ரூ. 1.85 லட்சம் விலையில் சக்திவாய்ந்த பல்சர் பைக் அறிமுகம் - என்னென்ன ஸ்பெஷல் தெரியுமா?
- இதுவரை அறிமுகம் செய்ததில் சக்திவாய்ந்த பல்சர் மோட்டார்சைக்கிள்.
- டெயில் லைட் NS200 மாடலில் உள்ளதை போன்றே வழங்கப்படுகிறது.
பஜாஜ் ஆட்டோ நிறுவனத்தின் அதிகம் எதிர்பார்க்கப்பட்ட பல்சர் NS400Z மோட்டார்சைக்கிள் இந்திய சந்தையில் அறிமுகம் செய்யப்பட்டது. புதிய பல்சர் NS400Z விலை ரூ. 1 லட்சத்து 85 ஆயிரம், எக்ஸ் ஷோரூம் என நிர்ணயம் செய்யப்பட்டு உள்ளது. இந்த பைக் பஜாஜ் நிறுவனம் இதுவரை அறிமுகம் செய்ததிலேயே சக்திவாய்ந்த பல்சர் மோட்டார்சைக்கிள் ஆகும்.
தோற்றத்தில் பல்சர் NS400Z மோட்டார்சைக்கிள் NS200 மாடலை தழுவி உருவாக்கப்பட்டு இருக்கிறது. இந்த பைக்கின் ஹெட்லைட் அளவில் பெரியதாகவும், எல்.இ.டி. ப்ரோஜெக்டர் லைட் மற்றும் டி.ஆர்.எல்.கள் வழங்கப்பட்டுள்ளன. இதன் டெயில் லைட் NS200 மாடலில் உள்ளதை போன்றே வழங்கப்படுகிறது.
அம்சங்களை பொருத்தவரை பல்சர் NS400Z மாடலில் எல்.இ.டி. லைட்கள், ஸ்விட்ச் செய்யக்கூடிய டிராக்ஷன் கண்ட்ரோல், நான்கு ரைட் மோட்கள் வழங்கப்படுகின்றன. இத்துடன் டிஜிட்டல் இன்ஸ்ட்ரூமென்ட் கிளஸ்டர், எல்.சி.டி. யூனிட் மற்றும் ப்ளூடூத் கனெக்டிவிட்டி வழங்கப்பட்டு இருக்கிறது.
புதிய பல்சர் NS400Z மாடலில் டாமினர் 400 மாடலில் உள்ளதை போன்றே 373சிசி, லிக்விட் கூல்டு, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 39.4 ஹெச்.பி. பவர், 35 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ், ஸ்லிப் மற்றும் அசிஸ்ட் கிளட்ச் வழங்கப்பட்டுள்ளது.