பாராளுமன்ற தேர்தல் குறித்து நிர்வாகிகளுடன் ஆலோசனை : பா.ஜனதா தலைவர் அண்ணாமலை நாளை தூத்துக்குடி வருகை

தூத்துக்குடி:

தமிழக பா.ஜ.க. தலைவர் அண்ணாமலை நாளை தூத்துக்குடிக்கு வருகை தருகிறார். அடுத்த ஆண்டு பாராளுமன்ற தேர்தல் வர உள்ள நிலையில் கட்சி நிர்வாகிகளை சந்தித்து ஆலோசனை நடத்துவதற்காக செயல்வீரர்கள் கூட்டத்தில் கலந்து கொள்கிறார்.

வரவேற்பு

இதற்காக நாளை (24-ந்தேதி) காலை 7 மணிக்கு சென்னையில் இருந்து விமான மூலம் தூத்துக்குடி வருகிறார். அவருக்கு தூத்துக்குடி மாவட்ட பா.ஜ.க. தலைவர் சித்ராங்கதன் தலைமையில், கட்சியின் அனைத்து நிர்வாகிகளும் உற்சாக வரவேற்பு அளிக்கின்றனர்.

இதனைத் தொடர்ந்து நெல்லை சாலையில் மறவன்மடம், கோரம்பள்ளம் இடையே உள்ள தனியார் ஓட்டலில் தங்குகிறார். பின்னர் தூத்துக்குடியில் உள்ள அனைத்து தலைவர்கள் சிலைகளுக்கும் கட்சியின் முக்கிய நிர்வாகிகள் தலைமையில் அண்ணாமலை மாலை அணிவித்து மரியாதை செலுத்துகிறார். காலை 9 மணிக்கு 3-ம் மைலில் உள்ள தேவர் சிலைக்கு மாவட்ட பொதுச் செயலாளர் ராஜா, துணைத் தலைவர் தங்கம், வர்த்தக அணி மாவட்ட தலைவர் பரமசிவம், கல்வியாளர் பிரிவு மாவட்ட தலைவர் சின்னத்தங்கம் ஆகியோர் தலைமையில் மாலை அணிவிக்கிறார்.

மாலை அணிவிப்பு

தென்பாகம் காவல் நிலையம் எதிரே உள்ள டாக்டர் அம்பேத்கர் சிலைக்கு மாவட்ட பொதுச் செயலாளர் உமரி எஸ்.சத்தியசீலன் தலைமையில் மாலை அணிவிக்கிறார்.அதனைத் தொடர்ந்து குருஸ் பர்னாந்து சிலைக்கு மாவட்ட துணைத் தலைவர் வாரியார், மாநில ஓ.பி.சி. அணி செயலாளர் விவேகம் ரமேஷ் தலைமையில் மாலை அணிவிக்கிறார். வ.உ.சி.சிலைக்கு மாவட்ட பா.ஜ.க. பொருளாளர் சண்முக சுந்தரம் மற்றும் முன்னணி நிர்வாகிகள் தலைமையில் மாலை அணிவிக்கிறார்.

செயல்வீரர் கூட்டம்

பின்னர் காமராஜர் சிலைக்கு மாவட்ட பொதுச் செயலாளர் சிவமுருக ஆதித்தன், துணைத் தலைவர் சுவைதர் ஆகியோர் தலைமையில் மாலை அணிவித்து மரியாதை செலுத்துகிறார். பின்னர் பகல் 12 மணிக்கு தூத்துக்குடி அபிராமி மஹாலில் நடைபெறும் மாவட்ட பா.ஜ.க. செயல்வீரர்கள் கூட்டத்தில் கலந்து கொண்டு வரவுள்ள பாராளுமன்றத் தேர்தலில் கட்சி நிர்வாகிகளின் செயல்பாடு எப்படி இருக்க வேண்டும் என்று ஆலோசனை வழங்கி பேசுகிறார்.

கூட்டத்தில் சக்தி கேந்திர பொறுப்பாளர்கள்,பூத் கமிட்டி நிர்வாகிகள், கிளை கமிட்டி நிர்வாகிகள் பொறுப்பாளர்கள் மற்றும் முக்கிய முன்னணி நிர்வாகி கள் உட்பட கட்சியின் அனைத்து பொறுப்பா ளர்களையும் சந்தித்து பேசுகிறார். தமிழ்நாடு பா.ஜ.க. தலைவராக அண்ணாமலை பொறுப்பேற்றபின் முதல் முறையாக தூத்துக்குடியில் செயல் வீரர்கள் கூட்டத்தில் கலந்து கொண்டு பாராளுமன்றத் தேர்தல் வர உள்ள நிலையில் முக்கிய நிர்வாகிகளை சந்தித்து ஆலோசனை வழங்கி பேச இருப்பதால் கட்சியினர் உற்சாகத்தில் உள்ளனர்.

தென்காசி

பின்னர் தென்காசி மாவட்டம் செல்கிறார். அங்கு அவருக்கு நிர்வாகிகள் உற்சாக வரவேற்பு அளிக்கின்றனர்.

தொடர்ந்து மாலை 6 மணிக்கு தென்காசியில் நடைபெறும் பொதுக்கூ ட்டத்தில் அண்ணாமலை கலந்து கொண்டு பேசுகிறார்.