உலகின் சக்திவாய்ந்த ஒற்றை சிலிண்டர் என்ஜின் பைக்கை இந்தியாவில் அறிமுகம் செய்தது டுகாட்டி

உலகின் சக்திவாய்ந்த மோட்டார்சைக்கிலான டுகாட்டி 698 மோனோ பைக்கை டுகாட்டி நிறுவனம் இந்தியாவில் அறிமுகம் செய்துள்ளது.

இந்த பைக் ரூ.16.5 லட்சத்திற்கு விற்பனையாகிறது. இந்த பைக்கிற்கான முன்பதிவு ஏற்கனவே தெடங்கிய நிலையில், இம்மாத இறுதியில் டெலிவரி செய்யப்படும் என தெரிவிக்கப்பட்டுள்ளது.

இந்த பைக் தொடக்கத்தில் கிளாசிக் சிவப்பு நிறத்தில் கிடைக்கும். டுகாட்டி 698 மோனோ பைக் மாடலில் 659சிசி, லிக்யூட் கூல்ட் சூப்பர் குவாட்ரோ மோனோ என்ஜின் வழங்கப்பட்டு இருக்கிறது.

இந்த என்ஜின் 77.5 ஹெச்பி பவர், 63 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

தேவைப்பட்டால் இந்த என்ஜினை 84.5 ஹெச்பி பவர், 67 நியூட்டன் மீட்டர் டார்க் இழுவிசை வரை அதிகரித்து கொள்ளலாம்.

இந்த பைக் தான் உலகின் சக்திவாய்ந்த ஒற்றை சிலிண்டர் என்ஜின் ஆகும். இந்த பைக்கின் முன்பக்கத்தில் 330 மிமீ டிஸ்க் பிரேக்கும் பின்பக்கத்தில் 245 மிமீ டிஸ்க் பிரேக்கும் பொருத்தப்பட்டுள்ளது.