நீங்கள் தேடியது "slug 96933"

சுசுகி நிறுவனம் அவெனிஸ் 125 மாடலினை இந்திய சந்தையில் அறிமுகம் செய்து இருக்கிறது. இந்தியாவில் புதிய சுசுகி அவெனிஸ் 125 விலை ரூ. 86,700 (எக்ஸ்-ஷோரூம்) என துவங்குகிறது. இந்த ஸ்கூட்டர் டி.வி.எஸ். என்டார்க் 125, ஹோண்டா கிரேசியா, ஹீரோ மேஸ்ட்ரோ எட்ஜ் 125 மற்றும் அப்ரிலியா எஸ்.ஆர். 125 போன்ற மாடல்களுக்கு போட்டியாக அமைகிறது.

இந்த மாடலில் டிஜிட்டல் இன்ஸ்ட்ரூமெண்ட் கிளஸ்டர், ப்ளூடூத் கனெக்டிவிட்டி, டர்ன்-பை-டர்ன் நேவிகேஷன், யு.எஸ்.பி. சார்ஜர், சைடு ஸ்டாண்டு இண்டர்லாக் போன்ற அம்சங்கள் உள்ளன. சுசுகி அவெனிஸ் மாடலில் 125சிசி, பியூவல் இன்ஜெக்ட் செய்யப்பட்ட என்ஜின் வழங்கப்பட்டு இருக்கிறது. 

புதிய சுசுகி அவெனிஸ் மாடல் கிரே, ஆரஞ்சு, வைட் மற்றும் புளூ போன்ற நிறங்களில் கிடைக்கிறது. இதன் மோட்டோ ஜிபி எடிஷன் விலை ரூ. 87,600 என நிர்ணயம் செய்யப்பட்டு உள்ளது.

அப்ரிலியா இந்தியா நிறுவனம் 2022 எஸ்.ஆர். 125 மற்றும் எஸ்.ஆர். 160 ஸ்கூட்டர் மாடல்களை இந்திய சந்தையில் அறிமுகம் செய்தது. இவற்றின் விலை ரூ. 1,07,595 (எக்ஸ்-ஷோரூம்) என துவங்குகிறது. புதிய ஸ்கூட்டர்களில் எல்.இ.டி. ஹெட்லைட், டிஜிட்டல் இன்ஸ்ட்ரூமெண்ட் கிளஸ்டர் வழங்கப்பட்டு இருக்கிறது.

புதிய அப்ரிலியா எஸ்.ஆர். 125 மாடல் ஒற்றை வேரியண்டில் கிடைக்கிறது. எஸ்.ஆர். 160 மாடல்- ஸ்டாண்டர்டு, கார்பன் மற்றும் ரேஸ் என மூன்று வேரியண்ட்களில் கிடைக்கிறது. எஸ்.ஆர். 160 விலை ரூ. 1,17,494 (எக்ஸ்-ஷோரூம்) என நிர்ணயம் செய்யப்பட்டுள்ளது. 

அப்ரிலியா எஸ்.ஆர்.125 மாடலில் 124.45சிசி, சிங்கில் சிலிண்டர், ஏர்-கூல்டு, 3 வால்வுகள் கொண்ட என்ஜின் வழங்கப்பட்டு இருக்கிறது. இந்த என்ஜின் 9.78 பி.ஹெச்.பி. திறன், 9.70 நியூட்டன் மீட்டர் டார்க் இழுவிசையை வெளிப்படுத்துகிறது. 

எஸ்.ஆர். 160 மாடலில் 160.03 சிசி, சிங்கில் சிலிண்டர், ஏர் கூல்டு, 3 வால்வுகள் கொண்ட மோட்டார் வழங்கப்பட்டு இருக்கிறது. இந்த என்ஜின் 10.86 பி.ஹெச்.பி. திறன், 11.6 நியூட்டன் மீட்டர் டார்க் இழுவிசையை வெளிப்படுத்துகிறது.

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் கிரேசியா 125 ரெப்சால் ஹோண்டா டீம் எடிஷன் ஸ்கூட்டரை இந்திய சந்தையில் அறிமுகம் செய்தது. இதன் விலை ரூ. 87,138 (எக்ஸ்-ஷோரூம்) என நிர்ணயம் செய்யப்பட்டு உள்ளது.

புதிய கிரேசியா 125 ரெப்சால் ஹோண்டா டீம் எடிஷன் மாடலில் ரேசிங் டீம் சார்ந்த கிராபிக்ஸ், டிசைன் வழங்கப்பட்டு இருக்கிறது. இத்துடன் ஆரஞ்சு வீல் ரிம்கள் உள்ளன. ஸ்கூட்டரின் வெளிப்புறம் ரெப்சால் ஸ்டிக்கர்கள் இடம்பெற்று இருக்கின்றன. காஸ்மெடிக் மாற்றங்கள் தவிர இந்த ஸ்கூட்டரில் வேறு எந்த மாற்றமும் மேற்கொள்ளப்படவில்லை.

அதன்படி கிரேசியா 125 ஹோண்டா டீம் எடிஷன் மாடலில் அப்ரான்-மவுண்ட் செய்யப்பட்ட எல்.இ.டி. ஹெட்லைட், எல்.இ.டி. டி.ஆர்.எல்., இண்டகிரேட் செய்யப்பட்ட பாஸ் லைட் ஸ்விட்ச், சைடு-ஸ்டாண்டு இண்டிகேட்டர், என்ஜின் கட்-ஆப் வசதி, டிஜிட்டல் இன்ஸ்ட்ரூமெண்ட் கிளஸ்டர் வழங்கப்பட்டு இருக்கிறது. 

இந்த ஸ்கூட்டரின் பின்புறம் 3-ஸ்டெப் அட்ஜஸ்ட் செய்யக்கூடிய போர்க், முன்புறம் டெலிஸ்கோபிக் போர்க் வழங்கப்பட்டு உள்ளது. பிரேக்கிங்கிற்கு முன்புறம் டிஸ்க், பின்புறம் டிரம் பிரேக் வழங்கப்பட்டு உள்ளது.

ஏத்தர் எனர்ஜி நிறுவனம் 2021 ஆம் ஆண்டிற்குள் இரண்டு புதிய ஸ்கூட்டர்களை இந்தியாவில் அறிமுகம் செய்ய தி்ட்டமிட்டு இருப்பதாக தகவல்கள் வெளியானது. இந்நிலையில், இரு ஸ்கூட்டர்களில் ஒன்று குறைந்த விலையில் அறிமுகமாகும் என தகவல் வெளியாகியுள்ளது.

2021 ஜூன் மாதத்திற்குள் ஒரு லட்சம் வாகனங்களை விற்பனை செய்ய ஏத்தர் எனர்ஜி திட்டமிட்டுள்ள நிலையில், உற்பத்தியை அதிகரிக்கும் முயற்சிகளில் அந்நிறுவனம் கவனம் செலுத்த துவங்கியுள்ளது. இதற்கு அந்நிறுவனம் அதிக சந்தைகளில் களமிறங்கி, குறைந்த விலையில் வாகனங்களை அறிமுகம் செய்ய வேண்டும். 

இந்தியாவில் ஏத்தர் எனர்ஜி நிறுவனத்தின் ஏத்தர் 450 ஸ்கூட்டர் விலை ரூ.1.23 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. இதுவே அந்நிறுவனத்தின் குறைந்த விலை மாடல் ஆகும். இது தற்சமயம் விற்பனையாகும் வழக்கமான 125சிசி ஸ்கூட்டர்களின் விலையை விட இருமடங்கு அதிகம் ஆகும்.

புதிய குறைந்த விலை எலெக்ட்ரிக் ஸ்கூட்டர் மாடலில் விலை குறைந்த உபகரணங்கள் பயன்படுத்தப்படலாம் என எதிர்பார்க்கப்படுகிறது. கிராப் ஹேன்டில், மிரர் ஸ்டாக், சைடு ஸ்டான்டு உள்ளிட்டவை ஸ்டீல் அல்லது இரும்பு மூலம் உருவாக்கப்படலாம் என எதிர்பார்க்கப்படுகிறது. 

புதிய ஸ்கூட்டரில் வழங்கப்பட இருக்கும் மோட்டார் பற்றி அதிகளவு விவரங்கள் வெளியாகவில்லை. எனினும் இந்த மோட்டாரின் செயல்திறன் மற்றும் மைலேஜ் போன்றவற்றில் எவ்வித பாதிப்பும் இருக்காது என்றே தெரிகிறது. முன்னதாக 2018 ஆம் ஆண்டு ஏத்தர் எனர்ஜி நிறுவனம் எலெக்ட்ரிக் மோட்டார்சைக்கிள் ஒன்றை உருவாக்கி வருவதாக அந்நிறுவனம் அறிவித்தது.

அப்ரிலியா நிறுவனம் இந்தியாவில் ஸ்டாம் 125 ஸ்கூட்டரை அறிமுகம் செய்துள்ளது. இந்த ஸ்கூட்டர் முன்னதாக 2018 ஆட்டோ எக்ஸ்போ விழாவில் அறிமுகம் செய்யப்பட்டது. இந்தியாவில் அப்ரிலியா 125 ஸ்கூட்டர் விலை ரூ.65,000 (எக்ஸ்-ஷோரூம்) என நிர்ணயம் செய்யப்பட்டுள்ளது.

இதன் உற்பத்தி மாடலுக்கும் ஆட்டோ எக்ஸ்போ விழாவில் காட்சிப்படுத்தப்பட்ட மாடலுக்கும் தோற்றத்தில் அதிகளவு மாற்றங்கள் செய்யப்படவில்லை. புதிய அப்ரிலியா ஸ்டாம் 125 ஸ்கூட்டரில் 10-இன்ச் சக்கரங்கள் வழங்கப்பட்டுள்ளது. இதன் பிரேக்கிங்கிற்கு இருபுறமும் டிரம் பிரேக் மற்றும் சி.பி.எஸ். வசதி வழங்கப்பட்டுள்ளது.

அப்ரிலியா ஸ்டாம் 125 மாடலில் முன்புறம் டிஸ்க் பிரேக் கொண்ட வேரியண்ட் அறிமுகமாவது பற்றி இதுவரை எவ்வித தகவலும் இல்லை. புதிய ஸ்டாம் 125 மாடலில் கிராப் ஹேண்டிள் மற்றும் வெள்ளை நிற அப்ரிலியா பேட்ஜ் கொண்டிருக்கிறது. புதிய ஸ்கூட்டரில் 124சிசி சிங்கிள் சிலிண்டர் என்ஜின் கொண்டிருக்கும் என தெரிகிறது.

இதே என்ஜின் அப்ரிலியா எஸ்.ஆர். 125 மாடலிலும் வழங்கப்பட்டுள்ளது. இந்த என்ஜின் 9.4 பி.ஹெச்.பி. பவர் @7250 ஆர்.பி.எம். மற்றும் 9.8 என்.எம். டார்க் @6250 ஆர்.பி.எம். செயல்திறன் வழங்குகிறது. 

இந்தியாவில் புதிய அப்ரிலியா ஸ்டாம் 125 மாடல் டி.வி.எஸ். என்டார்க் 125 டிரம் பிரேக் வேரியண்ட் (விலை ரூ.58,522), ஹோன்டா கிரேசியா டிரம் பிரேக் வேரியண்ட் (விலை ரூ.60,723) உள்ளிட்ட ஸ்கூட்டர்களுக்கு போட்டியாக அமைகிறது. 

இந்தியாவில் பெயர் அறியப்படாத நிறுவனத்தின் ப்ரோடோடைப் ஸ்கூட்டர் மாடல் சோதனை செய்யப்படும் புகைப்படங்கள் வெளியாகி இருக்கிறது. இதுகுறித்து வெளியாகி இருக்கும் தகவல்களில் இந்த ஸ்கூட்டர் பஜாஜ் எலெக்ட்ரிக் ஸ்கூட்டர் என கூறப்படுகிறது. இந்த ஸ்கூட்டர் அர்பனைட் என்ற பிராண்டில் விற்பனை செய்யப்படும் என தெரிகிறது.

முன்னதாக பஜாஜ் நிறுவனம் ஸ்கூட்டர் ஒன்றை உருவாக்கும் பணிகளில் ஈடுபட்டு வருவதாக தகவல்கள் வெளியாகி இருந்தது. இந்நிலையில், சோதனை செய்யப்படும் ஸ்கூட்டர் பஜாஜ் நிறுவனத்துடையது என்ற வாக்கில் தகவல் வெளியாகி வருகின்றன. பஜாஜ் தவிர மஹிந்திரா நிறுவனத்தின் ஆய்வு மற்றும் மேம்பாட்டு ஆலையை பூனேவில் இயக்கி வருகிறது.

இதனால் சோதனையில் சிக்கியிருக்கும் புதிய ஸ்கூட்டர் பஜாஜ் நிறுவனம் உருவாக்கியதா அல்லது மஹிந்திரா நிறுவனத்தின் ஸ்கூட்டரா என்பது குறித்து எவ்வித தகவலும் இல்லை. தற்சமயம் வெளியாகி இருக்கும் புகைப்படங்களை பார்க்கும் போது புதிய ஸ்கூட்டர் உற்பத்திக்கு தயாரான மாடல் போன்றே காட்சியளிக்கிறது.

இதன் இடதுபுறம் என்ஜின் பாகமும், வலதுபுறம் எக்சாஸ்ட் சிஸ்டமும் காணப்படுகிறது. இத்துடன் டெயில் பகுதியில் ட்வின்-இன்க்லைன் செய்யப்பட்ட டெயில் லைட்களும் அகலமான இருக்கையும் காணப்படுகிறது. இரு அம்சங்களும் ஏற்கனவே வெளியாகி இருந்த பஜாஜ் அர்பனைட் ஸ்கூட்டரின் வரைபடங்களுடன் ஒற்றுபோகும் வகையில் இருக்கிறது. 

புதிய அர்பனைட் ஸ்கூட்டர் இந்த ஆண்டு இறுதியில் அறிமுகம் செய்யப்படலாம் என எதிர்பார்க்கப்படுகிறது. பஜாஜ் நிறுவனம் தனது பெட்ரோல் ஸ்கூட்டர் மாடலை மீண்டும் அறிமுகம் செய்யலாம் என்றே எதிர்பார்க்கப்படுகிறது. முன்னதாக பஜாஜ் நிறுவனத்தின் செட்டாக் ஸ்கூட்டர் மிகவும் பிரபல மாடலாக இருந்தது.

புகைப்படம் நன்றி: Team-BHP

மோட்டார்சைக்கிள் மற்றும் ஸ்கூட்டர் தயாரிப்பில் முன்னிலையில் இருக்கும் ஹீரோ மோட்டோகார்ப் நிறுவனம் பிளெஷர் மாடலில் மேம்படுத்தப்பட்ட ஸ்கூட்டரை ‘பிளஷர் பிளஸ்’ என்ற பெயரில் இந்தியாவில் அறிமுகம் செய்துள்ளது. 

இந்தியாவில் புதிய பிளெஷர் பிளஸ் ஸ்கூட்டரின் விலை ரூ.47,300 ஆகும். இதில் அலாய் சக்கரங்களைக் கொண்ட மாடலின் விலை ரூ.49,300 ஆக நிர்ணயிக்கப்பட்டுள்ளது. இந்த மேம்படுத்தப்பட்ட மாடல் 110.9 சி.சி. என்ஜினைக் கொண்டிருக்கிறது.

இந்நிறுவனம் பெண்களுக்கென பிரத்யேகமாக வடிவமைத்த மாடல் இது. தனது கொள்கையில் எவ்வித சமரசமும் செய்துகொள்ளாமல், பெண் வாடிக்கையாளர்களை மனதில் கொண்டே மேம்படுத்தப்பட்ட மாடலை ஹீரோ மோட்டோகார்ப் உருவாக்கி இருக்கிறது.

ஒற்றை சிலிண்டர் மோட்டாரைக் கொண்ட இந்த ஸ்கூட்டர் 8.1 பி.ஹெச்.பி. திறன் மற்றும் 8.7 என்.எம். டார்க் செயல்திறனை கொண்டது. இந்த மாடல் யமஹா ஃபாசினோ (ரூ.55,625), ஹோண்டா டியோ (ரூ.53,000) உள்ளிட்ட மாடல்களுக்கு போட்டியாக இருக்கும் என்று தெரிகிறது.

 

ஹீரோ மோட்டோகார்ப் நிறுவனம் இந்தியாவில் மேஸ்ட்ரோ எட்ஜ் 125 ஸ்கூட்டரை அறிமுகம் செய்துள்ளது. இதன் டிரம் பிரேக் மாடல் விலை ரூ.58,500 (எக்ஸ்-ஷோரூம்) துவங்கி டிஸ்க் பிரேக் வேரியண்ட் ரூ.62,700 (எக்ஸ்-ஷோரூம்) என நிர்ணயம் செய்யப்பட்டுள்ளது. 

ஹீரோ மேஸ்ட்ரோ எட்ஜ் 125 மாடலில் 125சிசி ஏர்-கூல்டு என்ஜின் வழங்கப்பட்டுள்ளது. இந்த என்ஜின் 8.7 பி.ஹெச்.பி. பவர் @6750 ஆர்.பி.எம்., 10.2 என்.எம். டார்க் @5000 ஆர்.பி.எம். செயல்திறன் வழங்குகிறது. இத்துடன் ஹீரோவின் i3S ஸ்டார்ட் ஸ்டாப் சிஸ்டம் வசதி கொண்டிருக்கிறது.

சஸ்பென்ஷனை பொருத்தவரை முன்புறம் டெலிஸ்கோபிக் ஃபோர்க், பின்புறம் மோனோஷாக் வழங்கப்பட்டுள்ளது. ஹீரோ மேஸ்ட்ரோ எட்ஜ் 125 மாடலில் முன்புறம் டிஸ்க் பிரேக், பின்புறம் டிரம் பிரேக் வழங்கப்பட்டுள்ளது. இவை ஹீரோவின் இன்டகிரேட்டெட் பிரேக்கிங் சிஸ்டத்துடன் வழங்கப்படுகிறது.

ஹீரோ மேஸ்ட்ரோ எட்ஜ் 125 முந்தைய மாடலை விட அதிகளவு ஸ்போர்ட் தோற்றம் பெற்றிருக்கிறது. இதன் முன்புறம் பெரிய ஹெட்லேம்ப் யூனிட் வழங்கப்பட்டுள்ளது. இத்துடன் ஸ்கூட்டரின் முன்புற ஃபோர்க் ஸ்கூட்டரை விட காண்டிராஸ்ட் நிறத்தில் பெயின்ட் செய்யப்பட்டுள்ளது.

ஸ்கூட்டரின் பக்கவாட்டில் i3s ஸ்டிக்கரிங்கும், பின்புறம் மேஸ்ட்ரோ எட்ஜ் பேட்ஜிங் செய்யப்பட்டுள்ளது. பின்புறம் ஸ்ப்லிட் டெயில் லைட், க்ளியர் லென்ஸ் இன்டிகேஷன்கள் வழங்கப்பட்டுள்ளது.

ஹீரோ மோட்டோகார்ப் நிறுவனம் மேஸ்ட்ரோ எட்ஜ் 125 ஸ்கூட்டரை மே 13 ஆம் தேதி அறிமுகம் செய்வதாக அறிவித்துள்ளது. புதிய ஸ்கூட்டர் முன்னதாக 2018 ஆம் ஆண்டு நடைபெற்ற ஆட்டோ எக்ஸ்போ விழாவில் அறிமுகம் செய்யப்பட்டது. இதன் வடிவமைப்பு தற்சமயம் விற்பனை செய்யப்படும் மாடலை சார்ந்து உருவாக்கிறது.

புதிய மேஸ்ட்ரோ எட்ஜ் ஸ்கூட்டரில் 124.6சிசி சிங்கிள் சிலிண்டர், ஏர்-கூல்டு பி.எஸ். VI ஃபியூயல்-இன்ஜெக்ட்டெ் வேரியண்ட் என்ஜின் கொண்டிருக்கும். இந்த என்ஜின் எனர்ஜி பூஸ்ட் என அழைக்கப்படுகிறது. இது 8.70 பி.ஹெச்.பி. பவர், 10.2 என்.எம். டார்க் செயல்திறன் வழங்குகிறது.

புதிய ஹீரோ மேஸ்ட்ரோ எட்ஜ் 125 மாடலில் அலாய் வீல்கள், டியூப்லெஸ் டையர்கள், முன்புறம் டெலிஸ்கோபிக் ஃபோர்க், பின்பறம் மோனோஷாக் சஸ்பென்ஷன் வழங்கப்படுகிறது. இத்துடன் இந்த ஸ்கூட்டரில் டிஸ்க் பிரேக் ஆப்ஷனலாக கிடைக்கும் என்றும் இதில் கம்பைன்டு பிரேக்கிங் சிஸ்டமும் வழங்கப்படலாம் என தெரிகிறது.

ஹீரோ மேஸ்ட்ரோ எட்ஜ் 125 விலை ரூ.60,000 (எக்ஸ்-ஷோரூம்) வரை நிர்ணயம் செய்யப்படலாம் என எதிர்பார்க்கப்படுகிறது. மே 13 ஆம் தேதி அறிமுகமானதும் ஹீரோ மேஸ்ட்ரோ எட்ஜ் 125 ஸ்கூட்டர் ஹோன்டா ஆக்டிவா 125, டி.வி.எஸ். என்டார்க் மற்றும் சுசுகி அக்சஸ் போன்ற ஸ்கூட்டர்களுக்கு போட்டியாக அமையும் என தெரிகிறது.

சமீபத்தில் ஹீரோ மோட்டோகார்ப் நிறுவனம்: ஹீரோ எக்ஸ்பல்ஸ், ஹீரோ எக்ஸ்பல்ஸ் 200டி மற்றும் ஹீரோ எக்ஸ்ட்ரீம் 200ஆர் போன்ற மோட்டார்சைக்கிள்களை இந்தியாவில் அறிமுகம் செய்தது.

டி.வி.எஸ். மோட்டார்ஸ் நிறுவனம் எலெக்ட்ரிக் ஸ்கூட்டரை உருவாக்கும் பணிகளில் ஈடுபட்டுள்ளது. 2018 ஆட்டோ எக்ஸ்போவில் டி.வி.எஸ். க்ரியான் கான்செப்ட் எலெக்ட்ரிக் ஸ்கூட்டரை அறிமுகம் செய்தது. இதைத் தொடர்ந்து டி.வி.எஸ். நிறுவன தலைமை செயல் அதிகாரி கே.என். ராதாகிருஷ்னா டி.வி.எஸ். நிறுவனத்தின் முதல் எலெக்ட்ரிக் ஸ்கூட்டர் இந்த நிதியாண்டில் அறிமுகமாகும் என தெரிவித்தார். 

2019 வருவாய் விளக்கக்கூட்டத்தில் பேசிய கே.என். ராதாகிருஷ்னா, "எலெக்ட்ரிக் தொழில்நுட்பத்தில் முதலீடு செய்திருக்கிறோம். இந்த நிதியாண்டில் எலெக்ட்ரிக் வாகனத்தை அறிமுகம் செய்ய திட்டமிட்டிருக்கிறோம். அறிமுக தேதி நெருங்கும் போது இதுபற்றி கூடுதல் விவரங்களை வழங்க முடியும்." என தெரிவித்தார்.

டி.வி.எஸ். க்ரியான் கான்செப்ட் எலெக்ட்ரிக் வாகனத்தில் பல்வேறு ஸ்மார்ட் கனெக்ட்டெட் தொழில்நுட்பங்கள் வழங்கப்படுகின்றன. இவை இன்டெல் நிறுவனத்துடன் இணைந்து உருவாக்கப்பட்டிருக்கின்றன. காட்சிப்படுத்தப்பட்ட க்ரியான் ஸ்கூட்டரின் டி.எஃப்.டி. ஸ்கிரீனில் ஜி.பி.எஸ்., நேவிகேஷன் மற்றும் ஜியோ-ஃபென்சிங் உள்ளிட்ட விவரங்கள் இடம்பெற்றிருந்தன.

இவற்றுடன் வழக்கமான ஸ்பீடோமீட்டர், டேகோமீட்டர், ட்ரிப் இன்டிகேட்டர், பேட்டரி விவரங்கள் இடம்பெற்றிருக்கின்றன. இத்துடன் கஸ்டம் ரைடிங் மோட்கள், ரீஜெனரேட்டிவ் பிரேக்கிங், கனெக்டிவிட்டி, ஆன்டி-தெஃப்ட் அம்சங்கள் மற்றும் பார்க் அசிஸ்ட் உள்ளிட்டவை வழங்கப்படுகின்றன.

காட்சிப்படுத்தப்பட்ட டி.வி.எஸ். க்ரியான் ஸ்கூட்டரில் டைமண்ட்-கட் அலாய் வீல்கள், முன்புறம் டெலிஸ்கோபிக் ஃபோர்க், ஆஃப்-செட் பின்புற மோனோ-ஷாக், டியூப்லெஸ் டையர்கள், எல்.இ.டி. லைட்டிங், யு.எஸ்.பி. சார்ஜர் உள்ளிட்டவை இடம்பெற்றிருந்தது. இந்த அம்சங்கள் அனைத்தும் உற்பத்தி மாடலிலும் வழங்கப்படலாம் என எதிர்பார்க்கப்படுகிறது.

க்ரியான் கான்செப்ட் மாடல் லித்தியம்-அயன் பேட்டரிகளை கொண்டிருக்கும் என்றும் இவை 12 கிலோவாட் திறன் வழங்கும் மோட்டார் உடன் இணைக்கப்பட்டிருந்தது. இந்த பேட்டரியை வெறும் 60 நிமிடங்களில் 80 சதவிகிதம் வரை சார்ஜ் செய்துவிட முடியும். ஒருமுறை முழுமையாக சார்ஜ் செய்தால் இந்த வாகனம் 80 கிலோமீட்டர் வரை செல்லும் என டி.வி.எஸ். தெரிவித்திருக்கிறது.

டி.வி.எஸ். என்டார்க் 125 டிரம் பிரேக் வேரியண்ட் இந்தியாவில் அறிமுகம் செய்யப்பட்டுள்ளது. இதன் விலை ரூ.58,252 (எக்ஸ்-ஷோரூம்) என நிர்ணயம் செய்யப்பட்டுள்ளது. புதிய டிரம் பிரேக் வேரியண்ட் விலை டாப் எண்ட் டிஸ்க் பிரேக் வேரியண்ட்டை விட ரூ.1,648 வரை குறைவாக நிர்ணயம் செய்யப்பட்டுள்ளது. 

டி.வி.எஸ். என்டார்க் ஸ்கூட்டர் அந்நிறுவனத்தின் அதிகம் விற்பனையாகும் மாடலாக இருக்கிறது. கவர்ச்சிகர வடிவமைப்பு மற்றும் சிறப்பான நிறங்களில் கிடைக்கும் என்டார்க் மாடலின் முக்கிய அம்சங்களாக சஸ்பென்ஷன் செட்டப் மற்றும் என்ஜின் இருக்கிறது. இதன் சஸ்பென்ஷன் பயணிகளுக்கு சவுகரிய அனுபவத்தை வழங்குகிறது.

என்ஜின் தலைசிறந்த செயல்திறன் கொண்டிருக்கிறது. முன்னதாக இந்த ஸ்கூட்டர் முன்புறம் பெட்டல் டிஸ்க் பிரேக் கொண்டிருந்தது. இதே ஸ்கூட்டர் கம்பைன்டு பிரேக்கிங் சிஸ்டம் வசதியுடனும் கிடைக்கிறது. புதிய ஸ்கூட்டர் பிரேக்கிங் திறன் குறைக்கப்பட்டிருக்கிறது. டிரம் பிரேக் என்டார்க் ஸ்கூட்டரில் என்ஜின் கில் ஸ்விட்ச் நீக்கப்பட்டுள்ளது.

இதேபோன்று புதிய என்டார்க் ஸ்கூட்டரில் இருக்கையின் கீழ் எல்.இ.டி. லைட், யு.எஸ்.பி. மொபைல் போன் சார்ஜர் உள்ளிட்டவையும் நீக்கப்படுகிறது. மற்றபடி ஸ்கூட்டரில் எவ்வித மாற்றங்களும் மேற்கொள்ளப்படவில்லை. புதிய டி.வி.எஸ். என்டார்க் 125 ஸ்கூட்டரில் 124.8சிசி ஏர்-கூல்டு சிங்கிள் சிலிண்டர் என்ஜின் கொண்டிருக்கிறது. இது 9.5 பி.ஹெச்.பி. பவர் மற்றும் 10.5 என்.எம். டார்க் செயல்திறன் வழங்குகிறது.

பிரீமியம் ஸ்கூட்டர்களில் பியாஜியோ நிறுவனத்தின் வெஸ்பா ஸ்கூட்டர்கள் முதலிடத்தில் இருக்கின்றன. இந்நிறுவனத் தயாரிப்புகள் மற்ற ஸ்கூட்டர்களைக் காட்டிலும் விலை அதிகமாகத்தான் இருக்கும். ஆனாலும் இதன் செயல்பாடுகள் சிறப்பாக இருப்பதால் இதை விரும்பி வாங்குவோர் அதிகம்.

அழகிய தோற்றம், குறைவான எடை, மிகச் சிறந்த செயல்திறன் ஆகியன இதை பலரும் விரும்பக் காரணமாக உள்ளது. இப்போது இந்நிறுவனம் தனது LX125 மாடல் ஸ்கூட்டர்களை சி.பி.எஸ். (கோம்பி பிரேக்கிங் சிஸ்டம்) வசதி கொண்டவையாக அறிமுகம் செய்துள்ளது. இதனால் இந்த மாடலுக்கு ZX125 என பெயர் சூட்டப்பட்டுள்ளது. 

இந்தியாவில் வெஸ்பா ZX125 விலை ரூ.78,750 என நிர்ணயம் செய்யப்பட்டுள்ளது. இந்நிறுவனத் தயாரிப்புகளில் இது விலை குறைந்த மாடலாக இருக்கிறது. இந்நிறுவனத்தின் VXL125 மாடலில் சி.பி.எஸ். வசதி கொண்டதன் விலை ரூ.92,372 ஆக உள்ளது. இதைவிட சி.பி.எஸ். ZX. மாடல் விலை ரூ.95,668 ஆகும். பிரீமியம் மாடலான SXL.150 ஏ.பி.எஸ். மாடல் விலை ரூ.1.07 லட்சமாகும்.

ZX மாடலில் இரண்டு சக்கரங்களுக்கும் டிரம் பிரேக் வசதி மட்டுமே அளிக்கப்பட்டுள்ளது. மற்றபடி என்ஜினில் எவ்வித மாறுதலும் செய்யப்படவில்லை. முன்பகுதியில் ஹைட்ராலிக் சஸ்பென்ஷனும், பின்புறம் மோனோஷாக் அப்சார்பர் வழங்கப்பட்டுள்ளது.

இந்த ஸ்கூட்டரில் 125 சி.சி. திறன் கொண்ட என்ஜின் வழங்கப்பட்டுள்ளது. இதில் 3 வால்வுகளைக் கொண்ட ஒற்றை சிலிண்டர் என்ஜின் ஆகும். 

இந்த என்ஜின் 96 பி.ஹெச்.பி. திறனை 7,250 ஆர்.பி.எம். வேகத்திலும், 9.9 என்.எம். டார்க் @6,250 ஆர்.பி.எம். வேகத்திலும் வெளிப்படுத்துகிறது. இந்தப் பிரிவில் (125 சி.சி.) சுசுகி அக்சஸ் 125 (ரூ.61,858), சுசுகி பர்க்மன் ஸ்டிரீட் (ரூ.70,878), ஹோண்டா கிரேசியா (ரூ.66,231), டி.வி.எஸ். என்டார்க் 125 (ரூ.65,010) ஆகியவற்றுக்குப் போட்டியாக அமைகிறது.