நீங்கள் தேடியது "slug 95359"

முன்னாள் காதல் ஜோடி நடிக்கும் இரண்டெழுத்து படத்துக்கு மிகப்பெரிய விளம்பரம் கிடைத்துள்ளதாம். அந்த முன்னாள் காதல் ஜோடி மீண்டும் இணைந்து நடிப்பதுதான் இதற்கு காரணமாம். சர்ச்சைக்குரிய தகவல்கள் படத்துக்கு நல்ல விளம்பரமாக அமையும் என்பதை அந்த நாயகி இப்போதுதான் புரிந்து கொண்டாராம்.

அதைத்தொடர்ந்து அந்த நாயகி சர்ச்சைக்குரிய கதைகளில் துணிச்சலாக நடிப்பது என்று முடிவெடுத்து இருக்கிறாராம். தன்னிடம் கதை சொல்ல வருபவர்களிடம், “சர்ச்சைக்குரிய கதை இருக்கிறதா... அதை முதலில் சொல்லுங்கள்” என்கிறாராம்!

தமிழில் நம்பர் ஒன்னாக இருக்கும் நடிகை, வருடத்தில் இரண்டு முறை ஜோதிடம் பார்த்து விடுவாராம். அவருடைய ஆஸ்தான ஜோதிடர் காஞ்சீபுரத்தில் இருக்கிறாராம். அவரை ‘நம்பர்-1’ நடிகை சமீபத்தில் சந்தித்து, திருமணம் செய்து கொள்ளலாமா? என்று கேட்டாராம்.

“இப்போது திருமணம் செய்து கொண்டால், ‘மார்க்கெட்’ போய்விடும்” என்று சொன்ன ஜோதிடர், நடிகைக்கு இன்ப அதிர்ச்சி அளிக்கும் ஒரு தகவலையும் சொன்னாராம். “உனக்கு அரசியல் வாய்ப்பு அமோகமாக இருக்கிறது. இன்னும் 5 வருடத்தில், பெரிய பதவி உன்னை தேடி வரும். இதை யாராலும் தடுக்க முடியாது” என்றாராம். 

இதைக்கேட்ட நடிகைக்கு என்ன செய்வதென்று தெரியாமல் இருக்கிறாராம்.

தெலுங்கில் பிரபலமான மேகமான நடிகை, தமிழில் நடித்த படங்கள் வெளியாவதில் தாமதம் ஏற்பட்டதாம். இதனால், நடிகையை ராசி இல்லாத நடிகை என்றும், இந்த நடிகையை வைத்து படம் எடுத்தால், படம் வெளியாகாது என்றும் பலரும் கூறி வந்தார்களாம்.

இதனால், வருத்தமடைந்த நடிகைக்கு உச்ச நட்சத்திரம் உடன் நடித்த படம், வம்பு நடிகர் படம், வாரிசு நடிகர் படம் என அடுத்தடுத்து படங்கள் வெளியானதாம். இதைப் பார்த்த பல தயாரிப்பாளர்கள், இயக்குனர்கள் அடுத்த படங்களில் நடிக்க வைக்க முயற்சிகள் நடக்கிறதாம்.

நடிகைக்கு வாய்ப்புகள் குவிவதை அறிந்த நடிகைகள், மேகமான நடிகை மீது பொறாமை பட்டு வருகிறார்களாம்.

சங்க நடிகர் தற்போது ஒரு ரீமேக் படத்தில் நடித்து வருகிறாராம். இதில் ஒரு பாடலுக்கு நடனம் ஆட பிரபல ஆபாச பட நடிகையை அணுகினார்களாம். நடிகை ஆட சம்மத்திப்பார் என்று நடிகர் எதிர்பார்த்த நிலையில், நடிகை மறுத்து விட்டாராம். இதனால், தெலுங்கு நடிகையிடம் பேச்சு வார்த்தை நடத்தினார்களாம்.

அந்த நடிகையும் ஆட மறுத்து விட்டாராம். ஒரு வழியாக தமிழ் மார்க்கெட் இல்லாமல் இந்தி பக்கம் சென்ற நடிகையிடம் பேசி ஆட வைத்திருக்கிறார்களாம். பல நடிகைகள் ஆட மறுத்ததால் நடிகர் கோபமடைந்து விட்டாராம்.

டி.வி. நிகழ்ச்சி மூலம் புது வாழ்வு பெற்ற மூன்றெழுத்து நடிகை நடித்து, ஒரு புதிய படம் கடந்த வாரம் திரைக்கு வந்திருக்கிறதாம். படுகவர்ச்சியான காட்சிகளையும், இரட்டை அர்த்த வசனங்களையும் உள்ளடக்கிய இந்த படம், ரூ.12 கோடிக்கு வியாபாரம் ஆகியிருக்கிறதாம். 

இந்த படத்தின் வெற்றியை தொடர்ந்து அந்த நடிகை தனது சம்பளத்தை ரூ.1 கோடியாக உயர்த்தியிருக்கிறாராம். அடுத்த படத்துக்கு ரூ.2 கோடி கொடுக்க தயாரிப்பாளர்கள் தயாராக இருக்கிறார்களாம். இதுதான் நல்ல சமயம் என்று நடிகையும் சம்பளத்தை உயர்த்த தயாராக இருக்கிறார்களாம்.

வம்பு நடிகர் தற்போது ஒரு படத்தில் நடித்து வருகிறாராம். இதில் இவருக்கு ஜோடியாக ராசியான நடிகையிடம் பேச்சுவார்த்தை நடைபெற்றதாம். நடிகையும் நடிக்க ஒப்புக்கொண்டு, படப்பிடிப்புக்காக காத்திருக்கிறாராம். இந்த நிலையில், நடிகர் இந்த நடிகை வேண்டாம், சின்ன நம்பர் நடிகைதான் வேண்டும் என்று அடம்பிடிக்கிறாராம்.

தற்போது சின்ன நம்பர் நடிகைக்கு வரவேற்பு அதிகம் இருப்பதால், நடிகர் அடம்பிடிப்பதாக கூறுகிறார்களாம். ஆனால், இதைக்கேட்ட படக்குழுவினர் என்ன செய்வது என்று தெரியாமல் குழப்பத்தில் இருக்கிறார்களாம்.

வனமகளாக வந்த நடிகை குறுகிய காலத்திலேயே முன்னணி நடிகர்களுடன் ஜோடி போட்டு நடித்தாராம். முன்னணி நடிகையாக வலம் வருவார் என்று பலரும் பேசி வரும் நிலையில், கடைசியாக நடித்த சாக்லெட் பாய் நடிகருடன் காதல் கிசுகிசுவில் இணைந்தாராம். இதையடுத்து அவருடன் விரைவில் திருமணம் என்ற செய்தி வெளியானதாம்.

இதனால், நடிகைக்கு பட வாய்ப்புகள் குறைய தொடங்கி இருக்கிறதாம். பல இடங்களில் இந்த நடிகையா, வேண்டவே வேண்டாம். திருமணம் எப்போது செய்து கொள்வார் என்று தெரியவில்லை. படப்பிடிப்பு பாதியில் திருமணம் செய்து கொண்டால் படம் என்ன ஆகும் என்று பலரும் பேசி வருகிறார்களாம்.

மலையாளத்தில் காதல் படம் மூலம் மிகவும் பிரபலமான நடிகையை, தமிழில் அழைத்து வர பல இயக்குனர்கள் போட்டி போட்டார்களாம். இதில் ஒரு இயக்குனர் விடாபிடியாக இருந்து, நடிகையை தமிழுக்கு அழைத்து வந்தாராம். நடிகை நடித்த படம் ரசிகர்களை கவர, தொடர்ந்து ரவுடியான பாடலுக்கு நடனம் ஆட, அவரின் மார்க்கெட் திடீர் என உயர்ந்ததாம்.

பல இயக்குனர்கள் நடிகை அதிக சம்பளம் கேட்பாரோ என்று பேச, நடிகையோ ஸ்கிரிப்ட் கரெக்டா இருந்தா, எனக்கு முக்கியத்துவம் இருந்தா சம்பளத்தை குறைத்துக் கொள்கிறேன் என்று கூறியிருக்கிறாராம். பட வாய்ப்புக்காக நடிகையின் புது டெக்னிக் என்று பலரும் பேசி வருகிறார்களாம்.

தந்தை பெயரை தன் பெயருடன் இணைத்துக் கொண்டிருக்கும் இளம் கதாநாயகியிடம் புத்தாண்டு பலன் சொன்னாராம், ஒரு ஜோதிடர். 

“இப்போதைக்கு திருமணம் செய்து கொள்ளாதே, பட உலகில் உனக்கு வளமான எதிர்காலம் காத்திருக்கிறது. ‘நம்பர்-1’ தென்னிந்திய கதாநாயகி ஆவதற்கான யோகம் உன் ஜாதகத்தில் இருக்கிறது” என்று அவர் நம்பிக்கையூட்டினாராம். என்றாலும் அந்த நடிகையின் பெற்றோர்கள், மகளுக்கு மாப்பிள்ளை தேடுவதில் மும்முரமாக இருக்கிறார்களாம்!

சமீபத்தில் கிரிக்கெட் படத்தில் விளையாடிய நடிகை, தான் நடித்த படத்தின் வெற்றி விழாவில் கலந்துக் கொண்டாராம். அதில் நடிகை பேசும்போது, "பலர் வெற்றி பெறாத படங்களுக்குக்கூட வெற்றி விழா நடத்துகின்றனர். இது தான் உண்மையான வெற்றி விழா" எனப் பேசி பரபரப்பை ஏற்படுத்தினாராம்.

இதனால், சமூக வலைத்தளத்தில் பெரிய பிரச்சனை நடைபெற்றதாம். சமீபத்தில் வெளியான பெரிய நட்சத்திரங்களின் படங்களைத்தான் நடிகை குறிப்பிட்டு சொல்லியதாக சண்டை எற்பட்டதாம். இதையறிந்த நடிகை, நான் யாரையும் குறிப்பிட்டு சொல்லவில்லை. தவறாக சொல்லியிருந்தால் மன்னித்துக் கொள்ளுங்கள் என்று கூறிவிட்டாராம். இதன் பிறகுதான் ரசிகர்கள் அமைதியானார்களாம்.

முன்னணி நடிகை என்று பெயர் பெற்று, நம்பர் ஒன் இடத்தை தக்க வைத்து இருக்கும் நடிகை, நாயகிக்கு முக்கியத்துவம் உள்ள படத்தில் மட்டும் நடித்து வந்தாராம். சமீபத்தில் விஸ்வாசமான படத்தில் நடிகருடன் நடிக்க சம்மதித்தாராம். 

இதையடுத்து தளபதியார் நடிக்க இருக்கும் படத்தில் நடிகையை நடிக்க வைக்க முயற்சிகள் நடந்ததாம். நடிகையும் நடிக்க சம்மதித்தாராம். ஆனால், சில நிபந்தனைகள் போட்டிருக்கிறாராம் நடிகை. அதிக பட்சமாக சம்பளம். குறைந்த நாட்கள் தான் கால்ஷீட் என படக்குழுவினருக்கு நிபந்தனை போட்டிருக்கிறாராம்.

சமீப காலமாக வாரிசு நடிகைக்கும், திருமணத்திற்குப் பிறகும் பல படங்களில் நடித்து வரும் நடிகைக்கும் போட்டி நடந்து வருகிறதாம். சமீபத்தில் ஒரு இயக்குனரின் புதிய படத்தில் நடிப்பது தொடர்பாக, 2 கதாநாயகிகளுக்குள் போட்டி இருந்து வருகிறதாம்.

இந்த படத்தை பிடிப்பதற்காக இரண்டு பேருமே தங்கள் சம்பளத்தை குறைத்துக் கொள்வதாக வாக்குறுதி கொடுத்து இருக்கிறார்களாம். இந்த நிலையில், வாரிசு நடிகை மேலும் சம்பளம் குறைக்க இறங்கி வந்திருக்கிறாராம்.