நீங்கள் தேடியது "slug 99216"

பெங்களூர்:

பிரபல தொழில் அதிபர் விஜய் மல்லையா இந்திய வங்கிகளில் 9 ஆயிரம் கோடி ரூபாய் கடன் வாங்கி விட்டு இங்கிலாந்து நாட்டுக்கு தப்பி ஓடி விட்டார்.

லண்டனில் சொகுசு பங்களாவில் வசித்து வரும் அவரை இந்தியாவுக்கு கொண்டு வரும் முயற்சிகள் இதுவரை வெற்றி பெற வில்லை.

மல்லையாவிடம் இருந்து கடன் தொகையை மீட்க வங்கிகள் அனைத்தும் ஒருங்கிணைந்து கோர்ட்டில் வழக்கு தொடர்ந்துள்ளன. இதன் காரணமாக இந்தியாவில் முக்கிய நகரங்களில் உள்ள விஜய் மல்லையாவின் சொத்துக்கள் முடக்கப்பட்டுள்ளன. அந்த சொத்துக்களை விற்று கடனை அடைக்க நடவடிக்கை எடுக்கப்பட்டுள்ளது.

இந்த நிலையில் விஜய் மல்லையா மீது வரி ஏய்ப்பு புகார்களும் உள்ளன. குறிப்பாக சேவை வரித்துறைக்கு அவர் பல கோடி ரூபாய் பாக்கி வைத்துள்ளார். அந்த சேவை வரியை வசூலிக்க, விஜய் மல்லையாவின் குட்டி விமானத்தை சேவை வரித்துறை அதிகாரிகள் 2013-ம் ஆண்டு முடக்கி தங்கள் கட்டுப்பாட்டுக்குள் கொண்டு வந்தனர்.

அந்த குட்டி விமானத்தை ஏலத்தில் விற்பனை செய்து பணத்தை பெற சேவை வரித்துறையினர் அறிவிப்பு செய்தனர். முதல் தடவை நடந்த ஏலத்தில் யாரும் அதிக பணத்துக்கு ஏலம் கேட்க வில்லை. இரண்டாவது நடந்த ஏலத்திலும் அதிக தொகை கேட்கப்படவில்லை.

இதைத் தொடர்ந்து நேற்று மூன்றாவது முறையாக அந்த குட்டி விமானம் ஏலம் விடப்பட்டது. அப்போது மல்லையாவின் விமானம் ரூ. 35 கோடிக்கு ஏலம் போனது. அமெரிக்க விமான நிறுவனம் ஒன்று அந்த குட்டி விமானத்தை ஏலத்தில் எடுத்துள்ளது.

சுமார் 5 ஆண்டுகளுக்கு பிறகு மல்லையாவின் விமானம் ஏலம் போய் இருக்கிறது. 650 கோடி ரூபாய் மதிப்புள்ள இந்த விமானம் 5 ஆண்டுகளாக ஒரே இடத்தில் நிறுத்தப்பட்டதால் தற்போது பறக்கும் நிலையில் இல்லை. இதனால்தான் அந்த விமானம் மிக, மிக குறைவாக ரூ.35 கோடிக்கு ஏலம் போனதாக தெரிய வந்துள்ளது.

இந்த சொகுசு விமானத்தில் 25 பேர் பயணம் செய்யலாம். விமான பைலட், பணிப்பெண்கள் 6 பேர் இருந்தனர். இந்த சொகுசு விமானத்துக்குள் படுக்கை அறை, குளியல் அறை, மது அருந்த பார் வசதி, கான்பரன்ஸ் ஹால் ஆகிய வசதிகள் இருப்பது குறிப்பிடத்தக்கது. ##vijaymallya #tamilnews

மதுரை:

சிங்கப்பூரில் இருந்து மதுரை வழியாக கொச்சி செல்லும் விமானம் இரவு 11 மணிக்கு வந்து பின்னர் கொச்சிக்கு புறப்பட்டுச் செல்லும். வழக்கம்போல் சிங்கப்பூரில் இருந்து புறப்பட்ட விமானம் சரியான நேரத்துக்கு அதாவது 11 மணிக்கு வருவதில் தாமதம் ஏற்பட்டது.

2½ மணி நேரம் தாமதமாக நள்ளிரவு 1.30 மணிக்கு மதுரை வந்து சேர்ந்தது. 11 மணியுடன் பணி நேரம் முடிந்ததால் மீண்டும் விமானத்தை இயக்க விமானிகள் மறுத்து விட்டனர்.

எனவே நள்ளிரவில் வந்த சிங்கப்பூர் விமானம் மீண்டும் கொச்சி புறப்பட்டு செல்லவில்லை. அந்த விமானத்தில் வந்த கொச்சி பயணிகள் 8 பேர் மதுரை விமான நிலையத்தில் தங்க வைக்கப்பட்டனர்.

இந்த நிலையில் அந்த விமானம் இன்று காலை 8.30 மணி அளவில் மதுரை விமான நிலையத்தில் இருந்து கொச்சிக்கு புறப்பட்டு சென்றது. இதனால் பயணிகள் 10 மணி நேரம் தவிக்கும் நிலை ஏற்பட்டது. அவர்கள் குறிப்பிட்ட நேரத்தில் தங்கள் ஊருக்கு செல்ல முடியாமல் அவதிப்பட்டனர். #tamilnews