வார ராசிபலன் (25.8.2024 முதல் 31.8.2024 வரை)

25.8.2024 முதல் 31.8.2024 வரை

பூர்வ புண்ணியம் பலன் தரும் வாரம். பூர்வ புண்ணிய ஸ்தான அதிபதி செவ்வாய் ராசிக்கு 7-ல் நின்று ராசியை பார்க்கிறார். முன்னோர்கள் செய்த புண்ணியங்கள் பலன் தரும் நேரம். பூர்வீகம் தொடர்பான விஷயங்களில் எதிர்பார்த்த முடிவுகள் கிடைக்கும்.குல தெய்வ பணிகளில் ஈடுபாடுகள் உண்டாகும். குழந்தை பிறப்பில் நிலவிய தடை, தாமதங்கள் அகலும். பிள்ளைகளால் ஏற்பட்ட மனச் சங்கடம் குறையும். அதிர்ஷ்டத்தை தேடி நீங்கள் செல்ல வேண்டியதில்லை.அதிர்ஷ்டம் உங்களைத் தேடி வரும்.ஸ்திர சொத்துக்கள் சேரும். கமிஷன் அடிப்படையான தொழில் செய்பவர்களுக்கும் இரட்டிப்பு லாபம் கிடைக்கும்.

பங்குச் சந்தை ஆதாயம் மனதை மகிழ்விக்கும். குடும்ப உறுப்பினர்களின் தேவைகளை அறிந்து நிறைவேற்றி வைப்பீர்கள்.வாக்கு சாதுரியம் மூலம் சில முக்கிய பணிகளை செய்து முடிப்பீர்கள். வராக்கடன்கள் வசூலாகும். 30.8.2024 காலை 11.33 முதல் 1.9.2024 இரவு 9.48 மணி வரை சந்திராஷ்டமம் உள்ளது. உறவுகளின் நியாயமற்ற நடவடிக்கைகள் உங்கள் மனதில் குழப்பத்தைத் தரும். எதிலும் சிந்தித்து முடிவெடுப்பது நல்லது. கடலை மிட்டாய் படைத்து கிருஷ்ணரை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406