புதுடெல்லி:
சுசுகி மோட்டார்சைக்கிள்ஸ் இந்தியா நிறுவனத்தின் 125 சிசி அக்சஸ் ஸ்பெஷல் எடிஷன் ஸ்கூட்டர் இந்தியாவில் அறிமுகம் செய்யப்பட்டுள்ளது.
புதிய சுசுகி அக்சஸ் 125 ஸ்கூட்டரில் கம்பைன்டு பிரேக்கிங் சிஸ்டம் (Combined Braking System -CBS) அம்சம் வழங்கப்பட்டுள்ளது. இத்துடன் மெட்டாலிக் சோனிக் சில்வர் எனும் புதிய நிறத்தில் சுசுகி 125 அக்சஸ் அறிமுகம் செய்யப்பட்டுள்ளது. புதிய நிறத்துக்கு ஏற்ப லெதர் சீட்களும் புதிய நிறம் பெற்றிருக்கிறது.
புதிய நிறம் மட்டுமின்றி ஸ்பெஷல் எடிஷன் ஸ்கூட்டர் சில அப்டேட்களையும் கொண்டுள்ளது. அந்த வகையில் கருப்பு நிற அலாய் வீல், கிராப் ரெயில்கள், வட்ட வடிவம் கொண்ட க்ரோம் மிரர் மற்றும் ஸ்பெஷல் லோகோ உள்ளிட்டவை இடம்பெற்றிருக்கிறது.
இதன் சிபிஎஸ் யூனிட் மற்ற போட்டி வாகனங்களில் உள்ளதை போன்றே இயங்குகிறது. இரண்டு பிரேக்களிலும் சிறப்பாக வாகனத்தை நிறுத்த சிபிஎஸ் யூனிட் வேலை செய்கிறது. இத்துடன் வாகனம் கட்டுப்பாடு இழக்கச் செய்யாமல் இருக்க கன்ட்ரோல்டு பிரேக்கிங் சிஸ்டம் உதவும்.
சுசுகி அக்சஸ் 125 ஸ்பெஷல் எடிஷன் ஸ்கூட்டரில் 124சிசி, சிங்கிள் சிலின்டர் இன்ஜின் வழங்கப்பட்டுள்ளது. இந்த இன்ஜின் 8.5 பிஹெச்பி மற்றும் 10.2 என்எம் டார்கியூ செயல்திறன் வழங்குகிறது. முன்பக்கம் டெலிஸ்கோபிக் ஃபோர்க் கொண்டிருக்கும் புதிய ஸ்கூட்டரில் பின்புறம் மோனோ-ஷாக் சஸ்பென்ஷன் வழங்கப்பட்டுள்ளது.
இத்துடன் செமி-டிஜிட்டல் கன்சோல், சென்ட்ரல் லாக் சிஸ்டம், அலாய் வீல்கள், ஆப்ஷனல் டிசி சாக்கெட், முன்பக்கம் டிஸ்க் பிரேக், பின்புறம் டிரம் பிரேக் உள்ளிட்ட அம்சங்கள் இடம்பெற்றிக்கிறது.
இந்தியாவில் சுசுகி அக்சஸ் 125 சிபிஎஸ் வேரியன்ட் விலை ரூ.59,980 (எக்ஸ்-ஷோரூம், டெல்லி) என்றும் ஸ்பெஷல் எடிஷன் அக்சஸ் 125 விலை ரூ.60,580 (எக்ஸ்-ஷோரூம், டெல்லி) என நிர்ணயம் செய்யப்பட்டுள்ளது.
