நீங்கள் தேடியது "Sun Pictures"

கார்த்திக் சுப்புராஜ் இயக்கத்தில் ரஜினி நடிக்க இருக்கும் படத்தின் படப்பிடிப்பு இமயமலை பகுதிகளில் நடக்க இருக்கிறது. கடந்த மாதம் படப்பிடிப்பு நடத்தவிருக்கும் தளங்களை தேர்வு செய்ய இயக்குனர் கார்த்திக் சுப்புராஜ், ஒளிப்பதிவாளர் திரு இமயமலை, காத்மாண்டு ஆகிய இடங்களுக்குச் சென்றிருந்தனர்.

கடந்த வாரம் ரஜினி மற்றும் மற்ற நடிகர், நடிகைகளுக்கான ஆடைகள் தயாரிக்கும் பணிகள் நடைபெற்று இருக்கின்றன. இந்த படத்துக்கான முதல் பகுதி படப்பிடிப்பை ஒரு மாதத்துக்குள் முடிக்கத் திட்டமிட்டிருக்கிறது படக்குழு. கடந்த சனிக்கிழமை ரஜினி விதவிதமான ஆடைகளில் தோன்றும் போட்டோஷூட் நடந்தது. ’கபாலி’ மற்றும் ’காலா’ படங்களில் தனது வெள்ளைத் தாடியுடன் தோன்றிய ரஜினிகாந்த் இந்த படத்தில் கறுப்பு முடி, தாடியோடு தோன்றுகிறார்.

சில நாட்களாக அந்த தோற்றத்தில் தான் வலம் வருகிறார் ரஜினி. இமயமலையில் உள்ள டார்ஜிலிங் பகுதியில் இருக்கும் புகழ்பெற்ற கல்லூரி ஒன்றில் ஒரு மாதம் படப்பிடிப்பு நடைபெற இருக்கிறது. ’இமயமலையில் படப்பிடிப்பு நடைபெறுவதால் இது ஏதோ சாமியார் கதை என்று யாரும் நினைக்க வேண்டாம், இது முழுக்க ரஜினி ரசிகர்களுக்கான படம்!’ என்று கூறி இருக்கிறார் படத்தின் இயக்குனர் கார்த்திக் சுப்புராஜ். 

படப்பிடிப்பு கல்லூரியில் தொடங்க இருப்பதால் ரஜினி பேராசிரியராக நடிக்கிறார் என்று ஒரு தகவல் சினிமா வட்டாரங்களில் பரவி வருகிறது. இந்த படத்தில் விஜய் சேதுபதியும் முக்கிய கதாபாத்திரத்தில் நடிக்கிறார். அனிருத் இந்த படத்திற்கு இசையமைக்கிறார்.  #Rajinikanth #KarthikSubbaraj

ரஜினி நடிப்பில் `காலா' படம் வருகிற ஜூன் 7-ஆம் தேதி ரிலீசாக இருக்கிறது. காலா படத்தின் புரோமோஷன் பணிகள் விறுவிறுப்புடன் நடந்து வருகிறது. நேற்று ஐதராபாத்தில் நடந்த புரோமோஷன் நிகழ்ச்சியில் பங்கேற்பதற்காக ரஜினி, தனுஷ், ரஞ்சித் உள்ளிட்டோர் ஐதராபாத் சென்றிருந்தனர். 

ஜுன் 2-வது வாரத்தில் இந்த படத்தின் படப்பிடிப்பு துவங்க இருப்பதாக கூறப்படும் நிலையில், இதுவரை வயதான தோற்றத்தில் வலம் வந்த ரஜினி நேற்று ஐதராபாத் நிகழ்ச்சியில் கருப்பு முடி, தாடியுடன் வந்தார். அடுத்த படத்திற்காக ரஜினி கருப்பு முடி, தாடிக்கு மாறியிருப்பதாக கூறப்படுகிறது. 

சன் பிக்சர்ஸ் தயாரிக்கும் இந்த படத்தில் விஜய் சேதுபதி முக்கிய கதாபாத்திரத்தில் நடிக்கிறார். நாயகியாக சிம்ரன் ஒப்பந்தமாகி இருப்பதாக தகவல் வெளியாகி இருக்கும் நிலையில், `எனை நோக்கி பாயும் தோட்டா' படத்தில் தனுஷ் ஜோடியாக நடித்துள்ள மேகா ஆகாஷ் இந்த படத்தில் ஒரு முக்கிய கதாபாத்திரத்தில் நடிக்க இருப்பதாக தகவல் வெளியாகி இருக்கிறது. 

இதுதவிர முக்கிய கதாபாத்திரத்தில் பாபி சிம்ஹா, சனத் ரெட்டி உள்ளிட்டோரும் ஒப்பந்தமாகியிருப்பதாக கூறப்படுகிறது. எனினும் இதுகுறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது. #Rajinikanth #MeghaAkash

நடிகர் விஜய், இயக்குநர் முருகதாஸ் மூன்றாவது முறையாக இணையும் விஜய் 62 படத்தின் படப்பிடிப்பு விறுவிறுப்பாக நடந்து வருகிறது. இந்த படத்தில் விஜய் ஜோடியாக கீர்த்தி சுரேஷ் நடித்து வருகிறார். மற்றொரு முக்கிய கதாபாத்திரத்தில் வரலட்சுமி சரத்குமார் நடிக்கிறார். 

இந்த படத்தின் முதற்கட்ட படப்பிடிப்பு முடிந்துவிட்ட நிலையில், அடுத்தகட்ட படப்பிடிப்பு சமீபத்தில் துவங்கிய நிலையில், நடிகை வரலட்சுமியும் நேற்று படப்பிடிப்பில் இணைந்துள்ளார். 

அரசியல் பின்னணியில் உருவாகும் இந்த படத்தில் விவசாயிகளுக்கும், மீனவர்களுக்கும் கெட்டது பண்ணும் அரசியல்வாதிகளை தண்டிக்கும் பணக்காரராக விஜய் நடிக்கிறார். அரசியல்வாதிகளாக ராதாரவியும், பழ.கருப்பையாவும் நடிக்கிறார்கள்.

சன் பிக்சர்ஸ் பிரம்மாண்டமாக தயாரிக்கும் இந்த படத்திற்கு ஏ.ஆர்.ரகுமான் இசையமைக்கிறார். யோகிபாபு, தம்பி ராமையா, ரோபோ சங்கர் முக்கிய கதாபாத்திரங்களில் நடிக்கின்றனர். அதிரடி அரசியல் படமாக உருவாகி வரும் இந்த படத்தின் பெயர் மற்றும் முதல் பார்வை போஸ்டர் விஜய் பிறந்தநாளான ஜூன் 22-ந்தேதி வெளியாகும் என்று எதிர்பார்க்கப்படுகிறது. 

படத்தை தீபாவளிக்கு வெளியிட படக்குழு முடிவு செய்துள்ளது. #Vijay62 #Thalapathy62 #Varalashmi

ரஜினி, கமலை போலவே விஜய்க்கும் அரசியல் ஆசை எழுந்தது. மக்கள் இயக்கம் என்ற அமைப்பை தொடங்கினார்.

இதனால் ‘தலைவா’ படத்துக்கு சிக்கல் எழுந்தது. அதன் பின்னர் அரசியல் ஆசையை ஒதுக்கி வைத்துவிட்டு படங்களில் மட்டும் கவனம் செலுத்த தொடங்கினார்.

சமீபத்தில் அவர் நடித்து வெளிவந்த ‘மெர்சல் படத்தில் மத்திய அரசை குறைகூறும் வசனங்கள் இருந்ததால் தீவிர எதிர்ப்பு கிளம்பியது.

தற்போது முருகதாஸ் இயக்கத்தில் ஒரு அரசியல் படத்தில் நடித்து வருகிறார். இந்த படத்தில் விவசாயிகளுக்காகவும் மீனவர்களுக்காகவும் அரசியல்வாதிகளை எதிர்த்து போராடும் பணக்காரராக வருகிறார். விவசாயிகளுக்கு துரோகம் செய்து தங்கள் சுயநலனுக்காக அரசியல் செய்யும் அரசியல்வாதிகளாக ராதா ரவியும் பழ.கருப்பையாவும் நடிக்கிறார்கள்.

இந்த படத்துக்காக ஒரு காட்சி சமீபத்தில் படமாக்கப்பட்டது. தாய் கழகத்தில் இருந்து பிரிந்த பழ.கருப்பையா மீண்டும் தாய்க்கழகமான ராதாரவியுடனே சேர்வது போலவும் கட்சியின் இணைப்பு விழாவை பிரம்மாண்டமாக நடத்துவது போலவும் காட்சி படமாக்கப்பட்டது.

இந்த அரசியல் கூட்டத்தில் வெடிகுண்டு வெடிப்பது போலவும் காட்சி எடுக்கப்பட்டது. கட்சியின் பெயர் அ.இ.ம.மு.க. என்று இருந்தது.

எனவே இந்த படம் தமிழகத்தில் சமீபகால அரசியல் சம்பவங்களை காட்சியாக்கி எடுக்கப்பட்டு வருகிறது என்று தெரிய வருகிறது.

அ.தி.மு.க.வில் இருந்து பிரிந்து தர்மயுத்தம் தொடங்கிய ஓ.பன்னீர் செல்வம் மீண்டும் தாய்க் கழகத்துடன் இணைந்து எடப்பாடி பழனிசாமியுடன் பயணித்து வருகிறார். இந்த காட்சி படத்தில் இடம் பெறுகிறது.

இந்த காட்சிகளில் நடப்பு அரசியலை கடுமையாக விமர்சித்து வசனங்கள் பேசியுள்ளார் விஜய் என்கிறது படக்குழு. படம் வெளியாகும்போது பிரச்சினை பெரிதாக வெடிக்கலாம் என்றும் கூறப்படுகிறது. #Vijay62 #Thalapathy62 #KeerthySuresh

ரஜினி நடிப்பில் `காலா' படம் வருகிற ஜூன் 7-ஆம் தேதி ரிலீசாக இருக்கிறது. ரஜினி தற்போது அரசியல் கட்சி தொடங்குவதில் வேலைகளை கவனித்து வருகிறார். விரைவில் கட்சிப் பெயர் அறிவிக்கப்படும் என்று எதிர்பார்க்கப்படுகிறது. 

இதற்கிடையே கார்த்திக் சுப்புராஜ் இயக்கத்திலும் நடிக்க ஒப்பந்தமாகி இருக்கிறார். காலா ரிலீசுக்கு பின்னர் இந்த படத்தின் படப்பிடிப்பு துவங்கும் என்று கூறப்படும் நிலையில், படத்தில் இடம்பெறும் கலைஞர்கள் தேர்வு இறுதிகட்டத்தை எட்டியிருக்கிறது. படத்தில் முக்கிய கதாபாத்திரத்தில் விஜய் சேதுபதி நடிக்கிறார் என்று படக்குழு அறிவித்துள்ளது. 

மேலும் ரஜினிக்கு ஜோடியாக சிம்ரன் நடிப்பதாகவும், அவருக்கு இந்த படத்தில் ஒரு பலமான வேடம் என்றும் கூறப்படும் நிலையில், படத்தில் தேசிய விருது நடிகர் பாபி சிம்ஹாவும் இணைந்திருப்பதாக கூறப்படுகிறது. அதுமட்டுமின்றி மெர்குரி படத்தில் முக்கிய கதாபாத்திரத்தில் நடித்த சனத் ரெட்டியும் இந்த படத்தில் முக்கிய கதாபாத்திரத்தில் நடிக்கிறாராம். படக்குழுவில் யார்? யார்? இடம்பெற்றுள்ளார்கள் என்று அறிவிப்பு விரைவில் வெளியாகும் என்று எதிர்பார்க்கப்படுகிறது. 

சன் பிக்சர்ஸ் பிரம்மாண்டமாக தயாரிக்கும் இந்த படத்திற்கு அனிருத் இசையமைக்கிறார். #Rajinikanth #BobbySimha

கார்த்திக் சுப்புராஜ் படத்தில் ரஜினியுடன் விஜய்சேதுபதி நடிப்பது மட்டும்தான் உறுதியாகி இருக்கிறது. ரஜினிக்கு ஜோடியாக நடிப்பது யார்? என்று பல யூகங்கள் தோன்றின. அஞ்சலி, திரிஷா, நயன் தாரா என்று முன்னணி கதாநாயகிகளின் பெயர்கள் அடிபட்டன. ஆனால் காலா இசை வெளியீட்டு விழாவில் பேசும்போது ரஜினி ‘என் மகள் வயது பெண்ணுடன் நான் டூயட் ஆடியிருக்க கூடாது’ என்று குறிப்பிட்டார்.

இந்நிலையில் கார்த்திக் சுப்புராஜ் படத்தில் ரஜினிக்கு சிம்ரன் ஜோடியாக நடிக்கலாம் என்று செய்தி வருகிறது. சிம்ரன் ஏற்கனவே சந்திரமுகி படத்தில் ஜோதிகா நடித்த கங்கா வேடத்தில் நடித்திருக்க வேண்டியவர். ஆனால் அப்போது சிம்ரன் கர்ப்பமாக இருந்ததால் வாய்ப்பு பறிபோனது.

நடிப்புக்கு முக்கியத்துவம் தரும் வகையில் அமைக்கப்பட்டுள்ள ஒரு வேடத்திற்கு சிம்ரன் பொருத்தமாக இருப்பார் என்று கருதி பேசி வருகிறார்கள். இதற்கிடையே படத்தில் ரஜினிக்கு ஜோடியே கிடையாது என்றும் ஒரு செய்தி வருகிறது.

சிம்ரனுக்கு ஒரு வேடம் இருக்கிறது. ஆனால் அது நீலாம்பரி போன்ற ஒரு பலமான வேடம் என்று சொல்கிறது படக்குழு. #Rajinikanth #VijaySethupathi #Simran

ரஜினி நடிப்பில் ‘காலா’ படம் வருகிற ஜூன் 7-ஆம் தேதி ரிலீசாக இருப்பதாக அறிவிக்கப்பட்டுள்ளது. இந்நிலையில், ரஜினிகாந்த் அடுத்ததாக கார்த்திக் சுப்புராஜ் இயக்கத்தில் நடிக்க இருக்கிறார். 

சன்பிக்சர்ஸ் பிரம்மாண்டமாக தயாரிக்கும் இந்த படத்தில் விஜய் சேதுபதி முக்கிய கதாபாத்திரத்தில் நடிக்க இருக்கிறார். ரஜினி - விஜய் சேதுபதி முதல்முறையாக இணையும் இந்த படத்தை சன் பிக்சர்ஸ் பிரம்மாண்டமாக தயாரிக்கிறது. விஜய் சேதுபதி இந்த படத்தில் வில்லனாக நடிக்க இருப்பதாக கூறப்படுகிறது.

மேலும் முக்கிய கதாபாத்திரத்தில் நடிக்க பாலிவுட் நடிகர் நவாசுதீன் சித்திக்குடனும் பேச்சுவார்த்தை நடத்தட்டது. படத்தின் நாயகி மற்றும் மற்ற கதாபாத்திரங்கள் தேர்வு விறுவிறுப்பாக நடந்து வரும் நிலையில், தேசிய விருது ஒளிப்பதிவாளர் திரு இந்த படத்திற்கு ஒளிப்பதிவு செய்யவிருப்பதாக தகவல்கள் வெளியாகி இருக்கின்றன. திரு ஏற்கனவே கார்த்திக் சுப்புராஜின் மெர்குரி படத்திற்கு ஒளிப்பதிவு செய்திருந்தார் என்பது குறிப்பிடத்தக்கது. 

காலா பட ரிலீசுக்கு பின்னர் இந்த படத்தின் முதற்கட்ட படப்பிடிப்பை துவங்க இருப்பதாக கூறப்படுகிறது. #Rajinikanth #VijaySethupathi #Tirru