உள்ளூர் செய்திகள் (District)
தீரன் சின்னமலை சிலைக்கு அ.தி.மு.க. சார்பில் மரியாதை- தலைமைக்கழகம் அறிவிப்பு
- திரு.வி.க. தொழிற்பேட்டை வளாகத்தில் தீரன் சின்னமலை சிலை அமைந்துள்ளது.
- சட்டமன்ற எதிர்க்கட்சி தலைவருமான எடப்பாடி பழனிசாமி மாலை அணிவித்து, மலர் தூவி மரியாதை செலுத்த உள்ளார்.
சென்னை:
அ.தி.மு.க. தலைமை கழகம் வெளியிட்டுள்ள அறிவிப்பில் கூறியிருப்பதாவது:-
சுதந்திரப் போராட்ட வீரர் தீரன் சின்னமலையின் 268-வது பிறந்தநாளான 17-ந்தேதி (திங்கட்கிழமை) காலை 9 மணிஅளவில் சென்னை, கிண்டி, திரு.வி.க. தொழிற்பேட்டை வளாகத்தில் அமைந்துள்ள தீரன் சின்னமலை அவர்களுடைய திருஉருவ சிலைக்கு, அ.தி.மு.க. பொதுச் செயலாளரும், சட்டமன்ற எதிர்க்கட்சித் தலைவருமான எடப்பாடி பழனிசாமி மாலை அணிவித்து, மலர் தூவி மரியாதை செலுத்த உள்ளார்.
இவ்வாறு அதில் கூறப்பட்டுள்ளது.