நீங்கள் தேடியது "slug 96812"

மதுரை:

சென்னை கிழக்கு முகப்பேர் நக்கீரன் சாலையை சேர்ந்தவர் நவநீதகிருஷ்ணன் (வயது60). இவரது மனைவி கவுசல்யா. சில நாட்களுக்கு முன்பு மதுரை திருநகரில் உள்ள உறவினர் வீட்டுக்கு இருவரும் வந்திருந்தனர்.

சம்பவத்தன்று இரவு சென்னை செல்வதற்காக கணவன்-மனைவி திருமங்கலத்தில் இருந்து எம்.ஜி.ஆர். பஸ் நிலையம் செல்லும் பஸ்சில் ஏறினர். கூட்டம் அதிகமாக இருந்ததால் இருவரும் நின்று கொண்டே பயணித்தனர்.

இதனை பயன்படுத்திக் கொண்ட மர்ம நபர் கவுசல்யா வைத்திருந்த கைப்பையை நைசாக திருடிக் கொண்டு தப்பினர். அதில் 12 பவுன் நகை இருந்தது குறிப்பிடத்தக்கது.

பெரியார் பஸ் நிலையத்தில் இறங்கிய கவுசல்யா நகை இருந்த கைப்பை திருடுபோய் இருப்பதை கண்டு அதிர்ச்சி அடைந்தார்.

இதுகுறித்த புகாரின் பேரில் திடீர்நகர் போலீசார் வழக்குப்பதிவு செய்து நகை திருடிய மர்ம நபரை தேடி வருகிறார்கள்.

மதுரை பெத்தானியாபுரம் பாஸ்டின் நகரைச் சேர்ந்தவர் தெய்வேந்திரன் (54). இவர் சம்பவத்தன்று வீட்டை பூட்டி விட்டு வெளியூர் சென்றிருந்தார். இதை நோட்டமிட்ட மர்ம நபர் வீட்டின் கதவை உடைத்து பீரோவில் இருந்த 7 பவுன் நகையை திருடிக்கொண்டு தப்பினான்.

இதுகுறித்து கரிமேடு போலீசார் விசாரணை நடத்தி வருகிறார்கள்.

சாத்தான்குளம்:

சாத்தான்குளம் அருகே உள்ள சொக்கன்குடியிருப்பு மெயின் ரோட்டை சேர்ந்தவர் ஜெயராஜ். இவரது மனைவி ஆல்வின் விமலா. இருவரும் ஓய்வு பெற்ற ஆசிரியர்கள். இவர்களுக்கு 2 மகள்கள் உள்ளனர். ஒரு மகள் அமெரிக்காவிலும், இன்னொரு மகள் சென்னையிலும் வசித்து வருகிறார்கள்.

இந்த நிலையில் ஜெய ராஜும், அவரது மனைவியும் கடந்த 11-ந்தேதி சென்னையில் உள்ள மகள் வீட்டிற்கு சென்றிருந்தனர். நேற்று அவர்கள் ஊர் திரும்பினர். வீட்டிற்கு வந்து பார்த்த போது வீட்டின் மெயின் கதவு உடைக்கப்பட்டு கிடந்தது. உள்ளே பீரோவில் ½ பவுன் தங்க கம்மல், ரூ.2 ஆயிரம் பணம் திருட்டு போயிருந்தது. வீட்டில் ஆள் இல்லாததை நோட்டமிட்ட மர்ம நபர் கதவை உடைத்து கொள்ளையில் ஈடுபட்டது தெரியவந்தது.

இதுபற்றி தட்டார்மடம் போலீசில் புகார் செய்யப்பட் டது. போலீஸ் சப்- இன்ஸ்பெக்டர் கார்த்திகேயன் மற்றும் போலீசார் சம்பவ இடத்திற்கு வந்து விசாரணை நடத்தினர். கைரேகை நிபுணர்களும் வந்து ரேகைகளை பதிவு செய்தனர்.

திருவெறும்பூர்:

திருவெறும்பூர் பகவதி புரத்தை சேர்ந்தவர் ஆயிஷா (வயது 70). இவர் அதே பகுதியில் மளிகைக்கடை நடத்தி வருகிறார். நேற்று வெளியூரில் உள்ள உறவினர் வீட்டிற்கு செல்லும் முன்பு தனது சகோதரி மும்தாஜிடம் கடையின் பொறுப்பை விட்டுச்சென்றார்.

இதையடுத்து மும்தாஜ் இரவில் கடையை பூட்டிவிட்டு சென்றார். இன்று காலை வந்து பார்த்தபோது பூட்டு உடைக்கப்பட்டு திறந்து கிடந்தது. கடையில் இருந்த ரூ.5 ஆயிரம் பணம், ரூ.2 ஆயிரம் மதிப்புள்ள சிகரெட்டுகள் திருடு போயிருந்தது.

இதேபோல் திருவெறும்பூர் வேங்கூர் சாலையில் புவனேஸ்வரி என்பவர் பேன்ஸி ஸ்டோர் நடத்தி வருகிறார். இவர் நேற்று இரவு கடையை பூட்டிவிட்டு சென்றார். நள்ளிரவில் அங்கு வந்த மர்ம நபர்கள் பூட்டை உடைத்து கடைக்குள் இருந்த ரூ.10 ஆயிரம் பணம் மற்றும் ரூ.10 ஆயிரம் மதிப்புள்ள பொருட்களை திருடிச்சென்று விட்டனர்.

இந்த திருட்டு சம்பவங்கள் குறித்து திருவெறும்பூர் போலீசார் வழக் குப்பதிவு செய்து விசாரணை நடத்தி வருகிறார்கள்.

நெல்லை:

பாளை கோட்டூர் ரோட்டில் உச்சினி மாகாளி அம்மன் கோவில் உள்ளது. கடந்த 2 நாட்களுக்கு முன்பு இந்த கோவில் கொடை விழா நடந்து முடிந்தது. இதில் திரளான பக்தர்கள் கலந்து கொண்டு அம்மனை வழிபட்டதோடு, காணிக்கையாக உண்டியலில் பணம் செலுத்தியிருந்தனர்.

இந்த நிலையில் நேற்றிரவு கோவிலில் வழிபாடு முடித்து அனைவரும் சென்று விட்டனர். நள்ளிரவு யாரோ மர்ம நபர் அங்கு வந்துள்ளான். கோவிலின் முன்பக்க கதவை உடைத்து உள்ளே புகுந்த அவன் அங்கிருந்த உண்டியலை உடைத்து பணத்தை கொள்ளையடித்து சென்றான்.

கொடை விழா முடிந்ததால் உண்டியலில் ஆயிரக் கணக்கில் பணம் சேர்ந்திருக்கும் என தெரிகிறது. அதை மர்ம நபர் அள்ளி சென்றான். இன்று காலை கோவிலுக்கு வந்த பக்தர்கள் முன்பக்க கதவும், உண்டியலும் உடைக்கப்பட்டு கிடந்ததை கண்டு அதிர்ச்சியடைந்தனர். பின்னர் இதுபற்றி பாளை குற்றப்பிரிவு போலீசாருக்கு தகவல் கொடுத்தனர். போலீசார் சம்பவ இடத்திற்கு வந்து விசாரணை நடத்தினர். கைரேகை நிபுணர்களும் வந்து ரேகைகளை பதிவு செய்தார்கள். கொள்ளை நடந்த கோவில் அருகே கண்காணிப்பு கேமிராக்கள் ஏதும் உள்ளதா? அதில் கொள்ளையன் உருவம் பதிவாகி இருக்கிறதா? என்றும் விசாரணை நடத்தப்பட்டு வருகிறது.

சென்னை:

வியாசர்பாடி எம்.கே.பி. நகரில் நகை அடகு கடை நடத்தி வருபவர் ராஜேந்திரகுமார், ராஜஸ்தானை சேர்ந்தவர். இவரது கடையில் மூர்த்திங்கர் தெருவை சேர்ந்த ரகு (வயது 23). கடந்த 5 வருடங்களாக வேலை பார்த்து வந்தார். கடை உரிமையாளருக்கு நம்பிக்கையாக பணியாற்றி வந்தார்.

ரகு அடிக்கடி கடை உரிமையாளர் வீட்டுக்கு சென்று வந்தான். 3 மாதத்துக்கு முன்பு வீட்டை சுத்தப்படுத்த சென்றபோது அங்கிருந்த பணம் ரூ. 7 லட்சம் நகை 33 பவுன் ஆகியவற்றை திருடிக் கொண்டு வந்துவிட்டான்.

கடந்த 2 நாட்களுக்கு முன்பு தான் நகை-பணம் திருடப்பட்டது அவருக்கு தெரிந்தது. இதுபற்றி எம்.கே.பி.நகர் போலீசில் புகார் செய்தார். குற்றப்பிரிவு இன்ஸ்பெக்டர் தேவேந்திரன் விசாரணை நடத்தி கடை ஊழியர் ரகுவின் நடவடிக்கைகளை போலீசார் கண்காணித்த போது மறுநாள் வீட்டில் இருந்து நகை, பத்திரத்துடன் ரகு தப்பிச் செல்ல முயன்றான்.

போலீசார் அவனை பிடித்து சோதனையிட்டனர். அப்போது ரூ. 2 லட்சம் பணம், 33 பவுன் நகை, பத்திரங்கள் வைத்திருந்தது தெரியவந்தது.

அவனை போலீஸ் நிலையத்துக்கு கொண்டு சென்று விசாரித்த போது 3 மாதத்துக்கு முன்பே கடை உரிமையாளரின் வீட்டில் ரூ. 7 லட்சம் பணம், 33 பவுன் நகை திருடியதாக கூறினான். திருடிய பணத்தில் ரூ. 5 லட்சத்துக்கு விழுப்புரத்தில் ஒரு கிரவுண்ட் நிலம் வாங்கியதாகவும் தெரிவித்தான். அந்த பத்திரம் மற்றும் ரூ. 2 லட்சம் பணம், 33 பவுன் நகை ஆகியவற்றை போலீசார் மீட்டு அவனை கைது செய்தனர்.

தேனி:

இதேபோல் அருகில் இருந்த மற்றொரு வீட்டிலும் கொள்ளை முயற்சி நடந்தது தெரிய வந்தது. இது குறித்தும் உத்தமபாளையம் போலீசார் வழக்குப்பதிவு செய்து விசாரணை நடத்தி வருகின்றனர்.

கீழக்கரை:

தூத்துக்குடி மாவட்டம், கோவில்பட்டியைச் சேர்ந்தவர் விஜயராஜ் (வயது 44). இவர் ராமநாதபுரம் மாவட்டம், கீழக்கரையில் உள்ள தனியார் கல்லூரியில் பேராசிரியராக பணி யாற்றி வருகிறார். இவரது மனைவியும் அதே கல்லூரியில் உதவி பேராசி ரியையாக உள்ளார்.இவர்கள் கீழக்கரை கோகுல் நகரில் தங்கி உள்ளனர்.

வார விடுமுறை நாட்களில் கணவன், மனைவி சொந்த ஊருக்கு செல்வது வழக்கம். அதன்படி கடந்த 11-ந் தேதி இருவரும் வீட்டை பூட்டிவிட்டு கோவில்பட்டிக்கு சென்று விட்டனர்.

இதை நோட்டமிட்ட மர்ம நபர்கள் நள்ளிரவு நேரத்தில் அங்கு வந்து வீட்டின் ஜன்னலை உடைத்து உள்ளே புகுந்தனர். பின்னர் பீரோவில் இருந்த 5 தங்க நாணயங்கள், 1 பவுன் செயின், 2 ஜோடி வெள்ளி கொலுசுகள், 5 வெள்ளி குத்து விளக்குகள், செல்போன், விலை உயர்ந்த பட்டுப்புடவைகள் ஆகியவற்றை திருடிக் கொண்டு தப்பினர்.

விடுமுறை முடிந்து கீழக்கரை திரும்பிய விஜயராஜ் வீட்டின் கதவு உடைக்கப்பட்டு நகை-பொருட்கள் திருட்டு போயிருப்பதை கண்டு அதிர்ச்சியடைந்தார்.

இது குறித்த புகாரின் பேரில் கீழக்கரை போலீஸ் சப்-இன்ஸ்பெக்டர் செந்தில் முருகன் வழக்குப்பதிவு செய்து விசாரணை நடத்தி வருகிறார்.