சியோமி நிறுவனத்தின் MiA2 ஸ்மார்ட்போன் இந்தியாவில் ஆகஸ்டு 8-ம் தேதி அறிமுகமாகும் என தெரிவிக்கப்பட்டுள்ளது. அமேசான் தளத்தில் பிரத்யேகமாக விற்பனைக்கு வரும் MiA2 அமேசான் தளத்தில் டீசர் பக்கத்தின் வெளியீட்டு தேதியை உறுதி செய்துள்ளது. எனினும் MiA2 இந்திய விலை குறித்து இதுவரை எவ்வித தகவலும் இல்லை.
ஜூலை மாத துவக்கத்தில் ஸ்பெயினில் அறிமுகமான MiA2 ஸ்மார்ட்போன் கடந்த ஆண்டு அறிமுகமான MiA1 மாடலின் மேம்படுத்தப்பட்ட வெர்ஷன் ஆகும். அமேசான் இந்தியா தளத்தில் MiA2 ஸ்மார்ட்போனுடன் Notify Me பட்டன் ஒன்றும் இடம்பெற்றிருக்கிறது.
ஏற்கனவே வெளியான தகவல்களில் சியோமி நிறுவனம் MiA2 மாடலின் 4 ஜிபி ரேம், 32 ஜிபி மெமரி மாடலை அறிமுகம் செய்யாமல், இந்தியாவில் பேஸ் வேரியன்ட் ஆக 4 ஜிபி ரேம், 64 ஜிபி வேரியன்ட் இருக்கும் என தெரிவிக்கப்பட்டது. எனினும் MiA2 மாடலின் 6 ஜிபி ரேம், 128 ஜிபி மெமரி ஆப்ஷன் இந்தியாவில் அறிமுகமாகுமா என்பது குறித்து எவ்வித தகவலும் இல்லை.
சியோமி Mi A2 சிறப்பம்சங்கள்:
- 5.99 இன்ச் 2160x1080 பிக்சல் ஃபுல் ஹெச்டி+ 2.5D வளைந்த கிளாஸ் டிஸ்ப்ளே
- ஆக்டா-கோர் ஸ்னாப்டிராகன் 660 14nm சிப்செட்
- அட்ரினோ 512 GPU
- 4 ஜிபி ரேம், 32 ஜிபி / 64 ஜிபி இன்டெர்னல் மெமரி
- 6 ஜிபி ரேம், 128 ஜிபி இன்டெர்னல் மெமரி
- ஆன்ட்ராய்டு 8.1 ஓரியோ
- டூயல் சிம் ஸ்லாட்
- 12 எம்பி பிரைமரி கேமரா, எல்இடி ஃபிளாஷ், f/1.75, சோனி IMX486 சென்சார், 1.25μm பிக்சல்
- 20 எம்பி இரண்டாவது பிரைமரி கேமரா, சோனி IMX376 சென்சார், f/1.75, 4 இல் 1 – 2.0um பிக்சல்கள்
- 20 எம்பி செல்ஃபி கேமரா, சோனி IMX376 சென்சார், 4 இல் 1 – 2.0um பிக்சல்கள், சாஃப்ட் எல்இடி ஃபிளாஷ்
- கைரேகை சென்சார், இன்ஃப்ராரெட் சென்சார்
- டூயல் 4ஜி வோல்ட்இ, வைபை, ப்ளூடூத், யுஎஸ்பி டைப்-சி
- 3010 எம்.ஏ.ஹெச். பேட்டரி
சியோமி Mi A2 ஸ்மார்ட்போன் புளு, கோல்டு மற்றும் பிளாக் என மூன்று நிறங்களில் கிடைக்கிறது. இதன் 4 ஜிபி ரேம், 32 ஜிபி மெமரி கொண்ட மாடலின் விலை 249 யூரோ (இந்திய மதிப்பில் ரூ.20,065), 64 ஜிபி விலை 279 யூரோ (இந்திய மதிப்பில் ரூ.22,485) என்றும் டாப் என்ட் 6ஜிபி ரேம், 128 ஜிபி வேரியன்ட் விலை 349 யூரோ (இந்திய மதிப்பில் ரூ.28,130) என நிர்ணயம் செய்யப்பட்டுள்ளது. #XiaomiMiA2 #smartphone
