என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
முகப்பு » slug 96268
நீங்கள் தேடியது "slug 96268"
அஜித்தை பார்த்த மகிழ்ச்சியில் நடிகை சாக்ஷி அகர்வால் தனது சமூக வலைத்தளத்தில் ரசிகையாக உணர்ந்த தருணம் என்று கூறியிருக்கிறார். #SakshiAgarwal #Ajith
மாடல் அழகியான சாக்ஷி அகர்வால், ‘யோகன்’ படத்தின் மூலம் ஹீரோயினாக அறிமுகமானார். இதையடுத்து திருட்டி விசிடி, கககபோ, படங்களில் நடித்த இவர் தற்போது பா.இரஞ்சித் இயக்கத்தில் ரஜினி நடித்துள்ள ‘காலா’ படத்தில் முக்கிய வேடத்தில் நடித்திருந்தார். மேலும் மலையாளத்தில் ஓராயிரம் கினாக்கள் படத்தில் பிஜு மேனனுக்கு ஜோடியாக நடித்திருந்தார்.
இவர் தற்போது சிவா இயக்கத்தில் அஜித் நடிப்பில் உருவாகி வரும் ‘விஸ்வாசம்’ படத்தில் முக்கிய கதாபாத்திரத்தில் நடித்து வருகிறார். அஜித்தின் தீவிர ரசிகையான இவர், தற்போது அஜித்துடன் புகைப்படம் எடுத்து அதை சமூக வலைத்தளத்தில் பகிர்ந்துள்ளார்.
Just to have got the opportunity to meet #ajith sir - a man full of greatness and inspiration is a blessing i will cherish all my life! A true example of “chivalry” ! My biggest fan moment ❤️ @ThalaAjith_FC@ajithFC@AjithKumarArmypic.twitter.com/ltDrRDHB1J
— Sakshi Agarwal (@ImSakshiAgarwal) September 19, 2018
அதில், ‘அஜித்தை சந்திக்கும் வாய்ப்பு கிடைத்தது. மிகவும் மேன்மை கொண்ட, உத்வேகம் தரக்கூடிய சிறந்த மனிதர். அவரை சந்தித்தது ஆசிர்வாதமாக என் வாழ்க்கை முழுவதும் மனதில் வைத்திருப்பேன். பெரிய ரசிகையாக உணர்ந்த தருணம் இது’ என்று அஜித்தை சந்தித்த மகிழ்ச்சியில் பதிவு செய்திருக்கிறார்.
சிவா இயக்கத்தில் அஜித் நடிப்பில் உருவாகி வரும் ‘விஸ்வாசம்’ படத்தின் படப்பிடிப்பு விறுவிறுப்பாக நடந்து வரும் நிலையில், தெலுங்கு நடிகர் ஒருவர் படக்குழுவில் இணைந்திருக்கிறார். #Viswasam #AjithKumar
அஜித் நடிப்பில் சிவா இயக்கிவரும் படம் ‘விஸ்வாசம்’. வீரம், விவேகம் படங்களுக்கு பிறகு 3 வது முறையாக இந்த கூட்டணி இணைந்திருக்கிறது. நயன்தாரா ஹீரோயினாக நடித்துவரும் இந்தப் படத்தில், விவேக், தம்பி ராமையா, ரோபோ சங்கர், யோகி பாபு, போஸ் வெங்கட், ரமேஷ் திலக் ஆகியோர் முக்கியக் கதாபாத்திரங்களில் நடிக்கின்றனர்.
மதுரை மற்றும் தேனியைப் பின்னணியாகக் கொண்டு உருவாகி வரும் இந்தப் படத்தின் படப்பிடிப்பு ஐதராபாத்தில் உள்ள ராமோஜிராவ் பிலிம் சிட்டியில் நடைபெற்று வருகிறது. இந்தப் படத்தில் அஜித்துடன் மோதும் வில்லனாக தெலுங்கு வில்லன் நடிகர் ரவி அவானா இணைந்துள்ளார். இவர் நடிக்கும் முதல் தமிழ்ப்படம் இது.
நேற்று அஜித், ரவி அவானா மோதும் சண்டைக்காட்சி படங்கள் சமூக வலைதளங்களில் கசிந்துள்ளன. அந்த படங்களில் வெள்ளை வேட்டி சட்டையில் இருக்கிறார் அஜித். படப்பிடிப்பை வேடிக்கை பார்த்த யாரோ ஒருவர் செல்போனில் இந்தப் புகைப்படங்களை எடுத்துள்ளார். இதனால் படக்குழு அதிர்ச்சி அடைந்துள்ளது.
சத்யஜோதி பிலிம்ஸ் தயாரிக்கும் இந்த படத்திற்கு டி.இமான் இசையமைக்கிறார். அடுத்த ஆண்டு பொங்கலுக்கு ‘விஸ்வாசம்’ ரிலீஸாகும் என்று அதிகாரப்பூர்வமாக அறிவிக்கப்பட்டுள்ளது. #Viswasam #AjithKumar
சிவா இயக்கத்தில் அஜித் நடித்து வரும் விஸ்வாசம் படத்தின் சண்டைக் காட்சி இணையத்தில் லீக்கானதால் படக்குழுவினர் அதிர்ச்சியடைந்துள்ளனர். #Viswasam #ViswasamShootingSpot
அஜித் தற்போது `விஸ்வாசம்' படத்தில் பிசியாக நடித்து வருகிறார். ஐதராபாத்தில் படப்பிடிப்பு தீவிரமாக நடந்து வரும் நிலையில், படத்தின் அதிரடி சண்டைக்காட்சிகள் படமாக்கப்பட்டு வருவதாக சமீபத்தில் தகவல் வெளியானது. தற்போது இந்த சண்டைக் காட்சியின் புகைப்படங்கள் சமூக வலைத்தளத்தில் வெளியானது.
இந்த புகைப்படங்கள் ரசிகர்களிடையே அதிகம் பகிரப்பட்டு, இந்தியளவில் டிரெண்டிங்காகி உள்ளது. இது படக்குழுவினருக்கு அதிர்ச்சியை ஏற்படுத்தி உள்ளது.
சிவா இயக்கத்தில் உருவாகி வரும் இப்படத்தில் அஜித்துக்கு ஜோடியாக நயன்தாரா நடித்து வருகிறார். முக்கிய கதாபாத்திரங்களில் விவேக், யோகிபாபு, ரோபோ சங்கர், தம்பி ராமையா, இமான் அண்ணாச்சி, ரமேஷ் திலக் உள்ளிட்ட பலரும் நடிக்கின்றனர். சத்யஜோதி பிலிம்ஸ் தயாரிக்கும் இந்த படத்திற்கு டி.இமான் இசையமைக்கிறார். #Viswasam #AjithKumar #ViswasamShootingSpot
மங்காத்தா படத்தின் இரண்டாம் பாகம் குறித்து ரசிகர்களின் கேள்விக்கு, அஜித் கையில்தான் இருக்கிறது என்று வெங்கட் பிரபு கூறியிருக்கிறார். #Mankatha2 #Ajith
மங்காத்தா வெளியாகி 7-வது ஆண்டு நிறைவு கொண்டாடப்பட்டது. அதுகுறித்து டுவிட்டரில் பதிவிட்ட இயக்குநர் வெங்கட்பிரபு, “ரசிகர்களுக்கு மங்காத்தா தின வாழ்த்துகள். நீங்கள் என்ன கேட்கப்போகிறீர்கள் எனத் தெரியும்.
அதற்கு முன்பாக நானே அதை சொல்லிவிடுகிறேன். நீங்கள் கேட்பதற்கான பதில் அஜித்திடம்தான் இருக்கிறது” என்று பதிவிட்டிருந்தார்.. வெங்கட் பிரபுவிடம் மங்காத்தா 2 எப்போது இயக்கப் போகிறீர்கள் என்றுதான் வழக்கமாகக் கேட்கப்படும்.
எனவே அதை மனதில் வைத்துதான் இப்படியான பதிலை வெங்கட் பிரபு சொல்லியிருக்கக் கூடும் எனத் தெரிகிறது. எனவே மங்காத்தா படத்தின் அடுத்த பாகம் தயாராகுமா இல்லையா எனும் விஷயம் அஜித்தின் பதிலில்தான் இருக்கிறது என்றே இதை எடுத்துக்கொள்ள வேண்டியிருக்கிறது.
விஸ்வாசம் படத்தில் அஜித்துடன் நடித்து வரும் மீனா வாசு, ஈகோ பிடித்த நடிகர்கள் அஜித்தின் காலை கழுவி தொட்டு வணங்க வேண்டும் என்று கூறியிருக்கிறார். #Ajith #Viswasam
சிவா இயக்கும் ‘விஸ்வாசம்’ படத்தில் அஜித்குமார் நடித்து வருகிறார். வீரம், வேதாளம், விவேகம் படங்களுக்கு பிறகு நான்காவது முறையாக இந்த படத்தில் இருவரும் இணைந்துள்ளனர். கதாநாயகியாக நயன்தாரா வருகிறார். ஐதராபாத்தில் அரங்குகள் அமைத்து இதன் படப்பிடிப்பை நடத்துகின்றனர். விரைவில் அங்கு படப்பிடிப்பு நிறைவு பெறும் நிலையில் உள்ளது.
பொங்கலுக்கு படத்தை திரைக்கு கொண்டுவர திட்டமிட்டுள்ளனர். இந்த படத்தில் அஜித்குமார் இரு வேடங்களில் நடிக்கிறார். அவரது தோற்றங்களை படக்குழுவினர் வெளியிட்டுள்ளனர். அஜித்குமாருடன் தெலுங்கு நடிகை மீனா வாசுவும் சிறிய வேடத்தில் வருகிறார். இவர் படப்பிடிப்பில் அஜித்குமாருடன் புகைப்படம் எடுத்து தனது இன்ஸ்டாகிராமில் வெளியிட்டுள்ளார். அதில் அஜித்குமாரின் உயர்வான குணங்களை பாராட்டி கருத்து பதிவிட்டுள்ளார். அவர் கூறியிருப்பதாவது:–
‘‘ஒரு ரசிகையின் இனிய தருணம் இது. அஜித்குமாரை போன்ற ஒரு நல்ல மனிதரை என் வாழ்நாளில் பார்த்தது இல்லை. எளிமையான, இனிமையான மனிதர் அவர். ஒரு வெற்றிப் படம் கொடுத்த உடனேயே சுபாவத்தில் மாற்றம் வருவதை பல நடிகர்களிடம் நான் பார்த்து இருக்கிறேன். ஈகோ என்ற நாய் பின்னால் சென்றால் வெற்றி நிலைக்காது என்பதை அவர்கள் அறியவில்லை. அவர்களெல்லாம் அஜித்குமாரின் காலை கழுவி தொட்டு வணங்கினால் அவரது உயர்வான குணத்தில் 10 சதவீதமாவது அவர்களுக்கு வரும் என்பது எனது கருத்து.’’
இவ்வாறு நடிகை மீனா வாசு கூறியுள்ளார்.
சிவா இயக்கத்தில் அஜித் நடிப்பில் உருவாகி இருக்கும் ‘விஸ்வாசம்’ படத்தின் பர்ஸ்ட் லுக் போஸ்டர் இணையதளத்தில் வெளியாகியுள்ளது. #ViswasamFirstLook #Ajith
அஜித் தற்போது `விஸ்வாசம்' படத்தில் பிசியாக நடித்து வருகிறார். ஐதராபாத்தில் படப்பிடிப்பு தீவிரமாக நடந்து வரும் நிலையில், படத்தின் அதிரடி சண்டைக்காட்சிகள் படமாக்கப்பட்டு வருவதாக சமீபத்தில் தகவல் வெளியானது.
சிவா இயக்கத்தில் உருவாகி வரும் இப்படத்தில் அஜித்துக்கு ஜோடியாக நயன்தாரா நடித்து வருகிறார். முக்கிய கதாபாத்திரங்களில் விவேக், யோகிபாபு, ரோபோ சங்கர், தம்பி ராமையா, இமான் அண்ணாச்சி, ரமேஷ் திலக் உள்ளிட்ட பலரும் நடிக்கின்றனர். சத்யஜோதி பிலிம்ஸ் தயாரிக்கும் இந்த படத்திற்கு டி.இமான் இசையமைக்கிறார்.
இந்நிலையில், இப்படத்தின் பர்ஸ்ட் லுக் போஸ்டர் அதிகாலை 3.40 மணியளவில் வெளியிடப்பட்டது. இந்த பர்ஸ்ட் லுக் போஸ்டர் ரசிகர்களை கவர்ந்து இணையத்தில் வைரலாகி வருகிறது. #Viswasam #AjithKumar
சிவா இயக்கத்தில் அஜித் நடிப்பில் உருவாகி இருக்கும் ‘விஸ்வாசம்’ படத்தின் பர்ஸ்ட் லுக் போஸ்டர் வெளியாகும் நேரம் அறிவிக்கப்பட்டுள்ளது. #ViswasamFirstLook #Ajith
அஜித் தற்போது `விஸ்வாசம்' படத்தில் பிசியாக நடித்து வருகிறார். ஐதராபாத்தில் படப்பிடிப்பு தீவிரமாக நடந்து வரும் நிலையில், படத்தின் அதிரடி சண்டைக்காட்சிகள் படமாக்கப்பட்டு வருவதாக சமீபத்தில் தகவல் வெளியானது.
சிவா இயக்கத்தில் உருவாகி வரும் இப்படத்தில் அஜித்துக்கு ஜோடியாக நயன்தாரா நடித்து வருகிறார். முக்கிய கதாபாத்திரங்களில் விவேக், யோகிபாபு, ரோபோ சங்கர், தம்பி ராமையா, இமான் அண்ணாச்சி, ரமேஷ் திலக் உள்ளிட்ட பலரும் நடிக்கின்றனர். சத்யஜோதி பிலிம்ஸ் தயாரிக்கும் இந்த படத்திற்கு டி.இமான் இசையமைக்கிறார்.
இந்த மாத இறுதிக்குள் படத்தின் பர்ஸ்ட் லுக் போஸ்டர் என்று எதிர்பார்க்கப்பட்ட நிலையில், தற்போது நாளா அதிகாலை 3.40 மணியளவில் இப்படத்தின் பர்ஸ்ட் லுக் போஸ்டரை வெளியிட இருக்கிறார்கள். விநாயகர் சதுர்த்தி தினத்தில் டீசர் வெளியாகும் என்று எதிர்பார்க்கப்படுகிறது. #Viswasam #AjithKumar
அஜித், விஜய் இருவரின் ஆரம்பகட்ட படங்களில் கதாநாயகியாக நடித்த சங்கவி, அஜித், விஜய் இருவருமே நல்ல உழைப்பாளிகள் என்று கூறினார். #AjithKumar #Vijay #Sangavi
அஜித், விஜய் இருவரின் ஆரம்பகட்ட படங்களில் கதாநாயகியாக நடித்தவர் சங்கவி. நீண்ட இடைவெளிக்கு பிறகு கொளஞ்சி படத்தில் நடிக்கிறார். அவரிடம் பேசியதில் இருந்து...
முதல் படத்தில் அஜித்துடன் நடித்தது நினைவிருக்கிறதா?
அதை எப்படி மறக்க முடியும்? என் பூர்வீகம் மைசூர். என் குடும்பத்தில் சிலபேர் கன்னட சினிமாவுல இருந்தாங்க. அதனால சின்ன வயசுல இருந்தே சினிமாமேல ஆர்வம் வந்துடுச்சு. சென்னையில் ஒரு நிகழ்ச்சியில என்னைப் பார்த்த இயக்குனர் பாக்யராஜ் சார் அவரோட படத்துல நடிக்க என்னைக் கேட்டார். அப்பா சம்மதம் தராததால் அவருக்கு நோ சொன்னோம். அந்த படம் தான் ஒரு ஊர்ல ஒரு ராஜகுமாரி. அப்பாவை சமாதானப்படுத்தி தமிழும், டான்சும் கத்துகிட்டு பாக்யராஜ் சார்கிட்ட திரும்ப வாய்ப்பு கேட்டேன். அவர் படம் தள்ளிப்போனதால கிடைச்ச வாய்ப்பு தான் அமராவதி. தமிழில் எனக்கும், அஜித்துக்கும் இது முதல் படம். அந்த நேரத்துல அஜித் தெலுங்குப் படங்கள்ல தான் நடிச்சுக்கிட்டு இருந்தார்.
‘அமராவதி’ படத்துக்கு அப்புறம் எனக்கு உடனே ‘ரசிகன்’ பட வாய்ப்பு வந்துருச்சு. அதுல ஹீரோ, விஜய். எஸ்.ஏ.சி சார் டைரக்ட் பண்ண படம். ‘அமராவதி’ படத்தைப் பார்த்துட்டு என்னை இந்தப் படத்துல கிளாமர் ரோலில் நடிக்கவைக்க எஸ்.ஏ.சி சார் ரொம்பவே யோசிச்சார். ரொம்ப பயந்துதான், என்னை இந்தப் படத்துல நடிக்க வெச்சார். படம் சூப்பர் ஹிட். ‘இனி இந்தப் பொண்ணு கிளாமர் கேரக்டருக்குத்தான் செட் ஆகும்‘னு நிறைய விஜய் படங்கள்ல என்னைக் கமிட் பண்ணாங்க. ‘பொற்காலம்‘ படத்துக்குப் பிறகுதான், மறுபடியும் ஹோம்லி பொண்ணா ஆடியன்ஸ்கிட்ட ரிஜிஸ்டர் ஆனேன். விஜய், அஜித் ரெண்டுபேரும் நல்ல உழைப்பாளிகள். அந்த டைம்ல இருந்த எல்லோருமே, ரெண்டுபேரும் இந்த உயரத்துக்கு வருவாங்கனு எதிர்பார்த்தாங்க. சில சமயம் நடிகர், நடிகைகளின் ரீயூனியன் நடக்கும்போது விஜய்யைப் பார்ப்பேன். ஆனா, அஜித்தைப் பார்த்தே பல வருடமாச்சு.
தமிழில் நடிச்சுக்கிட்டு இருக்கும்போதே, தெலுங்கிலும் நிறைய படங்கள்ல நடிச்சேன். தமிழில் நான் மிஸ் பண்ண சில நல்ல படங்களைத் தெலுங்கில் நடிச்சேன். ‘பிதாமகன்’ படத்துல சங்கீதா கேரக்டரை தெலுங்குல நான்தான் நடிச்சேன். பிறகு, நிகழ்ச்சிகளைத் தொகுத்து வழங்குற வாய்ப்பு கிடைச்சது. இப்போ, ‘கொளஞ்சி’ படத்தின் மூலமா தமிழ் சினிமாவுல ரீஎன்ட்ரி கொடுத்திருக்கேன்.
எனக்குக் கல்யாணம் முடிஞ்சு ரெண்டு வருடம் ஆச்சு. என் கணவருக்கு தாய்மொழி தமிழ். ஆனால் பெங்களூர் செட்டில் ஆயிட்டார். அதனாலேயே நானும் பெங்களூர் வந்துட்டேன். அழகான அன்பான கணவர். என்றார். #AjithKumar #Vijay #Sangavi
சிவா இயக்கத்தில் அஜித் நடிப்பில் உருவாகி வரும் `விஸ்வாசம்' படத்தின் படப்பிடிப்பு விறுவிறுப்பாக நடந்து வரும் நிலையில், படத்தின் அதிரடி சண்டைக்காட்சிகள் விரைவில் படமாக்கப்பட இருப்பதாக கூறப்படுகிறது. #Viswasam #AjithKumar
அஜித் தற்போது `விஸ்வாசம்' படத்தில் பிசியாக நடித்து வருகிறார். ஐதராபாத்தில் படப்பிடிப்பு தீவிரமாக நடந்து வரும் நிலையில், படத்தின் அதிரடி சண்டைக்காட்சிகள் படமாக்கப்பட்டு வருவதாக தகவல் வெளியாகி இருக்கிறது. அதற்காக திலீப் சுப்பராயன் தலைமையிலான சண்டை பயிற்சியாளர்கள் ஐதராபாத்தில் முகமாமிட்டுள்ளனர்.
சமீபத்தில் படத்தின் சென்டிமெண்ட் காட்சியும், கிராமியக் கலைஞர்கள் அடங்கிய பாடல் காட்சியும் படமாக்கப்பட்டதாக கூறப்படுகிறது. இந்த பாடலில் அஜித்துடன் தேனி, திண்டுக்கல் பகுதிகளை சேர்ந்த 300 கிராமிய மேடை கலைஞர்கள் பங்கேற்று உள்ளனர். இந்த பாடல் காட்சி சமீபத்தில் படமாக்கப்பட்டது.
இந்த மாத இறுதிக்குள் படத்தின் பர்ஸ்ட் லுக் போஸ்டரை வெளியிட படக்குழு முடிவு செய்திருப்பதாக கூறப்படுகிறது. இந்த படத்தில் அஜித் ஜோடியாக நயன்தாரா நடிக்கிறார். முக்கிய கதாபாத்திரங்களில் விவேக், யோகிபாபு, ரோபோ சங்கர், தம்பி ராமையா, இமான் அண்ணாச்சி, ரமேஷ் திலக் உள்ளிட்ட பலரும் முக்கிய கதாபாத்திரங்களில் நடிக்கின்றனர்.
சத்யஜோதி பிலிம்ஸ் தயாரிக்கும் இந்த படத்திற்கு டி.இமான் இசையமைக்கிறார். #Viswasam #AjithKumar
அஜித் சினிமாவில் நுழைந்து இன்றுடன் 26 ஆண்டுகள் ஆகும் நிலையில், விவேகம் படத்தில் அஜித்துடன் இணைந்து நடித்த நடிகர் விவேக் ஓபராய் அஜித்துக்கு வாழ்த்துக்களை தெரிவித்துள்ளார். #26YrsOfUnparalleledAJITH #ThalaAjith
செல்வா இயக்கத்தில் வெளியான ‘அமராவதி’ படத்தின் மூலம் ஹீரோவாக அறிமுகமானவர் நடிகர் அஜித். அந்த படத்தில் அஜித்துக்கு ஜோடியாக சங்கவி நடித்திருந்தார்.
இந்தப் படம் வெளியாகி 25 வருடங்கள் ஆகிவிட்டன. இந்தப் படத்தில் நடிக்க ஒப்புக்கொண்டு அக்ரிமென்ட்டில் அஜித் கையெழுத்திட்ட நாள் 1992-ம் ஆண்டு ஆகஸ்டு 3-ம் தேதி. அஜித் கையெழுத்திட்டு இன்றுடன் 26 ஆண்டுகள் ஆகின்றன.
அதைக் கொண்டாடும் வகையில், அஜித் ரசிகர்கள் பல்வேறு ட்வீட்டுகளைப் பதிந்து வருகின்றனர். இந்தி நடிகர் விவேக் ஓபராய் “26 ஆண்டுகள் என்னுடைய நண்பா, லெஜண்டாக மிகச்சிறந்த வளர்ச்சி. லவ் யூ பிரதர்.
26 years of my nanba, greatness growing into legend! Love you brother! I’m sure you will entertain us with many many many more unforgettable performances! Yenuka ‘Viswasam’ iruka! 🙏 #26YrsOfUnparalleledAJITH#Thala#Ajith#Viswasampic.twitter.com/kjFcoafnIC
— Vivek Anand Oberoi (@vivekoberoi) August 2, 2018
பல்வேறு மறக்க முடியாத செயல்கள் மூலம் எங்களை மகிழ்ச்சிப்படுத்தியிருக்கிறாய் என்று நிச்சயமாகக் கூறமுடியும். எனக்கு ‘விஸ்வாசம்’ இருக்கா” என்று ட்விட்டரில் கூறியுள்ளார். விவேக் ஓபராய் அஜித்துக்கு வில்லனாக விவேகம் படத்தில் நடித்திருந்தார். மேலும் பலரும் அஜித்துக்கு வாழ்த்துக்களை தெரிவித்து வருகின்றனர். #26YrsOfUnparalleledAJITH #Thala #Ajith #Viswasam
திமுக தலைவர் கருணாநிதி மருத்துவமனையில் அனுமதிக்கப்பட்டுள்ள நிலையில், அவரது உடல்நிலை குறித்து நடிகர் அஜித் மருத்துவமனைக்கு நேரில் சென்று நலம் விசாரித்தார். #Karunanidhi #Ajith
திமுக தலைவர் கருணாநிதி உடல் நலக்குறைவு காரணமாக சென்னை ஆழ்வார்பேட்டையில் உள்ள காவேரி மருத்துவமனையில் கடந்த 27-ம் தேதி சிகிச்சைக்காக அனுமதிக்கப்பட்டார்.
தொடக்கத்தில் உடல்நிலையில் பின்னடைவு ஏற்பட்ட நிலையில், மருத்துவர்களின் தொடர் சிகிச்சைக்கு பிறகு கருணாநிதியின் உடல்நிலை நன்றாக தேறி வருகிறது என்று மருத்துவர்கள் கூறியுள்ளனர். மருத்துவ சிகிச்சைகளுக்கு அவர் முழு ஒத்துழைப்பு அளித்து வருவதாகவும், வயது முதிர்வு, உடல்நிலை காரணமாக அவர் மேலும் சில நாட்கள் மருத்துவமனையில் தங்கி சிகிச்சை பெற வேண்டும் என்றும் மருத்துவமனை நிர்வாகம் நேற்று வெளியிட்ட அறிக்கையில் குறிப்பிட்டிருந்தது.
இந்த நிலையில், ‘விசுவாசம்’ படப்பிடிப்பில் பிசியாக இருந்த நடிகர் அஜித், காவிரி மருத்துவமனைக்கு நேரில் சென்று கருணாநிதியின் உடல்நலம் குறித்து திமுக செயல் தலைவர் மு.க.ஸ்டாலினிடம் விசாரித்தார்.
முன்னதாக நடிகர் விஜய், இன்று காலை காவேரி மருத்துவமனைக்கு நேரில் சென்று கருணாநிதி உடல்நலம் குறித்து விசாரித்தார் என்பது குறிப்பிடத்தக்கது. #Karunanidhi #KauveryHospital #Ajith
சிவா இயக்கத்தில் அஜித் - நயன்தாரா நடித்து வரும் விஸ்வாசம் படத்திற்கு இசையமைக்கும் இமான், இந்த படத்திலும் தனது கைவரிசையை காட்டுகிறாராம். #Viswasam #AjithKumar
சிவா இயக்கத்தில் 4-வது முறையாக அஜித் நடிக்கும் படம் விஸ்வாசம். நயன்தாரா கதாநாயகியாக நடிக்கிறார். அஜித் இரு வேடங்களில் நடிப்பதாக கூறப்படும் இந்த படத்துக்கு இமான் இசை அமைக்கிறார். இமான் எப்போதுமே கிராமிய கலைஞர்களை பாட வைத்து விடுவார்.
விஸ்வாசம் படத்திலும் ஒரு கிராமிய கரகாட்ட பாடல் இடம்பெறுகிறது. அஜித்துடன் இணைந்து தேனி, திண்டுக்கல் பகுதிகளை சேர்ந்த 300 கிராமிய மேடை கலைஞர்கள் பங்கேற்று உள்ளனர். இந்த பாடல் காட்சி சமீபத்தில் படமாக்கப்பட்டது. வேதாளம், விவேகம் என நகரத்து கதைகளில் நடித்து வந்த அஜித், விஸ்வாசம் படத்தில் கிராமத்து நபராக நடிக்கிறார்.
சத்யஜோதி பிலிம்ஸ் தயாரிக்கும் இந்த படத்தில் விவேக், யோகிபாபு, ரோபோ சங்கர், தம்பி ராமையா, இமான் அண்ணாச்சி, ரமேஷ் திலக் உள்ளிட்ட பலரும் முக்கிய கதாபாத்திரங்களில் நடிக்கின்றனர். #Viswasam #AjithKumar
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X
