நீங்கள் தேடியது "slug 95081"

சென்னை:

நடிகர் கமல்ஹாசன் மக்கள் நீதி மய்யம் என்ற பெயரில் கட்சி தொடங்கி தீவிர அரசியலில் ஈடுபட்டு வருகிறார். அவர் நடித்த விஸ்வரூபம்-2 படம் வரும் வெள்ளியன்று வெளியாக இருக்கிறது. இதற்காக மும்பை, ஐதராபாத் நகரங்களுக்கு பயணம் மேற்கொண்டுள்ளார்.

இதுதொடர்பாக அவர் அளித்த பேட்டி ஒன்றில் அவர் கூறி இருப்பதாவது:-


அந்த திட்டத்தை நடைமுறைக்கு கொண்டுவந்தால் மாநிலத்தில் நிலவும் லஞ்ச, ஊழலை அடியோடு ஒழித்து விடலாம். தமிழ்நாட்டையும் தமிழ்நாட்டு மக்களையும் மேம்படுத்துவதே எனது முழுநேர பணியாக இருக்கும். எனக்கு இதைவிட சினிமா முக்கியம் அல்ல.

நடிப்பு திறமை அரசியலுக்கு உதவுமா என்று கேட்கிறீர்கள், விலங்குகளுக்கு கூட நடிப்பு திறமை இருக்கிறது. அதை பயன்படுத்திக் கொள்கின்றன.

நடிப்புத் திறமையை பயன்படுத்தி ஒவ்வொருவரும் பலன் அடையும் போது, அதை ஏன் அரசியல்வாதிகள் மட்டும் பயன்படுத்தக்கூடாது? எனக்கு கிராமப்பகுதிகளில் தான் அதிக அளவில் ரசிகர்கள் உள்ளனர்.

அவர்களுக்கு என்னை சினிமா நபராக தான் அதிகம் தெரியும். அவர்கள் என்னை ஒரு சினிமாக்காரனாக மட்டும் அல்லாமல் அரசியல்வாதியாகவும் ஏற்றுக்கொள்வார்கள்.

அந்த நம்பிக்கையை அவர்களுக்கு உண்டாக்க வேண்டிய கடமை எனக்கு இருக்கிறது. அதை நோக்கி பணிபுரிவேன் அதன்மூலம் நடிகனாக எனக்கு அவர்கள் தந்த அன்பையும் ஆதரவையும் அரசியல்வாதியாகவும் தரும் அளவிற்கு பணிபுரிவேன்.

இவ்வாறு அவர் கூறி உள்ளார். #KamalHaasan #MakkalNeethiMaiyam

சென்னை:

நடிகர் கமல்ஹாசன் மக்கள் நீதி மய்யம் என்னும் பெயரில் கட்சி தொடங்கி தீவிர அரசியலில் ஈடுபட்டு வருகிறார்.


கேள்வி:- “இந்தியன்-2க்கு அப்புறம் நடிக்க மாட்டீர்கள் என்று சொல்கிறார்களே?”

பதில்:- “அவர்கள் தான் சொல்லிக் கொண்டு இருக்கிறார்கள். அதை காலம்தான் அதை முடிவு செய்யும். அப்ப முழு நேர அரசியல்வாதியாக ஆக மாட்டீங்களா என்று கேட்கிறார்கள்.

கே:- இங்கு முழு நேர அரசியல்வாதி யார்?.

ப:- ஒருத்தரை சொல்லுங்கள் பார்க்கலாம். நான் முதலில் மனிதன் பிறகு கலைஞன். ஒவ்வொருவருக்கும் தனிப்பட்ட வாழ்க்கை வேண்டும். வெள்ளைக்காரன் காலத்துல தியாகம் செஞ்சு அரசியல் செஞ்சது வேற. இப்போது அப்படி நடிக்க அவசியமில்லை. இது துறவு அல்ல.. எனக்கும் கொஞ்சம் மிஞ்சணும்’

கே:- ‘‘பிக்பாஸ் நிகழ்ச்சிக்கும் சமூகத்துக்கும் ஏதேனும் தொடர்பு இருக்கிறதா?”

ப:- “நம் பழைய சடங்குகளின் ஒவ்வொன்றுக்கு பின்னாலும் நிறைய காரணங்களும் நோக்கங்களும் இருந்தன. ஒவ்வொரு சடங்கிலும் ஒரு செய்தி இருக்கிறது. நேரடியாக சொன்னால் மக்கள் ஏற்றுக் கொள்ள மாட்டார்கள் என்று மதம் வழியாக சொல்லியிருக்கிறார்கள்..

‘மன்னர் சொல் கேளா மக்களை வழிதிருப்ப மதம் வழி சொல்லி வைத்த மார்க்கம்தானே’ன்னு நானே சின்ன வயசுல எழுதியிருக்கேன். எனவே நிச்சயம் சம்பந்தம் இருக்கு. அதனால்தான் நீங்கள் தொடர்ந்து பார்த்துக் கொண்டிருக்கிறீர்கள்” என்றார்.

கே:- “பிடித்த போட்டியாளர் யார்?”

ப:- ‘உங்களுக்கு பிடிச்சவங்க ஒவ்வொரு வாரமும் மாறிக்கொண்டே இருக்கிறார்கள் இல்லையா? எப்படி சொல்ல முடியும்? இரண்டு வருடங்களாக தாங்கிக் கொண்டிருக்கும் மக்கள் தான் எனக்குப் பிடித்தவர்கள்”

‘எந்தவொரு விளையாட்டிலும் தன்னுடைய எதிரியார் என்பதை தேர்வு செய்தாக வேண்டும். இன்னமும் கொஞ்ச நாள்ல நானும் அதை செய்தாக வேண்டும்’ (கமல் இப்படி சொல்லிவிட்டு கேமராவைப் பார்க்க புரிந்து கொண்டு கைத்தட்டினார்கள் பார்வையாளர்கள்.) #KamalHaasan #MakkalNeethiMaiyam

கயத்தாறு:

தூத்துக்குடி மாவட்டம் கடம்பூரில் செய்தி மற்றும் விளம்பரத்துறை அமைச்சர் கடம்பூர் ராஜூ நேற்று நிருபர்களுக்கு பேட்டி அளித்தார். அப்போது அவர் கூறியதாவது:-

துணை முதல்-அமைச்சர் ஓ.பன்னீர்செல்வம் மீது ஊழல் குற்றச்சாட்டு பதிவு செய்யப்பட்டதால், அவரை பதவி நீக்கம் செய்வதுடன், இந்த ஆட்சியை கலைக்க வேண்டும் என்று நடிகர் கமல்ஹாசன் கூறுகிறார். எந்த சட்டத்திலும் முதல் தகவல் அறிக்கை பதிவு செய்யப்பட்டவுடன் பதவி விலக வேண்டும் என்று கூறப்படவில்லை.


நடிகர் கமல்ஹாசன் தன்னை அதிமேதாவியாக கருதுகிறார். அவர் அரசியலுக்கே லாயக்கற்றவர். ஒருவர் மீது யார்  வேண்டுமானாலும் குற்றச்சாட்டு கூறலாம். அது நிரூபணமானால்தான் குற்றவாளியாக கருத முடியும். சட்டமன்ற கூட்டத்தொடர் 46 நாட்கள் நடந்தபோதும்கூட தமிழக அரசின் மீது யாரும் எந்தவித குற்றச்சாட்டையும் நிரூபிக்க முடியவில்லை.

பெட்ரோல், டீசல் விலையை சரக்கு, சேவை வரி வரம்புக்குள் கொண்டுவர வேண்டும். சுங்கச்சாவடிகளை அகற்றி விட்டு, ஆண்டுக்கு ஒரு முறை சுங்க கட்டணம் வசூலிக்க வேண்டும் போன்ற கோரிக்கைகளை வலியுறுத்தி, லாரி உரிமையாளர்கள் மத்திய அரசுக்கு எதிராக நாடு முழுவதும் வேலைநிறுத்தத்தில் ஈடுபட்டு உள்ளனர்.

இதனால் பொதுமக்கள் பாதிப்படையக்கூடாது என்பதற்காகவும், விலைவாசி உயர்ந்து விடக்கூடாது என்பதற்காகவும் தமிழக அரசு பல்வேறு நடவடிக்கைகளை மேற்கொண்டு வருகிறது. அரசு பஸ்களில் விவசாயிகள் கட்டணமின்றி விளைபொருட்களை எடுத்து செல்ல அனுமதிக்கப்பட்டு உள்ளது. பசுமை பண்ணை காய்கறி அங்காடிகளில் கூடுதலாக காய்கறிகள் விற்பனை செய்யப்படுகிறது.

லாரி உரிமையாளர்கள் வேலைநிறுத்தத்தை முடிவுக்கு கொண்டுவர வேண்டும் என்று முதல்-அமைச்சர் எடப்பாடி பழனிசாமி பிரதமருக்கு கடிதம் அனுப்பி உள்ளார். தேர்தல் அறிவிக்கப்பட்ட பின்னரே அ.தி.மு.க. ஒருங்கிணைப்பாளர், இணை ஒருங்கிணைப்பாளர் தலைமையில் செயற்குழு, பொதுக்குழு கூட்டப்பட்டு, கூட்டணி குறித்து முடிவு செய்யப்படும்.

இவ்வாறு அவர் கூறினார். #KamalHaasan #MinisterKadamburRaju

சென்னை:

மக்கள் நீதி மய்யம் தலைவர் நடிகர் கமல்ஹாசன் சென்னையில் நடந்த தகவல் தொழில்நுட்ப கருத்தரங்கில் கலந்துகொண்டு பேசினார்.


கிராமங்கள் வளர்ச்சி பெறும்போதுதான் முன்னேற்றம் உருவாகுகிறது. இதற்கு இந்திய தொலைத்தொடர்பு துறை வளர்ச்சியை உதாரணமாக சொல்லலாம். கிராமங்களில் உள்ள ஒவ்வொருவரும் செல்போன் வாங்கிய பிறகுதான் தொலைத்தொடர்பு துறை உயர் வளர்ச்சியை அடைந்தது.

கிராமங்களின் ஆற்றலை இதன் மூலம் நாம் உணர்ந்து கொள்ள முடியும். அதனால் தான் கிராமங்களை மேம்படுத்த மக்கள் நீதி மய்யம் ஆர்வம் காட்டுகிறது.

மக்கள் நீதி மய்யம் மூலம் ஸ்மார்ட் வில்லேஜ்ஸ் (கிராமங்கள்) உருவாக்கப்படும். ஸ்மார்ட் கிராமங்கள் உருவானால் மக்கள் கிராமங்களில் இருந்து நகர் பகுதிகளுக்கு இடம் பெயரும் நிலை மாறும்.

மக்கள் நீதி மய்யம் சார்பில் விரைவில் தேர்தல் வாக்குறுதி வெளியிடப்படும். அதில் கிராமங்கள் மேம்பாட்டுக்கு மிகுந்த முக்கியத்துவம் அளிக்கப்படும். குறிப்பாக ஸ்மார்ட் வில்லேஜ் திட்டத்திற்கு அதிக கவனம் செலுத்தப்படும்.

கிராமங்கள் உண்மையிலேயே ஸ்மார்ட்டாக மாறினால் மக்கள் இடம் பெயர்வதில் மிக பெரிய மாற்றங்கள் ஏற்படும். கிராமத்து மக்கள் நகர் பகுதிகளுக்கு எப்போது செல்ல வேண்டும்? எதற்காக செல்ல வேண்டும்? என்பதை எல்லாம் தாங்களே தீர்மானிப்பார்கள்.

என்னை நான் அரசியலில் மேம்படுத்திக் கொள்ள தகவல் தொழில்நுட்பத்தில் சிறந்து விளங்குபவர்களுடன் கலந்து இருக்க ஆசைப்படுகிறேன். எனவே தகவல் தொழில்நுட்பத்தில் சிறப்பானவர்கள் தங்களை அரசியலில் ஈடுபடுத்திக் கொள்ள வேண்டும்.

நான் பல்வேறு விதமான பங்களிப்பை அளித்த பிறகு தான் தற்போது அரசியலில் ஈடுபட்டுள்ளேன். எனவே தயவு செய்து என்னையும் அரசியல்வாதியாக ஏற்றுக்கொள்ளுங்கள்.

அரசியலில் நான் எடுத்து வைத்திருக்கும் அடி மிகவும் ஆபத்தானது என்பதை நான் நன்கு அறிவேன். அரசியலில் நேர்மைக்கு இடமே இல்லை. ஆனால் அரசியலிலும் நான் நேர்மையை ஏற்படுத்த முயல்வேன்.

தகவல் தொழில்நுட்பத்தில் சிறந்து விளங்கும் நீங்கள் ஒவ்வொருவரும் தயவு செய்து அரசியலுக்கு வாருங்கள். நீங்கள் எனது கட்சிக்குதான் வரவேண்டும் என்பதில்லை. அரசியலுக்கு வந்தால் போதும்.

நாம் அனைவரும் ஒன்று சேர்ந்து உழைப்போம். அரசியலில் உள்ள அழுக்குகளை விரட்ட வேண்டும். அதற்கு நாம் ஒன்று சேர்ந்தால் பெரிய ஆறாக மாறி அந்த அழுக்குகளை அகற்ற முடியும்.

எனக்கு இப்போது 63 வயதாகிறது. என்னிடம் எந்த லட்சியமும் இல்லை. அதுபோன்று எந்த தியாகமும் இல்லை. ஆனால் கடமை இருக்கிறது.

அந்த கடமையின் பலன்களை பார்ப்பதற்கு நான் இல்லாமல் கூட போகலாம். ஆனால் அடுத்த தலைமுறையினர் அந்த கடமையின் பலனை நிச்சயம் அனுபவிக்கும்.

எனவே உங்களுக்கும் அந்த கடமை உள்ளது. அந்த கடமையை நிறைவேற்ற நீங்களும் முன் வந்தால். இந்த மாநிலத்தை சிறப்பான மாநிலமாக மாற்ற முடியும்.

எனது நற்பணி மன்றத்தில் சுமார் 8 லட்சம் ரசிகர்கள் இருக்கிறார்கள். அவர்கள் கடந்த பல ஆண்டுகளாக நற்பணிகளை செய்து வருகிறார்கள். அந்த நற்பணி இயக்கத்தின் மீது மக்கள் நீதி மய்யம் வலுவாக உருவாக் கப்பட்டுள்ளது.

மக்கள் நீதி மய்யம் கட்சி எந்த பக்கமும் சாயாத நடுநிலையான கட்சியாகும். இடது பக்கமோ, வலது பக்கமோ நிச்சயம் சாயாது. ஆனால் சாமானிய மக்களின் குரலை பிரதிபலிக்கும் கட்சி யாக மக்கள் நீதி மய்யம் கட்சி நிகழும்.

உலக அளவில் குறிப்பாக ஐரோப்பாவில் நடுநிலை கட்சிகள்தான் ஆட்சிக்கு வந்து கொண்டிருக்கின்றன. இந்தியாவில் மக்கள் நீதி மய்யம் கட்சி மட்டுமே நடுநிலை கட்சியாக உள்ளது.

மாற்றங்கள் நிச்சயம் வரும். தொழில்நுட்பத்தில் மட்டுமல்ல, சாதாரண மக்களிடமும் மாற்றங்கள் வரும்.

இவ்வாறு கமல்ஹாசன் பேசினார். #KamalHaasan #MakkalNeedhiMaiam