செய்திகள்
சேலத்தில் நாளை மறுநாள் குடிநீர் விநியோகம் நிறுத்தம்
சேலத்தில் 10-ந்தேதி ஒரு நாள் மட்டும் மாநகராட்சி பகுதிகளில் குடிநீர் விநியோகம் இருக்காது.
சேலம்:
சேலம் மாநகராட்சி கமிஷனர் சதீஷ் வெளியிட்டுள்ள செய்தி குறிப்பில் கூறியிருப்பதாவது:-
சேலம் மாநகராட்சிக்கு தனிக்குடிநீர் திட்டத்தின் கீழ் மேட்டூரில் இருந்து குடிநீர் வழங்கப்பட்டு வருகிறது. இந்த நிலையில் மேட்டூர் தொட்டில்பட்டியில் நாளை மறுநாள் (10-ந்தேதி) தமிழ்நாடு மின்சார வாரியத்தால் பராமரிப்பு பணிகள் மேற்கொள்ளப்பட இருப்பதால் 10-ந்தேதி ஒரு நாள் மட்டும் மாநகராட்சி பகுதிகளில் குடிநீர் விநியோகம் இருக்காது. எனவே பொதுமக்கள் குடிநீரை சிக்கனமாக பயன்படுத்துமாறு கேட்டுக்கொள்ளப்படுகிறது.
இவ்வாறு அவர் அதில் கூறியுள்ளார்.