நீங்கள் தேடியது "slug 96553"

திருச்சி:

ராமேசுவரத்தில் இருந்து ராஜஸ்தான் மாநிலம் அஜ்மீருக்கு குளு, குளு வசதி கொண்ட ஹம்சபார் எக்ஸ்பிரஸ் புதிய வாராந்திர ரெயில் சேவை தொடங்கப்பட உள்ளது. இந்த ரெயில் 3 அடுக்கு ஏ.சி. பெட்டிகளை கொண்டது. முன்பதிவு டிக்கெட் வினியோகம் மட்டுமே உண்டு. முன்பதிவில்லா டிக்கெட் வினியோகம் கிடையாது. அஜ்மீர் ரெயில் நிலையத்தில் நேற்று தொடக்க விழாவில் அங்கிருந்து ரெயில் வழியனுப்பி வைக்கப்பட்டது.

இந்த ரெயில் திருச்சி வழியாக நாளை (சனிக்கிழமை) இரவு 9 மணிக்கு ராமேசுவரம் சென்றடைகிறது. வருகிற 2-ந்தேதி (செவ்வாய்க்கிழமை) முதல் ராமேசுவரத்தில் வழக்கமான சேவை இயக்கப்படுகிறது. ராமேசுவரத்தில் இருந்து செவ்வாய்க்கிழமை தோறும் (வ.எண் 19604) இரவு 10.15 மணிக்கு புறப்பட்டு வியாழக்கிழமை இரவு 11.25 மணிக்கு அஜ்மீர் சென்றடையும்.

இதேபோல அஜ்மீரில் இருந்து ராமேசுவரத்திற்கு வழக்கமான சேவை வருகிற 6-ந்தேதி முதல் தொடங்குகிறது. அஜ்மீரில் இருந்து சனிக்கிழமை தோறும் (வ.எண் 19603) இரவு 9.40 மணிக்கு புறப்பட்டு ராமேசுவரத்திற்கு செவ்வாய்க்கிழமை அதிகாலை 3.15 மணிக்கு வந்தடையும். இந்த ரெயில் மானாமதுரை, திருச்சி, அரியலூர், விழுப்புரம், செங்கல்பட்டு, சென்னை எழும்பூர், குண்டூர், நெல்லூர், விஜயவாடா, வாராங்கல் உள்ளிட்ட ரெயில் நிலையங்களில் நின்று செல்லும்.

ராமேசுவரத்தில் இருந்து புறப்பட்டு வரும் போது திருச்சிக்கு புதன்கிழமை அதிகாலை 3 மணிக்கு வந்து அதிகாலை 3.10 மணிக்கு புறப்படும். சென்னைக்கு காலை 8.50 மணிக்கு சென்றடைந்து காலை 9.05 மணிக்கு புறப்படும். அஜ்மீரில் இருந்து ரெயில் வரும் போது திருச்சிக்கு திங்கட்கிழமை இரவு 8.20 மணிக்கு வந்து இரவு 8.30 மணிக்கு ராமேசுவரத்திற்கு புறப்பட்டு செல்லும்.

இந்த புதிய ரெயிலானது திருச்சியில் இருந்து ராஜஸ்தான் மாநிலம் ஸ்ரீகங்காநகருக்கு இயக்கப்படும் எக்ஸ்பிரஸ் ரெயிலை போன்றதாகும். அஜ்மீரில் புகழ் பெற்ற தர்காவும், கோட்டையும் உள்ளது குறிப்பிடத்தக்கது. ராமேசுவரம்-அஜ்மீர் புதிய ரெயில் சேவையால் பயணிகள் மகிழ்ச்சி அடைந்துள்ளனர். 

ஜெய்ப்பூர்:

ராஜஸ்தான் மாநிலத்தில் கடந்த செவ்வாய் அன்று மின்சாரம் தாக்கி இரண்டு பெண்கள் பரிதாபமாக உயிரிழந்தனர். அவர்களின் உடல் பார்மெர் பகுதியில் உள்ள அரசு மருத்துவமனைக்கு பிரேத பரிசோதனைக்காக அனுப்பி வைக்கப்பட்டது.

இதையடுத்து, நேற்று அவர்களது உடலுக்கு மருத்துவர்கள் பிரேத பரிசோதனை செய்வதாக திட்டமிடப்பட்ட நிலையில், மின்சாரம் தாக்கி உயிரிழந்த பெண்களின் உடல்களை அரசு மருத்துவமனைக்கு வெளியே இருந்த சாலையில் வைத்து பிரேத பரிசோதனை செய்துள்ளனர்.


இந்நிலையில், இன்று இதுதொடர்பாக பேசிய மாவட்ட கூடுதல் ஆட்சியர், செய்திகளில் வெளியானவற்றை அடிப்படையாக கொண்டு விசாரணை நடைபெற்று வருவதாகவும், விரைவில் நடவடிக்கை எடுக்கப்படும் என கூறியுள்ளார். #Rajasthan

ஜெய்ப்பூர்:

இந்தியாவில் விபத்துக்களால் உயிரிழப்போரின் எண்ணிக்கை அதிகரித்துக்கொண்டே வருகிறது. பல்வேறு கட்டுப்பாடுகளும், பாதுகாப்பு ஏற்பாடுகளை அரசு செய்துவந்தாலும் விபத்துக்களின் விகிதம் குறையாமல் இருப்பதாக கூறப்படுகிறது.

இன்று காலை ராஜஸ்தான் மாநிலம் ஸ்ரீ மதோபூருக்கும் ஜோராவார் நகர் பகுதிக்கும் இடையே உள்ள சாலையில் இரு வாகனங்கள் நேருக்கு நேர் மோதிக்கொண்டன. இந்த விபத்து குறித்து போலீசாருக்கு உடனடியாக தகவல் அளிக்கப்பட்டு போலீசார் சம்பவ இடத்துக்கு விரைந்தனர்.

இந்த வாகன விபத்தில் 4 பேர் சம்பவ இடத்திலேயே உயிரிழந்ததாகவும், 10 பேர் படுகாயங்களுடன் மருத்துவமனையில் அனுமதிக்கப்பட்டுள்ளதாகவும் போலீசார் தெரிவித்துள்ளனர். மேலும், மருத்துவமனையில் அனுமதிக்கப்பட்டவர்களில் சிலரது நிலை கவலைக்கிடமாக இருப்பதால் பலி எண்ணிக்கை உயரும் என அஞ்சப்படுகிறது.

ராஜஸ்தான் மாநிலத்தில் நடந்த இந்த கோர விபத்து குறித்து வழக்குப்பதிவு செய்துள்ள போலீசார் விபத்து குறித்து தீவிரமாக விசாரணை மேற்கொண்டு வருகின்றனர். #Rajasthan

ஜெய்ப்பூர்:

ராஜஸ்தான் மாநிலத்தில் பாஜக தலைமையிலான ஆட்சி நடைபெற்று வருகிறது. முதல் மந்திரியாக வசுந்தரா ராஜே சிந்தியா பதவி வகித்து வருகிறார்.

இந்த ஆண்டின் இறுதியில் ராஜஸ்தான், மத்தியப்பிரதேசம் மற்றும் சத்தீஸ்கர் மாநிலங்களுக்கு சட்டசபை தேர்தல் நடைபெற  உள்ளது. இதில் வெற்றி பெறுவதற்கான வேலைகளில் அனைத்து கட்சிகளும் ஈடுபட்டு வருகின்றன.

இந்நிலையில், ராஜஸ்தான் மாநிலம் துங்கர்பூர் பகுதியில் காங்கிரஸ் சார்பில் நடைபெற்ற பேரணியில் மாநில காங்கிரஸ் தலைவர் சச்சின் பைலட் கலந்து கொண்டார். அப்போது அவர், ராஜஸ்தானில் காங்கிரஸ் நிச்சயம் ஆட்சி அமைக்கும் என தெரிவித்துள்ளார்.   
இதுதொடர்பாக அவர் கூறுகையில், வரும் சட்டசபை தேர்தலில் காங்கிரஸ் நிச்சயம் ஆட்சி அமைக்கும். இந்த ஆட்சியை உங்களது ஆட்சி போன்று நீங்கள் உணர்வீர்கள்.

ராஜஸ்தானில் தினமும் 8 முதல் 10 பாலியல் பலாத்கார சம்பவங்கள் நடைபெற்று வருகின்றன. மேலும் தலித்துகளுக்கு எதிரான குற்ற செயல்கள் அதிகரித்துக் கொண்டே செல்கின்றன.

முதல் மந்திரி வசுந்தர ராஜே சிந்தியா நடத்தும் கவுரவ யாத்திரை மிக பெரிய தோல்வியில் முடிந்துள்ளது. மக்களின் வரிப்பணம் தான் வீணாகிறது. கடந்த தேர்தலில் மக்கள் தந்த அரிய வாய்ப்பை அவர் பயன்படுத்திக் கொள்ளவில்லை. அவர் மக்களை ஏமாற்றி விட்டார் என தெரிவித்துள்ளார். #RajasthanElections #Congress #SachinPilot

ஜெய்ப்பூர்:

ராஜஸ்தான் மாநிலத்தில் கனமழை பெய்து வருகிறது. இதனால் ஆறுகளில் வெள்ளம் பெருக்கெடுத்து ஓடுவதால், பல்வேறு மாவட்டங்கள் வெள்ளத்தால் பாதிக்கப்பட்டுள்ளன. மேலும், வெள்ளம் காரணமாக தாழ்வான பகுதியில் வசிக்கும் மக்கள் பாதுகாப்பான இடங்களில் தங்கவைக்கப்பட்டுள்ளனர்.


இந்நிலையில், வெள்ளத்தால் பாதிக்கப்பட்ட தோல்பூர் மாவட்டத்தில் சாலைகள் முற்றிலுமாக சேதமடைந்தன. இதனால் போக்குவரத்து துண்டிக்கப்பட்ட அப்பகுதி மக்கள், ரெயில்வே தண்டவாளங்களில் வாகனங்களை ஓட்டி வருகின்றனர். வெள்ளம் ஓடும் பகுதிக்கு மேலே இந்த ரெயில்வே பாலத்தில் இருசக்கர வாகனங்கள் மூலம் ஆபத்தான பயணத்தை அப்பகுதி மக்கள் மேற்கொள்கின்றனர்.  #Rajasthan

ஜெய்ப்பூர்:

ராஜஸ்தான் மாநிலம் ஜோத்பூர் மாவட்டம் போபல் கர்த் பகுதியை சேர்ந்த கல்லூரி மாணவி ஒருவர் கல்லூரி முடிந்து வீடு திரும்பி கொண்டு இருந்தார்.

அப்போது காரில் வந்த 2 பேர் அந்த பெண்ணை இழுத்து காரில் போட்டனர். மாணவியின் வீட்டில் யாரும் இல்லாததை அறிந்து அந்த பெண்ணை அவரது வீட்டுகே கொண்டு சென்று கற்பழித்தனர். மேலும் தனது 3 நண்பர்களையும் வரவழைத்தனர். அவர்களும் கல்லூரி மாணவியை கற்பழித்தனர். பின்னர் அவர்கள் அங்கிருந்து தப்பி சென்றனர்.

அந்த மாணவி நடந்த சம்பவம் குறித்து பெற்றோரிடம் தெரிவித்தார். 5 பேர் சேர்ந்து கல்லூரி மாணவியை கற்பழித்த சம்பவம் அந்த பகுதியில் பரபரப்பை ஏற்படுத்தியது.

இதில் ஒருவர் உள்ளூர் பா.ஜனதா பிமுகர் மகன் ஆவார். கற்பழிப்பு சம்பவத்தில் ஈடுபட்டவர்களை கைது செய்யக் கோரி அந்த பகுதி மக்கள் போராட்டத்தில் ஈடுபட்டனர். இதனால் அந்த பகுதியில் பெரும் பதட்டமான சூழ்நிலை உருவானது. கடைகள் அனைத்தும் மூடப்பட்டன. அரசியல் தலையீடு காரணமாக கற்பழிப்பு குற்றவாளிகளை போலீசார் கைது செய்யவில்லை என்று அந்த பகுதி மக்கள் குற்றம் சாட்டினர்.

5 பேரில் ஒரே ஒருவர் மட்டுமே கைதாகி உள்ளார். மற்ற 4 பேரை போலீசார் தேடி வருவதாக உயர் போலீஸ் அதிகாரி ஒருவர் தெரிவித்தார்.

ஜெய்ப்பூர்:

இந்தியாவில் கும்பல் தாக்குதலால் ஏற்படும் உயிரிழப்புகள் சமீப காலங்களில் அதிகரித்து வருகிறது. மக்கள் சட்டத்தை கையில் எடுத்து தாங்களே தண்டனை அளிப்பதாக எண்ணி, பல அப்பாவிகளின் உயிரை பறிக்கின்றனர்.

அதன் ஒருபகுதியாக, ராஜஸ்தான் மாநிலத்தில் உள்ள பார்மெர் மாவட்டத்தில் சுமார் 22 வயது மதிக்கத்தக்க தலித் வாலிபர் ஒருவர் கும்பலால் தாக்கப்பட்டு உயிரிழந்துள்ளார்.

இந்த சம்பவம் தொடர்பாக தகவல் அறிந்த காவல்துறையினர் வாலிபரின் உடலை கைப்பற்றி பிரேத பரிசோதனைக்காக அனுப்பி வைத்துள்ளனர். தாக்குதலில் ஏற்பட்ட பலத்த காயங்கள் காரணமாக அவர் உயிரிழந்ததாக மருத்துவர்கள் தெரிவித்துள்ளனர்.

கள்ளக்காதல் விவகாரத்தில் வாலிபர் தாக்கப்பட்டிருக்கலாம் என கூறப்படுகிறது. இந்நிலையில், சம்பவம் தொடர்பாக வழக்குப் பதிவு செய்த காவல்துறையினர் 2 பேரை கைது செய்து விசாரணை நடத்தி வருகின்றனர். #Rajasthan