குமரி மாவட்டம் சாமிதோப்பில் ஐயா வைகுண்டர் தலைமைப்பதி அமைந்துள்ளது. இந்த பதியில் ஆண்டுதோறும் வைகாசி, ஆவணி, தை மாதங்களில் 11 நாட்கள் திருவிழா நடைபெறும்.
இந்த ஆண்டுக்கான வைகாசி திருவிழா நேற்று காலையில் கொடியேற் றத்துடன் தொடங்கியது. இதையொட்டி அதிகாலை 3 மணிக்கு முத்திரிபதமிடுதல் நிகழ்ச்சியும், 4 மணிக்கு நடை திறப்பும், திருவிளக்கு ஏற்றுதலும், 5 மணிக்கு ஐயாவுக்கு சிறப்பு பணிவிடையும், தொடர்ந்து கொடிப்பட்டம் தயாரிக்கும் நிகழ்ச்சியும் நடந்தது.
காலை 6 மணிக்கு கொடியேற்றம் நடந்தது. கொடியை சுவாமி ஏற்றி வைத்தார். நிகழ்ச்சியில் பையன் ராஜா தலைமை தாங்கினார். பால்பையன், பையன் காமராஜ், பையன் ஆகியோர் முன்னிலை வகித்தனர். தொடர்ந்து வாகன பவனியும், மதியம் அன்னதானமும் நடைபெற்றது.
கொடியேற்ற நிகழ்ச்சியில் நெல்லை, தூத்துக்குடி, குமரி மாவட்டங்களை சேர்ந்த ஐயா வழி பக்தர்கள் திரளானோர் கலந்து கொண்டனர். விழா அடுத்த மாதம் (ஜூன்) 4-ந் தேதி வரை நடக்கிறது. விழா நாட்களில் தினமும் காலை, மாலை நேரங்களில் பணிவிடையும், பகலில் உச்சிப்படிப்பு, இரவில் வாகன பவனி, அன்னதானம், கலை நிகழ்ச்சிகள் நடக்கின்றன.
இன்று (சனிக்கிழமை) இரவில் வைகுண்டசாமி பறங்கி நாற்காலியிலும், நாளை அன்ன வாகனத்தில் வெள்ளை சாத்தி வீதி வலம் வரும் நிகழ்ச்சியும், 4-ம் நாள் விழாவில் பூஞ்சப்பர வாகனத்திலும், 5-ம் நாள் பச்சை சாத்தியும், 6-ம் நாள் சர்ப்ப வாகனத்திலும், 7-ம் நாள் சிவப்பு சாத்தி கருட வாகனத்திலும் பவனி வருதல் நடக்கிறது.
8-ம் நாள் விழாவான வருகிற 1-ந் தேதி மாலையில் ஐயா வைகுண்டர் வெள்ளை குதிரை வாகனத்தில் எழுந்தருளி முத்திரி கிணற்றங்கரையில் கலிவேட்டையாடுதல் நடைபெறும். தொடர்ந்து பல்வேறு கிராமங்களுக்கு குதிரை வாகனத்தில் சென்று பக்தர்களுக்கு அருள்பாலிக் கும் நிகழ்ச்சி நடக்கிறது.
2-ந் தேதி ஐயா அனுமன் வாகனத்திலும், 3-ந் தேதி இந்திர வாகனத்திலும் பவனி வரும் நிகழ்ச்சி நடைபெறும். விழாவின் நிறைவு நாளான 4-ந் தேதி மதியம் 12 மணிக்கு தேரோட்டம் நடக்கிறது. இதற்கான ஏற்பாடுகளை விழா குழுவினர் செய்து வருகின்றனர்.
