வார ராசிப்பலன் 8.9.2024 முதல் 14.9.2024 வரை

புத ஆதித்ய யோகம். ராசிக்கு 9-ம்மிடமான பாக்கிய ஸ்தானத்தில் ஆட்சி பலம் பெற்ற சூரியனுடன் புதன் சேர்க்கை. மனக்கவலைகள் நீங்கி புத்துணர்ச்சி உண்டாகும். இல்லத்தில் தடைபட்ட சுப நிகழ்வுகள் இனிதே நடைபெறும். தொழில் தொடர்பான அனைத்து முயற்சிகளும் முத்தாய்ப்பான பலன் தரும். குலத்தொழில் செய்பவர்களின் தொழில் வளர்ச்சி பிரமாண்டமாக இருக்கும்.

கடன் பெறுவது, கடன் கொடுப்பது, ஜாமீன் போடுவது போன்றவற்றை தவிர்க்க வேண்டும். வேலை மாற்றம் செய்வதை தவிர்க்கவும். பணிபுரியும் இடத்தில் கவனச் சிதறலை தவிர்த்து பக்குவமாக நடந்து கொள்ளவும். பிள்ளைகளால் ஏற்பட்ட மனக்கவலை அகலும். புத்திர பிராப்த்தம் உருவாகும். பிள்ளைகளுக்கு கல்வி ஆர்வம் கூடும்.

சத்ருக்கள் தொல்லை அகலும். வாகன வசதிகள் மேம்படும். புதிய பொருட்சேர்க்கை மகிழ்ச்சி தரும். உறவினர்களின் மூலம் ஆதரவான சூழல் ஏற்படும். ராகு கேது மற்றும் குருவின் சஞ்சாரம் சற்று சாதகமற்று இருப்பதால் சிலருக்கு கோட்சார ரீதியாக திருமணத் தடை ஏற்படலாம். மேலும் பல பாக்கியங்களை அடைய சிவபெருமானை வழிபடவும்.

`பிரசன்ன ஜோதிடர்' ஐ.ஆனந்தி

செல்: 98652 20406