8.7.2024 முதல் 14.7.2024 வரை
நல்ல வாய்ப்புகள் தேடி வரும் வாரம். ராசி அதிபதி குருவும் 2,9-ம் அதிபதி செவ்வாயும் 3-ம் இடமான உப ஜெய ஸ்தானத்தில் சேர்க்கை பெறுகிறது. எதிர்பார்த்த சில உதவிகள் கிடைக்கும். ஊர் மாற்றம், நாடு மாற்றம் அல்லது வீடு மாற்றம் நடக்கும்.சமுதாய மரியாதை கிடைக்கும்.குலத் தொழிலில் இருப்பவர்களுக்கு தந்தையின் முழுமையான ஆதரவு கிடைக்கும். உடன் பிறந்தவர்களால் ஏற்பட்ட மன உளைச்சல் அகலும்.பல காலமாக சொற்ப சம்பளத்தில் வேலை பார்த்தவர்களுக்கு விசேஷமான சம்பள உயர்வு உண்டு. சிலர் உத்தியோகத்தில் இருந்து விடுபட்டு புதிய தொழில் துவங்கலாம்.
பூர்வீக சொத்து மீதான வழக்குகள் சமாதனமாக பேசி முடிக்கப்படும். பெண்களின் நம்பிக்கைகள் எதிர்பார்ப்புகள், ஆசைகள் நிறைவேறும்.சிலருக்கு எதிர்பாராத பண வரவுக்கு வாய்ப்பு உண்டு. கரைந்த சேமிப்புகளை ஈடுகட்ட சந்தர்ப்பம் கிடைக்கும். 14.7.2024 அன்று காலை 8.43 மணிக்கு சந்திராஷ்டமம் ஆரம்பிப்பதால் முக்கிய காரியங்கள் இழுபறியாகும். பிறர் விசயங்களில் தலையிடுவதை தவிர்க்கவும். அரசின் சட்ட திட்டங்களை மதித்து நடக்கவும். மகா விஷ்ணுவை வழிபடவும்.
`பிரசன்ன ஜோதிடர்'
ஐ.ஆனந்தி
செல்: 98652 20406