நீங்கள் தேடியது "ஒப்போ"

ஒப்போ நிறுவனத்தின் ஃபைன்ட் X ஸ்மார்ட்போன் ஒருவழியாக பாரிஸ் நகரில் நடைபெற்ற விழாவில் அறிமுகம் செய்யப்பட்டுவிட்டது. 6.42 இன்ச் ஃபுல் ஹெச்டி பிளஸ் AMOLED பானரோமிக் ஆர்க் ஸ்கிரீன், 19:5:9 ரக டிஸ்ப்ளே, ஸ்னாப்டிராகன் 845 சிப்செட், 8 ஜிபி ரேம், ஆன்ட்ராய்டு 8.1 ஓரியோ இயங்குதளம் சார்ந்த கலர் ஓஎஸ் 5.1 வழங்கப்பட்டுள்ளது.

இத்துடன் புகைப்படங்களை எடுக்க 16 எம்பி பிரைமரி கேமரா, 20 எம்பி இரண்டாவது பிரைமரி கேமரா, எல்இடி ஃபிளாஷ், ஏஐ போர்டிரெயிட்கள், ஏஐ ஸ்கிரீன் ரெக்ஃனீஷன் தொழில்நுட்பம் வழங்கப்பட்டுள்ளது. இது அதிகபட்சம் 800 சீன்களை கண்டறியும், இதன் ஸ்லைடிங் அம்சம் சுமார் 3,00,000 முறைக்கும் மேல் சோதனை செய்யப்பட்டிருக்கிறது.

இதன் 3D ஃபேஸ் அன்லாக் வசதி ஓ-ஃபேஸ் ரெக்ஃனீஷன் (O-Face Recognition) என அழைக்கப்படுகிறது. முகத்தில் உள்ள 15,000 முக நுனுக்கங்களை ஸ்கேன் செய்து இந்த தொழில்நுட்பம் இயங்குகிறது. இது வழக்கமான கைரேகை தொழில்நுட்பத்தை விட 20 மடங்கு வேகமாக வேலை செய்கிறது. இதன் 25 எம்பி செல்ஃபி கேமரா இயற்கையாக செல்ஃபிக்களை அழகாக்குகிறது. இத்துடன் 3D லைட்டிங் தொழில்நுட்பம் போர்டிரெயிட்களுக்கு மேலும் அழகு சேர்க்கிறது. இத்துடன் ஆப்பிள் அனிமோஜி போன்று 3D ஓமோஜி தொழில்நுட்பம் முக பாவனங்களை பதிவு செய்யும்.

- 6.42 இன்ச் 2340x1080 பிக்சல் ஃபுல் ஹெச்டி பிளஸ் AMOLED 19:5:9 டிஸ்ப்ளே

- கார்னிங் கொரில்லா கிளாஸ் 5

- 2.5 ஜிகாஹெர்ட்ஸ் குவால்காம் ஸ்னாப்டிராகன் 845 10nm சிப்செட்

- அட்ரினோ 630 GPU

- 8 ஜிபி ரேம்

- 256 ஜிபி இன்டெர்னல் மெமகி

- ஆன்ட்ராய்டு 8.1 ஓரியோ மற்றும் கலர் ஓஎஸ் 5.1

- டூயல் சிம்

- 16 எம்பி பிரைமரி கேமரா, எல்இடி ஃபிளாஷ், f/2.0, OIS

- 20 எம்பி இரண்டாவது பிரைமரி கேமரா, f/2.2

- 25 எம்பி செல்ஃபி கேமரா, f/2.0

- யுஎஸ்பி டைப்-சி ஆடியோ, DSP மாட்யூல், NXP நாய்ஸ் ரிடக்ஷன்

- 4ஜி வோல்ட்இ, வைபை, ப்ளூடூத், யுஎஸ்பி டைப்-சி

- 3,730 எம்ஏஹெச் பேட்டரி, ஃபாஸ்ட் சார்ஜிங்

ஒப்போ ஃபைன்ட் X ஸ்மார்ட்போன் போர்டாக்ஸ் ரெட் மற்றும் கிளேசியர் புளு என இரண்டு நிறங்களில் கிடைக்கிறது. புதிய ஒப்போ ஃபைன்ட் X ஸ்மார்ட்போன் விலை 999 யூரோ (இந்திய மதிப்பில் ரூ.79,070) என நிர்ணயம் செய்யப்பட்டுள்ளது. ஆகஸ்டு மாத வாக்கில் இதன் விற்பனை துவங்குகிறது. சீனாவில் ஜூன் 29-ம் தேதியும், ஜூலை 12-ம் தேதி இந்தியாவில் அறிமுகம் செய்யப்பட இருக்கிறது.

புதுடெல்லி:

ஒப்போ நிறுவனத்தின் சப்-பிரான்டு ரியல்மி 1 ஸ்மார்ட்போன் இந்தியாவில் விற்பனைக்கு வந்த இரண்டே நிமிடங்களில் முழுமையாக விற்றுத் தீர்ந்துள்ளது.

இந்தியாவில் 3 ஜிபி ரேம் 32 ஜிபி இன்டெர்னல் மெமரி மற்றும் 6 ஜிபி ரேம், 128 ஜிபி இன்டெர்னல் மெமரி என இரண்டு மாடல்கள் விற்பனை செய்யப்பட்ட நிலையில் இரண்டுமே நிமிடங்களில் விற்றுத்தீர்ந்ததாக அறிவிக்கப்பட்டுள்ளது. 

இதுதவிர அமேசான் இந்தியா வலைத்தளத்தில் அதிகம் விற்பனையான சாதனங்களில் ஒன்றாக ரியல்மி 1 அறிவிக்கப்பட்டுள்ளது.

முதல் விற்பனை இரண்டே நிமிடங்களில் விற்றுத்தீர்ந்த நிலையில் அடுத்த விற்பனை ஜூன் 1-ம் தேதி நடைபெறும் என ரியல்மி நிறுவன தலைமை செயல் அதிகாரி மாதேவ் ஷெத் தெரிவித்திருக்கிறார். இத்துடன் முதல் விற்பனைக்கு கிடைத்த வரவேற்புக்கு இந்திய வாடிக்கைாயளர்களுக்கு அவர் நன்றி தெரிவித்துள்ளார்.

இந்தியாவில் ஃபிளாஷ் விற்பனைக்கு நாங்கள் திட்டமிடவில்லை, எனினும் இந்திய வாடிக்கையாளர்கள் அளித்திருக்கும் வரவேற்பு நாங்கள் எதிர்பாராத ஒன்று. வாடிக்கையாளர் எதிர்பார்ப்புகளை பூர்த்தி செய்யும் விதமாக தயாரிப்பு பணிகளை அதிகரித்து இருக்கிறோம் என அவர் மேலும் தெரிவிவித்துள்ளார்.

- 6.0 இன்ச் 2160x1080 பிக்சல் ஃபுல் ஹெச்டி பிளஸ் ஐபிஎஸ் டிஸ்ப்ளே

- ஆக்டாகோர் மீடியாடெக் ஹீலியோ P60 12nm பிராசஸர்

- மாலி-G72 MP3 GPU

- 3 ஜிபி / 6 ஜிபி ரேம்

- 64 ஜிபி / 128 ஜிபி இன்டெர்னல் மெமரி

- மெமரியை கூடுதலாக நீட்டிக்கும் வசதி

- டூயல் சிம் ஸ்லாட்

- கலர் ஓஎஸ் 5.0 சார்ந்த ஆன்ட்ராய்டு 8.1 ஓரியோ

- 13 எம்பி பிரைமரி கேமரா, எல்இடி ஃபிளாஷ், f/2.2

- 8 எம்பி செல்ஃபி கேமரா, f/2.2

- 4ஜி வோல்ட்இ, வைபை, ப்ளூடூத்

- 3410 எம்ஏஹெச் பேட்டரி

ரியல்மி 1 ஸ்மார்ட்போன் மூன்லைட் சில்வர் மற்றும் டையமன்ட் பிளாக் என இரண்டு நிறங்களில் கிடைக்கிறது. இந்தியாவில் இதன் 3 ஜிபி ரேம் மாடல் ரூ.8,990 மற்றும் 6 ஜிபி ரேம் மாடல் ரூ.13,990 என நிர்ணயம் செய்யப்பட்டுள்ளது. 

பீஜிங்:

ஒப்போ நிறுவனம் 5ஜி தொழில்நுட்பம் பயன்படுத்தி உலகின் முதல் வீடியோ கால் மேற்கொண்டுள்ளது. இதை செயல்படுத்த ஒப்போ நிறுவனம் 3டி ஸ்ட்ரக்சர்டு லைட் தொழில்நுட்பத்தை (3D structured light technology) பயன்படுத்தியுள்ளது. 

புதிய 5ஜி தொழில்நுட்ப அறிமுகத்தின் போது குவால்காம் 5ஜி NR டெர்மினல் ப்ரோடோடைப் மற்றும் ஒப்போ போன் பிரதிபலித்த 3டி ஸ்ட்ரக்சர்டு லைட் மூலம் சேகரிக்கப்பட்ட போர்டிரெயிட் தகவல்களை கொண்டு ரிமோட் ரிசீவரில் 3டி போர்டிரெயிட் புகைப்படங்களை பிரதலிபலித்தது.

இதற்கென கஸ்டமைஸ் செய்யப்பட்டு இன்டகிரேட்டெட் ஸ்ட்ரக்சர்டு லைட் கேமரா பொருத்தப்பட்ட ஒப்போ ஆர்11எஸ் ஸ்மார்ட்போனினை ஒப்போ பயன்படுத்தியது. இது ஸ்மார்ட்போனில் உள்ள பிரத்யேக கேமரா மற்றும் ஆர்ஜிபி மூலம் குறிப்பிட்ட பொருளின் கலர் மற்றும் 3டி டெப்த்-ஐ சேகரிக்கிறது. பின் இந்த தகவல்கள் 5ஜி சூழலில் அனுப்பப்பட்டு டிஸ்ப்ளே ஸ்கிரீனுக்கு அனுப்பப்படுகிறது. 

அதிவேக, அதிக திறன் மற்றும் குறைந்த லேட்டென்சி மூலம் 5ஜி தொழில்நுட்பம் ஸ்மார்ட்போன் தொலைத்தொடர்பு துறையில் புதிய துவக்கமாக பார்க்கப்படுகிறது. மொபைல் இன்டர்நெட் யநிஜ உலகிற்கும், டிஜிட்டல் உலகிற்கும் இடைய இருக்கும் எல்லைகளை குறைக்கிறது. அந்த வகையில் 3டி தரவுகள் வாடிக்கையாளர்கள் அனுபவத்தை மேம்படுத்தும் வகையில் இருக்கும்.

புதிய 3டி ஸ்ட்ரக்சர்டு லைட் தொழில்நுட்பத்தை பயன்படுத்தி பிரத்யேக செயலிகளை உருவாக்க இருப்பதாக ஒப்போ தெரிவித்துள்ளது. முன்னதாக இந்த ஆண்டு துவக்கத்தில் 5ஜி பைலட் தி்ட்டத்திற்கென குவால்காம் நிறுவனத்துடன் இணைந்திருப்பதாகவும், 5ஜி தொழில்நுட்பத்தை ஸ்மார்ட்போன்களில் வழங்குவதில் முதன்மை நிறுவனமாக ஒப்போ இருக்கும் என தெரிவித்திருந்தது.