நீங்கள் தேடியது "லஞ்சம்"

திண்டுக்கல்:

பழனி அருகில் உள்ள சின்னகலையம்புத்தூர் பகுதியை சேர்ந்தவர் சுப்பிரமணி. இவரது வீட்டு மனையை அளவீடு செய்வதற்காக கடந்த 2008-ம் ஆண்டு நெய்க்கா ரபட்டி பிர்கா சர்வேயர் வெற்றிவேலை அணுகினார். அப்போது அளவீடு செய்து பட்டா மாறுதல் தருவதற்கு பரிந்துரை செய்ய ரூ.1000 லஞ்சம் கேட்டுள்ளார். சுப்பிரமணி இது குறித்து லஞ்ச ஒழிப்புத்துறை போலீசாரிடம் தெரிவிக்கவே வெற்றிவேலை கையும் களவுமாக அவர்கள் கைது செய்தனர்.

இது குறித்த வழக்கு திண்டுக்கல் சிறப்பு நீதிமன்றத்தில் நடந்தது. இவ்வழக்கை விசாரித்த மாவட்ட தலைமை குற்றவியல் நீதித்துறை நடுவரும், சிறப்பு நீதிபதியுமான நம்பி தீர்ப்பு அளித்தார்.

ஊழல் தடுப்பு சட்டம் 1988 சட்டப்பிரிவு 7 மற்றும் 13-க்கு தலா 2 ஆண்டு கடுங்காவல் தண்டனையும், ரூ.500 அபராதமும் விதித்து உத்தரவிட்டார். அபராத தொகையை செலுத்த தவறினால் மேலும் 3 மாதம் சிறை தண்டனை அனுபவிக்க வேண்டும் எனவும் இந்த தண்டனையை ஏக காலத்தில் அனுபவிக்க வேண்டும் எனவும் உத்தரவிட்டார்.

உடுமலை:

திருப்பூர் மாவட்டம் உடுமலை அருகே உள்ள கண்ணம நாயக்கனூர் சவுந்தர்யா கார்டனை சேர்ந்தவர் ஜெகன். இவர் உடுமலை ஸ்ரீராம் நகர் பகுதியில் 4.54 சென்ட் நிலத்தை விலைக்கு வாங்கி உள்ளார். இந்த மனைக்கு அங்கீகாரம் இல்லாததால் அங்கீகாரம் பெற கடந்த டிசம்பர் 20-ந் தேதி உடுமலை ஊராட்சி ஒன்றிய அலுவலகத்தில் வட்டார வளர்ச்சி அலுவலர் ரமேஷ் குமாரை அணுகி உள்ளார்.

அதற்கு அவர் வளர்ச்சி கட்டணமாக ரூ. 10,118 மற்றும் கூடுதலாக தனக்கு ரூ. 20 ஆயிரம் வழங்க வேண்டும் என கூறி உள்ளார். ஜெகன் பல முறை ஒன்றிய அலுவலகத்திற்கு மனை அங்கீகாரம் பெற வந்த பிறகு ரூ. 5 ஆயிரத்தை குறைத்து கொண்டு ரூ .15 ஆயிரம் வழங்கினால் மட்டுமே மனை அங்கீகாரம் தர இயலும் என்று ரமேஷ்குமார் உறுதியாக கூறி உள்ளார்.

இது குறித்து ஜெகன் திருப்பூர் லஞ்ச ஒழிப்பு துறை போலீசாரிடம் புகார் அளித்தார். இதனை தொடர்ந்து லஞ்ச ஒழிப்புதுறை போலீசார் ஜெகனிடம் ரசாயன பவுடர் தடவிய ரூ. 15 ஆயிரத்தை கொடுத்து அனுப்பினார்கள்.

அலுவலகம் சென்ற ஜெகன் பணத்தை வட்டார வளர்ச்சி அலுவலர் ரமேஷ் குமாரிடம் கொடுத்தார். அப்போது அங்கு மறைந்திருந்த லஞ்ச ஒழிப்பு துறை டி.எஸ்.பி. ரவிச்சந்திரன் தலைமையிலான இன்ஸ்பெக்டர்கள் கவுசல்யா, எழில் அரசி மற்றும் போலீசார் ரமேஷ் குமாரை கையும் களவுமாக பிடித்து கைது செய்தனர்.

அவரது அலுவலகத்தில் லஞ்ச ஒழிப்பு போலீசார் சோதனை நடத்தினார்கள். அங்கு கணக்கில் வராத ரூ. 14 ஆயிரத்து 500- ஐ பறிமுதல் செய்தனர். 5 மணி நேரம் இந்த சோதனை நடைபெற்றது. ரமேஷ் குமாரின் வீடு உடுமலை ராமசாமி நகரில் உள்ளது. அங்கு சென்ற லஞ்ச ஒழிப்பு போலீசார் அதிரடி சோதனை நடத்தினார்கள். அரை மணி நேரம் இந்த சோதனை நடைபெற்றது. அங்கு பணம் எதுவும் கைப்பற்றப்பட்டதா? என்பது குறித்து லஞ்ச ஒழிப்பு போலீசார் எதுவும் தெரிவிக்கவில்லை.

பின்னர் ரமேஷ் குமாரை திருப்பூர் மாவட்ட குற்றவியல் நீதி மன்றத்தில் ஆஜர் படுத்தி கோவை மத்திய சிறையில் அடைத்தனர். லஞ்ச வழக்கில் வட்டார வளர்ச்சி அலுவலர் கைது செய்யப்பட்டதால் அவரை சஸ்பெண்டு செய்ய உயர் அதிகாரிகள் நடவடிக்கை எடுத்து வருகிறார்கள்.

சேலம்:

சேலம் மாவட்டம் பன மரத்துப்பட்டி அருகே உள்ள தும்பல்பட்டியை சேர்ந்தவர் மலையன். இவரது வளர்ப்பு நாய் அங்குள்ள மலைப்பகுதியில் ஒரு உடும்பை பிடித்து வந்தது. அதனை மலையன் வீட்டில் சமைத்து வைத்திருந்தார்.

தகவல் அறநித ராசிபுரம் வனச்சரகத்திற்கு உட்பட்ட திருமானூர் வனக்காப்பாளர் சுப்பிரமணி மலையன் வீட்டிற்கு சென்று உடும்பை பிடித்து சமைத்ததற்காக வன விலங்கு சட்டத்தின் கீழ் கைது செய்யப்போவதாக மிரட்டினார்.

மேலும் கைது செய்யாமல் இருக்க ரூ.20 ஆயிரம் கொடுக்குமாறு ம் கூறினார். இதனால் பயந்து போன மலையன் ரூ.1500 கொடுத்தார். அப்போது மேலும் 10 ஆயிரம் ரூபாய் கேட்ட வனக்காப்பாளர் சுப்பிரமணி உடனே ரூ. 2500 தர வேண்டும் என கூறி மிரட்டினார்.

மேலும் லஞ்சம் கொடுக்க விரும்பாத மலையன் இந்த சம்பவம் குறித்து சேலம் லஞ்ச ஒழிப்பு போலீசாருக்கு தகவல் தெரிவித்தார். லஞ்ச ஒழிப்பு போலீசார் ஆலோசனையின் படி நேற்று தும்பல்பட்டிக்கு வந்த வனக்காப்பாளர் சுப்பிரமணியனிடம் ரூ.2500 -ஐ மலையன் கொடுத்தார்.

அப்போது அங்கு மறைந்திருந்த லஞ்ச ஒழிப்பு போலீசார் சுப்பிரமணியை கையும், களவுமாக பிடித்து கைது செய்தனர். தொடர்ந்து போலீசார் அவரிடம் விசாரணை நடத்தினர். அப்போது வேறு நபர்களிடம் இப்படி மிரட்டி பணம் வாங்கினாரா? என்பது குறித்து விசாரணை நடத்தப்பட்டது.

விசாரணை முடிவில் அவர் கோர்ட்டில் ஆஜர்படுத்தப்பட்டு சேலம் மத்திய சிறையில் அடைக்கப்பட்டார். சிறையில் அடைக்கப்பட்ட சுப்பிரமணி விரைவில் சஸ்பெண்டு செய்யப்படுவார் என வனத்துறை உயர் அதிகாரி ஒருவர் தெரிவித்தார். #bribe

திருவள்ளூர்:

மணலி எம்.எப்.எல். ஜங்சன் அருகே போக்குவரத்து போலீஸ்காரர் செந்தில் வாகன சோதனையில் ஈடுபட்டார்.

அப்போது விதிமுறை மீறிவந்த வாகன ஓட்டிகளிடம் அவர் லஞ்சம் வாங்கியதாக தெரிகிறது.

அந்த நேரத்தில் அங்கு வந்த எண்ணூர் நுண்ணறிவு பிரிவில் போலீஸ்காரர் வேலைபார்க்கும் வெற்றி என்பவர் இந்த காட்சிகளை தனது செல்போனில் வீடியோவாக பதிவு செய்தார்.

இதனை கவனித்த போலீஸ்காரர் செந்தில், அவரிடம் வாக்குவாதத்தில் ஈடுபட்டார். மேலும் வெற்றி வைத்திருந்த செல்போனை பறித்து அதில் பதிவாகி இருந்த தான் லஞ்சம் வாங்கும் வீடியோவை அழித்தார். பின்னர் செல்போனையும் உடைத்து எறிந்ததாக கூறப்படுகிறது.

இதுகுறித்து வெற்றி, நுண்ணறிவு பிரிவு போலீசில் புகார் செய்தார். போலீசார் விசாரணை நடத்தி வருகிறார்கள்.