சொனெட், செல்டோஸ் புது வேரியண்ட் அறிமுகம் செய்த கியா - என்ன ஸ்பெஷல்?

கியா இந்தியா நிறுவனம் தனது செல்டோஸ் மற்றும் சொனெட் மாடல்களின் புது வேரியண்டை அறிமுகம் செய்தது. புது மிட்-ரேஞ்ச் வேரியண்ட் GTX செல்டோஸ் மற்றும் சொனெட் மாடல்களில் கிடைக்கிறது. இந்த வேரியண்ட் புதிய நிறத்தில் கிடைக்கிறது.

செல்டோஸ் GTX மாடல் HTX+ GTX+ (S) வேரியண்ட்களின் மத்தியில் நிலைநிறுத்தப்பட்டு இருக்கிறது. சொனெட் GTX வேரியண்ட் HTX மற்றும் GTX+ வேரியண்ட்களின் மத்தியில் நிலைநிறுத்தப்பட்டு இருக்கிறது. இரண்டு வேரியண்ட்களும் ஆட்டோமேடிக் கியர்பாக்ஸ் ஆப்ஷனில் மட்டுமே கிடைக்கிறது.

புதிய சொனெட் காரில் 1.0 லிட்டர் டர்போ பெட்ரோல் அல்லது 1.5 லிட்டர் டீசல் பவர்டிரெயின் ஆப்ஷன்கள் வழங்கப்படுகிறது. புதிய செல்டோஸ் GTX மாடலில் 1.5 லிட்டர் டர்போ பெட்ரோல் மற்றும் 1.5 லிட்டர் டீசல் பவர்டிரெயின் ஆப்ஷன்களில் கிடைக்கிறது. கியா செல்டோஸ் மற்றும் சொனெட் X லைன் வேரியண்டில் அரோரா பிளாக் பியல் நிறம் புதிதாக சேர்க்கப்பட்டு இருக்கிறது. 

விலை விவரங்கள்:

கியா சொனெட் 1.0 லிட்டர் டர்போ பெட்ரோல் DCT ரூ. 13 லட்சத்து 71 ஆயிரம்

கியா சொனெட் 1.5 லிட்டர் டீசல் AT ரூ. 14 லட்சத்து 56 ஆயிரம்

கியா செல்டோஸ் 1.5 லிட்டர் டர்போ பெட்ரோல் DCT ரூ. 19 லட்சம்

கியா செல்டோஸ் டீசல் AT ரூ. 19 லட்சம்

அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.