உள்ளூர் செய்திகள்
பிளஸ்-2 பொதுத்தேர்வில் ஸ்டான்லி பள்ளி மாணவர்கள் சாதனை
- பிளஸ்-2 பொதுத்தேர்வில் 100 சதவீதம் தேர்ச்சி பெற்று சாதனை படைத்துள்ளனர்.
- 17 மாணவர்கள் 500 மதிப்பெண்களுக்கு மேல் பெற்று சாதனை படைத்துள்ளனர்.
பாப்பிரெட்டிப்பட்டி,
தருமபுரி மாவட்டம், பாப்பிரெட்டிப் பட்டி ஸ்டான்லி மெட்ரிக் மேல்நிலை பள்ளி மாணவர்கள், பிளஸ்-2 பொதுத்தேர்வில் 100 சதவீதம் தேர்ச்சி பெற்று சாதனை படைத்துள்ளனர்.
2022-2023-ம் ஆண்டில் நடைபெற்ற பொதுதேர்வில் ரேவதி என்னும் மாணவி 4 பாடங்களில் 100 மதிப்பெண்களுடன் 591 மதிப்பெண்கள் பெற்று சிறப்பிடம் பெற்றுள்ளார். தேஜா சீனிவாஸ் 2 பாடங்களில் 100 மதிப்பெண்களுடன் 574 மதிப்பெண்கள் பெற்று இரண்டாமிடமும், விஷ்ணு 556 மதிப்பெண்களுடன் மூன்றாமிடமும் பெற்று சாதனை படைத்துள்ளனர்.
மேலும் 17 மாணவர்கள் 500 மதிப்பெண்களுக்கு மேல் பெற்று சாதனை படைத்துள்ளனர். சாதனை பெற உறுதுணையாக இருந்த ஆசிரியர்களுக்கும் பெற்றோர்களுக்கும் ஸ்டான்லி கல்வி நிறுவங்களின் சேர்மேன் முருகேசன் மற்றும் செயலாளர் பிரு ஆனந்த் பிரகாஷ் ஆகிேயார் வாழ்த்துக்களை தெரிவித்தனர்.