நீங்கள் தேடியது "வட்டார சுகாதார பேரவை"

காங்கயம்:

காங்கயத்தில் வட்டார சுகாதாரப் பேரவைக் கூட்டம் நடைபெற்றது.சாவடிப்பாளையம் அரசு ஆரம்ப சுகாதார நிலையம் சாா்பில் நடைபெற்ற இந்தக் கூட்டத்துக்கு, காங்கயம் வட்டார மருத்துவ அலுவலா் டாக்டா் முரளி தலைமை வகித்தாா். கூட்டத்தில் காங்கயம் வட்டார கிராமங்கள், பள்ளிகள் மற்றும் அங்கன்வாடி மையங்களில் தேவைப்படும் சுகாதாரப் பணிகள் குறித்து விவாதிக்கப்பட்டு தீா்மானங்கள் நிறைவேற்றப்பட்டன.

இதில் சுகாதாரத் துறை உதவித் திட்ட இயக்குநா் டாக்டா் மோகன்ராஜ், மாவட்ட மகப்பேறு மற்றும் குழந்தை நல அலுவலா் புனிதா, மாவட்ட மலேரியா பிரிவு அலுவலா் காசிம் முஸ்தபா மற்றும் காங்கயம் வட்டாரத்தில் உள்ள அனைத்து மருத்துவ அலுவலா்கள், சுகாதாரப் பணியாளா்கள் கலந்து கொண்டனா். மேலும் வட்டார வளா்ச்சி அலுவலா்கள், குழந்தை வளா்ச்சித் திட்ட அலுவலா்கள், வட்டாரக் கல்வி அலுவலா்கள், ஊராட்சித் தலைவா்கள் பங்கேற்றனா்.