நீங்கள் தேடியது "புகார்"

தருமபுரி:

தருமபுரி மாவட்டம், ஏரியூர் அடுத்துள்ள அஜ்ஜன அள்ளி பகுதியை சேர்ந்தவர் மாணிக்கம். இவரது மனைவி காந்தாமணி (வயது32). இவர்களுக்கு 5 வயது குழந்தை உள்ளது.

கடந்த சில நாட்களுக்கு முன்பு கணவன்-மனைவி இடையே குடும்ப பிரச்சனை ஏற்பட்டது. இதனால் கோபித்து கொண்டு காந்தாமணி அவரது அம்மா வீட்டிற்கு சென்று விட்டார். கடந்த 17-ந் தேதி காந்தாமணி வீட்டில் இருந்து தாயிடம் வெளியில் சென்று வருவதாக கூறிவிட்டு சென்றவர் வீடு திரும்பவில்லை. இதனால் அவரது பெற்றோர் ஐய்யண்ணன் உறவினர் வீடு உள்பட பல இடங்களில் தேடினார். ஆனால் எங்கும் தேடியும் அவர் கிடைக்கவில்லை.

இது குறித்து ஐய்யண்ணன் அதே பகுதியை சேர்ந்த கோவிந்தன் மகன் பூவரசன் (வயது20) என்பவர் எனது மகளை கடத்தி சென்றிருக்கலாம் என்று ஏரியூர் போலீசில் புகார் செய்தார். அதன் பேரில் போலீசார் வழக்குபதிவு செய்து விசாரணை நடத்தி வருகின்றனர்.

திருக்கோவிலூர்:

திருக்கோவிலூர் சேலாம் பகுதியில் உள்ள தனியார் மேல்நிலைப்பள்ளியில் 10-ம் வகுப்பு படிக்கும் மாணவி கடந்த 12-ம் தேதி பள்ளி முடிந்து அதே வளாகத்தில் உள்ள விடுதிக்கு இரவு 9 மணி வரை வரவில்லை. இதனால் விடுதி ஊழியர்கள் பள்ளி வளாகம் முழுவதும் தேடினார். இதையடுத்து பள்ளி வளாகத்தில் உள்ள தண்ணீர் தொட்டி அருகே இரவு 10.30 மணியளவில் ஆடைகள் கலைந்த நிலையில் மாணவி கிடப்பதை பள்ளி விடுதியின் ஊழியர்கள் கண்டனர்.

இது குறித்து பள்ளியின் தலைமை ஆசிரியை ஜூப்ளி தேவசேனா, உதவி தலைமை ஆசிரியர் கில் பர்ட் குமார் ஆகியோருக்கு தகவல் தெரிவித்தனர். அதனை தொடர்ந்து விரைந்து வந்த பள்ளி தலைமை ஆசிரியை மற்றும் உதவி தலைமைஆசிரியர் நேரில் வந்து விசாரனை செய்தனர்.

தொடர்ந்து பள்ளி வளாகத்தில் உள்ள மருத்துவக்குழுவினர்கள் மாணவிக்கு முதல் உதவி சிகிச்சை அளித்தனர். பின்னர் இது குறித்து உடன் போலீசில் புகார் கொடுக்காமல், 2 நாட்கள் கழித்து 3-வதுநாள் அதாவது 15-ந் தேதி தான் பள்ளி தலைமை ஆசிரியை ஜூப்ளி தேவசேனா, மாணவி பலாத்காரத்துக்கு பள்ளி ஊழியர் ஆல்பர்ட் என்கிற ஆல்பர்ட் சவுந்தர்ராஜன் காரணமாக இருக்கலாம் என திருக்கோவிலூர் அனைத்து மகளிர் போலீஸ் நிலையத்தில் புகார் செய்தார்.

அதன் அடிப்படையில் சம்பவ இடத்துக்கு விரைந்து சென்ற திருக்கோவிலூர் துணை போலீஸ் சூப்பிரண்டு மகேஷ் மற்றும் திருக்கோவிலூர் அனைத்து மகளிர் போலீஸ் நிலைய போலீஸ் இன்ஸ்பெக்டர் மகேஷ்வரி, சப்-இன்ஸ்பெக்டர் சுமதி மற்றும் போலீசார் மாணவிக்கு ஏற்பட்ட நிலை குறித்து விசாரனை நடத்தினார்.

இது தொடர்பாக ஆல் பர்ட்சவுந்தர்ராஜன் மீது வழக்கு பதிவு செய்து அவரை கைது செய்தனர். கைது செய்யப்பட்ட ஆல்பர்ட் சவுந்தர்ராஜன் தற்போது நீதிமன்ற உத்தரவுபடி கடலூர் மத்திய சிறையில் அடைக்கப்பட்டுள்ளார். பாதிக்கப்பட்ட மாணவியும் மருத்துவ சிகிச்சைக்காக விழுப்புரம் முண்டியம் பாக்கத்தில் உள்ள அரசு மருத்துவக் கல்லூரி மருத்துவமனையில் அனுமதிக்கப்பட்டு தீவிர சிகிச்சை பெற்று வருகின்றார்.

இந்த சம்பவத்தை ஏன் உடன் போலீசில் தெரிவிக்க வில்லை. அதற்கான காரணம் என்ன? இதன் பின்னணியில் செயல்பட்டவர்கள் யார்? யார்? புகார் கொடுக்க விடாமல் தடுத்தது யார்? என்றும், தாமதமாக புகார் கொடுக்க வேண்டியதன் அவசியம் என்ன என்றும் போலீசார் விசாரனை நடத்தி வருகின்றனர்.

அதேபோல் பள்ளி வளாகத்தில் நடைபெற்ற சம்பவத்தை பள்ளி தலைமை ஆசிரியை ஜூப்ளிதேவ சேனா உடன் கல்வித்துறை அதிகாரிகளுக்கும் தெரிவிக்க வில்லை. அதற்கான காரணமும் தெரியவில்லை. கல்வித் துறை அதிகாரிகாரிகள் 17-ந் தேதி வெளியான செய்தியை பார்த்துதான் கல்வி நிறுவனத்திற்கு நேரில் சென்று விசாரனை நடத்தியுள்ளனர்.

இது குறித்து மாவட்ட கல்வி அதிகாரி ஜெயலட்சமி விசாரனை செய்துள்ளார்.

இது குறித்து பள்ளி தலைமை ஆசிரியை ஜூப்ளி தேவசேனாவை தொடர்பு கொண்டு கேட்டபோது அவர் மாணவிக்கு ஏற்பட்ட நிலை குறித்து தகவல் அறிந்த உடன் பள்ளிக்கு இரவு சுமார் 12 மணியளவில் வந்துவிட்டேன்.

அப்போதே மகளிர் காவல் நிலையத்திற்கு தொடர்பு கொண்டு தகவல் தெரிவித்துவிட்டேன். புகார் கொடுக்க தாமதமானதற்கு காரணம் மாணவியிடம் நன்கு விசாரித்து பிறகு புகார் கொடுத்தோம். கல்வித்துறை உயர் அதிகாரிகளுக்கு உடன் தகவல் தெரிவிக்காதது தவறுதான் என்றும் தெரிவித்தார்.

தற்போது இந்த வழக்கு குறித்து முதன்மை கல்வி அதிகாரி, மாவட்ட கலெக்டருக்கு விசாரனை அறிக்கையை சமர்பித்துள்ளார். கலெக்டரின் நடவடிக்கை என்னவாக இருக்கும் என்பதும் பரபரப்பாக உள்ளது.

மதுரை:

மதுரை மாவட்டம், உசிலம்பட்டி அருகே உள்ள சிம்மநத்தத்தைச் சேர்ந்தவர் சந்தானம். இவரது 17 வயது மகள் கடந்த 7-ந் தேதி வீட்டில் தனியாக இருந்தார்.

அப்போது அதே பகுதியைச் சேர்ந்த சுரேஷ் (26), சின்னச்சாமி (27), கணேசன் (43) ஆகிய 3 பேரும் சிறுமியின் வீட்டுக்குள் புகுந்து கதவை பூட்டிக் கொண்டு சிறுமியிடம் ஆபாசமாக பேசி பாலியல் தொல்லை கொடுத்ததாக கூறப்படுகிறது. இது குறித்து சந்தானம், உத்தப்ப நாயக்கனூர் போலீசில் புகார் செய்தார்.

போலீஸ் இன்ஸ்பெக்டர் மாடசாமி வழக்குப்பதிவு செய்து சுரேஷ், சின்னத் தம்பி, கணேசன் ஆகிய 3 பேரை கைது செய்து விசாரணை நடத்தி வருகிறார்.

நாகர்கோவில்:

பூதப்பாண்டியை அடுத்த கிராத்தூர் பகுதியைச் சேர்ந்தவர் ஞானதாஸ் (வயது55). கட்டிடத் தொழிலாளி. நேற்று மாலை பூதப்பாண்டி காந்திநகர் பகுதியில் உள்ள ஒரு வீட்டில் ஞானதாஸ் மற்றும் அவரது நண்பர் அஜித்(20) ஆகியோர் கட்டிட வேலையில் ஈடுபட்டிருந்தனர். முதல் மாடியில் அவர்கள் இருவரும் வேலை செய்து கொண்டிருந்தனர். அப்போது எதிர்பாராத விதமாக கட்டிடத்தில் இருந்து ஞானதாஸ் தவறி விழுந்தார்.

உடனே பதறிப்போன அவரது நண்பர் அஜித் கூச்சலிட்டு அலறினார். இதை பார்த்த அக்கம் பக்கத்தினர் ஓடிவந்தனர்.

இதையடுத்து தலையில் படுகாயங்களுடன் உயிருக்கு போராடிய ஞானதாசை அவர்கள் மீட்டு அருகில் உள்ள ஒரு தனியார் ஆஸ்பத்திரிக்கு கொண்டு சென்றனர். பின்னர் மேல் சிகிச்சைக்காக ஆசாரிபள்ளம் அரசு ஆஸ் பத்திரிக்கு கொண்டுச் சென்றனர். ஆனால் செல்லும் வழியிலேயே அவர் பரிதாபமாக இறந்தார்.

இதுகுறித்து பூதப்பாண்டி போலீசில் புகார் செய்யப்பட்டது. இன்ஸ்பெக்டர் சிவசங்கரன், சிறப்பு சப்-இன்ஸ்பெக்டர் அப்துல் காதர் ஆகியோர் வழக்குபதிவு செய்து விசாரணை நடத்தி வருகின்றனர்.

செய்யாறு:

கலசபாக்கம் பொற்கனூர் பகுதியை சேர்ந்தவர் பானு இவரது மனைவி ஹேமாவதி (வயது 27). இவர்களுக்கு 1 மகன் 1 மகள் உள்ளனர். தம்பதியிடையே கருத்து வேறுபாடு காரணமாக அடிக்கடி தகராறு ஏற்பட்டு வந்துள்ளது.

இதனால் மனமுடைந்த ஹேமாவதி 2 குழந்தைகளுடன் சேத்துப்பட்டு அருந்ததிபாளையத்தில் உள்ள தனது தாய் வீட்டிற்கு சென்று விட்டார். அதே பகுதியை சேர்ந்த 17 வயது மாணவன். செய்யாறில் உள்ள பாலிடெக்னிக் கல்லூரியில் முதலாம் ஆண்டு படித்து வருகிறார். அவருடன் ஹேமாவதிக்கு பழக்கம் ஏற்பட்டது. இது நாளடைவில் கள்ளத்தொடர்பாக மாறியது.

இந்நிலையில் சம்பவத்தன்று கல்லூரிக்கு செல்வதாக கூறி சென்ற மாணவன் வீடு திரும்பவில்லை. பெற்றோர் பல இடங்களில் தேடியும் மாணவனை காணவில்லை. இது குறித்து மாணவனின் பெற்றோர் அனக்காவூர் போலீசில் புகார் அளித்தனர்.

அதில் எனது மகனை ஹேமாவதி என்ற பெண் ஆசை வார்தை கூறி கடத்தி சென்று விட்டதாக கூறியிருந்தனர். இதைதொடந்து போலீசார் ஹேமாவதி வீட்டுக்கு அவரை தேடி சென்றனர். அங்கு அவர் இல்லை. இதனால் அவர் மாணவனுடன் தான் சென்றிருக்க வேண்டும் என்று போலீசார் சந்தேகிக்கின்றனர். இது குறித்து வழக்குபதிவு செய்து மாணவன் மற்றும் ஹேமாவதியை தேடி வருகின்றனர்.

மதுரை:

மதுரை அழகப்பன் நகர் பாண்டியன் நகரைச் சேர்ந்தவர் செல்வராஜ். இவரது மனைவி முத்து ராக்கு (வயது 55). இவர் அந்தப்பகுதியில் நடந்து சென்றபோது 2 மர்ம வாலிபர்கள் முத்துராக்குவிடம் நைசாக பேச்சு கொடுத்தனர். இந்தப்பகுதியில் அடிக்கடி திருட்டு நடக்கிறது.

எனவே நீங்கள் அணிந்திருக்கும் நகையை கொடுங்கள், பத்திரமாக மடித்து தருகிறோம் என்று கூறினர்.

இதை நம்பிய முத்துராக்கு, தான் அணிந்திருந்த 8 பவுன் தங்க தாலிச்செயினை அவர்களிடம் கொடுத்தார். அதை வாங்கிய 2 வாலிபர்களும் ஒரு காகிதத்தில் வைத்து பொட்டலமாக மடித்துக் கொடுத்தனர்.

வீடு திரும்பிய முத்து ராக்கு பொட்டலத்தை பிரித்து பார்த்த போது அதில் காகிதங்கள் சுற்றி வைக்கப்பட்டிருந்தது தெரியவந்தது.

தான் மோசடி செய்யப்பட்டதை உணர்ந்த முத்து ராக்கு இது குறித்து சுப்பிரமணியபுரம் போலீசில் புகார் செய்தார். போலீசார் வழக்குப்பதிவு செய்து நகை திருடிய மர்ம வாலிபர்களை தேடி வருகிறார்கள்.

இதேபோல் மதுரை கிருஷ்ணாபுரம் காலனியைச் சேர்ந்த கருப்பையா மனைவி பாண்டியம்மாள் (வயது 45). இவர் ஆரப்பாளையத்தில் இருந்து எம்.ஜி.ஆர். பஸ் நிலையத்துக்கு டவுன் பஸ்சில் சென்றார்.

கோரிப்பாளையம் அருகில் சென்றபோது பாண்டியம்மாள் வைத்திருந்த மணிபர்சை யாரோ அபேஸ் செய்து விட்டனர். அதில் அவர் 7 பவுன் தங்க தாலிச்செயினை வைத்திருந்தார்.

இது குறித்த புகாரின் பேரில் தல்லாகுளம் போலீசார் வழக்குப்பதிவு செய்து விசாரணை நடத்தி வருகிறார்கள்.

என்.ஜி.ஓ. காலனி:

சுசீந்திரம் அடுத்த பொட்டல் காலனியை சேர்ந்தவர் டென்னிஸ் (வயது 37), தொழிலாளி. இவரது மனைவி விஜயலெட்சுமி (36). இவர்களுக்கு திருமணம் முடிந்து 2 மகன்கள் உள்ளனர். இந்த நிலையில் டென்னிசன் வேலைக்காக வெளியூர் சென்றிருந்தார். கடந்த சிலநாட்களுக்கு முன்பு ஊருக்கு திரும்பினார்.

அப்போது வீட்டில் இருந்த மனைவி விஜயலெட்சுமி மற்றும் அவரது 2 மகன்களும் மாயமாகி இருந்தனர்.

இதையடுத்து அவர்களை உறவினர்கள் வீடு உள்பட பல்வேறு இடங்களில் தேடிப்பார்த்தார். எங்கும் அவர்கள் இல்லாததால் இது குறித்து சுசீந்திரம் போலீசில் புகார் செய்யப்பட்டது.

இன்ஸ்பெக்டர் செல்வம், சப்-இன்ஸ்பெக்டர் அஜ்மல் ஜெனிஷ் ஆகியோர் வழக்குப்பதிவு செய்து மாயமான இளம்பெண் மற்றும் அவரது குழந்தைகளை தேடி வருகின்றனர்.