நீங்கள் தேடியது "Smuggling liquor"

புதுச்சேரி:

புதுவை கலால் துறை சார்பில போலி மதுபானம், எரிசாராயம் கடத்துவதை தடுக்க தனிப்படை அமைக்கப்பட்டுள்ளது.

இந்த தனிப்படையினர் புதுவை முழுவதும் தீவிர கண்காணிப்பில் ஈடுபட்டு வருகின்றனர். அதன் ஒரு பகுதியாக மேட்டுப் பாளையம் பகுதியில் தாசில்தார் சிலம்பரசன், இன்ஸ்பெக்டர் ரமேஷ், சப்-இன்ஸ்பெக்டர் பாஸ்கரன் மற்றும் போலீசார் ரோந்து பணியில் ஈடுபட்டிருந்தனர்.

மேட்டுப்பாளையம் தொழிற்பயிற்சி மையம் எதிரில் சந்தேகப்ப டும்படியாக சில நாட்களாக லாரி ஒன்று நின்றுக் கொண்டிருப்பதாக அவர்களுக்கு தகவல் கிடைத்தது. இதையடுத்து அந்த வாகன எண்ணின் மூலம் விசாரணை மேற்கொள்ளப்பட்டது. அப்போது அந்த லாரி விசாகப்பட்டினத்தில் இருப்பது போல காட்டியுள்ளது.

இதனால் மேட்டுப்பா ளையத்தில் நின்றுக் கொண்டிருந்த வாகன எண் போலியானது என தெரியவந்தது. இதனையடுத்து லாரியை சோதனை செய்ததில், அதில் ரகசிய அறை இருந்தது. அதில் 3 வெள்ளை நிற கேன்கள் இருந்தது. அதில் 105 லிட்டர் எரிசாராயம் கைப்பற்றப்பட்டது.

இதன் மதிப்பு ரூ.13 லட்சம் ஆகும். இதனையடுத்து அந்த போலி பதிவு எண் கொண்ட லாரியின் உரிமை யாளர்களை போலீசார் தேடி வருகின்றனர்.

விழுப்புரம்:

திண்டிவனத்தில் மக்கள் அதிகம் கூடும் பகுதியான நேரு வீதி, செஞ்சி பஸ் நிறுத்தம் அருகில் அமைந்துள்ளது அரசு நிதி உதவி பெறும் மேல்நிலைப்பள்ளி. இந்த பள்ளியில் 2 ஆயிரத்துக்கும் மேற்பட்ட மாணவ மாணவி கள் அதிகளவில் கிராமப்புறங்க–ளில் இருந்து வந்து கல்வி பயின்று செல்கின்றனர். இந்த பள்ளி அருகே கடந்த பல ஆண்டுகளாக டாஸ்மாக் கடை ஒன்று இயங்கி வருகிறது. இதனருகே நகராட்சி பொதுக்கூட்ட மேடை சந்தில் புதுவை மதுபானத்தை புதுவையில் இருந்து கடத்தி வரப்பட்டு கள்ளத்தனமாக விற்கப்படுகிறது.

இதுகுறித்து திண்டி வனம் போலீசாரிடம் பொது மக்கள் பல்வேறு முறை புகார் கூறியும் எந்த ஒரு நடவடிக்கையும் எடுக்கவில்லை. போலீசாருக்கு தெரிந்தே விற்கப்படுவதாகவும் புகார் எழுந்துள்ளது. மேலும் புதுவையில் இருந்து கடத்தப்பட்டு மதுபானம் விற்கப்படு வதால் அருகே உள்ள டாஸ்மாக்குக்கு விற்பனை குறைந்துள்ளதாக புகார்கள் எழுந்துள்ளது.இதுகுறித்து போலீசார் நடவடிக்கை எடுக்க வேண்டும் என பொதுமக்கள் தெரி விக்கின்றனர்.