புஷ்பா பட பகத் பாசில் கெட்டப்பில் பாகிஸ்தான் கேப்டன் பாபர் அசாம்- வைரலாகும் வீடியோ

பாகிஸ்தான் அணி 2 டெஸ்ட் போட்டிகளில் விளையாடுவதற்காக இலங்கை செல்ல உள்ளது. இரு அணிகளுக்கும் இடையேயான முதல் டெஸ்ட் போட்டி ஜூலை 16-ந் தேதியும், 2-வது டெஸ்ட் போட்டி 24-ந் தேதியும் தொடங்குகிறது.

இந்த போட்டிக்கு முன்னதாக பாகிஸ்தான் அணி 2-நாள் கொண்ட பயிற்சி ஆட்டத்தில் வருகிற 11-ந் தேதி விளையாடுகிறது.

இந்நிலையில் இலங்கை சுற்றுப்பயணத்துக்கு முன்னதாக பாகிஸ்தான் அணியின் கேப்டன் பாபர் அசாமின் புதிய தோற்றம் கொண்ட வெளியானது. அதில் அவர் மொட்டையடித்தப்படி காரில் பயணம் செய்வது போல் இருந்தது. இந்த வீடியோ தற்போது சமூக வலைதளங்களில் வைரலாகி வருகிறது.

இலங்கை அணிக்கு எதிரான பாகிஸ்தான் அணி வீரர்கள் விவரம்:-

பாபர் அசாம், மொஹமட் ரிஸ்வான், அமீர் ஜமால், அப்துல்லா ஷபீக், அப்ரார் அகமது, ஹசன் அலி, இமாம் உல் ஹக், முகமது ஹுரைரா, முகமது நவாஸ், நசீம் ஷா, நோமன் அலி , சல்மான் அலி ஆகா, சர்பராஸ் அகமது, சவுத் ஷகீல், ஷாஹீன் அப்ரிடி, ஷான் மசூத்