கோவில்பட்டியில் அய்யப்பா சேவா சங்கம் சார்பில் அன்னதான நிகழ்ச்சி- கடம்பூர் ராஜூ எம்.எல்.ஏ. தொடங்கி வைத்தார்

கோவில்பட்டி:

கோவில்பட்டியில் ஸ்ரீ ஹரிஹர புத்ர அய்யப்பா சேவா சங்கம் சார்பில் 17-ம் ஆண்டு கூட்டு கன்னி பூஜை, மண்டல பூஜை, மகா அன்னதான விழா செண்பகவல்லி அம்மன் உடனுறை பூவன நாதசுவாமி கோவில் வளாகத்தில் உள்ள திருமண மண்டபத்தில் நடைபெற்றது.

விழாவில் கடம்பூர் ராஜூ எம்.எல்.ஏ. சிறப்பு விருந்தினராக கலந்து கொண்டு சுவாமி தரிசனம் செய்து நிகழ்ச்சியை தொடங்கி வைத்தார்.

நிகழ்ச்சியில் மாநில பொதுக்குழு உறுப்பினர் ராமச்சந்திரன், மாவட்ட கவுன்சிலர் சத்யா, நகர செயலாளர் விஜயபாண்டியன், ஒன்றிய செயலாளர் அன்புராஜ், மாவட்ட மாணவரணி துணைத் தலைவர் செல்வக்குமார், மகளிர் அணி இணைச் செயலாளர் சுதா என்ற சுப்புலெட்சுமி, செயற்குழு உறுப்பினர் ஹேமலா, ஆவின் தலைவர் தாமோதரன், நகர்மன்ற உறுப்பினர்கள் கவியரசன், செண்பகமூர்த்தி, வள்ளியம்மாள் மாரியப்பன், ஊராட்சி ஒன்றியக் குழு துணைத் தலைவர் பழனிசாமி, முன்னாள் ஒன்றிய செயலாளர் போடுசாமி, கோபி, குமார், மற்றும் அ.தி.மு.க.வினர் திரளானோர் கலந்து கொண்டனர்.