நீங்கள் தேடியது "slug 99996"

மும்பை:

மராட்டியத்தில் காங்கிரஸ் மற்றும் சரத்பவார் தலைமையிலான தேசியவாத காங்கிரஸ் கட்சிகள் கடந்த தடவை நடந்த 2014-ம் ஆண்டு பாராளுமன்ற தேர்தலை கூட்டணி அமைத்து சந்தித்தன.

அந்த தேர்தலில் காங்கிரஸ் கட்சி 26 தொகுதிகளிலும், தேசியவாத காங்கிரஸ் 21 தொகுதிகளிலும் போட்டியிட்டன. தேர்தல் முடிவில் தேசியவாத காங்கிரஸ் 4 இடங்களிலும், காங்கிரஸ் கட்சி 2 இடங்களிலும் வெற்றி கண்டன.

பின்னர் நடந்த கருத்து வேறுபாடு காரணமாக அதே ஆண்டு நடந்த சட்டமன்ற தேர்தலை இருக்கட்சிகளும் தனித்து களம் கண்டன. இதன் காரணமாக அக்கட்சிகள் 15 ஆண்டு கால கூட்டணி ஆட்சியை பா.ஜனதாவிடம் பறிகொடுத்தது.

இந்த நிலையில் நடைபெற உள்ள பாராளுமன்ற தேர்தல் மூலம் காங்கிரஸ், தேசியவாத காங்கிரஸ் கட்சிகள் மீண்டும் கூட்டணி சேர்ந்து உள்ளன. ஓட்டுகள் சிதறுவதை தடுக்க சிறிய கட்சிகளையும் கூட்டணியில் சேர்க்க முயற்சி மேற்கொண்டுள்ளது. இருப்பினும் இதற்கு பெரிய அளவில் பலன் கிட்டவில்லை.

இதுஒருபுறம் இருக்க காங்கிரசுடன் கொள்கை அடிப்படையில் வேறுபட்ட ராஜ்தாக்கரே தலைமையிலான நவநிர்மாண் சேனா கட்சியை கூட்டணியில் சேர்க்க தேசியவாத காங்கிரஸ் காய் நகர்த்தி வருகிறது.

நவநிர்மாண் சேனா தலைவர் ராஜ் தாக்கரே மத்திய, மாநில பா.ஜனதா அரசு மற்றும் பிரதமர் மோடிக்கு எதிராக கருத்துகளை கூறி வருகிறார். மேலும் அவர் தேசியவாத காங்கிரஸ் தலைவர் சரத்பவாருடன் நெருக்கம் காட்டி வருகிறார்.

காங்கிரஸ் தலைமையிலான அணியில் ராஜ் தாக்கரே இணைந்தால் கூட்டணிக்கு அது பலமாக இருக்கும் என தேசியவாத காங்கிரஸ் கருதுகிறது.

ஆனால் காங்கிரஸ் இதற்கு தயக்கம் காட்டி வருகிறது.

இந்த நிலையில், கொள்கை ரீதியாக ஒத்துப்போகாதவர்களுடன் கூட கடந்த காலத்தில் கூட்டணி வைக்கப்பட்டு உள்ளது. பா.ஜனதா, சிவசேனா கூட்டணியை தோற்கடிக்க நவநிர்மாண் சேனா நம்முடன் இணைய வேண்டும் என தேசியவாத காங்கிரஸ் கட்சியை சேர்ந்த முன்னாள் துணை முதல்-மந்திரி அஜித் பவார் கூறி பரபரப்பை ஏற்படுத்தினார்.

இவ்வாறு கருத்து தெரிவித்த சூட்டோடு, அவர் நேற்று தாதரில் நவநிர்மாண் சேனா தலைவர் ராஜ் தாக்கரேயை சந்தித்து பேசினார். இந்த சந்திப்பு 1½ மணி நேரம் நடந்தது.

பின்னர் வெளியே வந்த அஜித்பவார், நவநிர்மாண் சேனாவை கூட்டணியில் சேர்ப்பது பற்றி காங்கிரஸ், தேசியவாத காங்கிரஸ் மூத்த தலைவர்கள் முடிவு எடுப்பார்கள் என்றார்.

இந்த கூட்டணி அமையும் பட்சத்தில் தனது கட்சிக்கு ஒதுக்கப்பட்டு இருக்கும் கல்யாண் தொகுதியை நிவநிர்மாண் சேனாவுக்கு விட்டு கொடுக்க தேசியவாத காங்கிரஸ் முன்வந்திருப்பதாக கூறப்படுகிறது..

இதன் மூலம் காங்கிரஸ் தலைமையிலான கூட்டணியில் நவநிர்மாண் சேனா இடம்பெற வாய்ப்பு இருப்பதாக கூறப்படுகிறது.

காங்கிரசுக்கும், நவநிர்மாண் சேனாவுக்கும் கொள்கை ஒத்துப்போகாத நிலையில், அக்கட்சிகள் கூட்டணி வைக்கப்போவதாக கூறப்படுவது மராட்டிய அரசியலில் திடீர் பரபரப்பை ஏற்படுத்தி உள்ளது.

புதுடெல்லி:

ரிலையன்ஸ் இண்டஸ்ட்ரீஸ் நிறுவனத்தின் உரிமையாளரான முகேஷ் அம்பானியின் மகன் ஆகாஷ் அம்பானி மற்றும் வைர வியாபாரியான ரஸ்ஸல் மேத்தாவின் மகள் ஷ்லோகா மேத்தா இருவரும் சிறு வயதில் இருந்தே நண்பர்களாக இருந்தனர்.

பின்னர் இந்த நட்பு காதலாக மாறி, திருமணம் செய்ய முடிவு செய்யப்பட்டது. இதையடுத்து, இவர்களது நிச்சயதார்த்தம் கடந்த ஆண்டு ஜூலை மாதம் நடைபெற்றது. அடுத்த மாதம் திருமணம் நடைபெற உள்ளது.


இந்நிலையில் முகேஷ் அம்பானி- நீதா அம்பானி தம்பதி, நேற்று மும்பையில் இருந்து விமானம் மூலம் சென்னை வந்து, திமுக தலைவர் முக ஸ்டாலின் மற்றும் அவரது மனைவி துர்கா ஸ்டாலின் ஆகியோரை நேரில் சந்தித்து, பூங்கொத்து மற்றும் அழைப்பிதழ் கொடுத்து மகனின் திருமணத்திற்கு அழைப்பு விடுத்தனர். #AmbaniMeetsMKStalin  

சென்னை:

ஜெயலலிதா மறைவைத் தொடர்ந்து அ.தி.மு.க.வில் பல்வேறு மாற்றங்கள் ஏற்பட்டன. சசிகலா குடும்பத்தினர் ஒட்டுமொத்தமாக அ.தி.மு.க.வில் இருந்து நீக்கப்பட்டனர்.

சசிகலாவின் உறவினரான தினகரன் அ.ம.மு.க. என்ற பெயரில் கட்சி தொடங்கினார். சசிகலா சகோதரர் திவாகரன் அண்ணா திராவிடர் கழகம் என்ற கட்சி நடத்தி வருகிறார். அவர் தினகரனை விமர்சித்து பேட்டி அளித்து வந்தார். இதனால் அவர் முதல்-அமைச்சர் எடப்பாடி பழனிசாமியுடன் கைகோர்ப்பார் என்றும் கூறப்பட்டது.

இந்த நிலையில் திவாகரனின் மகன் ஜெயானந்த் டெல்லியில் மத்திய மந்திரி பியூஷ் கோயலை சந்தித்துப் பேசினார். இவர்தான் பாராளுமன்ற தேர்தலுக்கான பா.ஜனதா பொறுப்பாளராக உள்ளார். கூட்டணி தொடர்பாக இருவரும் பேசியதாக தகவல் வெளியாகி உள்ளது.

இந்த சந்திப்புக்குப்பின் ஜெயானந்த் நிருபர்களிடம் கூறியதாவது:-

கூட்டணி குறித்து மத்திய மந்திரி பியூஷ் கோயலை சந்தித்துப் பேசினேன். அ.தி.மு.க.-பா.ஜனதா கூட்டணி அமைவது 90 சதவீதம் உறுதி ஆகியுள்ளது. அதிகாரப்பூர்வ அறிவிப்பு விரைவில் வெளியாகும்.

தமிழகத்தில் மீத்தேன் வாயு திட்டம் உள்ளிட்ட விவசாயிகளுக்கு பாதிப்பு ஏற்படுத்தும் எந்த திட்டத்தையும் நிறைவேற்றக்கூடாது என்று அவரிடம் எடுத்துக் கூறினேன். தமிழக விவசாயிகள் பாதிப்பு அடையும் எந்த திட்டமும் நிறைவேற்றப்படாது என்று வாக்குறுதி அளித்தார்.

இவ்வாறு ஜெயானந்த் கூறினார்.

இதற்கிடையே அ.தி.மு.க. அணிகளை இணைக்க முயற்சி மேற்கொள்ளப்பட்டு வருகிறது. இது தொடர்பாகவும் மத்திய மந்திரி பியூஷ் கோயலுடன் ஜெயானந்த் பேசியதாக தெரிய வருகிறது.

இதுபற்றி ஜெயானந்திடம் கேட்டபோது, “அ.தி.மு.க. தலைமையில் மெகா கூட்டணி தமிழகத்தில் அமையும். ஜெயலலிதா இருந்தபோது இருந்ததைப் போன்ற வலிமையான ஒருங்கிணைந்த அ.தி.மு.க. மீண்டும் உருவாகும். அதில் தினகரனை தவிர்த்து அ.தி.மு.க.வில் இருந்து பிரிந்த அனைவரும் மீண்டும் கட்சியில் இணைவார்கள். அ.தி.மு.க.வுடன் முறைப்படி இணைவது குறித்து பேச்சு வார்த்தை நடைபெற்று வருகிறது. விரைவில் அது நடைபெறும் என்றார். #JeyanandhDhivakaran #PiyushGoyal