நீங்கள் தேடியது "slug 96360"

ஆமதாபாத்:

வங்காளதேசத்தில் தடை செய்யப்பட்ட தீவிரவாத அமைப்புகளில், அன்சாருல்லா பங்ளா குழுவும் ஒன்று. இந்த இயக்கத்துடன் தொடர்புடைய அசோம் சம்சு ஷேக் என்கிற பக்கிர் (வயது 52), கடந்த சில ஆண்டுகளுக்கு முன் இந்தியாவுக்கு தப்பி ஓடினார். இது தொடர்பாக இருநாட்டு அதிகாரிகளும் விசாரணை மேற்கொண்டு வந்தனர்.

அப்போது தீவிரவாதி பக்கிர், குஜராத் மாநிலம் பரூச்சில் பதுங்கி இருப்பது கண்டுபிடிக்கப்பட்டது. பின்னர் அவரது நடமாட்டம் குறித்து உளவுத்துறை அதிகாரிகள் கண்காணித்து அளித்த தகவல்களின் அடிப்படையில் நேற்று ஆமதாபாத்தில் வைத்து போலீசார் அதிரடியாக கைது செய்தனர்.

பின்னர் அவரிடம் விசாரணை நடத்திய போது, பக்கிர் கடந்த 15 ஆண்டுகளாக குஜராத்தில் தலைமறைவாக வசித்து வந்ததும், இந்திய முகவரியில் ஆதார் அட்டை, பான் கார்டு மற்றும் வாக்காளர் அடையாள அட்டை வைத்திருந்ததும் தெரிய வந்தது. பல்வேறு தீவிரவாத சம்பவங்களில் தொடர்புடைய அவரிடம் தொடர்ந்து விசாரணை நடந்து வருகிறது.

தேனி:

இந்திய கிரிக்கெட் கட்டுப்பாட்டு வாரியம் சார்பில் சி.கே.நாயுடு கோப்பைக்கான 23 வயதுக்கு உட்பட்டவர்களுக்கான 4 நாட்கள் கிரிக்கெட் போட்டி நாடு முழுவதும் நடந்து வருகிறது. இதில் மொத்தம் 36 அணிகள் பங்கேற்றுள்ளன. இதில், தமிழ்நாடு-குஜராத் அணிகளுக்கு இடையிலான போட்டி தேனி அருகே தப்புக்குண்டுவில் உள்ள தமிழ்நாடு கிரிக்கெட் சங்க மைதானத்தில் கடந்த 30-ந்தேதி தொடங்கியது.

முதல் இன்னிங்சில் தமிழ்நாடு அணி 329 ரன்களில் அனைத்து விக்கெட்டுகளையும் இழந்தது. தொடர்ந்து ஆடிய குஜராத் அணி 414 ரன்கள் குவித்து அனைத்து விக்கெட்டுகளையும் இழந்தது. 85 ரன்கள் பின்தங்கிய நிலையில் தமிழ்நாடு அணி 2-வது இன்னிங்ஸ் ஆட்டத்தை தொடர்ந்தது. 3-வது நாள் ஆட்டநேரம் முடிவில் தமிழ்நாடு அணி 4 ஓவர்களுக்கு விக்கெட் இழப்பின்றி 12 ரன்கள் எடுத்து இருந்தது.

4-வது மற்றும் கடைசி நாள் ஆட்டம் நேற்று நடந்தது. தொடர்ந்து களம் இறங்கிய தமிழ்நாடு அணி வீரர்கள் போட்டியை டிராவை நோக்கி கொண்டு செல்லும் போக்கில் ஆடினர். முகுந்த் (54 ரன்), லோகேஸ்வர் (57) ரன் ஆகியோர் அரைசதம் அடித்து ஆறுதல் அளித்தனர். மற்ற வீரர்களில் ஆதித்யா பரூயா 31 ரன்னும், விஷால் வைத்யா 33 ரன்னும் எடுத்து இருந்தனர். மற்ற வீரர்கள் சொற்ப ரன்களில் ஆட்டம் இழந்தனர். ஆட்டநேரம் முடிவில் தமிழ்நாடு அணி 85 ஓவர்களில் 9 விக்கெட் இழப்புக்கு 219 ரன்கள் எடுத்த நிலையில் போட்டி டிரா ஆனது.

இந்த போட்டியோடு தமிழ்நாடு அணி இதுவரை 4 போட்டிகளில் விளையாடி 3 டிரா, ஒரு தோல்வி கண்டுள்ளது. குஜராத் அணி 4 போட்டிகளில் விளையாடி 2 வெற்றி, 2 டிரா கண்டுள்ளது.

வதோதரா:

குஜராத்தின் வதோதரா நகருக்கு அருகே உள்ள நந்தசாரி என்ற பகுதியில் ரிலையன்ஸ் நிறுவனத்துக்கு சொந்தமான பெட்ரோ கெமிக்கல் நிறுவனம் இயங்கி வருகிறது. இங்கு நேற்று தொழிலாளர்கள் பலர் பணியாற்றி கொண்டிருந்தனர். அப்போது இந்த நிறுவனத்தில் திடீரென தீ விபத்து ஏற்பட்டது.

இதில் ஒரு மேற்பார்வையாளர் மற்றும் 2 தொழிலாளர்கள் என 3 ஒப்பந்த ஊழியர்கள் சிக்கிக்கொண்டனர். இதில் அவர்கள் உடல் கருகி பலியானார்கள். இந்த தீ விபத்துக்கான காரணம் குறித்து போலீசார் விசாரணை நடத்தி வருகின்றனர். 

ஆமதாபாத்:

6-வது புரோ கபடி லீக் தொடரில் நேற்றிரவு ஆமதாபாத்தில் அரங்கேறிய 70-வது லீக் ஆட்டத்தில் பெங்களூரு புல்ஸ் அணி 45-32 என்ற புள்ளி கணக்கில் முன்னாள் சாம்பியன் ஜெய்ப்பூர் பிங்க் பாந்தர்சை வீழ்த்தி 7-வது வெற்றியை ருசித்தது.

மற்றொரு ஆட்டத்தில் உ.பி.யோத்தா அணி 32-37 என்ற புள்ளி கணக்கில் உள்ளூர் அணியான குஜராத் பார்ச்சுன் ஜெயன்ட்சிடம் வீழ்ந்தது. குஜராத்துக்கு இது 8-வது வெற்றியாகும். போட்டியில் இன்று ஓய்வு நாளாகும்.

ஆமதாபாத்:

6-வது புரோ கபடி லீக் தொடரில் ஆமதாபாத்தில் நேற்றிரவு நடந்த 68-வது லீக் ஆட்டத்தில் புனேரி பால்டன்-பெங்கால் வாரியர்ஸ் அணிகள் மோதின. விறுவிறுப்பான இந்த ஆட்டத்தில் முதல் பாதியில் புனே அணி 13-12 என்ற கணக்கில் முன்னிலை வகித்தது. பின் பாதியில் முன்னிலை பெற்ற பெங்கால் அணி அதனை கடைசி வரை தக்க வைத்து கொண்டது.

முடிவில் பெங்கால் அணி 26-22 என்ற புள்ளி கணக்கில் புனேவை வீழ்த்தியது. 69-வது லீக் ஆட்டத்தில் குஜராத் பார்ச்சுன் ஜெயன்ட்ஸ்-பெங்களூரு புல்ஸ் அணிகள் சந்தித்தன. பரபரப்பாக அரங்கேறிய இந்த ஆட்டம் 30-30 என்ற புள்ளி கணக்கில் டையில் (சமன்) முடிந்தது.

இன்று நடைபெறும் லீக் ஆட்டங்களில் ஜெய்ப்பூர் பிங்க் பாந்தர்ஸ்-பெங்களூரு புல்ஸ் (இரவு 8 மணி), குஜராத் பார்ச்சுன் ஜெயன்ட்ஸ்-உ.பி.யோத்தா (இரவு 9 மணி) அணிகள் மோதுகின்றன.

அகமதாபாத்:

தீபாவளி பண்டிகையையொட்டி ஒவ்வொரு மாநிலத்திலும் சிறப்பு நிகழ்வுகள் நடத்தப்பட்டு வருகின்றன. அவ்வகையில், உத்தரப்பிரதேசம் மாநிலத்தில் உள்ள அயோத்தி நகரில் நேற்றிரவு மூன்று லட்சத்துக்கும் அதிகமான அகல் விளக்குகளை ஏற்றிய தீபோத்சவம் நிகழ்ச்சி உலக சாதனைகளை பதிவு செய்யும் கின்னஸ் புத்தகத்தில் பதிவானது.


மகாராணி சிம்னாபாய் பள்ளியில் ஏக்தந்த் ரங்கோலி கலாக்கர் என்ற குழுவை சேர்ந்த 30 பேர் சுமார் ஐந்தரை மணிநேர உழைப்பில் இந்த மெகா ரங்கோலி கோலம் உருவாக்கப்பட்டுள்ளது. #Rangoli  #VadodaraRangoli 

பாட்னா:

12 அணிகள் இடையிலான 6-வது புரோ கபடி லீக் தொடர் பல்வேறு நகரங்களில் நடந்து வருகிறது. இதில் பாட்னாவில் நேற்றிரவு நடந்த 39-வது லீக் ஆட்டத்தில் புனேரி பால்டன் அணி, குஜராத் பார்ச்சுன் ஜெயன்ட்சுடன் (ஏ பிரிவு) மோதியது. இதில் அபார ஆட்டத்தை வெளிப்படுத்தி முதல் பாதியில் 16-12 என்ற கணக்கில் முன்னிலை பெற்ற குஜராத் அணி அந்த முன்னிலையை கடைசி வரை தக்க வைத்துக் கொண்டு 37-27 என்ற புள்ளி கணக்கில் புனேயை வீழ்த்தி 3-வது வெற்றியை பதிவு செய்தது. 6 புள்ளிகளை எடுத்த புனே அணியின் நட்சத்திர வீரர் நிதின் தோமர், இந்த சீசனில் 100 ரைடு புள்ளிகளை (மொத்தம் 102 புள்ளி) கடந்த முதல் வீரர் என்ற பெருமையையும் பெற்றார். 11-வது லீக்கில் ஆடிய புனே அணிக்கு இது 5-வது தோல்வியாகும்.

மற்றொரு ஆட்டத்தில் தெலுங்கு டைட்டன்ஸ் அணி 53-32 என்ற புள்ளி கணக்கில் நடப்பு சாம்பியன் பாட்னா பைரட்சை தோற்கடித்து 4-வது வெற்றியை சுவைத்தது. தெலுங்கு டைட்டன்ஸ் அணியில், ரைடு செல்வதில் கில்லாடியான ராகுல் சவுத்ரி 17 புள்ளிகள் எடுத்து அசத்தினார்.

இன்றைய லீக் ஆட்டங்களில் தபாங் டெல்லி-புனேரி பால்டன் (இரவு 8 மணி), பாட்னா பைரட்ஸ்- பெங்களூரு புல்ஸ் (இரவு 9 மணி) அணிகள் மோதுகின்றன.