நீங்கள் தேடியது "விஷால்"

ஆலந்தூர்:

மக்கள் நீதி மய்யம் கட்சித் தலைவர் கமல்ஹாசன் சென்னை விமான நிலையத்தில் நிருபர்களிடம் கூறியதாவது:-

சிலை கடத்தல் தடுப்பு பிரிவு ஐ.ஜி. பொன் மாணிக்கவேல் மீது அவருடன் பணிபுரியும் அதிகாரிகள் புகார் அளித்துள்ளனர். பொன் மாணிக்கவேல் அதை மறுத்துள்ளார். யார் சொல்வது நியாயம் என்பதை புரிவதற்கு எனக்கு நேரம் தேவைப்படுகிறது.

நேர்மை, நியாயம் எந்த பக்கம் உள்ளது என்று ஆராய்ந்து விட்டுதான் சொல்ல வேண்டும். ஒருவர் குற்றம் சாட்டுகிறார் என்று நாமும் குற்றம் சாட்ட முடியாது. தடைகளை கடந்து பணியாற்றுவேன் என்று பொன் மாணிக்கவேல் கூறி இருக்கிறார். வேறு வழியல்ல.

விஷால் மீது புகார் சொல்லி தயாரிப்பாளர் சங்கத்துக்கு ஒரு தரப்பினர் பூட்டு போட்டுள்ளனர். அவர் மீது கூறப்படும் புகார்கள் உண்மையா? இல்லையா? என்று எனக்கு தெரியவில்லை. அவர் மீது சொல்லப்படும் குற்றச்சாட்டை ஆராய வேண்டும். ஆராய்வதற்கு விஷாலுக்கு மனம் இருக்க வேண்டும்.

இளையராஜாவுக்கு பாராட்டு விழா நடத்த வேண்டும் என்பது எல்லோர் மனதிலும் உண்டு.

சீதக்காதி படத்துக்கு எதிராக ஐகோர்ட்டில் வழக்கு தொடர்ந்துள்ளனர். படங்கள் மீது வழக்கு தொடருவதற்கு ஆரம்ப விழாவாக இருந்தது எனது படங்களாகத்தான் இருக்கும்.

ஒரு படத்தை பார்த்து விட்டுதான் ஏதாவது தவறு இருக்குமானால் கருத்து சொல்ல வேண்டும். அதை விட்டு எல்லாவற்றையும் தவறு என்று சொல்லக் கூடாது. கருத்து சுதந்திரம் என்பது நாடு முழுவதும் ஒடுக்கப்படுகிறது.

இவ்வாறு அவர் கூறினார். #KamalHaasan #MakkalNeedhiMaiam

கஜா புயலால் புதுக்கோட்டை, நாகப்பட்டினம், தஞ்சாவூர் உள்ளிட்ட மாவட்டங்கள் கடுமையான பாதிப்பை சந்தித்துள்ளன. புயலால் பாதிக்கப்பட்டவர்களுக்கு அரசு சார்பில் நிவாரணம் அறிவிக்கப்பட்டுள்ள நிலையில் பொதுமக்களும் தங்களால் முடிந்த உதவிகளை வழங்க வேண்டும் என்று பலரும் கோரிக்கை வைத்துள்ளனர். நடிகர், நடிகைகளும் தங்களால் முடிந்த உதவிகளை செய்து வருகின்றனர்.

இந்த நிலையில், நடிகர் சங்கத்தின் செயலாளரும், தயாரிப்பாளர் சங்கத்தின் தலைவரும், நடிகருமான விஷால் கஜா புயலால் பாதிக்கப்பட்ட ஒரு கிராமத்தை தத்தெடுத்துள்ளார்.

தஞ்சை மாவட்டம், பட்டுக்கோட்டை தொகுதியிலுள்ள என்ற கிராமத்தை தத்தெடுத்துள்ளார். இதையடுத்து, மீண்டும், அந்த கிராமத்தை நான் பழைய நிலைக்கு கொண்டு வருவேன் என்று அவர் உறுதியளித்துள்ளார். மேலும், நாட்டின் சிறந்த கிராமமாகவும் இந்த கார்காவயலை மாற்றுவேன் என்றும் கூறியுள்ளார். அந்த கிராமத்திற்கு அவர் நிவாரண பொருட்களை அனுப்பியுள்ளார்.

கார்காவயல் கிராமத்தை விஷால் தத்தெடுத்ததைத் தொடர்ந்து அந்த கிராம மக்கள் கூறியதாவது:- கஜா புயலால் கார்காவயல் கிராமம் பெரும் சேதத்தை சந்தித்து உள்ளது.

கும்பிட்டு ஓட்டு கேட்டு வந்த அரசியல்வாதிகள் யாரும் எங்களது கிராமத்துக்கு வரவில்லை. இப்போது நாங்கள் கும்பிடுகிறோம். கும்பிடாமல் வந்தது விஷால். இது அவருடைய கிராமம். இனி எத்தனை ஆண்டு காலம் இருந்தாலும், இந்த உதவியை நாங்களும் மறக்கமாட்டோம். அரசியலை நம்பி நாங்கள் வாழமாட்டோம் என்று தெரிவித்தனர்.