நீங்கள் தேடியது "slug 96604"

சேதராப்பட்டு:

புதுவை காலாப்பட்டில் மத்திய சிறை உள்ளது. இங்கு தண்டனை கைதிகள் மற்றும் விசாரணை கைதிகள் உள்பட 500க்கும் மேற்பட்டோர் அடைக்கப்பட்டுள்ளனர்.

சில நாட்களுக்கு முன்பு பாகூர் பகுதியில் கூட்டு கொள்ளையடிக்க திட்டமிட்ட கும்பலை பாகூர் போலீசார் சுற்றி வளைத்து கைது செய்தனர்.

கைதான 6 பேரிடமிருந்தும் நாட்டு வெடிகுண்டுகள், வீச்சரிவாள் போன்றவை பறிமுதல் செய்யப்பட்டது.

இதில் முக்கிய குற்றவாளியான கருவடிக்குப்பம் பகுதியை சேர்ந்த கார்த்திகேயன் (வயது 27) என்பவரும் கைது செய்யப்பட்டு மத்திய சிறையில் அடைக்கப்பட்டிருந்தார்.

இந்த நிலையில் சிறையில் அடைக்கப்பட்டுள்ள கைதிகள் செல்போன் பயன்படுத்தி வருவதாக ரகசிய தகவல் கிடைத்தது. அதைத் தொடர்ந்து சிறை வார்டன் கார்த்திகேயன் ரோந்து சென்றபோது வெடிகுண்டு வழக்கில் கைதான கார்த்திகேயன் அறையில் செல்போன் இருந்தது கண்டுபிடிக்கப்பட்டது.

அதைத்தொடர்ந்து கார்த்திகேயன் அறையில் இருந்து செல்போன் பறிமுதல் செய்யப்பட்டது.

இதுகுறித்து சிறை சூப்பிரண்டு கோபிநாத்திடம் சிறை வார்டன் புகார் கூறி பறிமுதல் செய்யப்பட்ட செல்போனை ஒப்படைத்தார்.

அதைத்தொடர்ந்து சிறை சூப்பிரண்டு காலாப்பட்டு போலீசில் புகார் செய்தார். அதன்பேரில் சப்-இன்ஸ்பெக்டர் சிவப்பிரகாசம் விசாரணை நடத்தி வருகிறார்.

மதுரை:

மதுரை எல்லீஸ் நகர் 2-வது பால்பூத் தெருவைச் சேர்ந்தவர் குமார் (வயது46). இவர் மொத்தமாக செருப்புகளை கொள்முதல் செய்து வியாபாரம் செய்து வருகிறார்.

இவர் சம்பவத்தன்று ஊழியர்களுக்கு சம்பளத்தை கொடுத்து விட்டு மீதி இருந்த ரூ.61 ஆயிரத்தை பையில் வைத்துக்கொண்டு மோட்டார் சைக்கிளில் வீட்டுக்கு புறப்பட்டார். வீட்டின் அருகே வந்தபோது 2 மர்ம நபர்கள் அவரை வழிமறித்தனர்.

அவர்கள் பேசுவதற்கு செல்போன் தருமாறு கேட்டு உள்ளனர். அப்போது எதிர்பாராதவிதமாக மர்ம நபர்கள் குமாரை அடித்து கீழே தள்ளி விட்டு பையில் இருந்த ரூ.61 ஆயிரம் மற்றும் செல்போனை பறித்துக் கொண்டு தப்பினர்.

இதுகுறித்து எஸ்.எஸ்.காலனி போலீசார் வழக்குப்பதிவு செய்து கொள்ளையர்களை தேடி வருகிறார்கள்.

பெரம்பூர்:

சென்னை ராஜீவ்காந்தி அரசு ஆஸ்பத்திரியில் டாக்டராக பணிபுரிபவர் மன்னர் மன்னன்.

நேற்று முன்தினம் டாக்டர் மன்னர்மன்னன் ராஜீவ்காந்தி அரசு ஆஸ்பத்திரியில் உள்ள அறையில் தனது பையை வைத்து இருந்தார். ஒரு ஆபரே‌ஷனை முடித்து விட்டு அறைக்கு திரும்பினார்.

அப்போது, லேப்-டாப் வைத்திருந்த அவருடையை பை, செல்போன், ஆகியவற்றை யாரோ திருடிச் சென்று இருப்பது தெரியவந்தது. இதுகுறித்து பூக்கடை புறநகர் போலீஸ் நிலையத்தில் டாக்டர் மன்னர் மன்னன் புகார் செய்தார். இஸ்பெக்டர் முருகன் வழக்குப்பதிவு செய்தார்.

இதையடுத்து, உதவி கமி‌ஷனர் லட்சுமணன், மேற்பார்வையில், இன்ஸ்பெக்டர் முருகன் தலைமையில் தனிப்படை அமைக்கப்பட்டது. தனிப்படை போலீசார் ஆஸ்பத்திரியில் பொருத்தப்பட்டுள்ள கண்காணிப்பு கேமராக்களை ஆய்வு செய்து விசாரணை நடத்தி வந்தனர்.

இந்த நிலையில் நேற்று டாக்டரிடம் திருடிய வாலிபர் போலீசாரிடம் சிக்கினார். அவருடைய பெயர் விமல்பாபு (39). விசாரணையில் இவர், கே.எம்.சி., ராயப்பேட்டை அரசு ஆஸ்பத்திரிகளிலும் டாக்டர்களிடம் திருடியது தெரியவந்தது.

அவரிடம் இருந்து 3 லேப்-டாப், 2 டேப்லட், 20 செல்போன்கள் பறிமுதல் செய்யப்பட்டன. கோர்ட்டில் ஆஜர்படுத்தப்பட்ட விமல்பாபு புழல் ஜெயலில் அடைக்கப்பட்டார்.

சென்னை:

வடசென்னை வடக்கு மாவட்ட அ.தி.மு.க. சார்பில் ஜெயலலிதா பிறந்தநாள் பொதுக்கூட்டம் பெரம்பூரில் மாவட்ட செயலாளர் ‌ ஆர். எஸ்.ராஜேஷ் தலைமையில் நடந்தது பெரம்பூர் பகுதி செயலாளர் ஜெ.கே.ரமேஷ் முன்னிலை வகித்தார்.

கூட்டத்தில் அ.தி.மு.க. ஒருங்கிணைப்பாளரும், துணை முதல்-அமைச்சருமான ஓ.பன்னீர்செல்வம் கலந்து கொண்டு பேசியதாவது:-

ஒரு மாநிலத்தில் 27 ஆண்டுகள் ஆட்சி செய்த ஒரே கட்சி அ.தி.மு.க.தான். 17 ஆண்டுகளாக தமிழக மக்களுக்கு நல்ல பல திட்டங்களை தந்தவர் அம்மா அம்மாவின் ஆசியால் நல்லாட்சி அண்ணன் எடப்பாடி பழனிசாமி தலைமையில் நடைபெறுகிறது.

18 லட்சம் உறுப்பினர்கள் கொண்ட கட்சியை 1½ கோடி தொண்டர்களாக மாற்றியவர் ஜெயலலிதா. பலர் செய்த சதிகளை எல்லாம் சந்தித்து துணிவுடன் வெற்றி கண்டார்.

சாதாரண தொண்டனான நாங்களெல்லாம் இந்த பதவிக்கு வந்துள்ளோம் இது தொண்டர்களால் நடத்தப்படும் கட்சி. அம்மாவின் எண்ணப்படி நூறு ஆண்டுகள் என்ன ஆயிரம் ஆண்டுகளும் இந்த ஆட்சியையும் கட்சியையும் நடத்துவோம். அம்மாவின் நம்பிக்கை நாங்கள் காப்பாற்றுவோம்.

நாம் அமைத்திருப்பது மெகா கூட்டணி இந்தியாவிலேயே மகத்தான இந்தக் கூட்டணி நம்முடன் இப்போது பா.ம.க. இணைந்துள்ளது இந்த கூட்டணி கண்டிப்பாக ஒரு வெற்றி கூட்டணியாக மாறும். 40 தொகுதிகளிலும் நாம் வெற்றி பெற்றாக வேண்டும் கூட்டணி கட்சி நிற்கும் தொகுதிகளிலும் அ.தி.மு.க. நிற்பதுபோல் தேர்தல் பணியாற்றி வெற்றிக்கனியை அம்மாவின் சமாதியில் சமர்ப்பிப்போம்.

இவ்வாறு அவர் பேசினார்.

முன்னதாக ஓ.பன்னீர் செல்வம் 23 ஆயிரம் பேருக்கு நலத்திட்ட உதவிகளை வழங்கினார்.

கூட்டத்தில் கழக அவைத் தலைவர் மதுசூதனன், ஜெயபிரகாசம், பாஸ்கர், ஜனார்த்தனன், கிருஷ்ணவேணி, கணேசன், மாரிமுத்து, மாரியம்மாள், இளங்கோவன், சூசை, சுந்தரலிங்கம், வெற்றி வேந்தன், அஞ்சுலட்சுமி, புகழேந்தி, மூர்த்தி, பாலமுருகன், தேவா, இளங்கோவன், அகஸ்டின், வினோத்குமார், கார்த்திக், புருஷோத்தமன், ரமேஷ், நவீன், சத்தியமூர்த்தி, தினேஷ்குமார், வாஞ்சிநாதன், தமிழரசன், தனசேகர், ராஜேஷ், பாலாஜி, ராஜவேலு, சுரேஷ், கணேசன், பார்த்திபன், புவனேஸ்வரி, செல்வராணி, தனபாலன், வீரமருதுபாண்டியன், ராஜி, ராமதிலகம், செந்தில், மனோகரன், ரத்தினவேல், வினோத், தாமோதரன், வேலு, ‌ஷகிலா, கண்ணா, செல்வி, முருகன், அலெக்ஸ், நரசிம்மன், மூர்த்தி, வாசுகி, எம்.எம்.கோபி, டைகர் தயாநிதி, சுஜாதா, மதன கோபால், லாலுபாய் உள்பட பலர் கலந்து கொண்டனர். #OPS #ADMK

கூத்தாநல்லூர்:

அமமுக சார்ப்பில் முன்னாள் முதல்வர் ஜெயலலிதாவின் 71-வது பிறந்தநாள் பொதுக்கூட்டம் திருவாரூர் மாவட்டம் கூத்தாநல்லூரில்நடைபெற்றது. திருவாரூர் மாவட்ட செயலாளர் எஸ்.காமராஜ் தலைமை தாங்கினார்.

இதில் கட்சியின் கொள்கை பரப்பு செயலாளர், தங்கதமிழ்ச்செல்வன் கலந்துகொண்டு சிறப்புரையாற்றினார்.

தமிழகத்தில் தேர்தல் குறித்த எந்த கவலையுமின்றி, மக்கள் பணியாற்றுவதிலும், மக்களை சந்திப்பு என செயல்படுவதும் அ.ம.மு.க.மட்டும் தான். இந்தியாவில் உள்ள 29 மாநிலங்களிலும் எந்த கட்சியும் தனித்து நின்று வென்றதில்லை, ஆனால் ஜெயலலிதா மோடியா, லேடியா என்ற கேள்வியை எழுப்பியதால் தமிழகத்தில் அ.தி.மு.க. தனித்து வெற்றி பெற்று இந்திய அளவில் 3-வது பெரிய கட்சி என்ற சாதனையை நடத்தி காட்டினார். அவரது அந்த துணிவு இன்றைக்கு டி.டி.வி.தினகரனிடம் உள்ளது.

தேசிய கட்சிகளோடு கூட்டணி கிடையாது என்று அறிவிக்கிற துணிச்சல் நம்மிடம் இருப்பதால்தான், ஜெயலலிதா வழியில் தேர்தலை சந்திக்கிறோம். தமிழகத்தில் மருத்துவ மாணவர்கள் தேர்ச்சி பெறுவதை பொறுக்க முடியாததால் தான் நீட் தேர்வு முறையை கொண்டு வந்தனர். 1197 மதிப்பெண்களை பெற்ற அனிதா நீட்தேர்வில் தோல்வி அடைந்ததால் தற்கொலை செய்து கொண்டார். மடியில் கனம் இருந்த காரணத்தால் மத்திய அரசை இப்பிரச்சினையில் எதிர்க்கும் துணிவை இழந்தனர். ஆனால் மீத்தேன், நீட் தேர்வு என மக்களுக்கு எதிரான திட்டங்களை, எதிர்க்கிற ஒரே தலைவர், தினகரன் மட்டும் தான்.

ஜெயலலிதா அறிவித்த செல்போன் வழங்கும் திட்டம் 2 வருடமாக கிடப்பில் போடப்பட்டுள்ளது. ஜாக்டோ ஜியோ ஊழியர்களின் நியாயமான கோரிக்கை பழைய ஓய்வூதிய திட்டத்தை செயல்படுத்த வேண்டும் என்பதாகும். அவர்களிடம் பிடித்த பணத்தை திரும்ப தரவேண்டும் என்றும் போராடினார்கள். ஆனால் முதல்- அமைச்சர் எடப்பாடி பழனிசாமி நிதி இல்லை என்று கூறினார். ஆனால் ஒருபுறம் பொங்கல் பரிசுக்காக ரூ 2500 கோடியை ஒதுக்கினார்.

1952-ல் இருந்து நடைபெற்ற பாராளுமன்ற தேர்தல்களில் தேசிய கட்சிகளோடு, மாநில கட்சிகள் கூட்டு சேர்ந்ததால் தான், மாநில உரிமைகளை இழக்க நேருகிறது. மக்களுக்கு எதிரான திட்டங்களை மத்திய அரசு கொண்டு வரும்போது, தடுக்க முடிவதில்லை. அதனால்தான் அ.ம.மு.க. தேசிய கட்சியோடு கூட்டணி கிடையாது என்கிறது.

வருகிற பாராளுமன்ற தேர்தலில் அ.ம.மு.க வெற்றி பெற்று 'அரசியல் அதிசயம்' என்கிற சாதனையை நிகழ்த்தி காட்ட போகிறோம்.

இவ்வாறு அவர் பேசினார். #ThangaTamilselvan #Parliamentelection

ஈரோடு:

ஈரோடு ரெயில் நிலையத்தில் ரெயில்வே போலீசார் ரோந்து பணியில் ஈடுபட்டிருந்தனர்.

அப்போது 3-வது நடைமேடையில் சந்தேகப்படும்படி ஒரு வாலிபர் சுற்றி திரிந்து கொண்டு இருந்தார். அவரது நடவடிக்கையில் சந்தேகம் அடைந்த போலீசார் அந்த வாலிபரை விசாரணைக்காக போலீஸ் நிலையத்துக்கு அழைத்து சென்றனர்.

விசாரணையில் அந்த வாலிபர் ராம்நாடு, பரமகுடி, பூம்பூரை சேர்ந்த பிரபாகரன்(வயது30) என்பதும், செல்போன் திருடன் என்பதும் தெரிய வந்தது. பலரிடம் கை வரிசை காட்டி உள்ளதும் தெரிய வந்தது.

இதையடுத்து ஈரோடு ரெயில்வே போலீசார் இது குறித்து வழக்கு பதிவு செய்து பிரபாகரனை கைது செய்தனர். அவரிடம் இருந்து 2 செல்போன்கள் பறிமுதல் செய்யப்பட்டன.

ஆண்டிப்பட்டி:

ஆண்டிப்பட்டி அருகே வைகைபுதூர் அண்ணா நகரை சேர்ந்தவர் முருகன். இவர் வைகை அணை பொதுப்பணித்துறையில் ஒப்பந்த தொழிலாளியாக வேலை பார்த்து வருகிறார். இவரது மகள் சாருக்கா பாண்டிஸ்ரீ (வயது16). அப்பகுதியில் உள்ள தனியார் பள்ளியில் 11-ம் வகுப்பு படித்து வந்தார். அடிக்கடி செல்போனில் பேசி வந்ததால் தாயார் கண்டித்துள்ளார்.

இதனால் மனமுடைந்த சாருக்கா பாண்டிஸ்ரீ தூக்குபோட்டு தற்கொலை செய்து கொண்டார். இது குறித்து ஆண்டிப்பட்டி போலீசார் விசாரித்து வருகின்றனர்.

சமீப காலமாக பள்ளி மாணவ-மாணவிகளிடையே செல்போன் பயன்பாடு அதிகரித்துள்ளது. ஒரு காலகட்டத்தில் அதற்கு அடிமையாகும் சூழலும் ஏற்பட்டுள்ளது. எனவே மாணவ-மாணவிகளை அவரது பெற்றோர்கள் கண்காணிக்க வேண்டும்.

செல்போனில் அதிகம் பேசுவது, விளையாடுவது போன்றவற்றால் உடல் நிலை பாதிக்கப்படுகிறது. இதனால் மனதளவிலும் பாதிக்கப்படும் அவர்கள் சிறிய ஏமாற்றத்தை கூட தாங்க முடியாத சூழல் ஏற்படுகிறது.

இதன் காரணமாகவே இளம்வயதில் தற்கொலை உள்ளிட்ட ஆபத்தான முடிவுகளை எடுக்கின்றனர். எனவே பள்ளிகளில் இது குறித்து விழிப்புணர்வு ஏற்படுத்த வேண்டும் என சமூக ஆர்வலர்கள் வேண்டுகோள் விடுத்துள்ளனர்.