நீங்கள் தேடியது "slug 96360"

போர்பந்தர்:

குஜராத் மாநிலம் போர்பந்தர் அருகே இந்திய மீனவர்கள் 8 பேர் கடலில் மீன்பிடித்துக் கொண்டிருந்தனர். அப்போது அவர்களுடைய படகு திடீரென கடலில் மூழ்கியது. அதில் இருந்த 8 பேரும் தண்ணீரில் தத்தளித்தனர். உடனடியாக அவர்கள் கடல் பகுதியில் ரோந்து பணியில் ஈடுபட்டு இருந்த இந்திய கடற்படை கப்பலை தொடர்பு கொண்டு உதவி புரியும்படி அபயக்குரல் எழுப்பினார்கள்.

இதனை தொடர்ந்து இந்திய கடற்படை கப்பல் அங்கு விரைந்து சென்று மீனவர்களை மீட்கும் பணியில் ஈடுபட்டது. சுற்றிலும் இருள் சூழ்ந்த நிலையிலும், கடல் கொந்தளிப்புக்கு மத்தியிலும் கடற்படை வீரர்கள், 8 மீனவர்களையும் பத்திரமாக மீட்டனர். பின்பு அவர்களை கடற்படை கப்பலில் ஏற்றி போர்பந்தர் துறைமுகத்துக்கு கொண்டு வந்தனர். 

ஜுனாகார்க்:

குஜராத் மாநிலத்தில் ஏப்ரல் 23ம் தேதி  ஒரே கட்டமாக பாராளுமன்ற தேர்தல் நடைபெற உள்ளது. இதற்காக காங்கிரஸ், பாஜக உள்ளிட்ட அனைத்து கட்சிகளின் முக்கிய தலைவர்களும், பல்வேறு தொகுதிகளில் பிரசாரத்தில் ஈடுபட்டு வருகின்றனர்.

இந்நிலையில் குஜராத்  மாநிலத்தில் ஜுனாகார்க் பகுதியில் பாஜக சார்பில் தேர்தல் பிரசார கூட்டம் இன்று நடைபெற்றது. இதில் பிரதமர் மோடி கலந்துக் கொண்டு உரையாற்றினார். அப்போது அவர் பேசியதாவது:

கடந்த 4 நாட்களாக காங்கிரஸ் தலைவர்களின் வீடுகளில் இருந்து பணம் பறிமுதல் செய்யப்படுகிறது. ஏழைக் குழந்தைகளின் உணவுகளை பறித்து காங்கிரஸ்  தலைவர்களின் வயிற்றை நிரப்புகிறது. காங்கிரஸ் கர்ப்பிணிப் பெண்களுக்கு வழங்கப்படும் பணத்தையும் கொள்ளையடித்துக் கொண்டிருக்கிறது.
ஊழல் செய்து காங்கிரஸ் தலைவர்கள் பல்வேறு அவபெயர்களை பெற்றுள்ளனர். ஆனால், நான் 5 ஆண்டுகளாக என்ன சாதனை செய்திருக்கிறேன் என்பதை கூறவே இங்கு வந்திருக்கிறேன்.  அடுத்த 5 ஆண்டுகளுக்கு நான் என்ன செய்யவேண்டுமென்று கட்டளை இடுங்கள், செய்து முடிப்பேன்.

உங்கள் மகன், இந்த காவலாளி செய்த செயல்கள் உங்களுக்கு பெருமையாக உள்ளதா? ஊழலே இல்லாமல் நான் நடத்திய 5 ஆண்டுகால ஆட்சி உங்களை பெருமை படுத்துகிறதா? . மேலும் உங்கள் மகனும், காவலாளியுமான என்னை அகராதியில் உள்ள அனைத்து அவதூறான வார்த்தைகளையும் கூறி காங்கிரஸ் கட்சியினர் பேசி வருகின்றனர்.  

பாலக்கோட்டில் நடத்திய தாக்குதல், பயங்கரவாதிகளை அழிக்கத்தான். ஆனால் அதனால் பாதிப்புக்குள்ளானது காங்கிரஸ் கட்சியினர் ஆவர். மேலும் ஜம்மு காஷ்மீரினை பிரித்து, அதற்கென தனி பிரதமரை உருவாக்கும் எண்ணத்துடனே தேசியவாத காங்கிரஸ் மற்றும் அதன் கூட்டணி கட்சியினர் செயல்பட்டு வருகின்றனர்.

இவ்வாறு அவர் பேசினார். #PMModi #LoksabhaElections2019   

விசாகப்பட்டினம்:

தேசிய அளவில் பாஜக, காங்கிரஸ் இல்லாத மூன்றாவது அணி அமைக்கும் முயற்சியில் ஈடுபட்டிருக்கும் ஆந்திர முதல் மந்திரி சந்திரபாபு நாயுடு விசாகப்பட்டனம் நகரில் தனது ஆதரவு கட்சி தலைவர்கள் பங்கேற்கும் மாபெரும் தேர்தல் பிரசார கூட்டத்துக்கு ஏற்பாடு செய்தார்.

இன்றிரவு நடைபெற்ற இந்த பொதுக் கூட்டத்தில் மேற்கு வங்காளம் மாநில முதல் மந்திரி மம்தா பானர்ஜி, டெல்லி முதல் மந்திரி அரவிந்த் கெஜ்ரிவால் உள்ளிட்டோர் பங்கேற்றனர்.

அங்கு திரண்டிருந்தவர்களிடையே பேசிய சந்திரபாபு நாயுடு, மக்களின் நன்மைக்காக பாடுபடுவதால் ஆந்திராவில் எனது தலைமையிலான அரசுக்கும், டெல்லியில் கெஜ்ரிவால் அரசுக்கும், மேற்கு வங்காளத்தில் மம்தா அரசுக்கும் பிரதமர் மோடி இடையூறு ஏற்படுத்தி வருவதாகவும், அவரை குஜராத்துக்கு அனுப்பி வைக்க மக்கள் தயாராகி விட்டதாகவும் குறிப்பிட்டார்.

இதே கூட்டத்தில் பேசிய மம்தா பானர்ஜி, பாஜகவுக்கு ஆதரவு தரும் சில அமைப்புகளை சந்தித்து இனியும் மோடியை ஆதரிக்க வேண்டாம் என கேட்டுக்கொள்ளப் போவதாக தெரிவித்தார்.

பின்னர் பேசிய அரவிந்த் கெஜ்ரிவால், ஆந்திராவை அதிநவீன மாநிலமாக உருவாக்குவதற்காக பாடுபட்ட சந்திரபாபு நாயுடுவை ஆதரித்து இந்த தேர்தலிலும் நீங்கள் வாக்களிக்க வேண்டும் என்று கூறினார்.

கடந்த 70 ஆண்டுகால இந்திய வரலாறில் மோடி தலைமையிலான இந்த ஆட்சி மிக மோசமான ஊழல் மலிந்த ஆட்சியாக இருந்தது. 5 ஆண்டுகளில் மோடியும், அமித் ஷாவும் நாட்டை அழித்து விட்டதாக கெஜ்ரிவால் குற்றம் சாட்டினார்.  
#peopleareready #sendModi #ChandrababuNaidu

ஆமதாபாத்:

குஜராத் மாநிலத்தில் கடந்த 1996-97-ல் முதல்-மந்திரியாக இருந்தவர் சங்கர்சின் வகேலா. இவரது வீடு காந்திநகரின் புறநகர் பகுதியான பெதப்பூரில் உள்ளது. சொகுசு மாளிகை போல அமைந்திருக்கும் இந்த வீட்டில் ஏராளமான பணியாளர்கள் வேலை செய்து வருகிறார்கள். இதில் நேபாளத்தை சேர்ந்தவர்களும் அடங்குவர்.

இந்த நிலையில் வகேலாவின் மனைவிக்கு சொந்தமான ரூ.3 லட்சம் மதிப்பிலான நகை மற்றும் ரூ.2 லட்சம் ஆகியவை மாயமானது கடந்த மாதம் கண்டுபிடிக்கப்பட்டது. இது தொடர்பாக அவர்கள் வீட்டு பணியாளர்களிடம் விசாரணை நடத்தப்பட்டது. அப்போது வகேலா வீட்டில் பணியாற்றி வந்த நேபாளத்தை சேர்ந்த ஒரு தம்பதிதான் இந்த நகை மற்றும் பணத்தை திருடிச்சென்றிருப்பது தெரியவந்தது.

கடந்த ஆண்டு அக்டோபர் மாதமே அவர்கள் தாய்நாடு திரும்பிய நிலையில் அப்போதே இந்த பணம் மற்றும் நகையை திருடிச்சென்றதாக தெரிகிறது. இது தொடர்பாக பெதப்பூர் போலீசில் தற்போது புகார் செய்யப்பட்டு உள்ளது. அது குறித்து போலீசார் விசாரணை நடத்தி வருகின்றனர்.  

சூரத்:

குஜராத் மாநிலம் டாப்பி மாவட்டம் கப்புரா கிராமத்தைச் சேர்ந்த ஜீவன் கமீத்(65), ஷர்மிளா(62), தர்மேஷ்(41), சுனிதா(36), ஊர்வி(6) ஆகியோர் கடந்த பிப்ரவரி 28ம் தேதி காணாமல் போனதாக அவர்களது உறவினர்கள் போலீசாரிடம் புகார் கொடுத்துள்ளனர். இதையடுத்து அவர்களை போலீசார் தீவிரமாகத் தேடி வந்தனர்.

இந்நிலையில், சூரத் அருகே உள்ள மதி கிராமத்தில் நேற்றிரவு போலீசார் வழக்கமான ரோந்துப் பணியில் ஈடுபட்டிருந்தபோது, கால்வாய் ஒன்றில் கார் விழுந்து  கிடந்ததை கண்டறிந்தனர். இதனையடுத்து மீட்புப்படையினருக்கு உடனடியாக தகவல் கொடுத்துள்ளனர்.

அகமதாபாத்:

பாராளுமன்ற தேர்தல் குறித்து ஆலோசனை நடத்துவதற்காக காங்கிரஸ் கட்சியின் காரியக் கமிட்டி கூட்டம் இன்று குஜராத் மாநிலம் அகமதாபாத்தில் நடக்கிறது. கட்சித்தலைவர் ராகுல் காந்தி தலைமையில் நடைபெறும் இந்த கூட்டத்தில் சோனியா, மன்மோகன் சிங், பிரியங்கா உள்ளிட்ட முக்கிய தலைவர்கள் பங்கேற்க உள்ளனர். 58 ஆண்டுகளுக்குப் பிறகு குஜராத் மாநிலத்தில் காரிய கமிட்டி கூட்டம் நடைபெறுவதால் காங்கிரஸ் கட்சியினர் உற்சாகம் அடைந்துள்ளனர்.

வல்லவாய் படேல் தேசிய நினைவிடத்தில் காரிய கமிட்டி கூட்டம் நடைபெற உள்ளது. காரிய கமிட்டி கூட்டம் முடிவடைந்ததும் கட்சி சார்பில், பல்வேறு விவகாரங்களை உள்ளடக்கிய அறிக்கை வெளியிடப்படும்.

காரியக் கமிட்டிக் கூட்டத்திற்குப் பிறகு காந்திநகரின் அடலாஜ் பகுதியில் பிரமாண்ட பொதுக்கூட்டம் நடக்கிறது. இதில் காங்கிரஸ் தலைவர் ராகுல் காந்தி, முன்னாள் தலைவர் சோனியா, முன்னாள் பிரதமர் மன்மோகன் சிங் உள்ளிட்ட உயர்மட்ட தலைவர்கள் உரையாற்றுகிறார்கள்.

சமீபத்தில் அரசியலுக்குள் அடியெடுத்து வந்த பிரியங்கா காந்தி பங்கேற்கும் முதல் பொதுக்கூட்டம் என்பதால், அவர் உரையாற்றுவார் என எதிர்பார்க்கப்படுகிறது. #CongressWorkingCommittee #CWCMeeting #SabarmatiAshram

ஆமதாபாத்:

பாராளுமன்ற தேர்தல் அட்டவணை அறிவிக்கப்பட்டு உள்ள நிலையில், இந்த தேர்தல் குறித்து ஆலோசனை நடத்துவதற்காக காங்கிரஸ் கட்சியின் காரியக்கமிட்டி கூட்டம் இன்று (செவ்வாய்க்கிழமை) குஜராத் தலைநகர் காந்திநகரில் நடக்கிறது. கட்சித்தலைவர் ராகுல் காந்தி தலைமையில் நடைபெறும் இந்த கூட்டத்தில் சோனியா, மன்மோகன் சிங், பிரியங்கா உள்ளிட்ட முக்கிய உறுப்பினர்கள் பங்கேற்கின்றனர்.

இந்த கூட்டத்தில் பாராளுமன்ற தேர்தலில் கட்சியின் வியூகம் மற்றும் கூட்டணி உள்ளிட்ட அம்சங்கள் குறித்து ஆலோசனை நடத்தப்படுகிறது. மேலும் பிரசார திட்டம், தேர்தல் அறிக்கை உள்ளிட்ட விவகாரங்கள் குறித்தும் விவாதிக்கப்படும் என தெரிகிறது. சோனியா, ராகுல், பிரியங்கா ஆகிய மூவரும் இணைந்து பங்கேற்கும் முதல் உயர்மட்டக்குழு கூட்டம் இதுவாகும்.

இந்த கூட்டத்தை தொடர்ந்து கட்சி சார்பில் காந்திநகரின் அடலாஜ் பகுதியில் பிரமாண்ட பொதுக்கூட்டம் நடக்கிறது. இதில் காங்கிரஸ் தலைவர் ராகுல் காந்தி, முன்னாள் தலைவர் சோனியா, முன்னாள் பிரதமர் மன்மோகன் சிங் உள்ளிட்ட உயர்மட்ட தலைவர்கள் உரையாற்றுகிறார்கள்.

மேலும் கட்சியின் பொதுச்செயலாளராக சமீபத்தில் பொறுப்பேற்ற பிரியங்காவும் இந்த கூட்டத்தில் உரையாற்றுகிறார். தீவிர அரசியலில் இணைந்தபின் பிரியங்கா உரையாற்றும் முதல் கூட்டம் இதுவாகும். பிரதமர் மோடி, பா.ஜனதா தலைவர் அமித்ஷா ஆகியோரின் சொந்த மாநிலத்தில் நடைபெறும் இந்த கூட்டத்தில் 3 லட்சத்துக்கும் அதிகமான தொண்டர்களை பங்கேற்கச்செய்ய மாநில காங்கிரசார் திட்டமிட்டு உள்ளனர்.

முன்னதாக கட்சியின் மூத்த தலைவர்கள் அங்குள்ள காந்தி ஆசிரமத்துக்கு செல்கின்றனர். காந்தியடிகள் தண்டி யாத்திரை தொடங்கிய தினம் மற்றும் அவரது 150-வது பிறந்த ஆண்டையொட்டி அங்கு அவர்கள் மரியாதை செலுத்துகின்றனர்.

காங்கிரஸ் கட்சியின் புகழ்மிக்க காரியக்கமிட்டி கூட்டம் குஜராத்தில் கடைசியாக 1961-ம் ஆண்டு நடந்திருந்தது. அந்தவகையில் 58 ஆண்டுகளுக்குப்பிறகு முதல் முறையாக தங்கள் மாநிலத்தில் மீண்டும் காரியக்கமிட்டி கூடுவதால் மாநில காங்கிரசார் உற்சாகம் அடைந்துள்ளனர்.

முன்னதாக கடந்த மாதம் 28-ந்தேதி நடைபெறுவதாக அறிவிக்கப்பட்டு இருந்த காரியக்கமிட்டி கூட்டம் இந்தியா-பாகிஸ்தான் இடையே நிலவிய பதற்றம் காரணமாக தள்ளி வைக்கப்பட்டது குறிப்பிடத்தக்கது.