நீங்கள் தேடியது "slug 98817"

கவுதம் மேனன் இயக்கும் துருவ நட்சத்திரம், ராஜேஷ் எம்.செல்வா இயக்கும் படம் என நடித்து வரும் நடிகர் விக்ரம், அடுத்து வரலாற்றுப் படத்தில் நடிக்க இருக்கிறார். இந்த படத்தை அன்வர் ரஷித் இயக்குகிறார்.

மலபார் கலகம் அல்லது மாப்பிள்ளை கலகம் என்று அழைக்கப்படும் வரலாற்று கதையை அடிப்படையாக கொண்டு இப்படம் உருவாகிறது. கேரளாவில் மலபார் பகுதியில், ஆங்கிலேயே அரசுக்கு எதிராக தொடங்கிய இந்த கலகம் பிறகு பெரும் இனக்கலவரமாக மாறியது. இதில் ஏராளமானோர் கொல்லப்பட்டனர். 1921-ம் ஆண்டு நடந்த வரலாற்று சம்பவத்தை அன்வர் ரஷித் படமாக்கு கிறார்.இந்தக் கதையில் சுதந்திரப் போராட்ட வீரர், வரியன்குன்னத் குஞ்சாசமாகத் ஹாஜியாக விக்ரம் நடிக்கிறார். 

மலபார் கலகத்தின் நூற்றாண்டு விழாவை ஒட்டி 2021-ஆம் ஆண்டு இந்த படத்தை வெளியிடத் திட்டமிட்டுள்ளனர். இந்த படம் தொடர்பான அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது. இதன் மூலம், நடிகர் விக்ரம் 18 வருடங்களுக்குப் பிறகு, மலையாள சினிமாவில் நுழைய உள்ளார். #ChiyaanVikram #MalabarKazhagam #MapillaiKazhagam

நயன்தாரா, திரிஷா என முன்னணி நடிகைகள் போட்டி போட்டதில் ஜெயலலிதாவாக நடிக்கும் வாய்ப்பு நித்யா மேனனுக்கு சென்றிருக்கிறது. அவர் அளித்த பேட்டியில் இருந்து...

நித்யா மேனன் எப்படிப்பட்ட கேரக்டர்?

ரொம்ப இயல்பாக இருப்பேன். சாப்பாடு, தங்கும் இடம், சூழ்நிலை இதுக்கெல்லாம் ரொம்ப விட்டுக் கொடுத்து போகும் பொண்ணு நான். அதேசமயம் ரொம்பவே சென்சிட்டிவான பொண்ணும் கூட.

தேர்ந்தெடுத்து நடிப்பது ஏன்?

படத்தின் கதை எனக்குள் ஒரு பாதிப்பை ஏற்படுத்த வேண்டும். அப்படிப்பட்ட கதை உள்ள படங்களில் மட்டும் நடிக்க சம்மதிக்கிறேன். இந்த வி‌ஷயத்தில் நான் எடுத்த முடிவு இதுவரை தப்பானதில்லை. நிறைய படங்களில் நடிப்பதை விட நல்ல படங்களில் நான் இருக்க ஆசைப்படுகிறேன். எனக்கு நல்ல கதை அமையுறது இயல்பாகவே நடந்துடுது.

தமிழ் ஹீரோக்கள் பற்றி?

நான் பார்த்ததுலயே ரொம்ப ரொம்ப நல்ல மனிதர் சூர்யா. அவர்கூட வேலை செய்யறப்ப அவ்ளோ பாசிட்டிவ்வா இருந்துச்சு. துல்கரும் நானும் நல்ல நண்பர்கள். விஜய் சார் ரொம்ப அமைதி. இருக்கிற இடமே தெரியாதபடி இருப்பார். அவ்வளவா பேசமாட்டார். விக்ரம் மாதிரி நடிப்புக்கு மெனக்கெடும் யாரையும் நான் பார்த்தது இல்லை. கேரக்டருக்காக தன்னை மாற்றி கொள்ளும் வி‌ஷயத்தில் அவர் கில்லாடி. அவரை மாதிரி நடிக்க ஆசைப்படுகிறேன்.

நெருக்கமான தோழி யார்?

நடிகை ரோகிணி இருக்காங்க. சென்னை வந்தால் அவங்க வீட்டில் தான் இருப்பேன்; சாப்பிடுவேன். எனக்கு கொஞ்சம் நெருக்கமான தோழி அவங்க.

அடுத்து?

முதல்ல நான் பத்திரிகையாளர் ஆகணும்னு ஆசைப்பட்டேன். நான் படிச்சதே ஜார்னலிசம் தான். ஜார்னலிசத்துல புதுப்புது ஐடியா பண்ணணும்னு தான் படிச்சேன். அப்புறம் ஒளிப்பதிவாளர் ஆகணும்னு ட்ரை பண்ணேன். நடிக்கணுங்கிற எண்ணமே வந்தது கிடையாது. இப்ப இயக்குனர் ஆக ஆசை இருக்கு. உண்மை சம்பவங்களை படங்களா எடுக்க திட்டம் இருக்கு.

விக்ரம் நடித்த சாமி 2 படம் திரைக்கு வந்து ஓடிக்கொண்டு இருக்கிறது. அடுத்து கவுதம் மேனன் இயக்கும் துருவ நட்சத்திரம் படத்தில் நடிக்கிறார். இதன் படப்பிடிப்பு முடிந்து விரைவில் திரைக்கு வர உள்ளது. இதைத்தொடர்ந்து ராஜேஷ் செல்வா இயக்கும் புதிய படத்தில் நடிக்க உள்ளார். கமல்ஹாசனை வைத்து தூங்காவனம் படத்தை டைரக்டு செய்தவர் ராஜேஷ் செல்வா. 

படத்துக்கு இன்னும் பெயர் வைக்கவில்லை. விக்ரம் நடிக்க உள்ள படம் 2016–ம் ஆண்டு வெளியாகி உலகம் முழுவதும் பரபரப்பாக ஓடிய டோன்ட் ப்ரீத் என்ற ஹாலிவுட் படத்தின் தமிழ் ரீமேக் என்று பேசப்படுகிறது. பெடி அல்வரேஸ் இயக்கிய இந்த படத்தில் ஸ்டீபன் லாங், ஜேன் லெவி, டைலன் மின்னட் ஆகியோர் நடித்திருந்தனர், 

கண்பார்வை இல்லாத ஓய்வுபெற்ற ராணுவ வீரர் ஒருவர் வீட்டில் தனியாக வசிக்கிறார். அந்த வீட்டில் திருட கொள்ளையர்கள் திட்டமிடுகின்றனர். பார்வையுள்ள திடகாத்திரமான கொள்ளையர்களை பார்வையற்றவர் எப்படி எதிர்கொண்டு ஒவ்வொருவராக கொலை செய்கிறார் என்பது கதை. இதில் பார்வையற்றவராக ஸ்டீபன் லாங் நடித்து இருந்தார். 

இந்த படத்தின் கதையை தமிழுக்கு ஏற்றவாறு மாற்றங்கள் செய்து எடுப்பதாகவும், இதில் விக்ரம் கண்பார்வையற்றவராக நடிக்கிறார் என்றும் கூறப்படுகிறது. இதை படக்குழுவினர் உறுதி செய்யவில்லை. விக்ரம் ஏற்கனவே காசி, தாண்டவம் ஆகிய படங்களில் பார்வையற்றவராக நடித்து இருந்தார்.

ஹரி இயக்கத்தில் விக்ரம் - கீர்த்தி சுரேஷ் - ஐஸ்வர்யா ராஜேஷ் நடிப்பில் உருவாகி இருக்கும் சாமி ஸ்கொயர் ரிலீசாகி திரையரங்குகளில் ஓடிக் கொண்டிருக்கிறது. இந்த நிலையில், படத்தின் இயக்குநர் ஹரி அளித்த பிரத்யேக பேட்டியிலிருந்து,

ஒரு பாகத்தின் தொடர்ச்சியை எடுப்பது எளிதில்லையே?

ஒரு படத்தோட அடுத்தடுத்த பாகங்களை இயக்க வேண்டுமே என்று இறங்கிவிட்டு, பின்னர் யோசித்தால் அது கஷ்டம் தான். ஆனால் கதை இருக்கும் போது, அந்த கதையுடன் பயணிக்க வேண்டி இருந்தால் பயம் தேவையில்லை. வேலை பளு, வேலைக்காக மெனக்கிட வேண்டிய பரபரப்பு தான் இருக்கும். இந்த படம் வரை போலீஸ் ஸ்கிரிப்ட் எனக்கு திருப்தி தான். ஒருவேளை அடுத்த படம் பண்ணும் போது எனக்கு அந்த பயம் வரலாம்.

சாமி ஸ்கொயர் வெறும் போலீஸ் கதையாக மட்டும் இருக்காது. என்னுடைய படங்களில் என்னென்ன இருக்குமோ, அதை கொடுத்திருக்கிறேன். அதில் எந்த குறையும் இருக்காது. ஒரு புல்மீல்ஸ் சாப்பிடுவது போல் தான் இருக்கும். 

குடும்பம் சார்ந்த படங்களாக எடுப்பது ஏன்? 

ஹீரோவுக்கு யாருமே இல்லை என்று நான் படங்கள் பண்ணுவதில்லை. யாராவது ஒருவர் ஹீரோவுக்கு உயிராக இருப்பது போல் தான் இயக்கியிருக்கிறேன். ஆறு படத்தில் மட்டும் தான் அப்படி இருக்காது. வில்லனாகவே இருந்தாலும், தன் பையன் தப்பு செய்வதை பார்த்துக் கொண்டிருக்கும் வில்லனை காட்டுவதற்கு எனக்கு கஷ்டமாக இருக்கும். வில்லனுக்கே இப்படி யோசிக்கும் போது ஹீரோவுக்கு குடும்பம் இல்லையென்றால் எப்படி? என்று தோன்றும். 

துரைசிங்கம், ஆறுச்சாமி ஒரே படத்தில் இணைவார்களா?

சிங்கம் 3 படத்தில் ஒரு காட்சியில் துரைசிங்கம், ஆறுச்சாமி இருவரும் ஒரு இடத்தில் சந்தித்து பேசுவது போல கற்பனை செய்திருந்தேன். ஆனால் அது நிஜத்தில் நடப்பது சாத்தியமில்லை. இருவருமே மிகப்பெரிய ஸ்டார்கள். ஒரு சிறிய காட்சிக்கு அவர்களிடம் சென்று கேட்பது சரியாக இருக்காது.

டிரைலர்ல ஆறுச்சாமி ஆவி ராமசாமி மேல வருவதுபோல் இருக்கிறதே?

படத்துல ஆறுச்சாமியே இருக்கிறாரே, அப்புறம் ஏன் ராமசாமி உடம்பில ஆறுச்சாமி வரப்போகிறார். இருவருமே படத்தில் இருக்கிறார்கள். படத்தை பாருங்கள். #Hari #SaamySquare #Vikram #Suriya