வார ராசிபலன் 6.10.2024 முதல் 12.10.2024 வரை

6.10.2024 முதல் 12.10.2024 வரை

விபரீதராஜயோகமான வாரம். ஆட்சி பலம் பெற்ற அஷ்டமாதிபதி சுக்ரனுடன் 4,7-ம் அதிபதி புதன் சேர்க்கை. மனைவி வழிச் சொத்தில் நிலவிய எதிர்ப்புகள் அகன்று முழுச் சொத்தும் கிடைக்கும்.உபரி வருமானம் கிடைக்கும். பொருளாதார முன்னேற்றம் உண்டாகும். சாமர்த்தியமாகப் பேசி முக்கிய காரியங்களை சாதிப்பீர்கள். கணவனால் மனைவிக்கும் மனைவியால் கணவனுக்கும் நன் மதிப்பு,பெருமை உண்டாகும். சொத்துக்களுக்கு நல்ல வாடகைதாரர்கள் கிடைப்பார்கள். சொத்துக்க ளின் மதிப்பு உயரும். தொழிலில் கூட்டாளிகளிடம் கவனமாக செயல்படவும். காது, மூக்கு, தொண்டை தொடர்பான உடல் உபாதைகள் சிரமம் தரும்.

முக்கிய ஆவணங்களை கவனமாக கையாளவும்.தொழில், உத்தியோக நிமித்தமாக பிரிந்த தம்பதிகள் மீண்டும் சேர்ந்து வாழ்வார்கள்.ஆண் வாரிசுகளுக்கு விரும்பிய அரசு வேலை கிடைக்கும். 6.10.2024 அன்று மாலை 5.33 மணி வரை சந்திராஷ்டமம் இருப்பதால் சிலர் நண்பர்கள் போல் நடித்து காலை வாரி விடுவார்கள். பாக்கிய ஸ்தானத்திற்கு குருப் பார்வை கிடைப்பதால் தலைக்கு வந்தது தலைப் பாகையோடு சென்று விடும். சாமுண்டியை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406