ்வாறு அவர் கூறினார்.கொள்ளிடம் ஆற்றில் 2-வது ஆழ்துளை நீருற்று கிணற்றில் இருந்து சோதனை அடிப்படையில் குடிநீர் எடுக்கும் பணி

சீர்காழி:

மயிலாடுதுறை மாவட்டம் சீர்காழி ரயில்வே சாலையில் வசித்து வருபவர் தன்ராஜ் சவுத்ரி (51). ராஜஸ்தானை பூர்வீகமாக கொண்ட இவர் கடந்த 15 ஆண்டுகளாக சீர்காழியில் சொந்த வீடு கட்டி வசித்து வருகிறார். மேலும் இவர் பூம்புகார் தருமக்குளம் பகுதியில் நகை அடகுகடை மற்றும் தங்க நகைகள் மொத்த விற்பனை செய்து வருகிறார்.

இந் நிலையில் கடந்த 2021ம் ஆண்டு ஜனவரி 27ம் தேதி அதிகாலை இவரது வீட்டிற்குள் புகுந்த 3 வட மாநிலத்தவர்கள் தன்ராஜ் சவுத்ரியின் மனைவி ஆஷா மற்றும் அவரது மகன் அகில் ஆகிய இருவரையும் கத்தியால் கொடூரமாக குத்தி கொலை செய்துவிட்டு, தன்ராஜ் மற்றும் அவரது மருமகள் நேஹல் ஆகிய இருவரையும் கட்டிப் போட்டுவிட்டு வீட்டில் இருந்த 12.5 கிலோ தங்க நகை மற்றும் ரூ.6.75 லட்சம் ரொக்க பணம் ஆகியவற்றை கொள்ளையடித்துக் கொண்டு தன்ராஜ் சவுத்ரி வீட்டில் நிறுத்தி வைத்திருந்த காரினை திருடி தப்பி சென்றனர்.

இதனிடையே சீர்காழி அருகே எருக்கூர் சவுக்கு தோப்பில் பதுங்கி இருந்த வட மாநிலத்தை சேர்ந்த கொள்ளை, கொலையில் ஈடுபட்ட ராஜஸ்தானை சேர்ந்த மனீஷ், ரமேஷ் பட்டேல், மஹிபால் சிங் ஆகிய மூவரையும் மயிலாடுதுறை மாவட்ட அப்போதைய எஸ்.பி. ஸ்ரீநாதா தலைமையில் கொண்ட போலீசார் பிடிக்க சென்றனர். அப்பொழுது அதிரடிப்படை வீரர் சாலிம் என்பவரை கொள்ளையர்கள் தாக்கினர். அப்போது ராஜஸ்தான் மாநிலம் அஹோலி கிராமத்தைச் சேர்ந்த மகிபால் சிங் போலீசாரால் என்கவுண்டர் செய்யப்பட்டார்.

அங்கு மறைந்திருந்த ராஜஸ்தான் ஜோத்பூரை சேர்ந்த மணிஷ், ராஜஸ்தான் மாநிலம் கங்காவாஸ் பகுதியை சேர்ந்த ரமேஷ் பட்டேல் ஆகிய இருவரையும் போலீசார் கைது செய்தனர். இது குறித்து வழக்கு பதிவு செய்யப்பட்டு மணிஷ், ரமேஷ் பட்டேல் மற்றும் இதில் தொடர்புடைய கும்பகோணம் கருணாராம் ஆகியோரை போலீசார் கைது செய்து சிறையில் அடைத்தனர்.

வழக்கு விசாரணை மயிலாடுதுறை நீதிமன்றத்தில் நடைபெற்று வந்தது. இந்நிலையில் வழக்கு விசாரணைக்கு ஆஜராகாமல் மணிஷ் தலைமறைவாக ராஜஸ்தானில் இருந்தார். அவரை பிடிக்க நீதிமன்றம் உத்தரவிட்டது. இதனை அடுத்து சீர்காழி போலீஸ் இன்ஸ்பெக்டர் மணிமாறன் மற்றும் போலீசார் 'தீரன் அதிகாரம் இரண்டு' பட பாணியில் ராஜஸ்தான் மாநிலம் விரைந்து சென்றனர்.

அங்கு சில தினங்கள் தங்கியிருந்து மணிஷ் குறித்த தகவல்களை அம்மாநில போலீசாரின் உதவியுடன் திரட்டி, பின்னர் மணிஷ்சை கைது செய்து விமானம் மூலம் இன்று அதிகாலை சென்னை வந்து, பின்னர் சீர்காழி காவல் நிலையம் கொண்டு வந்துள்ளனர். இந்த சம்பவம் மீண்டும் பரபரப்பை ஏற்படுத்தி உள்ளது.

சீர்காழி:

கொள்ளிடம் ஆற்றில் 4வது முறையாக 1 லட்சம் கன அடிக்கு மேல் தண்ணீர் வெளியேற்றப்பட்டு கொள்ளிடம் ஆற்றில் சென்று கொண்டிருக்கிறது.

இந்நிலையில் தஞ்சாவூர் கீழ் காவிரி வடிநில வட்ட கண்காணிப்பு பொறியாளர் முருகேசன் கொள்ளிடம் அருகே உள்ள சந்தப்படுகை, நாதல் படுகை, முதலைமேடுதிட்டு, அளக்குடி உள்ளிட்ட கிராமங்களில் கொள்ளிடம் ஆற்றின் கரையை பார்வை யிட்டு ஆய்வு செய்தார்.

கொள்ளிடம் ஆற்றின் கரை அளக்குடியில்தண்ணீர் மோதி திரும்பும் இடத்தில் கடந்த 2018ம் ஆண்டு ஏற்பட்ட உடைப்பு தற்காலிகமாக சரி செய்ய ப்பட்ட பகுதியை ஆய்வு செய்தார்.

பின்னர் கண்காணிப்பு பொறியாளர் முருகேசன் கூறுகையில், அளக்குடி கிராமத்தில் கொள்ளிடம் ஆற்றின் நடு பகுதியில் மணல்மேடு உருவாகியுள்ளது.

இதனால் ஆற்றில் தண்ணீர் வரத்து அதிகம் செல்லும் போது தண்ணீர் எளிதில் சென்று சேர்வதில் தடை ஏற்படுத்துகிறது.

எனவே எளிதில் ஆற்றில் தண்ணீர் செல்லும் வகையில் ஆற்றின் நடுவில் உள்ள மணல் திட்டு பகுதியை அகற்ற நடவடிக்கை மேற்கொள்ளப்படும்.

அளக்குடி, நாதல்படுகை, முதலைமேடுதிட்டு ஆகிய இடங்களில் கொள்ளிடம் ஆற்றின் கரையை தற்போது தற்காலிகமாக சரி செய்யப்பட்டு தொடர்ந்து கரையை வலுவானதாகவும், உயர்த்தியும் அமைக்க நடவடிக்கை எடுக்கப்பட்டு அதற்கான மதிப்பீடு தயார் செய்து அரசுக்கு சமர்ப்பித்திட உரிய நடவடிக்கை மேற்கொள்ள அறிவுறுத்தப்பட்டுள்ளது என்றார்.

மயிலாடுதுறை காவிரி வடிநிலக்கோட்ட செயற்பொறியாளர் சண்முகம், உதவி செயற்பொறியாளர் விஜயகு மார், உதவி பொறியாளர்கள் சிவசங்கர், வெங்கடேசன், கனகசரவணன் மற்றும் அதிகாரிகள், ஊழியர்கள் உடன் இருந்தனர்.

திருப்பூர் :

தந்தை பெரியார் திராவிடர் கழகத்தின் மாநில பொதுக்குழு கூட்டம் திருப்பூர் வாலிபாளையத்தில் உள்ள தனியார் அரங்கில் நடைபெற்றது. கூட்டத்திற்கு மாநில பொதுச்செயலாளர் கு.ராமகிருஷ்ணன் தலைமை தாங்கினார்.

கூட்டத்தில் தமிழகம் இந்தியாவின் மற்ற மாநிலங்களுக்கு முன்மாதிரியாக திகழும் வகையில் திராவிட மாடல் ஆட்சியில் அனைத்து சாதியினரையும் அர்ச்சகராக நியமனம், அர்ச்சனை மொழியாக தமிழ், உயர்கல்வியில் பெண்களை ஊக்குவிக்கும் வகையில் உயர்கல்வி உதவித்தொகை திட்டம், மக்களை தேடி மருத்துவம், பெண்களுக்கு கட்டணமில்லா பஸ் பயணம், பள்ளி குழந்தைகளுக்கு காலை உணவு திட்டம், அரசு பணிகளுக்கு தமிழில்தேர்வு போன்றவற்றை கொண்டுவந்த தமிழக அரசுக்கு பாராட்டு தெரிவிப்பது.

தந்தை பெரியார் பிறந்தநாளை சமூகநீதி நாளாகவும், டாக்டர் அம்பேத்கர் பிறந்தநாளை சமத்துவ நாளாகவும், வள்ளலார் பிறந்த நாளை தனிப்பெரும் கருணை நாளாகவும் அறிவித்த தமிழக முதல்-அமைச்சர் மு.க.ஸ்டாலினுக்கு பாராட்டு தெரிவிப்பது.

நீட் தேர்வில் இருந்து தமிழகத்திற்கு விலக்கு அளிக்க வேண்டும் என்று தமிழக சட்டமன்றத்தில் ஒருமனதாக நிறைவேற்றப்பட்டு அனுப்பப்பட்ட சட்ட மசோதாவிற்கு ஜனாதிபதி உடனடியாக ஒப்புதல் வழங்க வேண்டும். தேசிய கல்வி கொள்கையை நிராகரித்து மாநில கல்வி கொள்கைக்காக குழு அமைத்துள்ள தமிழக அரசை பாராட்டுவதுடன், கல்வி உரிமையை பாதுகாத்திட கல்வியை மாநில பட்டியலுக்கு மாற்றும் பணியை தமிழக அரசு மேற்கொள்ள வேண்டும். முன்னாள் பிரதமர் ராஜீவ்காந்தி கொலை வழக்கில் நீண்ட காலமாக சிறையில் உள்ள இஸ்லாமியர்கள் 6 பேரை உடனடியாக விடுதலை செய்ய வேண்டும் உள்பட பல்வேறு தீர்மானங்கள் நிறைவேற்றப்பட்டது.

திருவையாறு:

திருவையாறு சீனிவா சராவ் மேல்நிலைப் பள்ளியில் தமிழக அரசின் பள்ளி மாணவர்களுக்கான விலையில்லா மிதிவண்டி வழங்கும் திட்டத்தின்–படி நேற்று மாலை மாணவர்–களுக்கு மிதிவண்டிகள் வழங்கப்பட்டது.

இந்நிகழ்ச்சியில் பள்ளிச் செயலர் ரஞ்சன் கோபால் முன்னிலையில் தலைமையாசிரியர் அனந்தராமன் தலைமையில் திருவையாறு ஊராட்சி ஒன்றியக் குழுத் தலைவர் அரசாபகரன் விலையில்லா மிதிவண்டிகளை மாணவ, மாண விகளுக்கு வழங்கினார்.

402 பேருக்கு விலை யில்லா மிதிவண்டிகள் வழங்கப்பட்டது.

நிகழ்ச்சியில் திருவையாறு பேரூராட்சி 10 வது வார்டு உறுப்பினர் சசிகலா குமணன், முன்னாள் மாவட்ட கவுன்சிலர் தண்டபாணி மற்றும் பலர் கலந்துகொண்டனர்.

வேதாரண்யம்:

நாகை மாவட்டம், வேதாரண்யத்தில் வருவாய்க் கோட்ட அளவிலான விவசாயிகள் குறைதீர்நாள் கூட்டம் நடந்தது.

வேதாரண்யம் வட்டா ட்சியர் அலுவலக கூட்ட அரங்கில் நடைபெற்ற கூட்டத்துக்கு கோட்டாட்சியர் ஜெய ராஜ பெளலின் தலைமை வகித்தர். வட்டாட்சியர் ரவிச்சந்திரன் முன்னிலை வகித்தார்.கூட்டத்தில் பெரும்பா லான விவசாயிகள் முள்ளியாறு, மானங்கொ ண்டானாறு, போக்கு வாய்க்கால் நீர் நிலைகளில் அடர்ந்து வளர்ந்துள்ள வெங்காயத் தாமரைச் செடிகளை காலத்தில் அகற்ற வலியுறுத்தினர்.

வேதாரண்யத்தில் வேளாண் பொறியியல் துறையின் அலுவலகம் தொடங்கி அந்த துறை சார்ந்த நலத் திட்டங்கள் கிடைத்திட வேண்டும் என வலியுறுத்தப்பட்டது. மின் இறைவைப் பாசனத் திட்டம், நீர் நிலைகள் பராமரிப்பு குறித்தும் விவசாயிகள் பேசினர்.விவசாயி காளிதாசன் கூறுகையில் தகுதியானவர்கள் என கண்டறியப்பட்டவர்களுக்கும் குறுவை தொகுப்பு முழுமையாகக் கிடைக்கவில்லை.

நெல் அறுவடைக் காலத்தில் அறுவடை எந்திரத்துக்கான வாடகையை அதிகமாக பெறுவதை தடுக்க காலத்தில் நடவடிக்கை எடுக்க வேண்டும் என்றார். ஒளிச்சத்திரன்: எள் சாகுபடிக்கான இழப்பீடு இதுவரை கிடைக்கவில்லை. புகையிலைக்கான மாற்றுப் பயிர் சாகுபடிக்கு வழிகாட்ட வேண்டும்.

பாலகிருஷ்ணன்: காந்திநகர் பகுதியில் மழைக்காலத்தில் வெள்ளம் தேங்குவதை தடுக்க வேண்டும்.குழந்தைவேலு: திருத்துறைப்பூண்டி - வாய்மேடு, தென்னடார், ஆயக்காரன்புலம், ஆதனூர் - வேதாரண்யம் வழித் தடத்தில் அரசு பேருந்து இயங்குவதை உறுதி செய்ய வேண்டும் என்றார்.கூட்டத்தில், மேகநாதன், காளிதாஸ், அகிலன், ஒளிச்சந்திரன், சிவஞானம் உள்ளிட்டோர் பேசினர்.