நீங்கள் தேடியது "புகார்"

பேரையூர்:

மதுரை மாவட்டம் திருமங்கலம் அருகே உள்ள டி.கல்லுப்பட்டி ஐ.ஓ.பி. நகரைச் சேர்ந்தவர் மதுமோகன்ராஜ் (வயது27). தனியார் நிறுவனத்தில் பணியாற்றும் இவருக்கு சுஜாதா (24) என்ற மனைவியும், ஜவான் நாராயணன் என்ற 10 மாத கைக்குழந்தையும் உள்ளது.

சம்பவத்தன்று சுஜாதா தனது குழந்தையுடன் பெற்றோர் வீட்டுக்கு சென்று வருவதாக கூறி சென்றார். ஆனால் அவர் அங்கு செல்லாமல் மாயமானார். இதனால் பதட்டம் அடைந்த மதுமோகன்ராஜ் மற்றும் உறவினர்கள் இருவரையும் பல இடங்களில் தேடினர். ஆனால் பலனில்லை.

இந்த நிலையில் வீட்டில் இருந்த ரூ.2 லட்சத்து 80 ஆயிரம் ரொக்கப்பணத்துடன் சுஜாதா மாயமாகி இருப்பது தெரியவந்தது.

இதுகுறித்த புகாரின் பேரில் டி.கல்லுப்பட்டி போலீசார் வழக்குப்பதிவு செய்து பணம் மற்றும் குழந்தையுடன் மாயமான இளம்பெண்ணை தேடி வருகிறார்கள்.

தண்டராம்பட்டு:

திருவண்ணாமலை அருகே உள்ள ஒரு கிராமத்தை சேர்ந்தவர் 21 வயது இளம்பெண். இவருக்கும் செங்கம் தாலுகா கொட்டாவூர் கிராமத்தை சேர்ந்த சிவலிங்கம் மகன் ஜீவாவுக்கும் கடந்த 13-ந் தேதி வரகூரில் திருமணம் நடக்க இருந்தது. திருமணத்துக்கான அனைத்து ஏற்பாடுகளையும் இரு வீட்டாரும் தடபுடலாக செய்து வந்தனர்.

இந்நிலையில் கடந்த 12-ந் தேதி இளம்பெண் திருவண்ணர்மலையில் உள்ள பெண்கள் அழகு நிலையத்துக்கு தனக்கு மேக்கப் போடுவதற்காக சென்றார். ஆனால், நீண்ட நேரமாகியும் அவர் வீட்டிற்கு வரவில்லை.

இதையடுத்து, அவரது பெற்றோர் அதிர்ச்சி அடைந்து அக்கம், பக்கத்தில் உள்ள உறவினர்கள் வீடுகளில் தேடினர். அவர் எங்கும் இல்லை.

இது குறித்து, பெண்ணின் தந்தை வாணாபுரம் போலீசில் நேற்று முன்தினம் புகார் செய்தார்.

இதுகுறித்து வாணாபுரம் போலீசார் வழக்கு பதிவு செய்து மாயமான இளம்பெண் என்ன ஆனார்? அவரை யாராவது கடத்தி சென்றார்களா? என்று பல்வேறு கோணங்களில் விசாரணை நடத்தினர்.

இந்த நிலையில் நேற்று மாலை மாயமான பெண் வாணாபுரம் போலீஸ் நிலையத்திற்கு வந்தார். அப்போது அவர் கூறியதாவது:-

எனக்கு திருமணம் பிடிக்கவில்லை என்பதால் வீட்டை விட்டு வெளியேறி தோழி வீட்டிற்கு சென்றேன். எனது பெற்றோர் மற்றும் போலீசார் தேடுவதை அறிந்து, நான் வீட்டிற்கு வந்து விட்டேன் என்றார். இதனையடுத்து போலீசார் அவருக்கு அறிவுரை கூறி பெற்றோரிடம் ஒப்படைத்தனர்.

திருப்பூர்:

உடுமலை கவுசல்யா இன்று திருப்பூர் போலீஸ் சூப்பிரண்டு கயல் விழியிடம் ஒரு புகார் மனு அளித்தார். அதில் அவர் கூறியிருப்பதாவது:-

நாங்கள் சங்கர் சமூக நீதி அறக்கட்டளை நடத்தி வருகிறோம். அறக்கட்டளைக்கு சந்தோஷ்ஸ்ரீ என்ற பெண் நேற்று வந்தார். கணவருடன் கருத்துவேறுபாடு ஏற்பட்டதால் விவாகரத்து கேட்டு வழக்கு தொடர்ந்துள்ளதாக கூறி பாதுகாப்பு கேட்டு அறக்கட்டளையில் தங்க அனுமதி கேட்டார். அவருக்கு நாங்கள் அனுமதி வழங்கி பாதுகாப்பு அளித்தோம்.

இரவு 9.30 மணிக்கு 2 போலீசார் அறக்கட்டளைக்கு வந்து எங்கள் பாதுகாப்பில் இருந்த பெண்ணை தரதரவென இழுத்துச்சென்றனர்.

இதை தடுக்க முயன்ற சங்கரின் தம்பியை போலீசார் தாக்கினர். சட்டத்திற்கு புறம்பாக நடந்த 2 போலீசார் மீது நடவடிக்கை எடுக்க வேண்டும்.

இவ்வாறு அதில் அவர் கூறியிருந்தார். #udumalaikousalya

மதுரை:

மதுரை திருமங்கலம் அருகேயுள்ள மறவன்குளம் கிழக்கு தெருவைச் சேர்ந்தவர் நந்தினி (வயது 26). இவருக்கும் உச்சப்பட்டியைச் சேர்ந்த குமார் என்பவருக்கும் கடந்த 2007-ம் ஆண்டு திருமணம் நடந்தது.

அப்போது மணமகள் வீட்டில் இருந்து 10 பவுன் நகையை வரதட்சணையாக கொடுத்தனர். இந்த நிலையில் குமாருக்கு வேறு ஒரு பெண்ணுடன் கள்ளக்காதல் ஏற்பட்டது.

அதன்பிறகு குமார் கள்ளக்காதலி மற்றும் உறவினர்களான ஜெயராமன், அவரது மனைவி தேவி ஆகியோருடன் சேர்ந்து நந்தினியை கொடுமைப்படுத்தினார்.

இது தொடர்பாக நந்தினி திருமங்கலம் அனைத்து மகளிர் போலீசில் புகார் செய்தார். இன்ஸ்பெக்டர் சுமதி வழக்குப்பதிவு செய்து குற்றவாளிகளிடம் விசாரணை நடத்தி வருகிறார்.

நாகர்கோவில்:

நாகர்கோவில் ஒழுகின சேரி பகுதியை சேர்ந்தவர் பாஸ்கரன் (வயது 58) தொழிலாளி. இவரது மனைவிக்கு கடந்த சில மாதங்களுக்கு முன்பு திடீர் உடல்நலக்குறைவு ஏற்பட்டது. பல்வேறு ஆஸ்பத்திரிகளுக்கு சென்று சிகிச்சை பெற்றார். இருப்பினும் அவருக்கு நோய் குணமாகவில்லை. இதனால் மன வருத்தத்துடன் பாஸ்கரன் காணப்பட்டு வந்தார்.

இந்த நிலையில் நேற்று ஒழுகினசேரி பகுதியில் வி‌ஷம் குடித்து உயிருக்கு ஆபத்தான நிலையில் மயங்கிக்கிடந்தார். இதை பார்த்த அக்கம், பக்கத்தினர் அவரை மீட்டு ஆசாரிப்பள்ளம் அரசு ஆஸ்பத்திரியில் அனுமதித்தனர். அங்கு அவருக்கு சிகிச்சை அளிக்கப்பட்டு வந்தது. சிகிச்சை பலனின்றி பாஸ்கரன் பரிதாபமாக இறந்தார்.

இதுகுறித்து வடசேரி போலீசில் புகார் செய்யப்பட்டது. இன்ஸ்பெக்டர் பெர்னாட்சேவியர், சிறப்பு சப்-இன்ஸ்பெக்டர் சாம்ஜி ஆகியோர் வழக்குபதிவு செய்து விசாரணை நடத்தி வருகிறார்கள்.

குளச்சல் சாஸ்தன்கரை பகுதியை சேர்ந்தவர் லூயிஸ் ரோச். இவரது மகள் நிகிஷா (25). இவருக்கும் திருமணம் ஆகவில்லை.

இவரது பெற்றோர் நேற்று அருகில் உள்ள வள்ளவிளைக்கு சென்று இருந்தனர். வீட்டில் நிகிஷா மட்டும் தனியாக இருந்து உள்ளார். இந்த நிலையில் வெளியில் சென்றிருந்த பெற்றோர் வீட்டிற்கு திரும்பி வந்தனர். அப்போது வீடு பூட்டிக்கிடந்தது. அதிர்ச்சி அடைந்த பெற்றோர் கதவை உடைத்து உள்ளே சென்று பார்த்தபோது நிகிஷா தூக்கில் பிணமாக தொங்கினார்.

இதுகுறித்து குளச்சல் போலீசில் புகார் செய்யப்பட்டது. இன்ஸ்பெக்டர் முத்துராமன், சப்-இன்ஸ் பெக்டர் சுஜித்ஆனந்த் ஆகியோர் சம்பவ இடத்திற்கு சென்று பிணத்தை கைப்பற்றி பிரேத பரிசோதனைக்காக ஆசாரிப்பள்ளம் அரசு ஆஸ்பத்திரிக்கு அனுப்பி வைத்தனர்.

மேலும் சம்பவம் குறித்து வழக்குபதிவு செய்து விசாரணை நடத்தி வருகின்றனர்.

உடைவிளை பகுதியை சேர்ந்தவர் சுரேஷ்குமார் (31) டிரைவர். இவர் குடித்துவிட்டு சரியாக வேலைக்கு செல்லாமல் இருந்துள்ளார். இதனை அவரது உறவினர்கள் கண்டித்து உள்ளனர். மேலும் இவருக்கு திருமணம் ஆகாத வருத்தத்திலும் இருந்துள்ளார். இந்த நிலையில் வீட்டில் சுரேஷ்குமார் தூக்குபோட்டு தற்கொலை செய்துகொண்டார். இதுகுறித்து புதுக்கடை போலீசில் புகார் செய்யப்பட்டது. இன்ஸ்பெக்டர் ஸ்ரீதர், சப்-இன்ஸ்பெக்டர் சுரேந்திரன் ஆகியோர் சம்பவ இடத்திற்கு விரைந்து சென்ற பிணத்தை கைப்பற்றி பிரேத பரிசோதனைக்காக குழித்துறை அரசு ஆஸ்பத்திரிக்கு அனுப்பி வைத்தனர். மேலும் இது குறித்து போலீசார் வழக்குபதிவு செய்து விசாரணை நடத்தி வருகின்றனர்.