கணினி

ஏப்ரல் 1, 2023 முதல் டுவிட்டரில் அக்கவுண்ட்களை வெரிஃபை செய்யும் நடைமுறை நிறுத்தப்படுகிறது. டுவிட்டர் புளூ சந்தா அமலுக்கு வரும் முன் தங்களின் அக்கவுண்ட்களை வெரிஃபைடு செய்து புளூ டிக் பெற்றவர்களுக்கு ஏப்ரல் 1 ஆம் தேதி முதல் புளூ டிக் நீக்கப்படும் என டுவிட்டர் அறிவித்து இருக்கிறது.

சர்வதேச சந்தையில் சில நாடுகளில் படிப்படியாக கொண்டுவரப்பட்ட டுவிட்டர் புளூ சந்தா முறை தற்போது உலகளவில் வெளியாகி விட்டது. புதிய அப்டேட்டின் மூலம் டுவிட்டர் ஏற்கனவே சரிபார்க்கப்பட்டு வழங்கப்பட்டு இருந்த வெரிஃபைடு செக்மார்க் நீக்கப்படுகிறது.

எலான் மஸ்க் டுவிட்டர் நிறுவனத்தை வாங்கிய பின் அறிமுகம் செய்யப்பட்ட புதிய மாற்றங்களின் படி டுவிட்டர் புளூ சந்தா பயனர்களுக்கு ஏராளமான அம்சங்களை பிரத்யேகமாக வழங்குகிறது. இதில், வெரிஃபைடு செக்மார்க், டுவிட் உரையாடல்களுக்கு முன்னுரிமை, குறைந்த விளம்பரங்கள், புக்மார்க் ஃபோல்டர்கள், நேவிகேஷனை கஸ்டமைஸ் செய்யும் வசதி, டுவிட்களை எடிட் மற்றும் அண்டு செய்யும் வசதி இடம்பெற்று இருக்கிறது.

இத்துடன் அதிகபட்சம் 4 ஆயிரம் எழுத்துக்களில் டுவிட் செய்யும் வசதி வழங்கப்படுகிறது. முன்னதாக டுவிட்டர் புளூ சந்தா உலகின் தேர்வு செய்யப்பட்ட 50 நாடுகளில் மட்டுமே வழங்கப்பட்டு இருந்தது. தற்போது உலகம் முழுக்க டுவிட்டர் புளூ சந்தா பயன்பாட்டுக்கு வந்துள்ளது.

உலகளவில் டுவிட்டர் புளூ வெளியாகி இருப்பதை அடுத்து டுவிட்டர் நிறுவனம் தனது பழைய வெரிஃபைடு திட்டத்தை நிறுத்துகிறது. பழைய வழக்கப்படி டுவிட்டர் பயனர்களின் ஐடி மற்றும் பொது மக்கள் இடையே பிரபலமாக இருப்போருக்கு குறிப்பிட்ட சில கட்டுப்பாடுகளின் கீழ் வெரிஃபைடு வழங்கப்பட்டு இருந்தது.

இந்திய சந்தையில் முன்னணி டிவி உற்பத்தியாளர்களில் ஒன்றாக இருக்கும் Vu டெலிவிஷன்ஸ் நிறுவனம் Vu பிரீமியம் டிவி 2023 எடிஷன் மாடல்களை இந்தியாவில் அறிமுகம் செய்தது. இவை Vu GloLED டிவிக்களை தொடர்ந்து அறிமுகமாகி இருக்கும் புதிய மாடல்கள் ஆகும். புதிய ஸ்மார்ட் டிவிக்களில் மேம்பட்ட அம்சங்கள், பிரைட் ஸ்கிரீன் மற்றும் தலைசிறந்த சவுண்ட் வெளிப்படுத்துகின்றன.

Vu பிரீமியம் டிவி 2023 எடிஷன்

2023 Vu பிரீமியம் டிவி மாடல் 43 இன்ச் மற்றும் 55 இன்ச் என இருவித அளவுகளில் கிடைக்கின்றன. இவை அனைத்து விதமான அறைகளிலும் எளிதில் பொருந்தும் வகையில் உருவாக்கப்பட்டுள்ளன. இவற்றில் A+ கிரேட் 400 நிட்ஸ் பிரைட்னஸ் பேனல்கள், 50 வாட் சவுண்ட்பார் மற்றும் டால்பி ஆடியோ வழங்கப்பட்டு இருக்கிறது.

இந்த டிவியில் மூன்று புறம் ஃபிரேம்லெஸ் டிசைன், முன்புறம் பார்த்த நிலையில், கீழ்புறத்தில் சவுண்ட்பார் வழங்கப்பட்டு இருக்கிறது. இந்த டிவி கூகுள் டிவி ஒஸ், வாய்ஸ் ரிமோட் உடன் கொண்டிருக்கிறது. Vu ஆக்டிவாய்ஸ் ரிமோட் கண்ட்ரோல்-இல் பில்ட்-இன் மைக்ரோபோன் உள்ளது. இது கூகுள் அசிஸ்டண்ட் வசதியை வழங்குகிறது.

இத்துடன் புதிய ரிமோட் பிக்சர், சவுண்ட் உள்ளிட்டவைகளுக்கு ஹாட்கீ கொண்டிருக்கிறது. இதில் 64-பிட் குவாட் கோர் பிராசஸர், 2 ஜிபி ரேம், 4-கோர் சிபியு, சக்திவாய்ந்த ஜிபியு, 16 ஜிபி மெமரி உள்ளிட்டவை வழங்கப்பட்டு இருக்கிறது.

Vu பிரீமியம் டிவி 2023 எடிஷன் அம்சங்கள்:

மூன்று புறம் ஃபிரேம்லெஸ் டிசைன்

43 இன்ச் மற்றும் 55 இன்ச் 3840x2160 பிக்சல் 4K LED டிஸ்ப்ளே

டிஜிட்டல் நாய்ஸ் ரிடக்ஷன், டைனமிக் காண்டிராஸ்ட், கேம் மோட்

64 பிட் குவாட் கோர் பிராசஸர்

2 ஜிபி ரேம்

16 ஜிபி மெமரி

கூகுள் டிவி

ஆக்டிவாய்ஸ், ஹாட்கீ ரிமோட்

வைபை 802.11 ac, ப்ளூடூத் 5.0, 3x HDMI, 2x USB, S/PDIF, AV இன்புட், 1x ஈத்தர்நெட்

50 வாட் அவுட்புட், டால்பி ஆடியோ

விலை மற்றும் விற்பனை விவரங்கள்:

Vu பிரீமியம் டிவி 2023 எடிஷன் 43 இன்ச் மாடலின் விலை ரூ. 23 ஆயிரத்து 999 என்றும் 55 இன்ச் மாடலின் விலை ரூ. 32 ஆயிரத்து 999 என்றும் நிர்ணயம் செய்யப்பட்டு உள்ளது. புதிய Vu பிரீமியம் டிவி 2023 எடிஷன் விற்பனை அமேசான் மற்றும் ப்ளிப்கார்ட் வலைத்தளங்களில் நடைபெறுகிறது. ஆன்லைன் மட்டுமின்றி இவற்றின் விற்பனை நாடு முழுக்க ஆஃப்லைன் விற்பனை மையங்களிலும் நடைபெறுகிறது. 

வாட்ஸ்அப் செயலியில் அட்மின்கள் நிர்வாகம் மற்றும் நேவிகேட் செய்வதை எளிமையாக்கும் க்ரூப் அப்டேட்கள் அறிவிக்கப்பட்டு இருக்கின்றன. புதிய அப்டேட் க்ரூப்-இல் யார் இணைய வேண்டும் என்பதை கட்டுப்படுத்துவதோடு, நீங்கள் எந்த க்ரூப்களுடன் பகிர்ந்து கொள்கின்றீர்கள் என்பதை எளிமையாக்குகிறது.

கடந்த சில மாதங்களாக வாட்ஸ்அப் க்ரூப்களில் மேற்கொள்ளப்பட்டு வரும் மாற்றங்களுடன் புதிய அப்டேட்கள் இணைகின்றன. இதில் க்ரூப் அளவு உயர்த்தியது, மெசேஞ்ச் டெலீட் செய்யும் அம்சம் உள்ளிட்டவை அடங்கும்.

அட்மின்களுக்கு கூடுதல் கண்ட்ரோல்:

புதிய அப்டேட் மூலம் அட்மின்கள் யார் க்ரூப்-இல் இணைய முடியும் என்பதை தீர்மானிக்க முடியும். இன்வைட் லின்க் அல்லது கம்யுனிட்டியுடன் க்ரூப்-ஐ இணைக்க செய்யும் போது, யார் க்ரூப்-இல் இணைய வேண்டும் என்பதை அட்மின்கள் தீர்மாணிக்கலாம்.

இதோடு ஏதேனும் காண்டாக்ட் பெயரை க்ளிக் செய்தால், எந்த க்ரூப்-இல் இருக்கின்றீர்கள் என்பதை அறிந்து கொள்ள முடியும். இந்த அம்சம் கொண்டு மற்றவர்களுடன் நீங்கள் இருக்கும் க்ரூப்களை எளிமையாக தெரிந்துகொள்ளலாம்.

புதிய அம்சங்கள் வரும் வாரங்களில் சர்வதேச அளவில் வெளியிடப்பட இருக்கிறது. இதுதவிர க்ரூப்களின் அனுபவத்தை மேலும் சிறப்பாக மாற்ற தொடர்ந்து புதிய அப்டேட்கள் வழங்கப்படும் என வாட்ஸ்அப் அறிவித்து இருக்கிறது.

ஒப்போ நிறுவனம் ஒப்போ பேட் மூலம் கடந்த ஆண்டு டேப்லெட் சந்தையில் களமிறங்கியது. குவால்காம் ஸ்னாப்டிராகன் 870 பிராசஸர் கொண்டிருக்கும் ஒப்போ பேட் விற்பனையில் நல்ல வரவேற்பை பெற்றது. இதைத் தொடர்ந்து ஒப்போ நிறுவனம் சீனாவில் புதிய ஃபைண்ட் X6 மற்றும் ஃபைண்ட் X6 ப்ரோ ஃபிளாக்ஷிப் ஸ்மார்ட்போன்களை அறிமுகம் செய்தது.

புதிய ஸ்மார்ட்போன்களுடன் ஒப்போ பேட் 2 மாடலும் அறிமுகம் செய்யப்பட்டு இருக்கிறது. புதிய ஒப்போ பேட் 2 மாடலில் 11.61 இன்ச் IPS LCD டிஸ்ப்ளே, டால்பி விஷன், 500 நிட்ஸ் பீக் பிரைட்னஸ், 2800x2000 பிக்சல் ரெசல்யூஷன், 144Hz ரிப்ரெஷ் ரேட், 13MP பிரைமரி கேமரா, 4K வீடியோ வசதி, 8MP செல்ஃபி கேமரா கொண்டிருக்கிறது.

ஒப்போ பேட் 2 மாடலில் மீடியாடெக் டிமென்சிட்டி 9000 பிராசஸர் வழங்கப்பட்டு இருக்கிறது. இதே பிராசஸர் விவோ பேட் 2 மாடலிலும் வழங்கப்படும் என கூறப்படுகிறது. ஏப்ரல் மாத வாக்கில் இந்த டேப்லெட் சீன சந்தையில் அறிமுகம் செய்யப்பட இருக்கிறது. இதில் அதிகபட்சம் 12 ஜிபி ரேம், 512 ஜிபி மெமரி வழங்கப்படுகிறது.

புதிய ஒப்போ பேட் 2 மாடலில் ஆண்ட்ராய்டு 13 சார்ந்த கலர்ஒஎஸ் 13 ஃபார் பேட் 13 வழங்கப்பட்டு இருக்கிறது. 9510 எம்ஏஹெச் பேட்டரி மூலம் சக்தியூட்டப்படும் ஒப்போ பேட் 2 மாடல் 67 வாட் ஃபாஸ்ட் சார்ஜிங் வசதி கொண்டிருக்கிறது. இத்துடன் வைபை 6, ப்ளூடூத் 5.3, ஜிபிஎஸ், யுஎஸ்பி டைப் சி போர்ட் கொண்டுள்ளது. ஒப்போ பேட் 2 மாடல் ஒன்பிளஸ் பேட் டேப்லெட்-இன் ரிபிராண்டு செய்யப்பட்ட வெர்ஷன் ஆகும். இந்த மாடல் ஏப்ரல் மாத வாக்கில் சர்வதேச சந்தையில் அறிமுகமாகிறது.

விலை விவரங்கள்:

சீன சந்தையில் ஒப்போ பேட் 2 விலை 2 ஆயிரத்து 999 யுவான்கள், இந்திய மதிப்பில் ரூ. 36 ஆயிரத்து 061 என துவங்குகிறது. இதன் டாப் எண்ட் மாடல் விலை 3 ஆயிரத்து 999 யுவான்கள், இந்திய மதிப்பில் ரூ. 48 ஆயிரத்து 071 என நிர்ணயம் செய்யப்பட்டு உள்ளது. சீனாவில் இதன் விற்பனை மார்ச் 24 ஆம் தேதி துவங்குகிறது. இதன் சர்வதேச வெளியீடு குறித்து இதுவரை எந்த தகவலும் இல்லை. 

கிஸ்மோர் நிறுவனம் இந்திய சந்தையில் புதிய 'வோக்' ஸ்மார்ட்வாட்ச்-ஐ அறிமுகம் செய்து இருக்கிறது. புதிய ஸ்மார்ட்வாட்ச் 1.95 இன்ச் HD டிஸ்ப்ளே, 91 சதவீதம் ஸ்கிரீன் டு பாடி ரேஷியோ, ஸ்ப்லிட் ஸ்கிரீன் போன்ற அம்சங்களை கொண்டிருக்கிறது. பிரீமியம் தோற்றம் கொண்ட மெட்டல் கேசிங், சதுரங்க வடிவம் கொண்ட டயல் உள்ளிட்டவை இந்த வாட்ச்-ஐ அழகாக காட்சியளிக்கச் செய்கின்றன.

இதில் உள்ள ஆல்வேஸ் ஆன் டிஸ்ப்ளே, 600 நிட்ஸ் பிரைட்னஸ் உள்ளிட்டவை அதிகப்படியான சூரிய வெளிச்சங்களிலும் ஸ்கிரீனை சிரமம் இன்றி பார்க்க செய்கிறது. இத்துடன் பயனர்களுக்கு 100-க்கும் அதிக வாட்ச் ஃபேஸ்களை தேர்வு செய்யும் வசதி வழங்கப்படுகிறது. கிஸ்மோர் வோக் ஸ்மார்ட்வாட்ச் எளிய நேவிகேஷன் வசதியை வழங்கும் வகையில் உருவாக்கப்பட்டு இருக்கிறது.

கிஸ்மோர் வோக் அம்சங்கள்:

1.95 இன்ச், 320x385 பிக்சல் IPS டிஸ்ப்ளே

600 நிட்ஸ் பிரைட்னஸ், ஸ்ப்லிட் ஸ்கிரீன்

ரக்கட் டிசைன், அலாய் மெட்டல் பாடி, IML கோட்டிங்

டிஜிட்டல் கிரவுன்

ஜிபிஎஸ் டிராஜெக்டரி

குயிக் வயர்லெஸ் சார்ஜிங்

ப்ளூடூத் காலிங்

ஏஐ வாய்ஸ் அசிஸ்டண்ட், வாட்ச் ஃபேஸ்கள்

அதிபட்சம் ஏழு நாட்களுக்கான பேட்டரி பேக்கப்

ஏராளமான ஸ்போர்ட்ஸ் மோட்கள்

IP67 வாட்டர் ரெசிஸ்டண்ட்

SpO2, ஹார்ட் ரேட், பிரீதிங், ஸ்டிரெஸ் டிராக்கர்

இன்-பில்ட் கேம்ஸ், கால்குலேட்டர் போன்ற அம்சங்கள்

விஃபிட் ஆப்

ஒரு வருட வாரண்டி

விலை மற்றும் விற்பனை விவரங்கள்:

கிஸ்மோர் வோக் ஸ்மார்ட்வாட்ச் விலை ரூ. 1,999 என நிர்ணயம் செய்யப்பட்டு உள்ளது. இந்த ஸ்மார்ட்வாட்ச் பிளாக், ஆரஞ்சு மற்றும் வைட் நிற ஆப்ஷன்களில் கிடைக்கிறது. புதிய கிஸ்மோர் வோக் ஸ்மார்ட்வாட்ச் ப்ளிப்கார்ட் மற்றும் கிஸ்மோர் அதிகாரப்பூர்வ வலைத்தளங்களில் விற்பனைக்கு கிடைக்கிறது.

பிஎஸ்என்எல் நிறுவனம் ரூ. 87 விலையில் பிரீபெயிட் சலுகையை அறிவித்து வழங்கி வருகிறது. இந்திய சந்தையில் பிஎஸ்என்எல் உள்பட அனைத்து நிறுவனங்களும் தங்களின் சலுகை விலையை உயர்த்த திட்டமிட்டு வருகின்றன. ஏர்டெல் நிறுவனம் அனைத்து வட்டாரங்களிலும் தனது எண்ட்ரி லெவல் சலுகை விலையை ரூ. 155 ஆக உயர்த்திவிட்டது.

அந்த வகையில் புதிய ரூ. 87 சலுகை பயனர்களுக்கு பயனுள்ளதாக இருக்கும். குறைந்த கால வேலிடிட்டி கொண்ட இந்த சலுகை வாய்ஸ் கால் மற்றும் டேட்டா போன்ற பலன்களை வழங்குகிறது. ஏற்கனவே இந்த சலுகை வழங்கப்பட்டு வருவதால், பலரும் இதனை ஏற்கனவே பயன்படுத்தவும் வாய்ப்புகள் அதிகம் தான்.

பிஎஸ்என்எல் ரூ. 87 பலன்கள்:

பிஎஸ்என்எல் ரூ. 87 சலுகை மொத்தம் 14 நாட்கள் வேலிடிட்டி கொண்டிருக்கிறது. இந்த சலுகையில் தினமும் 1 ஜிபி டேட்டா, அன்லிமிடெட் வாய்ஸ் காலிங், ஹார்டி மொபைல் கேம்ஸ்-இன் கேமிங் பலன்கள் வழங்கப்படுகிறது. இந்த சலுகையில் எஸ்எம்எஸ் பலன்கள் மட்டும் இணைக்கப்படவில்லை. அந்த வகையில், இந்த சலுகை மொத்தத்தில் பயனர்களுக்கு 14 ஜிபி டேட்டா வழங்குகிறது.

தினமும் 1 ஜிபி டேட்டா போதாத என்ற வகையில், பயனர்கள் ரூ. 97 விலை சலுகையை தேர்வு செய்யலாம். இந்த சலுகையிலும் பயனர்களுக்கு எஸ்எம்எஸ் பலன்கள் வழங்கப்படவில்லை. எனினும், இது 15 நாட்கள் வேலிடிட்டி கொண்டிருக்கிறது. இது தினமும் 2 ஜிபி டேட்டா வழங்குகிறது. இதில் பயனர்கள் மொத்தத்தில் 30 ஜிபி வரையிலான டேட்டா வழங்கப்படுகிறது.

ஃபாஸ்டிராக் நிறுவனம் இந்திய சந்தையில் தனது புதிய ரெவோல்ட் சீரிஸ் ஸ்மார்வாட்ச்-ஐ ப்ளிப்கார்ட் உடன் இணைந்து வெளியிட்டு இருக்கிறது. புதிய ஸ்மார்ட்வாட்ச் புதிய தலைமுறை வாடிக்கையாளர்களை கவரும் வகையில் உருவாக்கப்பட்டு இருக்கிறது. முன்னதாக ஜனவரி மாத வாக்கில் ஃபாஸ்டிராக் ரிஃப்ளெக்ஸ் பீட் பிளஸ் மாடலை அறிமுகம் செய்த நிலையில், தற்போது இந்த ரெவோல்ட் FS1 அறிமுகமாகி இருக்கிறது.

புதிய ஃபாஸ்டிராக் ரெவோல்ட் FS1 மாடலில் 1.83 இன்ச் அல்ட்ராவியு டிஸ்ப்ளே, 2.5x நைட்ரோஃபாஸ்ட் சார்ஜிங் போன்ற அம்சங்களை கொண்டிருக்கிறது. இந்த பிரிவில் இத்தகைய ஃபாஸ்ட் சார்ஜிங் வசதி கொண்ட ஸ்மார்ட்வாட்ச் மாடலாக இது இருக்கிறது. இந்த ஸ்மார்ட்வாட்ச் சீரான கனெக்டிவிட்டி, அதிவேக செயல்திறன் வழங்கும் வகையில் மேம்பட்ட சிப்செட் கொண்டிருக்கிறது.

இத்துடன் 200-க்கும் அதிக வாட்ச ஃபேஸ்கள், 110-க்கும் அதிக ஸ்போர்ட்ஸ் மோட்கள் உள்ளன. மேம்பட்ட உடல்நல மாணிட்டரிங் அம்சங்கள், ஸ்டிரெஸ் மாணிட்டரிங், ஆட்டோ ஸ்லீப் டிராக்கிங், 24x7 ஹார்ட் ரேட் மாணிட்டரிங் போன்ற வசதிகளை கொண்டிருக்கிறது. இவைதவிர ஸ்மார்ட் நோட்டிஃபிகேஷன்கள், ஏஐ வாய்ஸ் அசிஸ்டண்ட் போன்ற அம்சங்கள் இதில் உள்ளது.

ஃபாஸ்டிராக் ரெவோல்ட் FS1 அம்சங்கள்:

1.83 இன்ச் அல்ட்ராவியு டிஸ்ப்ளே

ப்ளூடூத் காலிங்

200-க்கும் அதிக வாட்ச் ஃபேஸ்கள்

110-க்கும் அதிக ஸ்போர்ட்ஸ் மோட்கள்

2.5X நைட்ரோஃபாஸ்ட் சார்ஜிங்

24x7 ஹார்ட் ரேட் மாணிட்டரிங்

ஏஐ வாய்ஸ் அசிஸ்டண்ட்

ஸ்மார்ட் நோட்டிபிகேஷன்ஸ்

ஃபாஸ்டிராக் ரிஃப்ளெக்ஸ்வொர்ல்டு ஆப்

விலை மற்றும் விற்பனை விவரங்கள்:

ஃபாஸ்டிராக் ரெவோல்ட் FS1 மாடல் ரூ. 1695 எனும் அறிமுக விலையில் விற்பனை செய்யப்பட இருக்கிறது. இதன் விற்பனை மார்ச் 22 ஆம் தேதி மதியம் 12 மணிக்கு துவங்குகிறது. விற்பனை ப்ளிப்கார்ட் மற்றும் ஃபாஸ்டிராக் வலைத்தளங்களில் நடைபெற இருக்கிறது.

அமேஸ்ஃபிட் நிறுவனம் இந்திய சந்தையில் தனது அணியக்கூடிய சாதனத்தை அறிமுகம் செய்தது. புதிய அமேஸ்ஃபிட் GTR மினி மாடலில் குறிப்பிடத்தக்க அம்சங்கள் வழங்கப்பட்டு உள்ளன. மிட்-ரேன்ஜ் பிரிவில் களமிறங்கி இருக்கும் புதிய ஸ்மார்ட்வாட்ச்-இல் காம்பேக்ட் டிசைன், வட்ட வடிவம் கொண்டிருக்கிறது. இத்துடன் 1.28 இன்ச் AMOLED டிஸ்ப்ளே, பேனல், HD ரெசல்யூஷன், வளைந்த கிளாஸ் பாதுகாப்பு உள்ளது.

ஸ்மார்ட்வாட்ச்-இன் வலதுபுறம் இருக்கும் வட்ட வடிவ டயல் கொண்டு மெனு மற்றும் இதர ஆப்ஷன்களை இயக்க முடியும். மிட்-ரேன்ஜ் மாடல் என்ற போதிலும், பிரீமியம் அனுபவத்தை வழங்கும் வகையில், இந்த ஸ்மார்ட்வாட்ச் ஸ்டெயின்லெஸ் ஸ்டீல் ஃபிரேம் கொண்டிருக்கிறது.

புதிய அமேஸ்ஃபிட் GTR மினி மாடல் முழுமையாக சார்ஜ் செய்து பேட்டரி சேவிங் மோடில் அதிகபட்சம் 20 நாட்களுக்கு பேட்டரி பேக்கப் வழங்குகிறது. வழக்கமான பயன்பாடுகளின் போது, இந்த ஸ்மார்ட்வாட்ச் அதிகபட்சம் 14 நாட்களுக்கு பேக்கப் வழங்கும். இத்துடன் 120-க்கும் அதிக ஸ்போர்ட்ஸ் மோட்கள் உள்ளன. இவைதவிர, ஹார்ட் ரேட் மாணிட்டரிங், ஸ்டிரெஸ் லெவல் மேப்பிங், SpO2 மற்றும் பல்வேறு வசதிகள் வழங்கப்பட்டுள்ளன.

இந்திய சந்தையில் புதிய அமேஸ்ஃபிட் GTR மினி மாடலின் விலை ரூ. 10 ஆயிரத்து 999 என நிர்ணயம் செய்யப்பட்டு உள்ளது. இதன் விற்பனை அமேசான் வலைத்தளத்தில் நடைபெறுகிறது. புதிய அமேஸ்ஃபிட் GTR மினி மாடல் மிட்நைட் பிளாக், மிஸ்டி பின்க் மற்றும் ஓசன் புளூ என மூன்று வித நிறங்களில் கிடைக்கிறது.

நத்திங் நிறுவனம் தனது முதல் இரண்டாம் தலைமுறை சாதனம்- நத்திங் இயர் (2) மாடலை அறிமுகம் செய்ய இருக்கிறது. புதிய நத்திங் இயர் (2) மாடல் மார்ச் 22 ஆம் தேதி அறிமுகம் செய்யப்பட இருக்கிறது. தோற்றத்தில் புதிய இயர்பட்ஸ் நத்திங் இயர் (1) போன்றே காட்சியளிக்கிறது. எனினும், புதிய மாடலில் மேம்பட்ட அம்சங்களை கொண்டிருக்கும் என கூறப்படுகிறது.

இந்த நிலையில், நத்திங் இயர் (2) மாடலின் அம்சங்கள் அடங்கிய டீசர்களை வெளியிட்டு உள்ளது. அதன்படி நத்திங் இயர் (2) மாடலில் IP54 சான்று, LHDC ஆடியோ 5.0 வசதி வழங்கப்படுகிறது. டுவிட்டரில் வெளியாகி இருக்கும் புதிய டீசர்களில் நத்திங் இயர் (2) அம்சங்கள் இடம்பெற்று இருக்கிறது. நத்திங் இயர் (2) மாடலில் IP54 சான்று, LHDC ஆடியோ 5.0 சப்போர்ட் வழங்கப்படுகிறது.

இது ப்ளூடூத் ஸ்டிரீமிங் மூலம் அதிக தரமுற்ற ஆடியோ வசதியை வழங்குகிறது. நத்திங் நிறுவனர் கார்ல் பெய் ஸ்பாடிஃபை-ஐ தொடர்பு கொண்டு அதன் லைப்ரரியை LHDC-க்கு அப்டேட் செய்ய கோரிக்கை விடுத்திருக்கிறார். இவற்றை கொண்டே புதிய நத்திங் இயர் (2) மாடலில் ஹை-ரெஸ் ஆடியோ வசதி வழங்கப்படும் என தெரிகிறது.

இதுவரை வெளியாகி இருக்கும் தகவல்களின் படி நத்திங் இயர் (2) மாடல் அதிக காம்பேக்ட் டிசைன் கொண்டிருக்கும் என எதிர்பார்க்கலாம். இத்துடன் ANC, டிரான்ஸ்பேரன்சி மோட் உள்ளிட்டவை வழங்கப்படலாம். நத்திங் இயர்பட்ஸ் மற்றும் கேஸ் டிரான்ஸ்பேரண்ட் டிசைன் கொண்டிருக்கிறது. நத்திங் இயர் (2) மாடல் ஆண்ட்ராய்டு மற்றும் ஐஒஎஸ் சாதனங்களுடன் இணைத்து பயன்படுத்தும் வசதி வழங்கப்படுகிறது.

ரிலையன்ஸ் ஜியோ நிறுவனம் புதிய போஸ்ட்பெயிட் சலுகைகளை- ஜியோபிளஸ் பெயரில் அறிவித்து இருக்கிறது. புதிய சலுகைகள் குடும்ப உறுப்பினர்களை உள்ளடக்கிய பலன்களை வழங்குகிறது. இத்துடன் புதிய சேவையில் இணையும் பட்சத்தில் ஒருமாத காலத்திற்கு சலுகைகளை இலவசமாக பயன்படுத்தி பார்க்கலாம் என ரிலையன்ஸ் ஜியோ நிறுவனம் அறிவித்து இருக்கிறது.

இந்த சலுகைகள் ஜியோ வெல்கம் ஆஃபரின் கீழ், அன்லிமிடெட் ட்ரூ 5ஜி டேட்டாவை வழங்குகின்றன. இந்த சலுகைகள் ஜியோ வெல்கம் ஆஃபரின் கீழ் அன்லிமிடெட் ட்ரூ 5ஜி டேட்டா வழங்குகின்றன. ஒற்றை கட்டணத்தில் டேட்டா ஷேரிங், பிரமீயம் தரவுகளை வழங்கும் செயலிக்கான சந்தா உள்ளிட்ட பலன்களை வழங்குகிறது.

ஒருவேளை இந்த பலன்கள் பிடிக்காத பட்சத்தில் பயனர்கள் எப்போது வேண்டுமானாலும், போஸ்ட்பெயிட் இணைப்பை துண்டித்துக் கொள்ளலாம். இவ்வாறு செய்யும் போது பயனர்களிடம் எவ்வித கேள்வியும் கேட்கப்படாது என ரிலையன்ஸ் ஜியோ தெரிவித்து இருக்கிறது.

ஜியோபிளஸ் போஸ்ட்பெயிட் சலுகை பலன்கள்:

ரூ. 399 மாத கட்டணத்தில் துவங்குகிறது

கூடுதலாக ரூ. 99 கட்டணத்தில் மூன்று இணைப்புகளை பெறும் வசதி

4 பேர் அடங்கிய குடும்பத்திற்கு மாதம் ரூ. 696 கட்டணம்

ஒரு சிம் இணைப்பிற்கு சராசரியாக மாத கட்டணம் ரூ. 174

டேட்டாவை குடும்பத்தாருடன் பகிர்ந்து கொள்ளும் வசதி

தினசரி டேட்டா கட்டுப்பாடுகள் எதுவும் இல்லை

ஜியோ ட்ரூ 5ஜி வெல்கம் ஆஃபரின் கீழ் அன்லிமிடெட் இலவச 5ஜி டேட்டா

நீங்கள் விரும்பும் மொபைல் நம்பர்

நெட்ஃப்ளிக்ஸ், அமேசான், ஜியோடிவி மற்றும் ஜியோசினிமா சந்தா

வெளிநாட்டு பயணங்களின் போது விமானத்தினுள் கனெக்டிவிட்டி

சர்வதேச ரோமிங்கின் போது வைபை காலிங் கட்டணம் நிமிடத்திற்கு ரூ. 1

129 நாடுகளுக்கு ஒரு சர்வதேச ரோமிங் சலுகை

ஜியோஃபைபர் பயனர்கள், கார்ப்பரேட் ஊழியர்கள், மற்ற நிறுவன போஸ்ட்பெயிட் பயனர்கள், ஆக்சிஸ், ஹெச்டிஎப்சி மற்றும் எஸ்பிஐ வங்கி கிரெடிட் கார்டு பயனர்களுக்கு பாதுகாப்பு முன்பணம் இல்லை.

ஒரே க்ளிக்-இல் கால்-பேக் சேவை

டவுன்டைம் இன்றி ஜியோ நம்பருக்கு மாறும் வசதி

சியோமி நிறுவனம் இந்திய சந்தையில் ஃபயர் டிவி ஒஎஸ் கொண்ட தனது முதல் ஸ்மார்ட் டிவி மாடலை அறிமுகம் செய்து இருக்கிறது. அமேசான் ஃபயர் டிவி ஒஎஸ் கொண்டிருக்கும் புதிய ரெட்மி ஸ்மார்ட் டிவி அமேசான் ஃபயர் ஒஎஸ் மூலம் இயங்குகிறது. இதனுடன் அலெக்சா வாய்ஸ் சப்போர்ட் கொண்ட ரிமோட் வழங்கப்படுகிறது. இதன் மூலம் பயனர்கள் தங்களின் குரல் மூலமாகவே டிவியை இயக்கலாம்.

புதிய ஸ்மார்ட் டிவியில் 32 இன்ச் HD ரெடி டில்ப்ளே, விவிட் பிக்ச்சர் என்ஜின் தொழில்நுட்பம், 20 வாட் ஸ்பீக்கர்கள், டால்பி ஆடியோ, DTS-HD மற்றும் DTS: விர்ச்சுவல் X தொழில்நுட்பம் வழங்கப்பட்டு இருக்கிறது. இதில் உள்ள அமேசான் ஃபயர் ஒஎஸ் 7 ஃபயர் டிவி ஆப் மூலம் சுமார் 12 ஆயிரத்திற்கும் அதிக ஆப்களில் இருந்து பொழுதுபோக்கு தரவுகளை வழங்குகிறது.

இவை தவிர பிரைம் வீடியோ, நெட்ஃப்ளிக்ஸ், டிஸ்னி பிளஸ் ஹாட்ஸ்டார், ஜீ5, சோனிலிவ், யூடியூப் போன்ற முன்னணி தளங்களும் இந்த டிவியில் இயங்குகின்றன. அமேசான் மினிடிவியை ஸ்டிரீம் செய்வதோடு, 70-க்கும் அதிக லைவ் சேனல்களை கண்டுகளிக்கும் வசதி கொண்டிருக்கிறது.

ரெட்மி ஸ்மார்ட் ஃபயர் டிவி 32 இன்ச் அம்சங்கள்:

32 இன்ச் 1366x768 பிக்சல் HD ரெடி டிஸ்ப்ளே

விவிட் பிக்ச்சர் என்ஜின், ஆட்டோ லோ லேடன்சி மோட்

1.5GHz குவாட்கோர் கார்டெக்ஸ் A35 பிராசஸர்

மாலி G31 MP2 GPU

1 ஜிபி ரேம்

8 ஜிபி மெமரி

ஃபயர் ஒஎஸ்

ரெட்மி வாய்ஸ் ரிமோட்

வைபை, 2x யுஎஸ்பி, 3.5mm ஆடியோ ஜாக்

2x10 வாட் ஸ்பீக்கர்கள்

டால்பி ஆடியோ, DTS-HD, DTS விர்ச்சுவல் X

விலை மற்றும் விற்பனை விவரங்கள்:

ரெட்மி ஸ்மார்ட் ஃபயர் டிவி 32 இன்ச் மாடலின் விலை ரூ. 13 ஆயிரத்து 999 ஆகும். அறிமுக சலுகையாக இந்த ஸ்மார்ட் டிவி ரூ. 11 ஆயிரத்து 999 விலையில் விற்பனை செய்யப்படுகிறது. இத்துடன் அமேசான் மற்றும் Mi வலைத்தளங்களில் இந்த ஸ்மார்ட் டிவி வாங்குவோருக்கு ரூ. 1000 கூடுதல் தள்ளுபடி வழங்கப்படுகிறது. இது குறுகிய காலத்திற்கு மட்டும் வழங்கப்படுகிறது. புதிய ரெட்மி டிவி விற்பனை மார்ச் 21 ஆம் தேதி துவங்குகிறது. 

கூகுள் மற்றும் மைக்ரோசாப்ட் போன்ற முன்னணி நிறுவனங்கள் இந்த ஆண்டு துவக்கம் முதலே ஊழியர்களை பணிநீக்கம் செய்யும் நடவடிக்கைகளை மேற்கொள்ள துவங்கிவிட்டன. இதன் காரணமாக உலகளவில் பெரும்பாலானோர் தங்களது வேலையை இழந்தனர். சந்தை நிலையை கருத்தில் கொண்டு மேலும் சில நிறுவனங்கள் இரண்டாவது கட்டமாக ஊழியர்களை பணிநீக்கம் செய்வது பற்றி பரிசீலனை செய்து வருகின்றன.

இந்த வரிசையில் மார்க் ஜூக்கர்பர்க் மெட்டா பிரிவில் ஊழியர்களை பணிநீக்கம் செய்ய இருப்பதாக தகவல் வெளியாகி உள்ளது. முதல் முறை எத்தனை பேர் பணிநீக்கம் செய்யப்பட்டனரோ, அதே எண்ணிக்கையில் மீண்டும் பணிநீக்கம் செய்ய மெட்டா திட்டமிட்டுள்ளதாக தெரிகிறது. இதன் காரணமாக விரைவில் சுமார் 11 ஆயிரம் பேர் பணிநீக்கம் செய்யப்பட வாய்ப்புகள் இருப்பதாக கூறப்படுகிறது.

புதிய பணி நீக்க நடவடிக்கைகள் விரைவில் துவங்கும் என்றும் மார்க் ஜூக்கர்பர்க் தனது மூன்றாவது குழந்தை பிறக்க இருப்பதை அடுத்து மகப்பேறு விடுப்புக்கு செல்லும் முன் இதுபற்றிய அறிவிப்பு வெளியாகும் என தெரிகிறது. கடந்த ஆண்டு நவம்பர் மாதம் பணி நீக்க நடவடிக்கைகளை மேற்கொண்ட பின் மார்க் ஜூக்கர்பர்க் 2023 ஆண்டு நிறுவனத்திற்கு சிறப்பானதாக இருக்கும் என தெரிவித்து இருந்தார்.

ஏற்கனவே ஒட்டுமொத்த ஊழியர்களில் சுமார் 13 சதவீதம், கிட்டத்தட்ட 11 ஆயிரம் ஊழியர்களை கடந்த ஆண்டு மெட்டா நிறுவனம் பணிநீக்கம் செய்து இருந்தது. இவர்கள் ஃபேஸ்புக் மற்றும் இன்ஸ்டாகிராம் தளங்களில் பணியாற்றி வந்தனர். நிதி நெருக்கடி மற்றும் வருவாய் பாதிப்பு ஏற்பட்டதை அடுத்து பணிநீக்க நடவடிக்கை மேற்கொள்ளப்பட்டது.