கணினி

சோனி நிறுவனம் இந்திய சந்தையில் புதிய Vlog கேமராவை அறிமுகம் செய்தது. புதிய சோனி ZV-1F Vlog கேமரா கையடக்க அளவில் Vlog செய்வோர் மற்றும் கிரியேட்டர்களை குறிவைத்து அறிமுகம் செய்யப்பட்டு இருக்கிறது.

பெரும்பாலும் மறுசுழற்சி செய்யப்பட்ட பொருட்களால் உருவாக்கப்பட்டு இருக்கும் சோனி ZV-1F Vlog கேமராவின் வொவென் ஃபேப்ரிக்குகளும் தாவரம் சார்ந்தே பயன்படுத்தப்பட்டு உள்ளன. புதிய Vlog கேமரா GP-VPT2BT ஷூடிங் க்ரிப் மற்றும் வயர்லெஸ் ரிமோட் கமாண்டர், வெளிப்புற மைக்ரோபோன் உள்ளிட்டவைகளுடன் இணைந்து இயங்கும் வசதி கொண்டிருக்கிறது.

மேலும் இதில் 7.5 செ.மீ. அளவில் எல்சிடி டச் டிஸ்ப்ளே, பொக்கே ஸ்விட்ச் பட்டன் வழங்கப்பட்டு இருக்கிறது. இதை கொண்டு பேக்கிரவுண்ட் பொக்கே மற்றும் ஃபோக்கஸ் இடையே சீராக மாற்றிக் கொள்ளலாம். முன்னதாக 2022 அக்டோபர் மாத வாக்கில் ZV-1F மாடலை சோனி அறிவித்த நிலையில், தற்போது இந்த மாடல் இந்தியாவில் அறிமுகம் செய்யப்பட்டு இருக்கிறது.

புதிய சோனி கேமராவில் 20.1MP ரெசல்யுஷன் கொண்ட எக்ஸ்மோஸ் RS CMOS சென்சார், ஜெய்ஸ் ஆப்டிக்ஸ், அதிக தரமுள்ள ஆடியோ பதிவு செய்யும் வசதி, விண்ட் ஸ்கிரீன், டைரக்ஷனல் 3 கேப்ஸ்யுல் மைக் உள்ளது. புதிய சோனி ZV-1F Vlog கேமராவின் விலை ரூ. 50 ஆயிரத்து 690 என நிர்ணயம் செய்யப்பட்டு உள்ளது.

இந்தியாவில் சோனி ZV-1F Vlog கேமராவின் விற்பனை அனைத்து சோனி செண்டர்கள், ஆல்ஃபா ஃபிளாக்ஷிப் ஸ்டோர்கள், சோனி அதிகாரப்பூர்வ விற்பனை மையங்கள், ப்ளிப்கார்ட், அமேசான் மற்றும் முன்னணி மின்சாதன விற்பனை மையங்களில் நாளை (ஏப்ரல் 6) முதல் விற்பனைக்கு கிடைக்கிறது.

ஒன்பிளஸ் நிறுவனம் நார்ட் பட்ஸ் 2 பெயரில் புதிய நார்ட் சீரிஸ் ட்ரூ வயர்லெஸ் இயர்போனினை இந்திய சந்தையில் அறிமுகம் செய்தது. புதிய நார்ட் பட்ஸ் 2 மாடலில் 25db ஆக்டிவ் நாய்ஸ் கேன்சலேஷன் வசதி, ப்ளூடூத் 5.3, ஒன்பிளஸ் ஃபாஸ்ட் பேர், டால்பி அட்மோஸ், 94ms அல்ட்ரா லோ லேடன்சி மற்றும் 12.4 டைட்டானியம் டைனமிக் டிரைவர்கள் போன்ற அம்சங்கள் உள்ளன.

இந்த இயர்போன்களில் டச் கண்ட்ரோல், IP55 தர வாட்டர் மற்றும் ஸ்வெட் ரெசிஸ்டண்ட் வசதி உள்ளது. இதன் இயர்பட் ஒவ்வொன்றும் 4.7 கிராம் எடை அளவில் உள்ளன. இதனால் இவற்றை காதுகளில் அணிவது சவுகரிய அனுபவத்தை வழங்கும். இயர்பட்ஸ் உடன் மூன்று வித அளவுகளில் சிலிகான் இயர்பிளக் வழங்கப்படுகின்றன.

ஒன்பிளஸ் நார்ட் பட்ஸ் 2 அம்சங்கள்:

12.4mm டைட்டானியம் டைனமிக் டிரைவர், பேஸ்வேவ் என்ஹான்ஸ்மெண்ட் அல்காரிதம்

ப்ளூடூத் 5.3, AAC கோடெக், டால்பி அட்மோஸ், ஒன்பிளஸ் ஃபாஸ்ட் பேர்

டூயல் கோர் பிராசஸர், 25db ஆக்டிவ் நாய்ஸ் கேன்சலேஷன், டிரான்ஸ்பேரண்ட் மோட்

டூயல் மைக்ரோபோன், ஏஐ நாய்ஸ் கேன்சலேஷன்

மாஸ்டர் ஈக்வலைசர்

டச் கண்ட்ரோல்

94ms லோ லேடன்சி, ப்ரோ கேமிங்

ஸ்வெட் மற்றும் வாட்டர் ரெசிஸ்டண்ட் (IP55)

41 எம்ஏஹெச் பேட்டரி

480 எம்ஏஹெச் சார்ஜிங் கேஸ்

விலை மற்றும் விற்பனை விவரங்கள்:

ஒன்பிளஸ் நார்ட் பட்ஸ் 2 மாடல் லைட்னிங் வைட் மற்றும் தண்டர் கிரே என இரண்டு நிறங்களில் கிடைக்கிறது. இதன் விலை ரூ. 2 ஆயிரத்து 999 என நிர்ணயம் செய்யப்பட்டு உள்ளது. இதன் விற்பனை அமேசான், ப்ளிப்கார்ட், ஒன்பிளஸ், மிந்த்ரா போன்ற வலைதளங்களில் ஏப்ரல் 11 ஆம் தேதி நடைபெறுகிறது. இதுதவிர ஒன்பிளஸ் எக்ஸ்பீரின்ஸ் ஸ்டோர் மற்றும் தேர்வு செய்யப்பட்ட பார்ட்னர் ஸ்டோர்களிலும் நடைபெற இருக்கிறது.

ட்ரூக் நிறுவனத்தின் புதிய குறைந்த விலை இயர்பட்ஸ் இந்திய சந்தையில் அறிமுகம் செய்யப்பட்டு உள்ளது. பட்ஸ் வைப் என அழைக்கப்படும் புதிய இயர்பட்ஸ் ட்ரூக் பட்ஸ் A1 மாடலை தொடர்ந்து வெளியாகி இருக்கிறது.

புதிய ட்ரூக் பட்ஸ் வைப் மாடலில் டூயல் நாய்ஸ் கேன்சலேஷன், குவாட் மைக் ENC, ப்ளூடூத் 5.3 உள்ளிட்டவை வழங்கப்பட்டு இருக்கிறது. இதில் உள்ள 13mm டைட்டானியம் ஸ்பீக்கர் டிரைவர்கள் சினிமா தர ஆடியோ அனுபவத்தை ஆழமான பேஸ் மற்றும் தெளிவான ஆடியோவை வெளிப்படுத்துகிறது. இத்துடன் நான்கு பிரீசெட் EQ மோட்கள் வழங்கப்படுகின்றன.

டிரான்ஸ்பேரண்ட் கேஸ் டிசைன் கொண்டிருக்கும் ட்ரூக் பட்ஸ் வைப் டிஜிட்டல் பேட்டரி இண்டிகேட்டர், 48 மணி நேர பிளேடைம், எளிய கனெக்டிவிட்டி மற்றும் இன்ஸ்டண்ட் பேரிங் தொழில்நுட்பம், டேப் டூ கண்ட்ரோல் போன்ற அம்சங்கள் வழங்கப்படுகின்றன.

ட்ரூக் பட்ஸ் வைப் அம்சங்கள்:

டிரான்ஸ்பேரண்ட் கேஸ் டிசைன் மற்றும் டிஜிட்டல் பேட்டரி இண்கேட்டர்

ட்ரூ வயர்லெஸ் இன்-இயர்

13mm ரியல் டைட்டானியம் டிரைவர்கள்

40ms அல்ட்ரா லோ லேடன்சி, கேம் மோட்

டூயல் நாய்ஸ் கேன்சலேஷன்

அதிகபட்சம் 35db வரையிலான ANC

பிரீசெட் EQ மோட்கள்: டைனமிக் ஆடியோ, பாஸ் பூஸ்ட், மூவி மோட்

ப்ளூடூத் 5.3, கோடெக் சப்போர்ட், இன்ஸ்டண்ட் பேரிங்

40 எம்ஏஹெச் இயர்பட்ஸ்

300 எம்ஏஹெச் பேட்டரி சார்ஜிங் கேஸ்

48 மணி நேர பிளேபேக்

டைப் சி, ஃபாஸ்ட் சார்ஜிங்

குவாட் மைக் ENC

டச் கண்ட்ரோல், வாய்ஸ் அசிஸ்டண்ட் சப்போர்ட்

IPX5 வாட்டர் ரெசிஸ்டண்ட்

விலை மற்றும் விற்பனை விவரங்கள்:

ட்ரூக் பட்ஸ் வைப் ANC மாடலின் விலை அறிமுக சலுகையாக ரூ. 1,499 என நிர்ணயம் செய்யப்பட்டு உள்ளது. இதன் உண்மை விலை ரூ. 1699 ஆகும். ட்ரூக் பட்ஸ் வைப் மாடல் அமேசான், ப்ளிப்கார்ட் வலைதளங்களில் நடைபெற இருக்கிறது.

பிடிரான் நிறுவனம் இந்திய சந்தையில் தனது புதிய பேஸ்பாட்ஸ் என்கோர் ட்ரூ வயர்லெஸ் இயர்போனை அறிமுகம் செய்தது. கடந்த பிப்ரவரி மாத வாக்கில் பேஸ்பட்ஸ் ஜென் மாடலை தொடர்ந்து புதிய இயர்பட்ஸ் அறிமுகமாகி இருக்கிறது. புதிய பேஸ்பாட்ஸ் என்கோர் மாடல் நீண்ட நேர பயன்பாடுகளுக்கு ஏற்ப சவுகரிய அனுபவத்தை வழங்கும் வகையில் உருவாக்கப்பட்டு இருக்கிறது.

புதிய இயர்பட்ஸ்-இல் மேம்பட்ட நாய்ஸ் கேன்சலிங் தொழில்நுட்பம் உள்ளது. இது 90 சதவீத பேக்கிரவுண்ட் சத்தத்தை குறைக்கிறது. இதன் மூலம் அதிக சத்தமுள்ள பகுதிகளிலும் தெளிவான ஆடியோவை கேட்க முடியும். இத்துடன் பில்ட்-இன் ட்ரூடாக் ENC தொழில்நுட்பம் மற்றும் நான்கு மைக்ரோபோன்கள் வழங்கப்பட்டுள்ளன.

இதில் உள்ள பேட்டரியை முழுமையாக சார்ஜ் செய்தால், சார்ஜிங் கேஸ் உள்பட 50 மணி நேரத்திற்கான பேக்கப் கிடைக்கும். இதில் ப்ளூடூத் 5.3, டச் கண்ட்ரோல்கள், வாய்ஸ் அசிஸ்டண்ட், வாட்டர் ரெசிஸ்டண்ட் போன்ற அம்சங்கள் உள்ளது.

பிடிரான் பேஸ்பாட்ஸ் என்கோர் அம்சங்கள்:

10mm டைனமிக் பாஸ் பூஸ்ட் டிரைவர்கள் ட்ரூசோனிக்

ப்ளூடூத் 5.3, 1-ஸ்டெப் பேரிங் மற்றும் ஆட்டோ ரி-கனெக்ட்

குவாட் மைக், ENC ட்ரூடாக் தொழில்நுட்பம்

லோ லேடன்சி ஆடியோ, வீடியோ சின்க், ஸ்டீரியோ மற்றும் மோனோ பட்

அதிகபட்சம் 50 மணி நேர பேட்டரி பேக்கப்

பத்து நிமிட சார்ஜிங்கில் 200 நிமிடங்கள் பயன்படுத்தும் வசதி

400 எம்ஏஹெச் பேட்டரி

டைப் சி சார்ஜிங் கேஸ்

டச் கண்ட்ரோல் மற்றும் வாய்ஸ் அசிஸ்டண்ட்

IPX4 வாட்டர் ரெசிஸ்டண்ட்

விலை மற்றும் விற்பனை விவரங்கள்:

பிடிரான் பேஸ்பாட்ஸ் என்கோர் மாடல் மிட்நைட் பிளாக், நியான் புளூ மற்றும் கிராஃபைட் பிளாக் நிறங்களில் கிடைக்கிறது. அறிமுக சலுகையாக குறுகிய காலக்கட்டத்திற்கு பிடிரான் பேஸ்பாட்ஸ் என்கோர் மாடல் ரூ. 899 விலையில் விற்பனை செய்யப்படுகிறது. அதன்பின் இதன் விலை ரூ. 1199 என மாறிவிடும்.

நோக்கியா சமீபத்தில் தான், தனது லோகோவை மாற்றி முற்றிலும் புதிதாக அதிநவீன தோற்றத்தை வழங்கியது. பல ஆண்டுகளுக்கு பின் நோக்கியா லோகோவில் மாற்றம் செய்யப்பட்டது. இதைத் தொடர்ந்து நோக்கியா C32, நோக்கியா C22, நோக்கியா C12 மற்றும் நோக்கியா C12 ப்ரோ என பல்வேறு புதிய ஸ்மார்ட்போன்களை நோக்கியா பிராண்டு அறிமுகம் செய்தது.

இந்த வரிசையில், நோக்கியா பியுர் யுஐ அறிவிக்கப்பட்டு இருக்கிறது. இந்த யுஐ வர்த்தக ரீதியிலான பொருட்களில் பயன்படுத்தப்பட உள்ளது. குறிப்பாக இந்த யுஐ ஹெச்எம்டி உற்பத்தி செய்யும் நோக்கியா ஸ்மார்ட்போன்களில் வழங்கப்படாது. புதிய யுஐ தனித்துவ தோற்றம் மற்றும் மிக எளிய டிசைன் கொண்டிருக்கிறது.

முற்றிலும் புதிய டிசைன் பாரம்பரியம் கொண்டிருக்கும் நோக்கியா பியுர் யுஐ, நோக்கியா எதிர்காலத்தில் உருவாக்கும் புதிய சாதனங்களில் மட்டும் வழங்கப்பட இருக்கிறது. இதன் ஸ்டைல் சிறப்பாகவும், பன்முகத்தன்மை கொண்டதாகவும், எதிர்காலத்திற்கு ஏற்ற வகையிலும் இருக்க வேண்டும் என்ற அடிப்படையில் உருவாக்கப்பட்டு இருப்பதாக நோக்கியா தெரிவித்துள்ளது.

புதிய தோற்றத்தை ஏற்படுத்திக் கொடுக்கும் நோக்கியா பியுர் யுஐ பின்னணியில் நோக்கியா பியுர் இண்டர்ஃபேஸ் பயன்படுத்தப்பட இருக்கிறது. பியுர் யுஐ-இல் புதிய ஐகான்கள், கஸ்டமைசேஷன் வசதியுடன் கிடைக்கின்றன. இவை குறிப்பிட்ட சாதனத்திற்கு ஏற்ற பயன்களை வழங்கும் என தெரிகிறது. இதில் உள்ள அனிமேஷன்கள் மென்மையாக காட்சியளிக்கின்றன. 

ஏசர் நிறுவனம் இந்திய சந்தையில் புதிய W சீரிஸ் 4K அல்ட்ரா HD QLED ஸ்மார்ட் ஆண்ட்ராய்டு டிவி மாடல்களை அறிமுகம் செய்தது. கடந்த ஆண்டு செப்டம்பர் மாதம் H மற்றும் S சீரிஸ் ஆண்ட்ராய்டு டிவி மாடல்களை அறிமுகம் செய்த நிலையில், தற்போது புதிய W சீரிஸ் மாடல் அறிமுகம் செய்யப்பட்டு இருக்கிறது.

ஏசர் W சீரிஸ் 4K அல்ட்ரா HD QLED ஸ்மார்ட் ஆண்ட்ராய்டு டிவி மாடல்களில் மேம்பட்ட தொழில்நுட்பம் மற்றும் அதிநவீன அம்சங்கள் உள்ளது. 55 இன்ச் மற்றும் 65 இன்ச் என இருவித அளவுகளில் கிடைக்கும் புதிய ஸ்மார்ட் டிவிக்கள் 3840x2160 பிக்சல் ரெசல்யூஷன் மற்றும் 60Hz ரிப்ரெஷ் ரேட் கொண்டுள்ளன.

இதில் உள்ள QLED பேனல் கச்சிதமான மற்றும் பிரகாசமான நிறங்களை வெளிப்படுத்துகிறது. ஏசர் W சீரிஸ் மாடல்கள் அசத்தலான டிசைன், ஃபிரேம்லெஸ், எட்ஜ்-டு-எட்ஜ் டிஸ்ப்ளே மூலம் அதிநவீன தோற்றம் கொண்டிருக்கிறது. இத்துடன் ஃபுல் மோஷன் மெல்லிய வால் மவுண்ட் வழங்கப்படுகிறது. இது மெல்லிய தோற்றத்தை வெளிப்படுத்துகிறது.

புதிய ஏசர் டிவிக்களின் மிகமுக்கிய அம்சங்களில் ஒன்றாக சூப்பர் ஆண்டி-கிளேர் தொழில்நுட்பம் உள்ளது. இது அதிக வெளிச்சமுள்ள பகுதிகளிலும் காட்சிகளை தெளிவாக பார்க்க செய்கிறது. இத்துடன் குவாண்டம் பிக்சர் தொழில்நுட்பம், 4K HDR, HDR 10+ HLG, டால்பி விஷன், 100 சதவீத கலர் வால்யூம் கொண்ட QLED வழங்கப்பட்டு இருக்கிறது.

இந்த டிவிக்களில் 30 வாட் ஆரல் சவுண்ட் மற்றும் டால்பி அட்மோஸ் சப்போர்ட் உள்ளது. இத்துடன் ஆண்ட்ராய்டு டிவி 11, கூகுள் ஆப்ஸ், ஃபார் ஃபீல்டு மைக், மோஷன் சென்சார் மற்றும் வாய்ஸ் கண்ட்ரோல் வசதி கொண்ட ரிமோட் வழங்கப்பட்டுள்ளது. இவை தவிர 64-பிட் குவாட் கோர் பிராசஸர், 2 ஜிபி ரேம், 16 ஜிபி மெமரி வழங்கப்பட்டு இருக்கிறது. இந்த டிவியுடன் மூன்று ஆண்டுகள் வாரண்டி வழங்கப்படுகிறது.

விலை மற்றும் விற்பனை விவரங்கள்:

ஏசர் W சீரிஸ் 4K QLED டிவி 55 இன்ச் மாடல் ரூ. 69 ஆயிரத்து 999 என துவங்குகிறது. ஏசர் W சீரிஸ் 4K QLED டிவி 65 இன்ச் மாடலின் விலை ரூ. 89 ஆயிரத்து 999 என நிர்ணயம் செய்யப்பட்டுள்ளது. இரண்டு புதிய டிவி மாடல்களின் விற்பனையும் ப்ளிப்கார்ட், அமேசான் உள்பட முன்னணி ஆன்லைன் வலைதளங்களில் நடைபெறுகிறது.

ஆப்பிள் நிறுவனம் தனது சர்வதேச டெவலப்பர்கள் நிகழ்வு (WWDC 2023) ஜூன் 5 ஆம் தேதி நடைபெறும் என அறிவித்து இருக்கிறது. விர்ச்சுவல் முறையில் நடைபெறும் நிகழ்வு ஜூன் 5 ஆம் தேதி துவங்கி ஜூன் 9 ஆம் தேதி வரை நடைபெற இருக்கிறது. ஆப்பிள் பார்க் வளாகத்தில் டெவலப்பர்கள் நேரடியாக கலந்து கொள்ளும் நிகழ்ச்சிகளுக்கும் ஏற்பாடு செய்யப்பட்டுள்ளது.

இதுவரை நடைபெற்ற டெவலப்பர்கள் நிகழ்வுகளிலேயே மிகவும் பெரியது மற்றும் அதிக சுவாரஸ்யங்கள் நிறைந்த நிகழ்வாக WWDC 2023 இருக்கும் என ஆப்பிள் நிறுவனத்தின் சர்வதேச டெவலப்பர் தொடர்பாளர் பிரிவு துணை தலைவர் சூசன் பிரிஸ்காட் தெரிவித்து இருக்கிறார். "WWDC 2023 எங்களின் மிகப் பெரிய மற்றும் அதிக சுவாரஸ்யங்கள் நிறைந்த ஒன்றாக இருக்க போகிறது. இந்த சிறப்பு நிகழ்ச்சியின் போது ஆன்லைனிலும், நேரிலும் உங்களை பார்க்க காத்திருக்க முடியவில்லை!" என்று அவர் தெரிவித்தார்.

வழக்கமாக ஆப்பிள் நிறுவனம் தனது வருடாந்திர சர்வதேச டெவலப்பர்கள் நிகழ்வில் புதிய ஐஒஎஸ், மேக்ஒஎஸ், ஐபேட் ஒஎஸ், வாட்ச் ஒஎஸ் மற்றும் டிவி ஒஎஸ் உள்ளிட்டவைகளை அறிவிக்கும். அதே வரிசையில், இந்த ஆண்டும் ஆப்பிள் தனது புதிய மென்பொருள் சார்ந்த அறிவிப்புகளை WWDC 2023 நிகழ்வில் வெளியிடவுள்ளது.

அதன்படி இந்த ஆண்டு பல்வேறு மேம்படுத்தல்கள் மற்றும் புதிய அம்சங்கள் நிறைந்த ஐஒஎஸ் 17 வெர்ஷனை ஆப்பிள் அறிமுகம் செய்யும் என தெரிகிறது. ஆப்பிள் தெரிவித்து இருப்பதை வைத்து பார்க்கும் போது, இந்த ஆண்டின் WWDC நிகழ்வு சிறப்பான ஒன்றாக இருக்கும். கடந்த சில மாதங்களில் வெளியான தகவல்களை உண்மையாக்கும் பட்சத்தில் ஆப்பிள் தனது விர்ச்சிவல் ரியாலிட்டி அல்லது ஆக்மெண்டெட் ரியாலிட்டி ஹெட்செட்-ஐ WWDC 2023 நிகழ்வில் அறிமுகம் செய்யுமா என்ற எதிர்பார்ப்பு எழுந்துள்ளது.

இவைதவிர ஆப்பிள் நிறுவனம் முற்றிலும் புதிய மேக் ஹார்டுவேர் சாதனத்தை இந்த நிகழ்வில் அறிமுகம் செய்யலாம் என கூறப்படுகிறது. ஆப்பிள் சமீபத்தில் வெளியிட்டு வரும் டீசர்களின் படி சிலிகான் மேக் ப்ரோ மாடலும் இதே நிகழ்வில் அறிமுகம் செய்யப்படலாம். இவற்றுடன் 15 இன்ச் மேக்புக் ஏர் மாடலும் இணையும் என கூறப்படுகிறது. கடந்த ஆண்டு நிகழ்வில் ஆப்பிள் 13 இன்ச் மேக்புக் ஏர் மாடலை அறிமுகம் செய்தது. இதன் காரணமாக புதிய மேக்புக் ஏர் அறிமுகம் செய்யப்படும் என்றே தெரிகிறது.

சமீபத்தில் தான் ஆப்பிள் நிறுவனம் தனது ஐஒஎஸ் 16.4 வெர்ஷனை வெளியிட்டது. புதிய ஐஒஎஸ் வெர்ஷன் உலகம் முழுக்க ஐபோன் பயனர்களுக்கு வழங்கப்படுகிறது. இதில் ஏராளமான புதிய அம்சங்கள், மாற்றங்கள் மேற்கொள்ளப்பட்டு புதிதாக 21 எமோஜிக்கள் சேர்க்கப்பட்டுள்ளன. இவை யுனிகோட் 15.0 கீழ் இடம்பெற்றுள்ளன.

சாம்சங் நிறுவனம் இந்திய சந்தையில் தனது டாப் எண்ட் வாக்யூம் கிளீனர் மாடல்களை அறிமுகம் செய்து இருக்கிறது. இதில் பி-ஸ்போக் ஜெட், ரோபோடிக் ஜெட் பாட் பிளஸ் ஆகிய மாடல்கள் அடங்கும். இவற்றில் பிஸ்போக் ஜெட் மாடல் ஸ்டிக் போன்ற டிசைன் கொண்ட கார்ட்லெஸ் வாக்யூம் கிளீனர் ஆகும். ஜெட் பாட் பிளஸ் மாடல் அதீத திறன் கொண்டிருக்கிறது. இரு மாடல்களும் அதிநவீன வீடுகளுக்கு ஏற்ற வகையில், முக நுட்பமாக இயங்கும் வகையிலும் சிறப்பாக சுத்தம் செய்யும் திறன் கொண்டுள்ளன.

இவற்றில் உள்ள மல்டி-லேயர் ஃபில்ட்ரேஷன் சிஸ்டம் அதிகபட்சம் 99.999 சதவீதம் தூசியில்லா சூழலை உருவாக்கும் என சாம்சங் தெரிவித்துள்ளது. பி-ஸ்போக் ஜெட் வாக்யூம் கிளீனர் சீரிசில் ஏராளமான மாடல்கள் உள்ளன. பி-ஸ்போக் ஜெட் ப்ரோ எக்ஸ்டிரா (வாக்யூம் + மாப்) விலை ரூ. 89 ஆயிரத்து 900 என்றும் பி-ஸ்போக் ஜெட் பெட் (வாக்யூம்) விலை ரூ. 79 ஆயிரத்து 900 என்றும் ஜெட் பாட் பிளஸ் விலை ரூ. 65 ஆயிரத்து 900 என்றும் நிர்ணயம் செய்யப்பட்டு உள்ளது.

புதிய வாக்யூம் கிளீனர் மாடல்களை சாம்சங் அதிகாரப்பூர்வ ஆன்லைன் தளம், சாம்சங் எக்ஸ்க்ளூசிவ் ஸ்டோர், சாம்சங் ஷாப் ஆப் உள்ளிட்டவைகளில் வாங்கிட முடியும். இதுதவிர அமேசான் ஆன்லைன் தளத்திலும் விற்பனைக்கு கிடைக்கிறது.

பி-ஸ்போக் ஜெட் ரேஞ்ச்- ஆல்-இன்-ஒன் கிளீன் ஸ்டேஷன் (வாக்யூம் கிளீனரை சார்ஜ் செய்து தானாக குப்பை தொட்டியை சுத்தம் செய்து கொள்ளும்) மற்றும் அதிநவீன டிஜிட்டல் இன்வெர்டர் மோட்டார் கொண்டிருக்கிறது. இது பி-ஸ்போக் ஜெட் மாடலில் 210 வாட் வரையிலான இழுவை திறனும், ஜெட் பாட் பிளஸ் மாடலில் 2500pa வரையிலான இழுவை திறனை வெளிப்படுத்துகிறது.

இந்த அதிநவீன ரோபோட் பிக்ஸ்பி, அலெக்சா மற்றும் கூகுள் ஹோம் போன்ற வாய்ஸ் ரெகாக்னிஷன் திறன் கொண்டுள்ளன. இதை கொண்டு பயனர்கள் வாய்ஸ் கமாண்ட் மூலம் சுத்தம் செய்வது, மோட்களை மாற்றுவது, செய்திகள் மற்றும் வானிலை அப்டேட்களை கேட்க முடியும். இத்துடன் லைவ் கிளீனிங் ரிபோர்ட் மூலம் ரோபோடிக் ஜெட் பாட் பிளஸ் எங்கு சுத்தம் செய்கிறது என்பதை ரியல்டைமில் டிராக் செய்ய முடியும்.

இதில் உள்ள புது-மைமிக்க நேவிகேஷன் தொழில்நுட்பம் LiDAR சென்சார்களை கொண்டிருக்கிறது. இது ரோபோட் லொகேஷனை எந்நேரமும் டிராக் செய்து கொண்டே இருக்கும். இதன் பயன்பாட்டை மேலும் எளிமையாக்க ஸ்மார்ட்திங்ஸ் ஆப் மூலம் ரிமோட் கண்ட்ரோல் மற்றும் மாணிட்டரிங் வசதி வழங்கப்படுகிறது.

வாட்ஸ்அப் செயலியில் தொடர்ச்சியாக பல்வேறு புதிய அம்சங்கள் வழங்கப்பட்டு வருகின்றன. இதன் மூலம் பயனர்கள் செயலியை பயன்படுத்தும் அனுபவத்தை முற்றிலும் மாற்ற முடியும். சமீபத்தில் வாட்ஸ்அப் வழங்கிய அப்டேட் டெஸ்க்டாப் தளத்திற்கானது ஆகும். இதைத் தொடர்ந்து தற்போது பயனர்கள் மற்றவர்களுக்கு அனுப்பிய மெசேஞ்ச்களை எடிட் செய்யும் வசதி வழங்குவதற்கான பணிகளில் வாட்ஸ்அப் ஈடுபட்டு வருகிறது.

வாட்ஸ்அப் உருவாக்கி வரும் புதிய அம்சம் பயனர்கள் அனுப்பிய மெசேஞ்ச்களை அழிப்பதற்கு மாற்றாக அதில் ஏற்பட்ட பிழையை மட்டும் சரிசெய்யும் வகையில் எடிட் செய்ய முடியும். அனுப்பிய மெசேஞ்ச்களை எடிட் செய்வதற்கு தற்போது 15 நிமிடங்கள் வரை வழங்கப்படுகிறது. இந்த காலக்கெடுவுக்குள் அனுப்பிய மெசேஞ்ச்களை எடிட் செய்து கொள்ள வேண்டும்.

தற்போது வழங்கப்பட்டு இருக்கும் டெலிட் அம்சத்திற்கு மாற்றாக, புதிய அம்சம் இருக்கும். டெலிட் அம்சம் குறுந்தகவலை முழுமையாக அழிக்கச் செய்து வேறொரு தகவலை அனுப்ப உதவி வருகிறது. புதிய அம்சம் குறுந்தகவல்களை அழிக்காமல், அதில் சிறு மாற்றங்களை மேற்கொள்ளச் செய்கிறது. இவ்வாறு செய்த பின் குறுந்தகவல் எடிட் செய்யப்பட்டு இருப்பதை அனுப்பியவர் மற்றும் அதனை பெறுபவர் என இருவருக்கும் தகவல் இடம்பெற்று இருக்கும்.

புதிய அம்சம் வாட்ஸ்அப்-இன் சமீபத்திய வெர்ஷனில் மட்டுமே வழங்கப்படுகிறது. இது மெசேஞ்ச்களை எடிட் செய்வதற்கு மட்டுமே பொருந்தும். இந்த அம்சம் ஐஒஎஸ் பயனர்களுக்காக மட்டும் பிரத்யேகமாக உருவாக்கப்பட்டு வருகிறது. விரைவில் பீட்டா வெர்ஷனில் வழங்கப்பட இருக்கும் இந்த அம்சம் எதிர்கால அப்டேட்களில் அனைவருக்கும் கிடைக்கும்.

இதுதவிர வாட்ஸ்அப் ஐஒஎஸ் வெர்ஷனில் வீடியோ மெசேஞ்ச் அம்சம் வழங்கப்பட இருக்கிறது. இதன் மூலம் பயனர்கள் அதிகபட்சம் 60 நொடிகளுக்கு சிறிய வீடியோ நோட்களை அனுப்பலாம். டெலிகிராமில் வழங்கப்பட்டு இருக்கும் வீடியோ நோட் போன்றே வாட்ஸ்அப்-இல் இந்த அம்சம் வழங்கப்பட இருக்கிறது. பயனர்கள் வாட்ஸ்அப்-இன் கேமரா பட்டனை க்ளிக் செய்து வீடியோக்களை பதிவு செய்து அனுப்பலாம்.

விங்ஸ் நிறுவனம் இந்திய சந்தையில் புதிய ஃபேண்டம் 380 இயர்போனை அறிமுகம் செய்து இருக்கிறது. புதிய விங்ஸ் ஃபேண்டம் 380 முழு சார்ஜ் செய்தால் 50 மணி நேரத்திற்கு பிளேடைம் வழங்குகிறது. ANC மோடில் இந்த இயர்பட்ஸ் 35 மணி நேரத்திற்கு பிளேடைம் வழங்குகிறது. இதில் உள்ள குவாட் மைக் ENC-இல் நா்கு மைக்குகள் உள்ளன. இவை எவ்வித சூழலில் இருந்து பேசினாலும், மற்றவர்களுக்கு குரல் தெளிவாக கேட்க செய்கிறது.

புதிய விங்ஸ் ஃபேண்டம் 380 மாடலில் ப்ளூடூத் 5.3, ஸ்பீடு சின்க், ஒபன் அண்ட் ஆன், கேம் மோட், 40ms அல்ட்ரா லோ லேடன்சி ஆடியோ, 13mm ஹை-ஃபிடிலிட்டி கம்போசிட் டிரைவர்கள், போல்டு பேஸ் மற்றும் ENC மைக்குகள் உள்ளன. புதிய இயர்பட்ஸ் மூலம் விங்ஸ் நிறுவனம் ஆஃப்லைன் தளத்தில் கால்பதிக்கிறது.

விங்ஸ் ஃபேண்டம் 380 அம்சங்கள்:

எர்கோனோமிக் டிசைன்

13mm ஹை-ஃபிடிலிட்டி கம்போசைட் டிரைவர்

டிரான்ஸ்பேரண்ட் மோடில் அதிகபட்சம் 30db வரையிலான ANC

போல்டு பேஸ் தொழில்நுட்பம்

40ms அல்ட்ரா லோ லேடன்சி வழங்கும் பிரத்யேக கேம் மோட்

குவாட் ENC மைக்ரோபோன்

டச் கண்ட்ரோல்கள், வாய்ஸ் அசிஸ்டண்ட் சப்போர்ட்

ப்ளூடூத் 5.3, ஸ்பீடு சின்க்

அதிகபட்சம் 50 மணி நேர பேக்கப் வழங்கும் பேட்டரி

டைப் சி புல்லட் ஃபாஸ்ட் சார்ஜ் சப்போர்ட்

IPX5 வாட்டர் மற்றும் ஸ்வெட் ரெசிஸ்டண்ட்

விங்ஸ் சின்க் ஆப் சப்போர்ட்

விலை மற்றும் விற்பனை விவரங்கள்:

விங்ஸ் ஃபேண்டம் 380 மாடல் அறிமுக சலுகையாக பிளாக் மற்றும் வைட் என இரண்டு நிறங்களில் கிடைக்கிறது. அறிமுக சலுகையாக இதன் விலை ரூ. 1,299 என நிர்ணயம் செய்யப்பட்டு உள்ளது. விற்பனை விங்ஸ் அதிகாரப்பூர்வ வலைதளம், அமேசான் மற்றும் ப்ளிப்கார்ட் தளத்தில் நடைபெறுகிறது.

பிஎஸ்என்எல் நிறுவனம் தனது பிரீபெயிட் சலுகைகளை மாற்றியமைக்கும் பணிகளில் ஈடுபட்டு வருகிறது. பயனர்களுக்கு பல்வேறு வகையான சலுகைகளை அனைவருக்கும் ஏற்ற விலையில் பிஎஸ்என்எல் வழங்கி வருகிறது. தேர்வு செய்யப்பட்ட சில வட்டாரங்களில் பிஎஸ்என்எல் 4ஜி சேவை ஏற்கனவே வழங்கப்பட்டு இருப்பதாக சமீபத்தில் தகவல்கள் வெளியாகி இருந்தது.

அதிக நாட்கள் வேலிடிட்டி கொண்ட சலுகையை தேர்வு செய்ய விரும்புவோருக்காக பிஎஸ்என்எல் நிறுவனம் அசத்தல் அறிவிப்பை வெளியிட்டுள்ளது. அதன்படி புதிய சலுகை 70 நாட்கள் வேலிடிட்டி வழங்குகிறது. பிஎஸ்என்எல் புதிய பிரீபெயிட் சலுகையின் விலை ரூ. 197 என நிர்ணயம் செய்யப்பட்டு உள்ளது.

2021 வாக்கில் அறிமுகம் செய்யப்பட்ட பிஎஸ்என்எல் ரூ. 197 சலுகை 180 நாட்கள் வேலிடிட்டி வழங்கி வந்தது. இதில் 18 நாட்களுக்கு இலவச பலன்கள் வழங்கப்படுகிறது. தற்போது டெலிகாம் துறையில் சலுகை விலை மற்றும் பலன் விவரங்கள் தொடர்ந்து மாற்றப்பட்டு வருகிறது. இதன் காரணமாக பிஎஸ்என்எல் ரூ. 197 சலுகையின் பழைய பலன்கள் மாற்றப்பட்டுவிட்டது.

அதன்படி பிஎஸ்என்எல் ரூ. 197 பிரீபெயிட் சலுகையில் அன்லிமிடெட் வாய்ஸ், டேட்டா (தினமும் 2 ஜிபி), 100 எஸ்எம்எஸ், ஜிங் மியூசிக் உள்ளிட்ட பலன்கள் 15 நாட்களுக்கு வழங்கப்படுகிறது. இந்த சலுகை 70 நாட்கள் வேலிடிட்டி கொண்டிருக்கிறது. பலன்களை பொருத்தவரை இந்த சலுகை தினசரி கட்டணம் ரூ. 2.80 என கணக்கிடப்பட்டு இருக்கிறது.

இலவச பலன்களின் வேலிடிட்டி 15 நாட்கள் மட்டுமே ஆகும். அதன் பின் இவற்றை பயன்படுத்த கட்டணங்கள் வசூலிக்கப்படும். புதிய பிஎஸ்என்எல் ரூ. 197 சலுகை பெரும்பாலான டெலிகாம் வட்டாரங்களில் வழங்கப்பட்டு வருகிறது. எனினும், சில வட்டாரங்களில் இது வழங்கப்படாது என்றே தெரிகிறது.

லண்டனை சேர்ந்த நுகர்வோர் தொழில்நுட்ப நிறுவனமான நத்திங் தனது இரண்டாவது தலைமுறை இயர் (2) இயர்பட்ஸ்-ஐ இந்தியா உள்பட சர்வதேச சந்தையில் சமீபத்தில் அறிமுகம் செய்தது. தற்போது இந்த இயர்பட்ஸ்-க்கான குறுகிய கால விற்பனையை நத்திங் நிறுவனம் அறிவித்து இருக்கிறது.

குறுகிய கால விற்பனை ப்ளிப்கார்ட் மற்றும் மிந்த்ரா வலைத்தளங்களில் நாளை (மார்ச் 25) மதியம் 12 மணிக்கு துவங்க இருக்கிறது. இதுதவிர மார்ச் 28 ஆம் தேதி இதன் விற்பனை துவங்க இருக்கிறது. புதிய இயர்பட்ஸ் அதன் முந்தைய மாடலை போன்றே டிரான்ஸ்பேரண்ட் டிசைன் கொண்டிருக்கிறது. இதுதவிர இந்த மாடலில் பல்வேறு புதிய அம்சங்கள் வழங்கப்பட்டுள்ளன.

நத்திங் இயர் (2) மாடலில் உள்ள 11.6mm கஸ்டம் டிரைவர், புதிய டூயல் சேம்பர் டிசைன் ஒட்டுமொத்த சவுண்ட் தரத்தை மேம்படுத்துகிறது. இந்த இயர்பட்ஸ் அதிகபட்சம் 40db நாய்ஸ் ரிடக்ஷன், ஸ்மார்ட் ஆக்டிவ் நாய்ஸ் கேன்சலேஷன், மேம்பட்ட விண்ட் ப்ரூஃH் மற்று்ம கிரவுட் ப்ரூஃப் க்ளியர் வாய்ஸ் தொழில்நுட்பம் வழங்கப்பட்டு இருக்கிறது.

அடுத்த வாரம் துவங்க இருக்கும் விற்பனைக்கு முன்பே நத்திங் இயர் (2) மாடலை வாங்க விரும்புவோர் நாளைய சிறப்பு விற்பனையை பயன்படுத்திக் கொள்ளலாம். புதிய நத்திங் இயர் (2) மாடலின் விலை இந்தியாவில் ரூ. 9 ஆயிரத்து 999 என நிர்ணயம் செய்யப்பட்டுள்ளது. இந்த இயர்பட்ஸ் வாங்குவோர் தேர்வு செய்யப்பட்ட வங்கி கார்டுகளை பயன்படுத்தும் போது அதிகபட்சம் 10 சதவீதம் தள்ளுபடி வழங்கப்படுகிறது.