கணினி

ஒப்போ வாட்ச் 3 மாடலின் சர்வதேச வெளியீடு பற்றி இதுவரை அந்நிறுவனம் எந்த விதமான அறிவிப்பும் வெளியிடவில்லை. எனினும், இந்திய சந்தையில் ஒப்போ வாட்ச் 3 மார்ச் மாத இறுதியிலோ அல்லது ஏப்ரல் மாத துவக்கத்திலோ அறிமுகம் செய்யப்படும் என தகவல் வெளியாகி உள்ளது. எனினும், இந்த வாட்ச் பற்றி எவ்வித தகவலும் இல்லை.

சர்வதேச சந்தையில் முதல் தலைமுறை ஒப்போ வாட்ச் மாடல் 2020 வாக்கில் சர்வதேச சந்தையில் அறிமுகமானது. இந்த சாதனம் மெயின்லேண்ட் சீனா மற்றும் இதர பகுதிகளில் வெவ்வேறு பிராசஸர்களை கொண்டிருந்தது. ஒப்போ வாட்ச் 2 சீரிஸ் சீன சந்தையில் மட்டும் பிரத்யேகமாக விற்பனை செய்யப்பட்டது. இந்த நிலையில், தற்போது வெளியாகி இருக்கும் தகவல்களில் ஒப்போ வாட்ச் 3 மாடல் சர்வதேச சந்தையில் அறிமுகமாகும் என கூறப்படுகிறது.

முதல் தலைமுறை ஒப்போ வாட்ச் மாடல் வெவ்வேறு பிராசஸர்களை கொண்டிருந்த நிலையில், ஒப்போ வாட்ச் 3 மாடல் சர்வதேச சந்தையில் வித்தியாசமான பிராசஸர் கொண்டிருக்கும் என எதிர்பார்க்கலாம். மெயின்லேண்ட் சீனாவுக்கு வெளியில் ஒப்போ வாட்ச் SE மாடல் ஒப்போ வாட்ச் 3 பெயரில் அறிமுகம் செய்யப்படும் என தகவல் வெளியாகி உள்ளது. இதன் மூலம் இந்த ஸ்மார்ட்வாட்ச் விலையை கடும் போட்டியை ஏற்படுத்தும் வகையில் ஒப்போ நிர்ணயம் செய்ய முடியும்.

ஆண்ட்ராய்டு தளத்தில் ஸ்மார்ட்வாட்ச் வாங்குவோர் தேர்வு செய்யும் மாடல்களில் முதன்மையான தேர்வாக கேலக்ஸி வாட்ச் 4 மற்றும் கேலக்ஸி வாட்ச் 5 உள்ளன. இவை தவிர ஃபாசில் ஜென் 6 வெல்னஸ் எடிஷன் மற்றும் கூகுள் பிக்சல் வாட்ச் மாடல்கள் இதர தேர்வுகளாக உள்ளன. எனினும், இரு மாடல்கள் தேர்வு செய்யப்பட்ட நாடுகளில் மட்டுமே விற்பனை செய்யப்பட்டு வருகின்றன. கேலக்ஸி வாட்ச் மாடல்கள் அனைத்து பகுதிகளிலும் கிடைக்கின்றன.

ஒப்போ வாட்ச் 3 மற்றும் ஒப்போ வாட்ச் SE என இரு மாடல்களிலும் தலைசிறந்த ஹார்டுவேர் உள்ளது. இவற்றில் முறையே ஸ்னாப்டிராகன் W5 சிப், ஸ்னாப்டிராகன் 4100 பிளஸ் பிராசஸர்கள் வழங்கப்பட்டுள்ளன. இவற்றுடன் கோ பிராசஸர்களான அப்போலோ 4 பிளஸ் மற்றும் அப்போலோ 4s வழங்கப்படுகின்றன. மேலே உள்ள பிராசஸர் வியர் ஒஎஸ் 3.0-ஐ சீராக இயக்கும் திறன் கொண்டுள்ளன.

அந்த வகையில் ஒப்போ இரு ஸ்மார்ட்வாட்ச்களில் எதை அறிமுகம் செய்தாலும், சர்வதேச சந்தையில் சாம்சங் கேலக்ஸி வாட்ச் மாடல்களுக்கு கடும் போட்டியை ஏற்படுத்தும். ஒப்போ வாட்ச் 3 சர்வதேச வெளியீடு பற்றி தகவல்கள் வரும் நாட்களில் வெளியாகும் என எதிர்பார்க்கலாம்.

ஃபயர் போல்ட் ராக்கெட் பெயரில் புது ஸ்மார்ட்வாட்ச் இந்திய சந்தையில் அறிமுகமாகி இருக்கிறது. ரூ. 3 ஆயிரம் பட்ஜெட்டில் அறிமுகமாகி இருக்கும் புது ஸ்மார்ட்வாட்ச் நாய்ஸ், போட், அமேஸ்ஃபிட், ரியல்மி மற்றும் இதர பிராண்டு மாடல்களுக்கு போட்டியாக அமைகிறது.

வட்ட வடிவம் கொண்ட டயல் கொண்ட ஃபயர் போல்ட் ராக்கெட் 1.3 இன்ச் HD டிஸ்ப்ளே, வலது புறம் பட்டன், IP67 தர வாட்டர் ரெசிஸ்டண்ட் வசதி, ஏராளமான வாட்ச் ஃபேஸ்கள் உள்ளன. இத்துடன் இதய துடிப்பு சென்சார், SpO2 சென்சார், ஸ்லீப் டிராக்கர், 100-க்கும் அதிக ஸ்போர்ட்ஸ் மோட்கள் உள்ளன. இந்த ஸ்மார்ட்வாட்ச் ஸ்டெப், டிஸ்டன்ஸ், கலோரி என ஏராளமான அம்சங்கள் வழங்கப்பட்டு இருக்கிறது.

ஃபயர் போல்ட் ராக்கெட் ஸ்மார்ட்வாட்ச் பில்ட்-இன் ஸ்பீக்கர், மைக்ரோபோன் கொண்டிருக்கிறது. இதனால் ப்ளூடூத் இணைப்பில் பயனர்கள் அழைப்புகளை மேற்கொள்ளலாம். இதில் கூகுள் அசிஸ்டண்ட் மற்றும் சிரி போன்ற அம்சங்கள் உள்ளன. இத்துடன் ஸ்மார்ட் நோட்டிஃபிகேஷன் அம்சமும் வழங்கப்பட்டு இருக்கிறது.

இந்திய சந்தையில் ஃபயர் போல்ட் ராக்கெட் விலை ரூ. 2 ஆயிரத்து 499 என நிர்ணயம் செய்யப்பட்டு உள்ளது. இந்த ஸ்மார்ட்வாட்ச் பிளாக், சில்வர் கிரே, ஷேம்பெயின் கோல்டு மற்றும் கோல்டு பின்க் போன்ற நிறங்களில் கிடைக்கிறது. இதன் விற்பனை ஃபயர் போல்ட் வலைதளத்தில் நடைபெறுகிறது.

பெபில் நிறுவனத்தின் புதிய காஸ்மோஸ் என்கேஜ் ஸ்மார்ட்வாட்ச் இந்தியாவில் அறிமுகம் செய்யப்பட்டது. புது ஸ்மார்ட்வாட்ச் தோற்றத்தில் ஆப்பிள் வாட்ச் அல்ட்ரா போன்றே காட்சியளிக்கிறது. கடந்த வாரம் அறிமுகமான ஃபயர் போல்ட் கிலடியேட்டர் ஸ்மார்ட்வாட்ச் ஆப்பிள் வாட்ச் அல்ட்ரா தோற்றம் கொண்டிருந்தது குறிப்பிடத்தக்கது.

புதிய பெபில் காஸ்மோஸ் என்கேஜ் ஸ்மார்ட்வாட்ச் 1.95 இன்ச் IPS டிஸ்ப்ளே, ஆல்வேஸ் ஆன் டிஸ்ப்ளே, 320x385 பிக்சல் ரெசல்யூஷன், 600 நிட்ஸ் பிரைட்னஸ் கொண்டிருக்கிறது. இந்த ஸ்மார்ட்வாட்ச் வெளிப்புறத்தில் ரக்கட் தோற்றம், சிலிகான் ஸ்டிராப்கள் வழங்கப்பட்டு இருக்கிறது. இதன் கேசிங் மெட்டல் மூலம் உருவாக்கப்பட்டு இருக்கிறது. இத்துடன் சுழலும் கிரவுன் மற்றும் பட்டன் வழங்கப்பட்டுள்ளது.

ப்ளூடூத் 5.0 வசதி கொண்டிருக்கும் பெபில் காஸ்மோஸ் என்கேஜ் இன்பில்ட் மைக்ரோபோன், ஸ்பீக்கர் போன்ற அம்சங்கள் மூலம் ப்ளூடூத் காலிங் வசதி வழங்குகிறது. இத்துடன் சமீபத்திய அழைப்புகள், ஸ்பீடு டயல் பேட் உள்ளிட்டவை வழங்கப்பட்டு இருக்கிறது. இந்த ஸ்மார்ட்வாட்ச்-ஐ முழுமையாக சார்ஜ் செய்தால் ஐந்து நாட்களுக்கு பேக்கப் கிடைக்கும். இதனை வயர்லெஸ் முறையில் சார்ஜ் செய்யும் வசதியும் வழங்கப்பட்டு இருக்கிறது.

இத்துடன் ஹார்ட் ரேட் சென்சார், SpO2 சென்சார், ஸ்லீப் டிராக்கர் உள்ளது. இந்த ஸ்மார்ட்வாட்ச் ஏராளமான ஸ்போர்ட்ஸ் மோட்களை கொண்டிருக்கிறது. இத்துடன் ஏஐ சார்ந்து இயங்கும் வாய்ஸ் அசிஸ்டண்ட் வசதி, IP67 தர வாட்டர் ரெசிஸ்டண்ட் வசதி உள்ளது.

புதிய பெபில் காஸ்மோஸ் என்கேஜ் சலமந்தர் ஆரஞ்சு, ஸ்டார்லைட், மிட்நைட் பிளாக் மற்றும் செலஸ்டியல் புளூ போன்ற நிறங்களில் கிடைக்கிறது. இதன் உண்மை விலை ரூ. 7 ஆயிரத்து 499 ஆகும். எனினும், இதன் விலை ரூ. 3 ஆயிரத்து 999 என குறிப்பிடப்பட்டு இருக்கிறது. விற்பனை பெபில் மற்றும் ப்ளிப்கார்ட் வலைதளங்களில் நடைபெற்று வருகிறது. 

கடந்த சில ஆண்டுகளாகவே சாம்சங் நிறுவனம் லேப்டாப் பிரிவிலும் அதிக கவனம் செலுத்த துவங்கி இருக்கிறது. 2023 வாக்கில் சாம்சங் புதிய தலைமுறை கேலக்ஸி லேப்டாப்களை அறிமுகம் செய்யும் என தகவல்கள் வெளியாகி வருகின்றன. புதிய கேலக்ஸி லேப்டாப்களில் மேம்பட்ட ஹார்டுவேர், சிறப்பான சாஃப்ட்வேர் வழங்கப்படும் என எதிர்பார்க்கலாம்.

இந்த நிலையில், தற்போது வெளியாகி இருக்கும் தகவல்களில் சாம்சங் நிறுவனம் தனது அடுத்த தலைமுறை லேப்டாப்களை கேலக்ஸி S23 சீரிஸ் ஸ்மார்ட்போன்களுடன் கேலக்ஸி அன்பேக்டு 2023 நிகழ்வில் அறிமுகம் செய்யும் என கூறப்படுகிறது. அறிமுக நிகழ்வு பிப்ரவரி 2023 மாதத்தின் முதல் வாரத்தில் நடைபெறும் என தெரிகிறது. பல்வேறு ஸ்மார்ட்போன் மற்றும் லேப்டாப்களை அறிமுகம் செய்வதால் இந்த நிகழ்வு வழக்கத்தை விட நீண்ட நேரம் நடைபெறலாம்.

புதிய ஹை-எண்ட் லேப்டாப் மாடல்களில் மேம்பட்ட சிறப்பம்சங்கள் வழங்கப்படலாம். புதிய கேலக்ஸி புக் லேப்டாப்களில் இண்டெல் நிறுவனத்தின் 13th Gen பிராசஸர்கள் வழங்கப்படும் என தெரிகிறது. இத்துடன் சூப்பர் AMOLED டிஸ்ப்ளேக்கள், பில்ட்-இன் S பென் ஸ்டைலஸ், பிரத்யேக GPU உள்ளிட்ட அம்சங்கள் வழங்கப்படலாம்.

கேலக்ஸி ஸ்மார்ட்போன் மற்றும் வயர்லெஸ் இயர்பட் உள்ளிட்டவைகளுடன் பயன்படுத்தும் போது கூடுதல் அம்சங்களை மென்பொருள் பிரிவில் வழங்க சாம்சங் முடிவு செய்து இருக்கலாம் என்றும் கூறப்படுகிறது. புதிய லேப்டாப்களில் அதிக ரிப்ரெஷ் ரேட் டிஸ்ப்ளேக்கள் வழங்கப்படும் என்றும் தகவல் வெளியாகி உள்ளது.

ஏர்டெல் இந்தியா நிறுவனம் பயனர்கள் தங்களின் சாதாரண டிவி-யை ஸ்மார்ட் டிவி-யாக மாற்றிக் கொள்ளும் வசதியை ரூ. 1500-க்கு வழங்குகிறது. வீட்டில் பொழுதுபோக்கிற்கான அத்தியாவசிய சாதனமாக ஸ்மார்ட் டிவி-க்கள் மாறி வருகின்றன. சமீப காலங்களில் ஒடிடி சேவை அதிக பிரபலம் அடைந்து விட்ட நிலையில், பல்வேறு வீடுகளில் ஒன்றாக அமர்ந்து டிவி பார்க்கும் வழக்கம் இன்றும் தொடர்கிறது.

அந்த வகையில், ஏர்டெல் எக்ஸ்-ஸ்டிரீம் பாக்ஸ் பயனர்களின் சாதாரண டிவி-யை ஸ்மார்ட் டிவி-யாக மாற்றுகிறது. எக்ஸ்-ஸ்டிரீம் பாக்ஸ் கொண்டு ஒடிடி தரவுகளை டிவி-யில் ஸ்டிரீம் செய்து பார்க்க முடியும். ஏர்டெல் டிஜிட்டல் டிவியின் சாதனமான ஏர்டெல் எக்ஸ்-ஸ்டிரீம் பாக்ஸ் விலை ரூ. 1500 என மாற்றப்பட்டு இருக்கிறது. இதன் உண்மை விலை ரூ. 2 ஆயிரத்து 650 ஆகும். எனினும், தற்போது இதன் விலை ரூ. 1500 ஆக குறைக்கப்பட்டுள்ளது.

இதனுடன் ஏர்டெல் மற்ற சேவைகளான ஏர்டெல் பிளாக் ஒருங்கிணைத்து பெற முடியும். ஏர்டெல் எக்ஸ்-ஸ்டிரீம் பாக்ஸ் சோனி லிவ், அமேசான் பிரைம், இரோஸ் நௌ, டிஸ்னி பிளஸ் ஹாட்ஸ்டார் மற்றும் பல்வேறு ஒடிடி தளங்களை கொண்ட செட் டாப் பாக்ஸ் ஆகும். இதில் 5 ஆயிரத்திற்கும் அதிக செயலிகள் உள்ளன.

மேலும் பில்ட்-இன் க்ரோம்காஸ்ட், 500-க்கும் அதிக டிவி சேனல்கள், கூகுள் அசிஸ்டண்ட் மூலம் சர்ச் வசதி, ஆண்ட்ராய்டு டிவி 9 உள்ளது. இந்த செட் டாப் பாக்ஸ் தரவுகளை 4K ரெசல்யூஷனிலும் வழங்குகிறது. இதனுடன் வழங்கப்படும் ரிமோட் பல்வேறு ஒடிடி தளங்களுக்கான ஹாட்கீ கொண்டுள்ளது. ஏர்டெல் அதிகாரப்பூர்வ வலைதளம் அல்லது அருகாமையில் உள்ள ரிடெயில் ஸ்டோர் சென்று ஏர்டெல் எக்ஸ்-ஸ்டிரீம் பாக்ஸ்-ஐ வாங்கிக் கொள்ளலாம்.

வாட்ஸ்அப் செயலியில் பயனர்கள் ஸ்டேட்டஸ்-ஐ ரிபோர்ட் செய்யும் வசதி சோதனை செய்யப்பட்டு வருவதாக தகவல் வெளியாகி உள்ளது. முதற்கட்டமாக இந்த வசதி கணினி அல்லது லேப்டாப் சாதனங்களில் டெஸ்க்டாப் செயலியை பயன்படுத்துவோருக்கு வழங்கப்படுகிறது. தற்போது போலியான குறுந்தகவல்களை ரிபோர்ட் செய்யும் வசதி வாட்ஸ்அப் செயலியில் வழங்கப்பட்டு இருக்கிறது.

எனினும், தற்போதைய அப்டேட் செயலியை மேலும் பாதுகாப்பான ஒன்றாக மாறி இருக்கிறது. புது அப்டேட் மூலம் பயனர்கள் எதிர்கொள்ளும் போலி அல்லது சர்ச்சைக்குரிய ஸ்டேட்டஸ் அப்டேட்களை ரிபோர்ட் செய்யலாம். ஸ்டேட்டஸ் பகுதியில் உள்ள புது மெனுவில் ரிபோர்ட் செய்வதற்கான ஆப்ஷன் இடம்பெற்று இருக்கும் என கூறப்படுகிறது. ரிபோர்ட் செய்யப்படும் ஸ்டேட்டஸ் பற்றிய விவரங்கள் வாட்ஸ்அப்-க்கு அனுப்பப்படும்.

அழைப்புகள், குறுந்தகவல், மீடியா, லொகேஷன் ஷேரிங், ஸ்டேட்டஸ் அப்டேட் போன்றே ரிபோர்ட் செய்யப்படும் குறுந்தகவல்களும் எண்ட்-டு-எண்ட் என்க்ரிப்ஷன் செய்யப்பட்டு இருக்கும் என கூறப்படுகிறது. இவ்வாறு என்க்ரிப்ட் செய்யப்படும் குறுந்தகவல்களை யாராலும் பார்க்க முடியாது. தற்போது இந்த அம்சம் டெஸ்க்டாப் பீட்டா வெர்ஷனஷில் சோதனை செய்யப்பட்டு வருகிறது. அந்த வகையில், இந்த அம்சம் எதிர்கால அப்டேட்டில் வழங்கப்படும் என எதிர்பார்க்கலாம்.

சமீபத்திய தகவல்களின் படி வாட்ஸ்அப் டெஸ்க்டாப் வெர்ஷனில் புது ஸ்கிரீன் லாக் வைத்துக் கொள்ளும் வசதி வழங்கப்படுவதாக கூறப்பட்டது. தற்போது ஆண்ட்ராய்டு மற்றும் ஐஒஎஸ் வெர்ஷன்களில் கடவுச்சொல் வைத்துக் கொள்ளும் வசதி வழங்கப்பட்டு இருக்கிறது. இதை கொண்டு செயலியை திறக்க பயனர்கள் பாஸ்வேர்டு பதிவிட வேண்டும்.

Photo Courtesy: wabetainfo.com

கிஸ்மோர் நிறுவனத்தின் புதிய கிஸ்ஃபிட் பிலாஸ்மா ஸ்மார்ட்வாட்ச் இந்திய சந்தையில் அறிமுகம் செய்யப்பட்டு இருக்கிறது. புதிய கிஸ்ஃபிட் பிலாஸ்மா மாடலில் 1.9 இன்ச் 2.5D டிஸ்ப்ளே, 240x280 பிக்சல் ரெசல்யூஷன், 550 நிட்ஸ் பீக் பிரைட்னஸ் கொண்டிருக்கிறது. இதன் வலதுபுறம் உள்ள சுழலும் கிரவுன் கொண்டு வாட்ச் ஃபேஸ், மெனு ஆப்ஷன்களை இயக்க முடியும். இந்த ஸ்மார்ட்வாட்ச்-இல் ஸ்ப்லிட் ஸ்கிரீன் மல்டி டாஸ்கிங் வசதி வழங்கப்பட்டுள்ளது.

கிஸ்ஃபிட் பிலாஸ்மா மாடலில் பயனர் உடல்நலனை காக்க உதவும் ஃபிட்னஸ் அம்சங்கள், ஜிபிஎஸ் உள்ளிட்டவை வழங்கப்பட்டு இருக்கிறது. இந்த ஸ்மார்ட்வாட்ச் யோகா, நீச்சல், ஓட்டப்பயிற்சி, நடைபயிற்சி, கூடைபந்து, இறகு பந்து, கால்பந்து, மிதிவண்டி, ஹைகிங் மற்றும் டிரெகிங் உள்ளிட்டவைகளை டிராக் செய்யும் வசதி கொண்டிருக்கிறது. இத்துடன் 24x7 இதய துடிப்பு சென்சார், உடல் வெப்பநிலை, ஸ்லீப், SpO2 மற்றும் ஸ்டெப் டிராக்கிங் போன்ற வசதிகளும் உள்ளது.

மற்ற அம்சங்களை பொருத்தவரை பில்ட்-இன் வாய்ஸ் அசிஸ்டண்ட், ப்ளூடூத் காலிங், வயர்லெஸ் சார்ஜிங் வசதி, IP67 தரச்சான்று பெற்ற வாட்டர், டஸ்ட் ரெசிஸ்டண்ட் வசதி வழங்கப்பட்டுள்ளது.

கிஸ்ஃபிட் கிஸ்மோர் பிலாஸ்மா அம்சங்கள்:

பிரீமியம் கேசிங் மற்றும் மென்மையான சிலிகான் ஸ்டிராப்

1.9 இன்ச் UHD ஸ்கிரீன், 240x280 பிக்சல், 550 நிட்ஸ் பீக் பிரைட்னஸ்

ப்ளூடூத் 5 மற்றும் காலிங் வசதி

ஜிபிஎஸ்

சுழலும் கிரவுன் கண்ட்ரோல்

5 மெனு ஸ்டைல்கள், பிரைவசி லாக், ஸ்ப்லிட் ஸ்கிரீன்

வாய்ஸ் அசிஸ்டண்ட் வசதி

உடல் ஆரோக்கிய சென்சார்கள்

கிளவுட் சார்ந்த வாட்ச் ஃபேஸ்கள்

பில்ட் இன் மைக்ரோபோன் மற்றும் ஸ்பீக்கர்

IP 67 தர வாட்டர் மற்றும் டஸ்ட் ரெசிஸ்டண்ட்

ஏழு நாட்களுக்கான பேட்டரி பேக்கப்

வயர்லெஸ் சார்ஜிங் வசதி

இந்திய சந்தையில் கிஸ்ஃபிட் பிலாஸ்மா ஸ்மார்ட்வாட்ச்- பிளாக், நேவி புளூ மற்றும் பர்கண்டி என மூன்ற வித நிறங்களில் கிடைக்கிறது. இதன் விலை அறிமுக சலுகையாக ரூ. 1,799 என நிர்ணயம் செய்யப்பட்டு உள்ளது. இதன் உண்மை விலை ரூ. 1999 ஆகும். விற்பனை கிஸ்ஃபிட் அதிகாரப்பூர்வ வலைதளம் மற்றும் ஃப்ளிப்கார்டில் நடைபெறுகிறது.

இந்தியாவை சேர்ந்த AIoT பிராண்டு ஃபயர் போல்ட் இந்திய சந்தையில் தனது புது ஸ்மார்ட்வாட்ச்-ஐ அறிமுகம் செய்து இருக்கிறது. புதிய ஃபயர் போல்ட் கிலேடியேட்டர் ஸ்மார்ட்வாட்ச் 1.96 இன்ச் டிஸ்ப்ளே, முழு சார்ஜ் செய்தால் அதிகபட்சம் ஏழு நாட்களுக்கு தேவையான பேட்டரி பேக்கப் வழங்குகிறது. டிசைனை பொருத்தவரை இந்த ஸ்மார்ட்வாட்ச் தோற்றத்தில் ஆப்பிள் வாட்ச் அல்ட்ரா போன்றே காட்சியளிக்கிறது.

இத்துடன் சீராக இயங்கும் கிரவுன், 123 ஸ்போர்ட்ஸ் மோட்கள், இதய துடிப்பு சென்சார், ஸ்கிராட்ச் மற்றும் வாட்டர் ரெசிஸ்டண்ட் வசதி கொண்டிருக்கிறது. இதில் உள்ள 1.96 இன்ச் டிஸ்ப்ளே HD ரெசல்யூஷன், 600 நிட்ஸ் பீக் பிரைட்னஸ் வழங்குகிறது. அல்ட்ரா நேரோ ஃபிரேம் டிசைன், IP667 தரச் சான்றுடன் ஃபயர் போல்ட் கிலேடியேட்டர் டஸ்ட் மற்றும் கிராக் ரெசிஸ்டண்ட் வசதியும் கொண்டிருக்கிறது.

ப்ளூடூத் காலிங் வசதி கொண்ட ஃபயர் போல்ட் கிலேடியேட்டர் ஸ்மார்ட்வாட்ச் பில்ட்-இன் ஸ்பீக்கர் மற்றும் மைக்ரோபோன் கொண்டிருக்கிறது. இதில் காண்டாக்ட்ஸ் மற்றும் டயலர் ஆப்கள் பிரீலோடு செய்யப்பட்டுள்ளன. 123 ஸ்போர்ட்ஸ் மோட்களை கொண்டிருக்கும் ஃபயர் போல்ட் கிலேடியேட்டர் ஸ்மார்ட்வாட்ச் 5 ஜிபிஎஸ் அசிஸ்ட் மோட்களை கொண்டிருக்கிறது. 24x7 இதய துடிப்பு சென்சார் வசதியும் இந்த ஸ்மார்ட்வாட்ச்-இல் உள்ளது.

புதிய ஃபயர் போல்ட் கிலேடியேட்டர் ஸ்மார்ட்வாட்ச் முழு சார்ஜ் செய்தால் ஏழு நாட்களுக்கு தேவையான பேட்டரி லைஃப் வழங்குகிறது. மேலும் இதன் ஸ்டாண்ட் பை 20 நாட்கள் ஆகும். ப்ளூடூத் காலிங் பயன்படுத்தும் போது இரண்டு நாட்களுக்கு பேட்டரி லைஃப் வழங்குவதோடு, குயிக் சார்ஜிங் வசதியும் கொண்டிருக்கிறது. அதன்படி பத்து நிமிடங்கள் இந்த ஸ்மார்ட்வாட்ச்-ஐ சார்ஜ் செய்தால் 24 மணி நேரத்திற்கான பேட்டரி பேக்கப் கிடைக்கும்.

இந்திய சந்தையில் ஃபயர் போல்ட் கிலேடியேட்டர் ஸ்மார்ட்வாட்ச்- பிளாக், புளூ, கோல்டு, பிளாக் & கோல்டு என நான்கு விதமான நிறங்களில் கிடைக்கிறது. இதன் விலை ரூ. 2 ஆயிரத்து 499 ஆகும். விற்பனை டிசம்பர் 30 மதியம் 12 மணிக்கு அமேசான் வலைதளத்தில் துவங்குகிறது.

டிசோ பிராண்டின் புது ட்ரூ வயர்லெஸ் இயர்பட்ஸ் இந்திய சந்தையில் சத்தமின்றி அறிமுகம் செய்யப்பட்டு இருக்கிறது. டிசோ பட்ஸ் Z பவர் என அழைக்கப்படும் புது இயர்பட்ஸ் அந்நிறுவனம் ஏற்கனவே அறிமுகம் செய்த டிசோ பட்ஸ் Z ப்ரோ மாடலின் மேம்பட்ட வெர்ஷன் ஆகும். டிசோ பிராண்டின் புதிய ட்ரூ வயர்லெஸ் இயர்போன் பட்ஜெட் பிரிவில் விற்பனைக்கு அறிமுகம் செய்யப்பட்டு உள்ளது.

அம்சங்களை பொருத்தவரை புதிய டிசோ பட்ஸ் Z பவர் மாடலில் 10 மில்லிமீட்டர் டைனமிக் டிரைவர்கள், என்விரான்மெண்டல் நாய்ஸ் கேன்சலேஷன் வசதி, பூஸ்ட் பிளஸ் அல்காரிதம், 88ms லோ லேடன்சி மோட் வழங்கப்பட்டு இருக்கிறது. செமி இன்-இயர் ரக ட்ரூ வயர்லெஸ் இயர்பட்ஸ் என்ற வகையில், இந்த மாடல் ஸ்டெம் மற்றும் சிலிகான் இயர் டிப்களை கொண்டிருக்கிறது.

IPX4 சான்று பெற்ற வாட்டர் ரெசிஸ்டண்ட் வசதி கொண்டிருக்கும் டிசோ பட்ஸ் Z பவர் மாடலின் அம்சங்களை ஸ்டெம் பகுதியில் இருந்து இயக்கும் வசதி வழங்கப்பட்டு இருக்கிறது. 380 எம்ஏஹெச் பேட்டரி கொண்டிருக்கும் டிசோ பட்ஸ் Z பவர் மாடல் சார்ஜிங் கேஸ் சேர்த்து 30 மணி நேரத்திற்கான பேட்டரி பேக்கப் வழங்குகிறது. ஒவ்வொரு இயர்பட்-ம் ஏழு மணி நேரத்திற்கான பேக்கப் வழங்குகிறது.

ஃபாஸ்ட் சார்ஜிங் வசதி கொண்டிருப்பதால் இந்த இயர்பட்ஸ்-ஐ பத்து நிமிடங்களுக்கு குயிக் சார்ஜ் செய்யும் போது மூன்று நேரத்திற்கான பேட்டரி பேக்கப் கிடைக்கும். லீஃப் கிரீன், ஆனிக்ஸ் பிளாக் மற்றும் பியல் வைட் என மூன்று வித நிறங்களில் கிடைக்கும் டிசோ பட்ஸ் Z பவர் விலை ரூ. 1,999 என நிர்ணயம் செய்யப்பட்டுள்ளது. விற்பனை ப்ளிப்கார்ட் மற்றும் சில்லறை விற்பனை மையங்களில் நடைபெறுகிறது.

ரிலையன்ஸ் ஜியோ நிறுவனம் தினமும் 2 ஜிபி டேட்டா வழங்கும் புது சலுகையை அறிவித்து இருக்கிறது. பிரீபெயிட் பயனர்களுக்கு அறிவிக்கப்பட்டு இருக்கும் புது சலுகையின் விலை ரூ. 749 ஆகும். இதில் தினமும் 2 ஜிபி டேட்டா, அன்லிமிடெட் வாய்ஸ் கால், எஸ்எம்எஸ் போன்ற பலன்கள் வழங்கப்படுகிறது. 90 நாட்கள் வேலிடிட்டி கொண்ட புது சலுகையில் மொத்தம் 180 ஜிபி டேட்டா கிடைக்கும்.

ஜியோ ரூ. 719 சலுகையும் இதே போன்ற பலன்களை வழங்கி வருகிறது. எனினும், இதன் வேலிடிட்டி 84 நாட்கள் ஆகும். இவை தவிர ரூ. 249 - 23 நாட்கள், ரூ. 299 - 28 நாட்கள், ரூ. 533 - 56 நாட்கள், ரூ. 2 ஆயிரத்து 879 - 365 நாட்கள் வேலிடிட்டி வழங்கும் சலுகைகளை ரிலையன்ஸ் ஜியோ வழங்கி வருகிறது. இந்த சலுகைகள் அனைத்திலும் தினமும் 2 ஜிபி டேட்டா வழங்குகின்றன.

மற்ற சலுகைகளை போன்றே புது சலுகையிலும் ஜியோடிவி, ஜியோசினிமா, ஜியோசெக்யுரிட்டி மற்றும் ஜியோகிளவுட் என ஏராளமான ஜியோ சேவைகளின் சந்தா வழங்கப்படுகிறது. புது சலுகை மட்டுமின்றி ரிலையன்ஸ் ஜியோ நிறுவனம் தனது பயனர்களுக்கு அன்லிமிடெட் 5ஜி டேட்டாவை வழங்கி வருகிறது. எனினும், இந்த சலுகை ரூ. 239 அல்லது அதற்கும் அதிக சலுகையை ரிசார்ஜ் செய்திருப்பவர்களுக்கு மட்டுமே வழங்கப்படும்.

ரிலையன்ஸ் ஜியோ அறிவித்து இருக்கும் புதிய ரூ. 749 விலை சலுகை ஜியோ அதிகாரப்பூர்வ வலைதளம், மைஜியோ செயலி உள்ளிட்ட தளங்களில் கிடைக்கிறது. இதுதவிர மூன்றாம் தரப்பு செக்பாயிண்ட்களிலும் இந்த சலுகை கிடைக்கும் என எதிர்பார்க்கலாம்.

போட் நிறுவனம் இந்திய சந்தையில் புது ஸ்மார்ட்வாட்ச்-ஐ அறிமுகம் செய்து இருக்கிறது. வேவ் சீரிசில் அறிமுகமாகி இருக்கும் புது ஸ்மார்ட்வாட்ச் போட் வேவ் எலெக்ட்ரா என அழைக்கப்படுகிறது. பட்ஜெட் விலையில் அறிமுகமாகி இருக்கும் இந்த ஸ்மார்ட்வாட்ச் நாய்ஸ் கலர்ஃபிட் லூப், அமேஸ்ஃபிட் பாப் 2 மற்றும் சில ஸ்மார்ட்வாட்ச் மாடல்களுக்கு போட்டியாக அமைகிறது.

புதிய போட் வேவ் எலெக்ட்ரா ஸ்மார்ட்வாட்ச் சதுரங்க வடிவம் கொண்ட டயல், 1.81 இன்ச் டிஸ்ப்ளே, HD ரெசல்யூஷன், 550 நிட்ஸ் பீக் பிரைட்னஸ், IP 68 தர டஸ்ட், ஸ்வெட் மற்றும் வாட்டர் ரெசிஸ்டண்ட் வசதி கொண்டிருக்கிறது. பிரீமியம் அலுமினியம் அலாய் டிசைன் கொண்டிருக்கும் இந்த ஸ்மார்ட்வாட்ச்-இல் இதய துடிப்பு சென்சார், SpO2 சென்சார், ஸ்லீப் டிராக்கர் உள்ளது.

இத்துடன் ஆக்டிவிட்டி டிராக்கர், பிரீதிங் டிரெயினிங், ஹைட்ரேஷன் அலர்ட், 100-க்கும் அதிக ஸ்போர்ட்ஸ் மோட்கள் உள்ளன. போட் வேவ் எலெக்ட்ரா ஸ்மார்ட்வாட்ச் பில்ட்-இன் மைக்ரோபோன், ஸ்பீக்கர் மற்றும் ப்ளூடூத் வசதி கொண்டிருக்கிறது. பயனர்கள் இதில் அதிகபட்சமாக 50 காண்டாக்ட்களை ஸ்டோர் செய்து எளிமையாக அழைப்புகளை மேற்கொள்ளலாம். இந்த ஸ்மார்ட்வாட்ச் கூகுள் அசிஸ்டண்ட் மற்றும் சிரி சப்போர்ட் கொண்டிருக்கிறது.

இவை தவிர மியூசிக் மற்றும் கேமரா கண்ட்ரோல், வானிலை விவரங்கள், ஃபைண்ட் மை போன் போன்ற வசதிகள் உள்ளன. இதில் உள்ள பேட்டரியை முழுமையாக சார்ஜ் செய்தால் ஏழு நாட்களுக்கு தேவையான பேட்டரி பேக்கப் கிடைக்கும். ப்ளூடூத் பயன்படுத்தும் பட்சத்தில் அதிகபட்சம் இரண்டு நாட்களுக்கு பேக்கப் வழங்கும் திறன் கொண்டுள்ளது.

இந்திய சந்தையில் புதிய போட் வேவ் எலெக்ட்ரா ஸ்மார்ட்வாட்ச் பிளாக், புளூ மற்றும் பின்க் என மூன்று விதமான நிறங்களில் கிடைக்கிறது. இதன் விலை அறிமுக சலுகையாக ரூ. 1,799 என நிர்ணயம் செய்யப்பட்டு உள்ளது. விற்பனை டிசம்பர் 24 ஆம் தேதி அமேசான் தளத்தில் துவங்குகிறது.

ஃபிட்ஷாட் நிறுவனம் இந்திய சந்தையில் மகளிருக்கான தனது முதல் ஸ்மார்ட்வாட்ச்- ஃபிட்ஷாட் ஃபிளேர் மாடலை அறிமுகம் செய்து இருக்கிறது. இந்த ஸ்மார்ட்வாட்ச் அழகாக காட்சியளிப்பதோடு, அன்றாட வாழ்க்கைக்கு தேவையான தொழில்நுட்பங்கள் மற்றும் சவுகரியத்தை வழங்குகிறது. முன்னதாக ஃபிட்ஷாட் நிறநுவனத்தின் க்ரிஸ்டல் ஸ்மார்ட்வாட்ச் மாடல் அறிமுகம் செய்யப்பட்ட நிலையில், தற்போது இந்த மாடல் அறிமுகமாகி இருக்கிறது.

புதிய ஃபிட்ஷாட் ஃபிளேர் ஸ்மார்ட்வாட்ச் பிரீமியம் பாகங்களால் உருவாக்கப்பட்டு இருக்கிறது. இதில் 450-நிட்ஸ் IPS எல்சிடி ஸ்கிரீன், காஸ்மிக் டிஸ்ப்ளே உள்ளது. இந்த ஸ்மார்ட்வாட்ச்-இல் டேலைட் ஸ்கிரீன், 60-க்கும் அதிக வாட்ச் ஃபேஸ்கள் வழங்கப்பட்டு இருக்கின்றன. இத்துடன் IP68 தர வாட்டர் ரெசிஸ்டண்ட், UV சென்சார்கள் வழங்கப்பட்டுள்ளன. இதில் உள்ள UV சென்சார்கள், பயனர்களுக்கு UV பற்றி எச்சரிக்கை கொடுக்கும்.

சூரியனின் UV இண்டெக்ஸ் பயனப்டுத்தி பயனர்கள் தொப்பி, கண் கண்ணாடி அல்லது சன்-ஸ்கிரீன் அணிந்து கொள்ள பரிந்துரைக்கிறது. ஸ்மார்ட்வாட்ச் மட்டுமின்றி இது பெண்களுக்கு தேவையான வெல்னஸ் டிராக்கர் போன்றும் செயல்படுகிறது. இதில் SpO2, UV லைட், இதய துடிப்பு, உடல் வெப்பநிலை, மென்ஸ்டுரேஷன் டிராக்கர் போன்ற வசதிகள் உள்ளன.

இத்துடன் கால் ரிமைண்டர்கள், ஷெட்யுல் ரிமைண்டர்கள், ஆப் புஷ் ரிமைண்டர்கள், அலாரம் நோட்டிஃபிகேஷன், சமூகவலைதள அலெர்ட் போன்ற வசதிகள் உள்ளன. பயனர்களுக்கு அழைப்பு அல்லது குறுந்தகவல் வரும் பட்சத்தில் இதில் உள்ள குயிக் மெசேஜஸ் அம்சம் மூலம் அதற்கு பதில் அளிக்க முடியும். ஃபிட்ஷாட் ஃபிளேர் மாடலில் உள்ள 300 எம்ஏஹெச் பேட்டரி முழு சார்ஜ் செய்தால் பத்து நாட்களுக்கு பேட்டரி பேக்கப் வழங்குகிறது.

விலை மற்றும் விற்பனை விவரங்கள்:

ஃபிட்ஷாட் ஃபிளேர் ஸ்மார்ட்வாட்ச் பின்க், புளூ மற்றும் கிரீன் என மூன்று விதமான நிறங்களில் கிடைக்கிறது. இதன் விலை கிறிஸ்துமஸ் சலுகையாக ரூ. 1,999 என நிர்ணயம் செய்யப்பட்டு உள்ளது. இந்த ஸ்மார்ட்வாட்ச்-க்கு ஒரு வருட வாரண்டியும் வழங்கப்படுகிறது.