நீங்கள் தேடியது "அப்ரிடி"

லாகூர்:

பாகிஸ்தான் கிரிக்கெட் அணியின் முன்னாள் கேப்டன் அப்ரிடி. அவர் ‘கேம் சேஜ்சர்’ என்ற பெயரில் சுயசரிதை புத்தகம் ஒன்றை வெளியிட்டுள்ளார். இதில் அவர் பாகிஸ்தான் முன்னாள் வீரர்கள் மியான்டட், வாக்கர் யூனூஸ் மற்றும் இந்திய முன்னாள் வீரர் காம்பீர் ஆகியோரை விமர்சித்து இருந்தார்.

வயது தொடர்பான விவரத்தையும் அவர் வெளியிட்டு இருந்தார். தனது சாதனை சதத்தை தெண்டுல்கர் பேட்டை பயன்படுத்தி அடித்ததாகவும் கூறி இருந்தார்.

இந்த நிலையில் அப்ரிடியை அந்நாட்டு வீரர் இம்ரான் பர்கத் கடுமையாக சாடி உள்ளார். அப்ரிடி பல வீரர்களின் வாழ்க்கையை சுயநலத்துக்காக அழித்தவர் என்று குற்றம் சாட்டி உள்ளார். அவர் 20 வயது என்று பொய் கூறியது மிகவும் அவமானம். இப்படி சொல்பவர் எப்படி சிறப்பான வீரர்களை குறை சொல்ல முடியும் என்று இம்ரான் பர்கத் தெரிவித்து உள்ளார். #ShahidAfridi #ImranFarhat

பாகிஸ்தான் அணி கடந்த 2010-ம் ஆண்டு இங்கிலாந்தில் சுற்றுப்பயணம் செய்து விளையாடியது. அப்போது முகமது அமிர், சல்மான் பட், முகமது ஆசிப் ஆகியோர் லார்ட்ஸ் மைதானத்தில் நடைபெற்ற டெஸ்ட் போட்டியின்போது மேட்ச் பிக்சிங்கில் ஈடுபட்டது தெரிய வந்தது.

இந்த விவகாரத்தில் மூன்று பேருக்கும் தலா ஐந்தாண்டுகள் தடைவிதிக்கப்பட்டது. தடைக்காலம் முடிந்த பின்னர் முகமது அமிர் சர்வதேச அணிக்கு திரும்பினார். மற்ற இருவர்களும் அணியில் சேர்த்துக் கொள்ளப்படவில்லை.

இந்நிலையில் 2016-ம் ஆண்டு இந்தியாவில் நடைபெற்ற டி20 உலகக்கோப்பை தொடருக்கான பாகிஸ்தான் அணியில் நான் இடம்பிடித்திருப்பேன். ஆனால் கேப்டனாக இருந்த அப்ரிடி அதற்கு முட்டுக்கட்டை போட்டார் என்று சல்மான் பட் குற்றம்சாட்டியுள்ளார்.

இதுகுறித்து சல்மான் பட் கூறுகையில் ‘‘தலைமை பயிற்சியாளர் வக்கார் யூனிஸ் மற்றும் பேட்டிங் பயிற்சியாளர் கிரான்ட் பிளவர் ஆகியோர் என்னை தேசிய கிரிக்கெட் அகாடமிக்கு அழைத்தனர். அப்போது என்னை வலைப்பயிற்சி எடுக்கச் சொல்லி உடற்தகுதியை பரிசோதனை செய்தனர்.

அப்போது வக்கார் யூனிஸ் என்னிடம் ‘‘பாகிஸ்தான் தேசிய அணிக்காக விளையாட மனதளவில் தயாரா?’’ என்று கேட்டார். நானும் ‘‘தயாராக இருக்கிறேன்’’ என்றேன்.

ஆனால், கேப்டனாக இருந்த ஷாகித் அப்ரிடி நான் அணிக்கு திரும்புவதற்கு முட்டுக்கட்டை போட்டார். அவரைத் தூண்டியது யார் என்பது எனக்குத் தெரியாது. அதே சமயத்தில் நான் அவரிடம் சென்று, இதுகுறித்து பேசவில்லை. அது சரியான விஷயமாக இருக்கும் என்று நான் கருதவில்லை. ஆனால், நான் தெரிந்து கொண்டது 2016 உலகக்கோப்பையில் விளையாடுவேன் என்று வக்கார் யூனிஸ், பிளவர் கூறிய நிலையில், அப்ரிடி அதை தடுத்தார் என்பதைத்தான்’’ என்றார்.

புதுடெல்லி:

இந்திய அணிக்கு இரண்டு உலககோப்பையை பெற்று கொடுத்து பெருமை சேர்த்தவர் மகேந்திரசிங் டோனி.

2007-ம் ஆண்டு 20 ஓவர் உலககோப்பையையும், 2011-ம் ஆண்டு ஒருநாள் போட்டி உலக கோப்பையையும் அவரது தலைமையிலான இந்திய அணி கைப்பற்றியது.

37 வயதான டோனி 2014-ம் ஆண்டு டெஸ்டில் இருந்து ஓய்வு பெற்றார். அதை தொடர்ந்து ஒருநாள் போட்டி மற்றும் 20ஓவர் ஓவர் கேப்டன் பதவியில் இருந்து விலகினார். இந்த இரு நிலைகளிலும் ஆடி வந்தார்.

இதற்கிடையே 20 போட்டிக்கான அணியில் இருந்து ஓய்வு பெற்ற பெயரில் டோனி கழற்றி விடப்பட்டார்.

வெஸ்ட் இண்டீஸ், ஆஸ்திரேலியாவுக்கு எதிரான போட்டியில் இருந்து நீக்கப்பட்ட அவர் இனி எதிர்காலத்தில் 20 ஓவர் சர்வதேச போட்டியில் இடம் பெறுவது சந்தேகமே.

தற்போது மோசமான நிலையில் டோனியின் பேட்டிங் இருக்கிறது. இதனால் அடுத்த ஆண்டு நடைபெறும் உலககோப்பை போட்டி (50 ஓவர்) வரை அவர் இந்திய அணியில் நீடிப்பாரா? என்ற கேள்வி எழுந்துள்ளது. இனி வரக்கூடிய ஒருநாள் போட்டியில் அவர் சிறப்பாக ஆட வேண்டிய கட்டாயத்தில் உள்ளார். ஒய்வுக்கான நெருக்கடியில் அவர் இருக்கிறார்.


இது தொடர்பாக தனியார் தொலைக்காட்சிக்கு அளித்த பேட்டியில் அவர் கூறியதாவது:-

இந்திய அணிக்காக டோனி என்ன செய்தார் என்பது எல்லோருக்கும் தெரியும். சாதனைகளை புரிந்தவர். இதனால் டோனி ஓய்வு பெற வேண்டும் என்று அவரிடம் சொல்லும் உரிமை யாருக்கும் இல்லை.


எனக்கு பிடித்த வீரர்களில் ஒருவராக விராட் கோலி இருக்கிறார். அவரது ஆட்டம் எனக்கு பிடிக்கும். ஆனாலும் கேப்டன் பதவியில் அவர் இன்னும் நிறைய முன்னேற வேண்டும். என்னை பொறுத்தவரையில் கேப்டன் பதவியில் டோனி தான் சிறந்தவர்.

இந்தியா-ஆஸ்திரேலியா இடையேயான தொடர் அற்புதமாக இருக்கும். ஆஸ்திரேலிய மண்ணில் ஆஸ்திரேலியாவை தோற்கடிக்க இந்தியா முயற்சி செய்யும். இந்திய அணி வீரர்கள் ஒருங்கிணைந்து செயல்பட வேண்டும்.

இவ்வாறு அப்ரிடி கூறி உள்ளார். #ShahidAfridi #MSDhoni