வார ராசிபலன் 20.10.2024 முதல் 26.10.2024 வரை

20.10.2024 முதல் 26.10.2024 வரை

தன்னம்பிக்கை மற்றும் தைரியத்தை வளர்த்துக் கொள்ள வேண்டிய வாரம். வக்ரம் பெற்ற ராசி அதிபதி குருவிற்கு அஷ்டமாதிபதி சுக்ரன் பார்வை உள்ளதால் வேலை இல்லாதவர்களுக்கு புதிய வேலை வாய்ப்புகள் கிடைக்கும் .சிலர் பழைய தொழில் கூட்டாளிகளை விலக்கி விட்டு புதிய தொழில் கூட்டாளிகளை சேர்க்கலாம். ஒரு சிலர் விருப்ப ஓய்வு பெற்று சுய தொழில் தொடங்கலாமா என்று சிந்திக்கக் கூடிய நேரம். குடும்ப உறவினர்களின் ஒத்துழைப்பும் ஆதரவும் கிடைக்கும். என்றோ வாங்கிப் போட்ட சொத்தின் மதிப்பு பல மடங்காக உயரும்.

வாங்கிய கடனை திருப்ப கொடுப்பீர்கள். கொடுத்த கடனை வசூலிப்பீர்கள். பொன் பொருள் சேர்க்கை உண்டாகும். சிலர் புதிதாக கட்டிய வீடு வாங்குவீர்கள் அல்லது கட்டுவீர்கள். சிலர் தீபாவளிக்கு புதிய இரண்டு, நான்கு சக்ர வாகனம் வாங்கும் வாய்ப்பு உள்ளது.பலருக்கு வீடு மாற்றம், வேலை மாற்றம் உண்டாகும். திருமணமான இளம் பெண்கள் கருத்தரிப்பார்கள்.சிலர் குடும்பத்துடன் வெளிநாட்டிற்கு இடம் பெயரலாம்.பெண்கள் பிறந்த வீட்டிற்கும் புகுந்த வீட்டிற்கும் பெருமை சேர்ப்பீர்கள். தட்சிணாமூர்த்தியை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406