வார ராசிபலன் (12.8.2024 முதல் 18.8.2024 வரை)
12.8.2024 முதல் 18.8.2024 வரை
பாக்கிய பலன்கள் அதிகரிக்கும் வாரம். வார இறுதியில் பாக்கியாதிபதி சூரியன் ஆட்சி பெற்று சுக்ரன் மற்றும் புதனுடன் இணைகிறார்கள். தொழிலால், தொழில் கூட்டாளிகளால் நன்மை உண்டாகும். சிலர் அதிக முதலீடு கொண்ட புதிய தொழில் முயற்சியில் ஈடுபடலாம். நல்ல தொழில் தொடர்புகளால் ஊக்கமும், சந்தோஷமும் உண்டாகும். உத்தியோகத்தில் திறமைக்குரிய அங்கீகாரம் கிடைக்கும். சிலர் அரசு வேலைக்கு முயற்சி செய்வார்கள். குரு மங்கள யோகத்தால் வீட்டில் சுப நிகழ்வுகள் நடைபெறும்.
சிலருக்கு கவுரவப் பதவி கிடைக்கும். வேலை, வியாபாரம், தொழில் அபிவிருத்தி போன்ற ஏதாவது காரணத்திற்காக அலைச்சலான பயணமும் செலவுகளும் செய்ய நேரும். விளையாட்டு, காவல் துறையினரின் திறமை பாராட்டப்படும். அண்டை, அயலாருடன் இருந்த தகராறுகள் சுமுகமாகும். புதிய சொத்துக்கள் சேரும். பார்த்துச் சென்ற வரனிடம் இருந்து சாதகமான பதில் வரும். பித்ருக்களின் நல்லாசி கிடைக்கும். ஆன்ம பலம் பெருகும். ஆரோக்கிய குறைபாடுகள் சீராகும். வரலட்சுமி நோன்பு அன்று சுமங்கலிகளுக்கு மங்களப் பொருட்கள் வழங்கவும்.
`பிரசன்ன ஜோதிடர்'
ஐ.ஆனந்தி
செல்: 98652 20406